泰皇閣泰國菜館

营业中

休息中

住喺九龍城10幾年，邊間泰國菜好食，絕對係基本😎好多人為燒牛肉排泰金國，但有時唔想等，又想食好嘢，我就會揀泰皇閣。齊人先可以入座！基本上都好快安排到。所有食物都好符合預期既質素，今餐2個人，但叫咗好多野食，重要食晒😎（我哋唔浪費食物）叫左半打串燒、咖喱軟殼蟹配蒜蓉包、蒜蓉炒芥蘭、椰汁冰、芒果糯米飯、椰汁千層糕及西米糕，人均$270左右🫢🔥今晚精選：芒果糯米飯的芒果新鮮，椰汁的甜度剛好😋咖喱軟殼蟹啖啖肉，好香嘅咖喱，唔辣，配香脆蒜蓉包，啱啱好🙈Ps 上次食過泰式豬手，好軟腍腍又入味有興趣嘅朋友可以到九龍城試試🤩🤩🤩

一行7個人去九龍城食泰國嘢就岩曬啦～兩個朋友都一致表示想食泰皇閣，就拿拿林打電話去book! 食物點評就往下睇～泰肚餓既關係，我地叫左十樣野咁多仲一人一杯飲品🤣生蝦新鮮彈牙，同埋乾淨，配埋蒜片同辣椒粒，刺激味蕾😝叫左兩個菜，分別係馬拉盞炒通菜同蒜茸炒芥蘭，菜唔老，不過調味再濃味少少就更加好味啦蠔既話蠔味爭D，調味可以再濃D，我覺得麻麻地…因為咩味都食唔到，蠔都唔係特別肥美🙈冬陰功湯，入面有有菇、青口、蝦、魷魚 ，唔會好辣～個人認為帶有少少甜味，我都飲左兩碗😋擺盤有心思，牛扒小山丘🤣牛扒燒得岩岩好，淡淡粉紅色，再舖上滿滿既泰式辣醬，好惹味，椒味濃😚金邊粉每次食泰國菜都會叫個炒金邊粉，上碟靚靚冇走樣🤣熱辣辣👍🏻生菜包，肉碎炒得香口，辣度岩岩好，襯熱食啊😙一黎到好大條鰂魚😂，不過調味都係差啲…串燒，正常發揮，個沙嗲醬偏甜

今日和老婆逛九龍寨城公園,之後便去九龍城泰皇閣泰國菜館食晚餐,我們點了鮮蟹肉蛋卷,炸蝦餅拼炸魚餅,燒朱頸肉,燒雞全翼,脆肉炒椰菜苗,原隻菠蘿海鮮炒飯和泰式凍奶茶,鮮蟹肉蛋卷原來是每日只賣十客,蟹肉蛋卷蟹肉新鮮爽口,食落蟹肉一絲絲,蛋味香滑,配菜青瓜和蕃茄食落鮮甜,整份鮮蟹肉蛋餅口感滿足,炸蝦餅拼炸魚餅炸得金黄,炸蝦餅炸得香脆彈牙,炸魚餅味道香滑,佐酒一流,燒朱頸肉肉質爽口,食落有油花,燒雞全翼雞肉食落啖啖肉,惹味可口,脆肉炒椰菜苗脆肉食落香脆,椰菜苗新鮮爽口,口感滿足,原隻菠蘿海鮮炒飯賣相吸引,整個菠蘿原個上,腰果爽脆,菠蘿香甜,海鮮蝦和魷魚食落新鮮彈牙,飯粒炒得乾身分明,份量足料,口感滿足,最後泰式凍奶茶茶味香濃,奶味香滑,餐廳座位闊落,食物美味,我和老婆食了一餐美味泰菜

招牌古法咖喱炒膏蟹💰$時令老闆好好人見我哋多人 專登揀一隻大啲嘅蟹比我地😜蟹嘅本體好鮮甜 另外林喺上邊嘅咖喱醬好惹味😳順帶一提就係佢個醬好有口感～拎嚟送飯/餅底都好夾😍同埋分量都比想像中多 可以一試❤️菠蘿海鮮炒飯💰$84用埋個菠蘿裝住D飯，炒飯炒得好乾身，粒粒分明🥳好大個 勁多飯同海鮮配料~ 腰果，蝦，帶子等等 入面有細細粒切好左既菠蘿🍍😉同埋啲菠蘿都好甜好多汁😆 馬拉盞椰菜苗💰$70幾惹味，唔係太辣夾埋d洋蔥好入味🫡同埋椰菜苗比較硬身小小🙃如果再去呢間餐廳應該就未必再嗌啦🫢 燒安格斯牛肉(青檸) 💰$115呢個好好食😋😋半熟既牛加埋泰式香料同青檸更加帶出到牛肉香味☺️好嫩口 肉質軟腍😘 炸蝦餅💰$78D蝦膠有彈性 炸得岩岩好 唔會話食到落口成陣油益味🤩同埋份量都偏多 幾抵食😗有8舊 幾個人share都食到多過1舊😏 芒果沙冰💰$34正正常常沙冰 feel到係用真點生果肉打成😌唔係糖水加醬咁整成😎拎黎送d野食 辣辣地再飲番啖 真係好夾🥰

