泰發泰國餐廳

营业中

休息中

之前食過lunch，尚可，但店員有強迫症，一定要我地打對坐，明明兩位坐一邊，易入易出，龍眼冰有膠條加怪味。不過呢間啲確平，所以今次試晚市。星期六晚九點鐘去，岩岩有人走唔使等位，坐最埋邊四人枱，老闆一落完單即刻將四人枱拆成兩張二人枱，有成2cm距離，如果食完走，隔離兩枱二人要四個一齊出晒門口先可以走到。其實過一陣有人坐，都仲有其他二人位，但老細都係安排坐我地隔離，對於連坐位都計到盡既餐廳好反感，九點幾仲要留位做幾多輪呢😡食物個樣係似泰菜，但呢間餐廳太孤寒，十分吝嗇放香料，生菜包肉碎冇辣味、冇香味、冇青檸味，反而加蔥😓睇幅相都見無辣椒、無金不換等香料。個生蝦刺生醬非常難食，無味，又唔酸辣，所以頗腥。菠蘿冰賣相唔錯，即使飲得出係鮮菠蘿整，但係極淡。冬陰公得個辣字，唔酸無椰香。所有食物調味都好單調，完全唔似食泰菜😩

晚飯時段路過依間新泰菜見咁多人食就入去試下八點鐘嘅時候大概有三枱人等緊等五至十分鐘就入得去不過搞咗好耐先執枱🤔我地叫咗兩樣野：泰式乾炒豬肉河&小食拼盤兩樣嘅份量都幾大(尤其係拼盤)乾豬肉河入面有紅蘿蔔、菜莖、豬肉片同雞蛋略嫌偏油整體上嘅味道同賣相都唔錯可以一試小食拼盤呢 我覺得足夠俾雪三至四個人食兩個人食嘅話食到最後會好膩個拼盤有泰式魚餅、春卷、炸蝦餅、炸皮蛋、豬肉串燒、雞肉串燒旁邊有沙嗲醬(花生味偏濃)同雞醬當中我嘅最愛係炸皮蛋炸粉薄 蝦滑加咗皮蛋之後個口感幾好食落似蘇格蘭蛋😋

廁所滲水問題其實已經困擾甜魔家一段日子，上週終於開始了裝修工程，簡直是嘈音＋精神＋體力的極度轟炸啊！還好在家附近找到一間很不錯的泰菜小館，算是煩亂中的可愛小確幸。   泰發泰國餐廳 一開張就吸引不少街坊幫襯，食物的香氣及賣相都十分對辦，上 OpenRice 一查原來是九龍城開過來的，週一忙完家務就去了晚餐；走得太急關係，連 Sony 機仔也沒帶，照片全是 iPhone 8 拍攝（好想換機...）~肚子不算很餓，這晚只點了冬蔭功湯 (小 $63)、青咖哩海鮮 ($98)、泰式炒金邊粉 ($58)、蒜茸包 ($27) 一起分享；這裡的冬蔭功湯好喝不得了，酸甜夠味而不會太鹹，中間還有很多我愛吃的秀珍菇及原隻大河蝦，必食推介！香口的青咖哩有不少海鮮、小茄子及豆角，口味可以再辣點，但這樣配蒜茸包吃也很不錯；金邊炒也好吃得來份量十足，我們要打包一盒帶走！連同一杯清甜的椰子沙冰 $28，埋單$275，絕對有下次，連目標也訂好了！   果然，之後才隔了一晚又去了晚餐，這次點了芒果沙冰 ($30)、冬蔭功 ($63)、燒羊架 ($35x2)、馬拉盞炒通菜 ($59) 及泰式乾炒河 ($55)。這裡

突然間想食泰菜，由於我又帶住狗狗又要泊車，朋友就介紹我黎元朗呢間泰發，因為出面好多車位，鋪外面都好多張枱。一黎到已經好多人係度等位喇，大約等左15mins 度。 我地今日叫左串燒沙嗲，豬，牛同羊， 個汁非常香D 肉又好腍有肉味，勁正仲叫左金柚沙律， 柚子好爽口又甜加埋D 酸酸地既汁， 好食重點係冬蔭功，酸辣味剛好， 4 個人都分到4碗，勁好味最後係泰式金邊粉， 我覺得呢個最好味D 粉好滑抄到好爽口， 酸酸甜甜既味道一流，D 蝦都又大又爽， 好快比我地食哂會再幫襯

有枱又唔比坐 等野食又耐 野食portion又小 催咗野飲1.5h都唔嚟 態度都麻麻 野食中品 講真 唔會有下次 本身野食味精應該都唔少 勁口渴 但叫極野飲都唔嚟 真係食到好嬲好燥！

見到新開又係九龍城第四分店諗住應該有保證啦，買晚餐外賣，心諗以後元朗泰國菜都多個選擇。食食下而盒小食 - 酸辣無骨鳳爪, 搵到塊索曬汁既膠布！! 可想而知你地既烹飪過程有幾衛生！其他餸仲點食得落？為左打夠200個字先可以俾個POOR RATING你而間分店，順便評論埋另外幾個餸: 黃咖哩炒大蜆，堂食味道應該唔錯炒通菜, 通菜好老，唔好食大蝦粉絲煲，堂食應該好食D 炸蝦餅 = 炸蝦滑薄餅，用17蚊(印象中)買左一塊切成幾塊細既薄餅。以後都唔會再幫襯。

琴日同男朋友見到呢間餐廳，諗住試下個午餐。呢個餐廳有室內同室外座位，環境睇落普普通通，食完真係忍唔住打篇食評告誡大家勿試。我地點左2份午餐，1個55蚊海南雞飯，1個42蚊冬蔭功雞肉湯河，2杯椰汁冰。坐係室內門口左邊既位置，路口有啲窄，店員遞餐去出面或者有客人出入都會撞到我地個背，不過當時冇得揀第2個位。首先到左2杯椰汁冰，黎到冇2分鐘啲冰就溶哂，杯野係暖既，係我飲過最差既椰汁冰。之後黎海南雞飯先，有碗湯的，湯就不過不失，但係重點既海南雞，係有毛，啲雞有一半係鞋到似紙皮咁，食左少少頂唔順。之後見男朋友果個餐咁耐都未到，新黎既客人都已經食緊，原來漏單，個店員仲呆滯咁揾下我地點左咩餐。餐黎到飲啖冬蔭功湯，似係落左好多魚露，好怪 ，啲雞肉有騷味，只係河粉正常，但配這湯底，真係忍唔住講好難食。最後冇食到一半就跌錢走人，去另一間食。因為本身冇諗住打呢篇野，所以冇影到相，奉勸大家想食好啲，唔好係呢度浪費金錢。