泰瀾鑊 (朗壹廣場)

营业中

休息中

超鍾意元朗呢一間泰瀾鑊，每次想食泰國嘢都會嚟呢到，因為選擇夠多而且食物質素都好高質，價錢又唔會太貴，相當之滿意🥰❤️海南雞飯海南雞飯配上超級嫩滑雞肉，雞味濃郁，連埋皮食，真係夠晒享受😘❤️泰式燒安格斯牛小排燒安格斯牛小排好好食，牛肉嫩滑，而且厚薄適中，燒到有陣陣牛肉香味，肉汁豐富，出色！❤️清邁秘制串燒雙拼我哋勁鍾意食串燒，呢個串燒雙拼有齊哂雞同豬，燒得好均勻好入味，串燒真係多肉汁！❤️芒果黑白糯米飯泰國必食甜品之一，當然係芒果黑白糯米飯，糯米飯好煙韌，芒果又夠晒甜。❤️蛋網鮮蝦金邊粉外型好獨特嘅蛋網鮮蝦金邊粉，超多隻大蝦喺入面勁足料！

💮前幾日去朗壹廣場玩，見到呢間餐廳有位，以前門口多人排隊同等，所以即刻入去試下。入面既食物質素都有返咁上下🤓今日終於可以試下！💮💮泰式生蝦刺身。新鮮的生蝦刺身呈現出鮮亮的橙紅色，肉質鮮嫩，口感爽滑。泰式調味使得刺身散發出濃鬱的香氣，帶有微妙的辣味和酸度，給人一種清新的感覺。💮💮酸辣青芒絲沙拉，清爽開胃。青芒絲的脆爽口感和酸辣的調味汁相得益彰，帶來了豐富的口味層次。酸度和辣度恰到好處，令人胃口大開。💮💮冬陰功海鮮湯。湯中融入了豐富的海鮮，包括蝦、魚和貝類，為湯增添了濃鬱的海鮮香味。湯的口感濃厚且醇香，辣度適中。💮💮泰式燒安格斯牛小排，肉質鮮嫩多汁菜。燒烤的過程使得牛排表面略帶焦香，內部保持了嫩滑的口感。配上泰式調味醬，使得牛排的味道更加豐富多樣。💮

💚青咖喱燒雞扒飯個青咖哩好好食，個青色有啲特別，入面有泰菜獨有嘅香料味感覺好正宗🤘🏻燒雞扒係炭爐上面燒過咗咁雞皮有啲脆，仲帶有少少炭香味又鎖住咗雞肉本身嘅肉汁✌🏻✌🏻🧡蘭王蛋香葉辣肉碎飯個蛋白煎到脆口有燶邊，但個蛋黃又唔會太熟啲肉碎唔無炒到"乾曾曾"，咬落仲有啲肉汁肉碎個份量又好足夠，撈飯食正👍🏻👍🏻雖然已經好飽但我哋都叫咗個🖤🤍芒果黑白糯米飯作甜品好大舊鮮黃色嘅芒果🥭，芒果好甜好多汁椰香味好豐富🥥糯米飯仲有微暖，啲飯煙煙韌韌無好黏口食埋甜品真係好滿足🖖🏼🖖🏼食完三野樣好似飛✈️咗去泰國一轉咗

這是一家擁有泰式風情的餐廳。男友一早已訂座了❤️一走進這個餐廳，你會被它營造出來的舒適環境所吸引🥹餐廳內的裝潢設計充滿了泰國傳統元素，例如泰式木雕和豐富的綠色植物，讓人感受到一種和諧與寧靜的氛圍😻提供多種美味的泰國菜式，每一道菜都帶有濃厚的泰國風味。🌈冬陰功海鮮湯》每次食泰國菜，冬陰功湯一定係必點菜式 ，酸辣嘅味道令人胃口大開 ！冬陰功湯嘅精髓莫過於香料同海鮮嘅鮮甜味 ！💓💓酸辣青芒絲沙律》芒果綿密細嫩，香甜多汁的芒果🥭加上青紅辣椒的刺激酸辣，口感形成鮮明對比；🍴炒泰國椰苗（飛天）🏷️不可不食！》泰國風味由此可見，雖然用料普通，但那味道是泰菜靈魂所在，香甜爽脆，鮮爽多汁。甜點做總結，榴槤波波🥰》一口開即流出榴槤漿😋榴槤味濃，外層是煙韌的糯米粉，外脆內軟。喜歡吃榴槤要必食呀🤪🖍️總的來說，無論是環境還是食物都是高質素，朋友歡聚，十分推薦🖍️