今日係平日中午時間過黎入面唔洗等位就入得一見到餐牌午市套餐先係$49仲要包埋野飲🤑🤑真係抵到爛🤠🍜豬頸肉湯河（金邊粉）$49🍶椰汁真多冰豬頸肉唔會太肥膩😙亦唔太硬 軟硬度適中😌上面有一啲炸蒜同香蔥做裝飾🍜金邊粉份量都好多 男仔都夠飽🤓滑得黎又唔會太淋 不錯😚評分：💛💛💛💛環境 🍃🍃🍃食物🍡🍡🍡🍡🍡性價比💰💰💰💰💰推薦🌈🌈🌈🌈🌈回頭🙋🏽‍♀️

簡單啲講：落單5分鐘唔夠大部份菜都上齊。好食極有限。炒通菜唔熱既，冬陰功湯正常既都係整定唔熱，海南雞千其千其唔好試極難食，似用湯烚完就算肉勁鞋。燒牛肉難食un加極咸面頭放左幾塊檸檬賣相好睇但係咸酸辣。炒金邊粉似整定。員工好服務，環境比其他泰國餐廳乾淨。但純粹食物唔掂。300好評估計有好大水份，加foodie加乘🤦🏻‍♂️同行友人話最好係個椰青。咁就死得啦。話人齊先比入。兩個鋪位一半都係吉既都仲要玩呢啲規矩，迫晒所有客去一間鋪。好想再支持但真係做戲都要做全套。唔好煮得快過茶記。🙏🏼

雖然係黃店，但覺得有大量進步空間🫤🫨我叫左個泰式濕炒海鮮河，朋友叫左個辣椒炒牛河。我個碗濕炒海鮮河嘅海鮮份量超級少，得少量蝦仔同一粒青口，而且河粉係痴埋哂一pat口感麻麻🫤仲要一上枱個賣相都好唔吸引，全部都係菜、菇同蘿蔔係面😳但$72一碗🙄🙄朋友嗰碟牛肉河就相對好少少，牛肉份量都ok，河粉偏辣，都惹味～另外我哋分別叫咗一杯芒果沙冰同埋椰汁珍多冰，呢兩杯野應該係呢一餐入面唯一比較滿意嘅😐🥲由於唔太好食嘅關係我同朋友都冇食晒，仲要出左餐廳之後再係九龍城食其他野嚟填飽個肚嘅空虛💸🫣

突然間想食泰國菜，經朋友介紹搭的士到九龍城泰皇閣試下，一行五人叫了六款菜一湯，當時檯面只得六對筷子，叫傳菜員再畀多2對公筷子,都不算過份,他說“你哋成枱都係筷子仲要攞”跟住行咗去,無理我哋.難怪現在個個都北上消費，服務態度好，價錢平，食物有新鮮，我一定唔會再去食這間，畀錢食嘢都要受氣

完全唔明白，點解咁多好評，碟燒牛肉乾到似牛肉乾，無曬肉汁，最失敗係連上面果幾片青檸都唔新鮮。金邊粉淡而無味，完全無泰菜應有既香和味，極之後悔的一餐，我敢講九龍城求其一間泰菜都好過佢，最差沒有之一，仲有果杯沙冰，嚴格啲嚟講個杯唔係「沙冰」，啲冰大粒到好似玻璃碎，期望你用真芒果整沙冰，點知得個死甜。去餐廳食飯我一向好少寫食評，但今次我真係忍唔到，每碟都唔過板，食咗幾佰蚊，換嚟既係一肚氣，絕對真實食評！！！

