泰源大排檔

食飯吹水友聚地痞大排檔地點唔算好方便 因為火炭都唔算市中心火車站落車都要行大約十分鐘路程不過呢種大排檔風味都買少見少啦而家好多樓上舖都開大排檔小炒類呢間大排檔鑊氣足叫左6人餐 唔岩食可以傾轉其他小菜總之就有商量既! 夠哂親民貼地油浸龍脷柳其實即係煎魚魚皮好香脆 而且骨唔多 啖啖肉好好味!豉椒炒蜆 夠鑊氣 不過略嫌有少少咸可能海水味太重🤫😂椒鹽墨角咀 同 椒鹽鮮魷(另加)好好食! 無油益味, 炸漿唔會太厚香脆可口👍👍反而有個比較失望既餸係 沙田雞粥我覺得唔夠棉 有少少稀 可能米放得少而且感覺似粥還粥 雞還雞咁有啲失色普通....其他野仲有 鹽焗雞，啫啫通菜(另補錢),豉油皇炒麵，都不過不失 正常水準不過總括而言食地道風味,價錢又唔太貴我都希望大排檔可以繼續做落去👍👍👍

以前住火炭，周不時都會來大排檔吃晚飯，搬家後都有一年沒有來過了，要曾大排檔還在來多幾次，不久將來這個地方就會沒有了!今次我們來到泰源大排檔，不用怕太熱，因為這裡也有冷氣恆溫!餐牌上有多款不同的小炒，來到這裡當然要吃乳鴿!金牌燒乳鴿，基本上枱枱都會點，乳鴿外皮燒到脆卜卜，內裡肉質嫩滑juicy，味道剛剛好，非常惹味!椒鹽墨魚咀，墨魚咀的份量都很多，食落外層脆身，內裡爽口！椒鹽的份量剛剛好，加上不算好油，味道不錯！豉椒炒蜆，炒蜆大大碟，蜆肉都好多，豉椒汁的味道好濃，用黎送飯一流！京都骨，醬汁酸酸味味，肉較多，不會很多骨，另外還有菠蘿粒，非常開胃！蠔仔粥，細窩的話兩個人每人都可以食到3碗！蠔仔份量都算幾多，而且還有肉碎，清清地不錯！蒜蓉白菜仔，白菜仔炒得很有鑊氣，每次都會食，特別美味！

數數手指都好耐無去大排檔食飯，以前返工係火炭，成日放工都去泰源飲啤酒食小菜，轉左工之後都好少黎了，今日特登揸車黎食地道小菜。.🍴椒鹽白飯魚 $88呢度既椒鹽系統真係必點，係大排檔先食到既風味，炸粉唔厚，薄薄灑一層椒鹽粉，食到個鮮味又惹味。.🍴家鄉小炒皇$98韮菜花小炒皇好無敵，咩料都有啲，夠鑊氣又大碟，最鍾意佢個魚仔脆卜卜。.🍴涼瓜牛仔骨$108每次都點呢個菜式，出街食牛仔骨好抵食，平時自己買都好貴🍴醃得夠入味又香，加上涼瓜唔苦，獻汁好香豆豉味又唔會太咸。.🍴菠蘿生炒骨 $85生炒骨係大排檔先整到咁惹味，排骨要生炸唔過火，一炸完要回油再等陣，先加埋個醬汁一齊爆炒，加埋三色椒同菠蘿，酸度適中。.啤酒汽水🥤全部合理價位，抵食又大份，呢啲大排檔真係要多啲幫襯，因為唔知幾時，可能香港無晒大排檔了…

住在火炭區，大排檔成日食，但在大排檔中選擇一定係泰源！平時生意興隆的泰源長期水準保持，今次我地一家三口叫了一客二人餐+中式牛柳沙田雞粥遠近馳名，一大窩上，粥底又綿又滑，配上新鮮嫰滑雞，每人大吃三碗🤩我鍾意加啲花生食，又香又滑😋😋豉椒炒蜆滿滿一大碟，蜆肉新鮮有蜆味，無沙，撈粥送啤酒🍻又係一流😁😁西蘭花🥦炒鮮魷超有鑊氣小炒，西蘭花索埋啲鮮魷汁，再加小小蝦醬，令人食指大動🥰金牌燒乳鴿乳鴿香口多肉，皮脆肉嫰，食到女兒舔舔脷，食完一件又一件最後係中式牛柳鑊氣中式牛柳個靈魂醬汁超送飯，配上大大件已煎香脆口牛柳，酸甜醬汁同牛柳洋蔥比例剛剛好，絕對比酒樓還要出色👍大排檔排前一定要成日來，上次老細仲送左碟椒鹽豆腐比我地食😍😍總之大家唔好認錯，要食大排檔必到泰源👍