Thailand Wok📍元朗康業街朗壹廣場地下去元朗食飯，朋友想食泰國野，搵搵下見到呢間餐廳，被佢既環境吸引，所以就試下呢間餐廳。Book左7點檯，餐廳室外位置入座率8成，餐廳室內入座內約7成，再夜少少就有9成入座率，可想到出品不差才會有咁多客人。雖然客人多，但環境舒適，又不會太嘈吵。食物方面，款款出品都唔錯，特別是條青檸明爐魚，好好味，滿滿的泰國味道，亦有粉絲底，好味；咖哩軟殻蟹，咖哩味濃，軟殻蟹大大件，份量十足；香葉肉碎炒飯，有辣味，不過唔夠香葉味，遜色左少少。整體味道不錯，性價比高，不過位置有點偏，適合揸車朋友去試試。食物：⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️

今晚系呢間泰瀾鑊 (朗壹廣場)食lunch,叫左超級多野食，呢個餐牌超級豐富！一齊睇下我睇叫左咩食？我地就點左青咖喱燒雞扒飯☀以嫩滑多汁的雞扒為主角，配上濃鬱而香辣的青咖喱醬汁，青咖喱的香氣和辣度與雞肉的鮮美完美結合，每一口都能享受到濃鬱的咖喱味道。好大份呀，一個食真係會好飽。其次是芒果黑白糯米飯。黑白糯米的搭配給飯粒帶來了不同的口感，糯米的香甜與米飯的清淡相得益彰。而芒果的甜美和果香為整道菜增添了一絲清新的感覺。👗👛👜再來是酸辣青芒絲沙拉。帶有一絲酸辣的調味。這種酸辣的口感與青芒絲的清新風味相互融合，給整道菜帶來了豐富的層次和口味。必備小食之一！真係好香呀！最後是酸辣青檸明爐魚（海鱸魚）。配以酸辣青檸調味汁烹製而成。魚肉鮮嫩多汁，讓人回味無窮。👗👛👜

好耐無入嚟元朗國朋友啱啱搬咗去朗屏呢邊，去咗佢屋企參觀佢新居🏡，之後係佢新居🏠附近搵正嘢食，佢帶咗我哋嚟泰瀾鑊，真係要好小心讀先得🈲。我哋三個女仔叫咗兩個主食一個小食share 食。小食揀咗泰式生蝦刺身呢啲係屋企整唔到梗係出餐廳食啦8 隻蝦仔放咗係個杯仔好趣緻🤪啲生蝦好新鮮🆒，肉質爽口彈牙酸酸甜甜辣辣好開胃😝作為小食係一流👐🏻主食 蘭王蛋香葉辣肉碎飯🍛橙色嘅蛋黃大大隻放咗喺飯面，勁想一啖放隻蛋黃係口🤫🤫🤫不過肉碎飯梗係要撈埋一齊食啦九層塔獨有嘅香味再夾埋蘭王蛋嘅蛋香原來好襯🤤而且個辣度岩岩好，食完暖笠笠🥰另一個主食係蛋網鮮蝦金邊粉個蛋網整得好靚💕，靚到都唔捨得整爛佢成個鑊咁上，好有風味每條金邊粉包住啲酸甜汁，一條條唔會炒到痴埋一埋💕而且份量都好夠，每人食完一轉仲可以再添🥢

