泰樂廚 (已結業)

今次食泰國海南雞, 我叫了海南雞河($30).河粉不算滑, 湯底幾清甜, 浮着一些雞油及脂肪, 雞肉不太鞋, 但肉香不足, 配料有芽菜, 通菜和冬菜.試了友人一啖海南雞飯, 味淡色也淡, 雞油不足也.

豬脾煮得夠淋同入味，唔係太肥膩，令到我呢啲平時唔食豬脾既人都食晒成大碟。而呢度既海南雞同樣出色，好滑，值得一試。

香港茶餐廳有好多種，以潮州魚旦、燒味、澳門風味、大排檔風味做主打都有，以泰菜做主打比較少見。見到openrice d人大讚海南雞飯，當然要試下喇。佢既泰式海南雞飯唔同一般係香港食到個種，佢d雞仲滑d，仲附有一隻幾好味既泰式醬，正! 再食一個泰式豬脾河，個湯底好似平時食既泰式粉，d豬脾好腍好滑，一d都唔覺油膩，幾特別! 雖然價錢貴左少少，但係係茶餐廳可以食到咁特別既野，真係香港少見!

我絶冇針對意思,我只是一個普通顧客,冇必要針對間餐廳,當日我個朋友食左幾啖,佢所謂走左花生既金邊粉,佢第二日就睇左醫生,因為食物敏感,佢話佢會保留追究既權利,講真一間餐廳可以不顧客人既身體,我覺得太冇道德,希望該餐廳可以改善下,炒過第二碟唔會好難,不過當個客人食物敏感,我相信該餐廳會負上責任,而且當日整走d花生既係個女人,佢冇著制服,個問題不是出於廚房d師傅,我冇批評過d食物品質,而係個個女人既行為...我相信都有睇過D新聞,係個人對花生有敏感,而食左花生食物中毒死亡,我希望該餐廳會正視呢個問題

今天約朋友在此餐廳見面,叫了兩碟海南雞飯,由於朋友未到,有個女服務員好主動,幫我收回我朋友碟飯等我朋友到才送來.上此綱見有投訴,以本人今天在此店約一個小時來看,此店所有服務員之服務非常好禮貌.是否過份針對些.此店海南雞飯雞滑,飯香,服務好,朋友沒介紹錯

本身自己同個朋友都鐘意食泰國野,經開呢邊,見到呢間野咪入去試下,入到去得一枱客,不過睇食評都多人話好食,我自己叫左個海南雞飯,我朋友就叫左碟泰式炒金邊粉,因為我朋友對花生有過敏,叫左佢一定要走花生,點知黎到碟野係有花生,叫佢換過碟,佢竟然入去整走d花生就算,仲可以見到有花生,我覺得就算再叫佢換第二碟,我認為佢都係會比返呢碟我地,為免我朋友敏感,所以同我朋友交換左黎食,食物既味道冇咩特別,下次一定唔會再黎

今次係同另一半去食，上次就係因為食過好好味，今次再黎。叫左好好味既豬脾飯，D肉唔會點痴牙，10分比9分啦...肉同皮都分配得好好又夠味...10分啦，\"林\"度岩岩好唔太硬，10分...不過...美中不足...汁就咸左DD...豬頸肉凍檬...豬頸肉爽得黎唔油，VERY GOOD 10分落地~~~檬粉夠凍...咁先係凍檬KA MA...不過份量少左D..男仔可能唔夠飽後加一個酸凍鳳爪，份量唔大...夠酸夠辣~~正...兩個人夠哂~~再加一杯龍眼冰同凍檸茶，不過不失啦埋單都係$106個大洋..我覺得都幾抵

酷熱天氣的今天，無減我對食的追求．務要做到平靚正的要求．看罷這個網頁的食評，決定一試這間平凡的茶餐廳．沒有看過餐牌，便叫了一個海南雞飯同豬脾飯餐，如　Gourmet　所言，這兩個碟頭飯，完全符合心水．海南雞飯～　油飯幾乾身，食多也不會覺得太膩．～　主菜雞肉，夠滑，有水準豬脾飯～　塊豬脾肉琳到好似ｍ＆ｍ咁，入口即溶～　豬皮，我食了少許，由於我怕肥，吾敢食太多，但絕對稱得上好食．本人和友人都特別喜歡豬脾飯，可能係平時冇話特登叫，冇咁常食吧．

由於每星期六都要返童軍, 一定要入泰樂廚吃飯, 佢的海南雞飯好好吃, 雞滑, 飯香, 平時不會吃哂一碟飯, 但在此餐廳就全部食哂，咖喱牛腩都超好味, 服務也很好. 是次每人消費約$40元

有天路經柯士甸道,見這間餐廳又主打是海南雞飯,就一識佢真與否,雞滑,有雞味,雞油飯超正,加上有兩種汁點雞吃,有種紅色超正

我認為泰樂廚的食物實在太好吃了！哇！尤其是那個咖喱炒蟹和辣椒炒蜆真是美味得很！

星期六,帶啊仔返童軍,見到泰樂厨這間餐廳,人頭涌涌,决定入內試吓.叫了一碟海南雞飯,啲雞好滑，起哂骨，啲飯又唔肥，超級美味，啲伙計都幾好禮貌,又好乾淨,值得一試.

路過柯士甸道，發琨一間泰國餐廳，見到櫥窗上掛滿密密麻麻的肥雞，真的好吸引，决定入內一試，點了一客海南雞飯，冬蔭功和酸辣雙拼。雞肉肥廋適中，黃油飯好有水準，但略嫌雞醬太辣，冬蔭功也在水準之內，哪個酸辣雙拼，值得一讚，外觀吸引，在酸辣之中，取得平衝，非常醒神！

本想去附近的另一間店吃海南雞飯，路經此地，見還有燒豬脾，泰菜館如會做海南雞及豬脾的話，很多時都會做得不錯，所以就臨時轉軑，二人來吃。這裡是茶餐廳格局，有兩部大電視在播新聞，都算是光猛四正。餐牌也沒有細看，就要了個海南雞飯及燒豬脾飯各一，後者轉油飯，再加一碟灼芥蘭。海南雞飯大大碟，飯底很乾，絕對不是雞油飯，而只是雞汁飯而已，如果再油一點就更對口味，不過此一味，本地也是難求。雞肉除了雞翼之外，是全拆骨的，不過個人而言也不介意吃帶骨的。雞肉都幾嫩滑，雞皮爽脆，有水準。點的是黑甜醬油及酸辣汁，都幾泰式；豬脾也不錯，廋的部份不韌，豬皮更是豐腴味美，加上一起用醬油煮過的甜酸菜，非常對胃口。單吃雞汁飯過乾，用燒豬脾去撈一撈就剛剛好。不知不覺就清了整碟飯，都很少會吃這麼多。連兩杯飲品及一碟菜，埋單81蚊，已吃得飽飽，非常的經濟抵食。可惜的是，看餐牌也似乎只是這兩味吃得過。