同朋友都係為咗食安格斯牛肉山而去😝😝😝牛肉好味😋但牛肉山裏面的沙律就麻麻地，當中的芽菜及椰菜都不太合胃口😣😣😣pad thai就炒得幾好味😋😋😋椰青都不錯👍👍👍

燒安格斯牛肉出色👍，主食正常👌，串燒好失望🥲～・・・・・・・・・・・・・・・・・・・・🥗 酸辣鳳爪沙律 HK$70・味道：冇鹼水/臭味嘅，但有陣草青味咁嘅青色調味料，味道偏白烚😅反而啲side dish紫洋蔥嗰啲仲好食XD・口感：爽脆嘅～🍢 沙嗲串燒(半打) HK$85＞豬、雞・味道：劣。豬係咩事，好似唔知咩劣質豬肉，0豬味同時唔知咩部位咁🤡雞都冇雞味，又冇乜醃過，乜味都冇⋯⋯然後沙嗲汁好甜，但又唔係花生醬嘅甜，0沙嗲味0花生，成碟嘢都不知所謂。・口感：豬唔知咩部位，0豬味，質感亦似食某啲劣質減肥雞胸打碎完再壓返成雞胸嘅kam質感😰。然後雞外唔脆內唔嫩，部分位置仲要鞋的😑🍝 蛋包鮮蝦金邊粉 HK$78・味道：乾身香口，蝦夠鮮，蛋網做得好靚有加分。・口感：隻金邊粉幾彈有咬口，蝦夠鮮所以都夠彈牙～🥬 飛天通菜 HK$66・味道：味道都夠香，但因為汁太多所以啲鑊氣被掩蓋晒。波爸與本波都覺得少啲汁水乾身啲會更爽。・口感：冇菜嘅苦澀味，菜都夠爽脆嘅。🥩 燒安格斯牛肉(青檸) HK$115・味道：呢個真心掂👍！好濃安格斯獨有牛肉味，配埋泰式香料同青檸令到成件事更light ( ♥д♥)・口感：好軟

昨晚約朋友共5人，餐廳沒有訂枱服務，有2個朋友早點去攞位，餐廳負責人話要5人到齊才可入座，當時餐廳內完全沒有客人，餐廳內全是空枱都不讓我朋友進入，當時天還下着大雨，這樣的餐廳及負責人及做生意手法，真的令人費解。我們齊人後他們立即安排入座，我們當然不會入座啦！九龍城不是只有你一家泰國菜，好好反省做生意手法！

好耐冇嚟到九龍城呢邊同朋友食泰國菜，呢度真係好多種唔同嘅泰國餐廳，今晚朋友就推介呢一間，餐廳都幾好坐，夜晚生意都就嚟非常好，我哋最後都要排咗成30分鐘先有得入去！比較推介由佢椰子雞湯非常重揶香味，食完亦都唔會味精太重係咁要飲水，個湯亦都非常香濃，我同朋友都非常鍾意，賠了亦都十足有好多唔同嘅配料，令到成個湯嘅口感昇華非常有咬口，另外佢嘅燒牛柳都啱啱好呢個價錢嚟講燒牛柳真係非常抵食，再加埋佢本身嘅醬汁，正！亦都唔會燒得太熟，good

諗住同朋友出街食好野，星期一，7點到等左45分鐘，坐低見左右各一張A4紙大字報，話話睇下出面條龍，每台限時75分鐘，對客人有要求。叫左冬陰公湯，好咸，似汁，唔似湯。叫左明爐粉絲大蜆，都係好咸，免強食，頂唔住要叫杯飲品。燒牛好少少，都唔係話好味，不過入得口。全餐最好食係個蒜蓉包。好失望，明白點解上手食客一路走一路話又貴又唔好食，我地2個人食左400幾，好唔抵 好後悔入左去。呢個係咁耐無寫食評都要開筆寫的原因。唔關手唔手足事。壞心情延續到16個鐘頭後的宜家。唔明，係因為要整到d食物咁難食，都唔係容易。。。

【去九龍城必食💛 有質素泰國菜🇹🇭 燒牛肉山有驚喜❣️】推薦程度：●●●●◐抵食程度：●●●●◐——難得去九龍城，當然要食返餐泰國菜🇹🇭✨ 但間間都要排隊，成30幾度企喺街等位，各位真係要隨身帶住消暑法寶🌬️ 以免中暑！當日等咗20分鐘內就有位，可接受嘅程度👍🏻🥗 柚子沙律｜$78雖然比想像中細碟，但兩個人食落剛剛好🙌🏻 入面酸香、微帶甜味，唔嗆喉、唔辣，反而好開胃惹味✨ 柚子大大件，一咬爆晒汁好juicy；蝦仁尚算爽口彈牙，整體唔錯✨〈推薦〉🥩 燒安格斯牛肉｜$115接近中辣程度，好火辣🔥 好惹味🔥 牛肉肉汁富富、juicy唔乾柴；7成熟左右、生熟度剛好；口感唔算好軟腍，係有咬口、偏爽身嘅肉質👍🏻 冇筋位、冇肥脂肪，啖啖肉！份量都對得住價格，整體CP值高🌟🍚 蟹肉炒飯｜$78童叟無欺‼️ 肉眼可見嘅超多蟹肉‼️ 大大舊、啖啖肉，好正✨ 炒飯好夠鑊氣、粒粒分明，夠乾身👍🏻 味道偏清淡，亦無多餘油膩感👍🏻🧊 青檸梳打｜$29 / 🧊 椰汁珍多冰｜$32飲品方面正正常常冇咩特別～