火炭大排檔有40年歷史，但由於政府準備係火炭建造綜合大樓，火炭區嘅大排檔將於2024年前清拆，在清拆之前，一定要食多幾次呢間大排檔之前有叫過外賣食，炒麵好有鍋氣，試過魚香茄子飯好正，真正有鹹香味，明顯見到鹹魚粒，非常有誠意今日見涼涼地，決定落嚟試下個雞煲，星期六晚嚟到見到全店幾乎坐滿，唔少人都專登揸車嚟食，現場多為男性顧客，唔通大排檔係男人的浪漫？咁一定要叫豆腐火腩飯😂我今次就叫左雞煲、豉椒炒蟶子同埋臘味炒飯，雞煲叫左少辣但完全唔辣，我諗鍾意食辣的朋友要叫大辣，雞煲好香，有洋蔥芫荽等配料，雞好滑，配料好夾，最重要係完咗冇味精味豉椒炒蟶子大大隻，幫你起晒啲肉，成隻放落口好有滿足感，原來諗住唔食飯，但個臘味炒飯好香，唔覺唔覺又食咗一大碗

鍾意食大排檔係因為佢多選擇，今天去食大排檔個人就更加暖粒粒，之間大排檔我已經食咗好多年，同大家分享一下。乳鴿佢嘅乳鴿雖然細細隻，但要非常之滑，而且皮脆豉椒炒蜆配上辣椒嘅炒蜆除咗有鮮味之外仲好惹味椒鹽豆腐好好食！鍾意食脆卜卜野嘅朋友仔一定要食佢

離遠都聽到炒野既聲~ 超有鍋氣呀!!!🤓我地叫Dinner Set waiter話唔岩食 仲可以自己轉菜式價錢差唔多就OK~🥳 太好啦餐廳就冇咩裝修 食呢啲地邊風味🤣店員仲會將洗完杯既水 潑出路邊😂真係買少見少🤣🤣🤣我地自己簡左D岩食既 & 老闆仲送左碟菜比我地可能疫情生意難做 但都係香港冇左好耐既人情味呀~大排檔必點的豉椒炒蜆同椒鹽鮮魷豉椒炒蜆好多汁 硯都算大同多肉 都冇咩沙👍🏻招牌乳鴿 豉椒炒蜆椒鹽鮮魷揚州炒飯炒菜

今日繼續我的外賣人生，沒有dine in 。叫咗個$58的乾炒牛河，$58 揚州炒飯 ，同埋京都骨98$。 一打開個飯盒，嘩嘩嘩！ 一定食唔曬！因為份量真係好多，直情可以用巨型來形容。 拎起手個飯盒係超重㗎，乾炒牛河應該係二人嘅份量，好似成座山咁， 乾炒牛河味道正常啦 ，不過有兩塊牛肉比較韌。 唔算油。 唔會食到成口油。揚州炒飯都正常，夠乾身，夠火候。京都骨真係要畀個讚佢啦 ，有好多菠蘿，多肉，唔多骨。正！叫了三樣東西，食唔曬，可以分兩日食。

由於要到火炭緊預約了的攝影師開會，會議完結後只是下午五點，所以和𡥄辣妹決定來過早的晚飯。會議進展不錯，所以決定啤啤佢賀一賀，最後選擇了來個大排檔。 大排檔必點的豉椒炒蜆和椒鹽九肚魚，都是阿辣妹的至愛。豉椒炒蜆比其他大排檔算是多汁，不過食頭兩隻已經中到沙，失望。椒鹽九肚魚不是起了骨的那種，可以。後來加了鹽焗雞腳，雜菜粉絲煲和鹹魚雞粒炒飯。鹽焗雞腳不夠淋，不接受。雜菜粉絲煲和炒飯也是正常的，沒失望。可能由於是疫情期間，店員最後送了一碟椒鹽豆腐，送酒一流🍻。後來發現每枱都有一碟，生意難做。 雖然我們吃的時間尚早，堂食也不算很多人，但是外賣看似出色，不停有客人架車來買，出出入入非常熱鬧。不過也沒有辦法，疫情已經進入了二人一台，眼見一家四口大大細細來食飯也要分兩枱。以大排檔來說他們的出品還算過得去，不是最出色的那種，不過家常便飯的話，應該可以。之前試過它隔離的另外一間店，以上次的經驗來說是失望的，兩間比較下的話，會選擇這間。沒特別不會特地來到火炭，不過下次如果在附近而沒有選擇的話可以考慮再來。