今天特地和男朋友來試這家新式泰國菜。門店的設計很新潮，從門面看就是一家很酷的西餐廳🍴呢。晚飯時段餐廳很快已坐滿人了！我們二人點了些特色泰國🇹🇭名物🫶🏻❤️‍🔥酸辣青芒絲沙律💟青芒果去皮切了絲，甜甜酸酸的芒果味。絲絲入味，味道酸辣鮮甜又醒胃，往往令我食得津津有味。❣️泰式炸蝦餅💟蝦餅炸得有彈性、紮實、酥酥脆脆，跟魚露、泰式甜辣醬的調味真的讓人十分難忘！💕酸辣青檸明爐魚上碟時，賣相好震撼🤩💟海鱸魚配搭蒜蓉、香茅、南薑、辣椒、芫荽及青檸等材料煮成的酸辣魚湯。超開胃！💖炒泰國椰苗（飛天）💟椰菜既份量比我想像中多好多，平時食既飛天菜都會好咸。💟呢款簡單既菜都好值得讚👍🏻菜唔會好老，炒得岩岩好，味道都唔會太咸，岩晒食完酸辣爐魚之後中和番。💘椰汁沙冰💟椰香濃郁，沙冰的口感冰涼解渴～💗💗💗呢餐係一個好好嘅用餐體驗💗💗💗

最近想食啲濃味嘢🙊🙊朋友推介佢屋企附近間泰國餐廳去到門口已經勁有feel 有架勁搶眼嘅tuktuk🛺 係門口比大家影吓相🤳打吓卡仲有室外位 好似去咗沙灘🏝️旁邊嘅餐廳入到去餐廳好光猛💡 好乾淨感覺好舒服 好relax🧘‍♀️環境絕對有🌟🌟🌟🌟🌟我哋都唔太餓 所以輕輕咁嗌左幾樣小吃類先食金磚蒜蓉多士🍞個侍應拎緊過嚟都聞到嗰陣蒜蓉味🧄勁香👃🏻厚多士切到一條條 好方便大家食😬每面都有勁香嘅牛油🧈同蒜蓉🧄咬入口 唔單止香口👄 脆卜卜 仲外脆內軟之後板燒魷魚🦑一大條魷魚放喺眼👀前又係好香 👃🏻魷魚肉厚 好juicy 配埋醬汁食 好鬼夾🥹🥹最後叫左馬拉盞炒芥蘭🥬馬拉盞個味又係勁香 👃🏻而且好足料 唔會慳住落少少芥蘭無苦味 又炒到夠爽口 👄但又唔會太硬食物都係🌟🌟🌟🌟🌟我哋已經決定下次再嚟試多啲其他嘢

我地食佐啲小菜甜品都好唔錯，裝修又有心思，都係泰國風既裝修！就好似泰式炸蝦餅就好得，蝦餅炸到金黃香脆，一啲都唔會油淰淰，蝦餅好彈牙，好香甜，蝦味好濃，點少少酸辣醬去食仲好食😋另外炒泰國飛天椰苗都好好食，椰菜苗好新鮮好爽脆，口感好好，用飛天醬去炒，加埋炸蒜，更加惹味咸香☺️仲有冬陰功海鮮湯都好好飲，冬陰功係細既，但粉量都好足夠，有蝦有唔同海鮮，酸酸辣辣，仲有啲椰香，好開胃呀🥹最後最後係甜品，榴槤波波，炸到金黃色既榴槤味激濃波波好酥脆，一咬開啲流心既榴連餡必晒出黎，榴槤味激濃，軟綿香甜😚

放左工同老公係呢間餐廳食晚餐，餐廳食風味每一款泰國菜都風味十足。酸辣青檸明爐魚🐟原條海鱸魚鮮甜又好味，肉質柔軟得黎又結實，用上酸辣青檸作調味，酸酸辣辣好開胃又惹味。辣肉碎生菜包🥬生菜清爽水份十足，辣肉碎香辣惹味，兩種材料夾埋一齊都食到各自的味道，好好味。柚子鮮蝦沙律🦐清新柚子鮮蝦沙律，清新鮮甜又爽口，口感非常豐富，配埋酸酸辣辣沙律醬清新又開胃。板燒魷魚🦑超香板燒魷魚，魷魚燒過味道更濃，加上魚露和泰國醬汁一齊燒，香得黎又好滋味！點上泰國青檬醬食更多左清新味道。