本來每個小菜，味道也不錯也夠鑊氣，可惜就是每個小菜也非常咸，這是致命點，高血壓人仕小食為妙，希望店主聽到要改善，除咸之外，其他也大致ok,份量足料，有足夠冷氣。

有點失望，2019年的最後一餐，因為最近再重溫創世紀，看到裡面去了這家我就迫不及待的去了，點了黃金蝦，有點鹹，蝦算是新鮮個頭大，味道一般，椒鹽鮮魷，味道也不能說特別好，比較期待的花蛤，裡面更有不少沙子，失望

今日同一班好耐冇見嘅朋友聚會..由於其中一位係大肚婆..所以我哋就返佢屋企附近食飯...佢提出想食大排檔仲介紹我哋有間好好味好有歷史嘅大排檔...我哋仲印埋OpenRice嘅優惠券有椒鹽豆腐送.本身想試吓佢個椒鹽賴尿蝦..點知原來會賣晒㗎! 唯有下次再嚟食. 我哋帶咗一隻乳鴿.豉油王炒麵.鹽水浸花甲.蒜蓉炒菜心.椒鹽中蝦.椒鹽白飯魚.豉朝炒聖子王。全部都好有鑊氣好好味..重點係啲海鮮全部都好新鮮.花甲又冇沙.見到裏面啲廚師炒到好落力

芹菜炒腰果蒜蓉蒸開邊蝦，我到愛，屋企整好考功夫所以通常出街都叫黎食，同埋我鍾意食啲粉絲下次叫佢多粉絲先椒鹽賴尿蝦，都幾入味乾炒牛河唔會太多油都有鑊氣最後仲叫左咸蛋黃炸魚皮真係好味到嘩嘩聲，係一個女侍應介紹的，真係回味無窮，食完新鮮油炸唔想食包裝買個d😂

泰源大排檔😌🐷一般大排擋的格局，圓檯十分熱鬧晚上🔸椒鹽豆腐$58炸得好香脆入面依舊保持住甘滑重點係超多炸蒜粒😍😍😍🔹招牌燒乳鴿$68（每隻）乳鴿皮小小脆，記得要趁熱食喜歡的話可以加小小椒鹽

因明天母親節，細佬約了爸媽和我們一同去火炭食大排檔慶祝，火炭大排檔都有好幾間，我們就揀左呢間食飯，貪佢夠就腳。散叫太多款不知揀咩好，見餐牌有一些套餐，就叫了一個套餐，但套餐入面有一些不是十分想食，原來可以同伙計講轉菜式，佢地都幾靈活變通喎！！👍等我介紹一下先。燒乳鴿有三隻，切件後都有成１２件，我地有八個人，夠晒食！乳鴿皮脆多汁多肉，配埋椒鹽真係冇得輸呀！👍雞粥有一鍋，但依家啲雞粥就冇以前咁好食，味道係粥還粥，雞還雞，好明顯係一鍋白粥加返啲雞上去，個粥完全冇雞油又冇雞味，失敗！👎白灼蝦夠新鮮，好彈牙又大隻，食得出蝦既鮮味！👍豉椒炒蜆好有鑊氣，味濃，又冇沙，份量都多，大部份蜆殼入面都有蜆肉，唔會覺得佢搵笨！椒鹽豆腐炸得剛剛好，外面脆脆，入面嫰滑，只嫌椒鹽唔多夠！椒鹽魷魚啖啖肉，魷魚都夠新鮮，唔靱，椒鹽咸度剛剛好！正！👍清炒白菜仔略嫌多油，但菜都尚算新鮮！粟米班塊，班塊好脆，就算有粟米汁都冇影响佢質感，好味！👍生炒骨味道一般，不過不失！伙計還送了一碟豉油皇麵給我們，賣相麻麻，但味道又出奇咁好食喎，但通常炒麵都會多油一點，所以我都係食左少少就算！其實一家人食飯食咩都唔緊要，最緊要係食得開心咩都