我地呢排搬左入元朗，放假就發掘附近既美食，就決定去呢間餐廳同男友約會食晚飯。呢間餐廳非常有情調，而且食物既cp 值都好高。哈哈，估下呢個系咩黎？開頭真系古五到甘精緻既食物系【【榴槤波波】】🧡來，食落去好香鹹鮮味，好新鮮，大大粒都煮得好入味！外皮鬆脆，入面超級多榴槤餡料。滋味滿載。然後呢個【【炒泰國椰苗（飛天）】】口感好豐富！菜苗岩岩熟，非常嫩。💛【【香烤薄餅】】💛都唔錯，大大塊好彈牙。加上惹味既醬汁就更加多味道層次喇！非常足料，超級正！【【椒鹽蒜香軟殼蟹】就非常大隻既好鮮味，肉質好滑好creamy，好肥美！💛椒鹽蒜香味濃、肉質鮮甜，而且個醬汁非常濃，將軟殼蟹既鮮味襯托得好好。今餐既服務質素都好好，我地評價都好高。

🧡青咖喱燒雞扒飯雞扒燒得好焦香，焦脆既外皮，軟嫩有肉汁既雞肉，配上青咖喱汁，咖喱汁唔會太辣，口感幾濃稠濃香既咖喱汁，配白飯就岩岩好！❤️辣肉碎生菜包辣肉碎整得好好，肉碎好有嚼勁，肉碎辣辣地咸咸地，味道岩岩好，用生菜包住又無咁溜，味道更加清新！💚炒芥蘭芥蘭用馬拉盞去炒，芥蘭翠綠清爽，爽脆嘅口感，非常新鮮，用馬拉盞去炒好惹味，充滿鹹香，仲有少少辣辣地，超好食！💛芒果黑白糯米飯糯米飯有白糯米同紫糯米，兩樣都好香，口感好軟糯煙靭，芒果好甜，果香十足，大大嚿，加埋椰奶一齊去食，最強嘅飯後甜品！

🩵泰式生蝦刺身🎖️泰式生蝦刺身是一道精緻又美味的小吃，八隻新鮮蝦被巧妙地處理成刺身，展現出鮮艷的顏色和誘人的外觀，每一口都感受到蝦子鮮甜彈牙口感，令人愛不擇口，泰式調味醬則帶了微辣風味，吃得讓人更開胃～🧡榴槤波波🎖️跟著就說這榴槤波波，是一款獨特甜點，榴槤的濃郁香味與波波的蓬鬆口味完美結合，榴槤味道從口中散開，是榴槤愛好者必吃首選～💛炒泰國椰苗🎖️泰國椰苗的口感爽脆還搭配著豐富的椰苗和香料，都有豐富的層次感，是一道營養豐富價值高的一款美食，每款菜式都有著不同的營養和款式，完美的滿足到各種口味～🩵冬陰功海鮮湯🎖️這是一碗小的冬陰公海鮮湯，裝盛了豐富的海鮮，湯汁酸辣又開胃，而且海鮮也十分新鮮，成巧地做出冬陰公的原有味道和水準～

平時好少黎元朗，但朋友話有間好好食既泰國菜，咁一定要入去試下嫁啦...我地今次4個女仔黎食，d位都舒服，可以慢慢坐下傾下計！！1. 板燒魷魚一上枱就香噴噴，一影相完就即刻擺入口，完全冇形象可言....超彈牙有咬口，有少少焦既位，好香阿..！！！2. 柚子鮮蝦沙律呢個係朋友仔既special request，我自己唔好柚子就冇食，但朋友仔話好清爽，少少辣好正！！3. 金磚蒜蓉多士呢個一定冇得輸啦，脆卜卜，香香蒜味！！4. 清邁秘制串燒雙拼（雞，豬，羊，各3串）我自己就最鍾意豬，燒得岩岩好，個醬又yummy yummy，甜甜地...5. 芒果黑白糯米飯食泰國野必食，mango超甜，happy and fulfilling ending....