泰皇閣泰國菜館

营业中

休息中

星期日下午跟男友在九龍城品嚐泰菜，我們點了蛋包鮮蝦炒金邊粉、炸蠔餅、燒（青檸）安格斯牛肉和兩杯凍泰奶。食物味道真的不錯，炸蠔餅以鐵板上，火氣十足，蠔的份量也多，足夠兩人用餐。但餐廳服務方面實在不足，當日並非繁忙用餐時間，店裡只有四枱客（包括我們在內），我們被安排坐在六人位，但隨後又安排另一對食客坐在我們旁邊，可是旁邊卻有幾張空桌，使得空間感變得「擁擠」。我明白店家想多做幾個客人，但及至我們埋單走人，都只有四枱客，真是模不著頭腦。此外，午膳埋單盛惠$403，如以這個服務來說，實在偏貴；同區也有許多泰菜能媲美此家，且服務及價錢也更相宜，因此綜合所述，實在中規中矩。

早幾天約咗姊妹們今日來九龍城區，一致贊成搵間泰國菜食在網絡上搜尋下，決定試吓這間泰菜，嘗試致電訂枱，因星期六中午驚太多人排隊，但又成功訂到枱喎😂食嘢最緊要搵啱對象，所以我哋叫菜都幾豐富，甜品都叫哂兩款😆整體來說，對此店評價高👍有驚喜

好耐無食過咁正既泰國菜，好多款式選擇，價錢合理，環境舒適，坐得舒服，食得開心，飲品都好多款式， 好難揀袖子沙律醒神開胃，燒牛肉超水準， 炭燒豬頸肉非常香口， 肉質鮮嫩， 尤其是咖哩軟殼蟹配上蒜蓉包 絕頂

九龍城有小泰國之稱，所以咁岩去開附近又到晚飯時間，首選都係揀食泰國餐。見到呢間餐廳有好多菜式選擇，而且價錢合理，就一於試下佢。📎燒安格斯牛肉：牛肉質感夠嫩，但幾乎食唔到咩牛味，靠淋係牛肉上面既酸辣汁吊味。📎泰式木瓜絲沙律：餐牌上面標左有兩個辣椒，食落好清新爽口，辣度都可以接受。📎泰皇閣拼盤：好適合影相打卡既三層拼盤，頂層係蝦片，炸得好脆好好味，中層係泰式鳯爪，味道比較淡，唔夠酸唔夠辣。底層有幾款炸物，包括炸蝦餅、炸魚餅、炸春卷同雞翼。蝦餅同魚餅都夠彈牙，魚餅微微辣，有好香既香茅味，另外春卷炸得夠酥脆！📎沙嗲串燒：叫左雞腎、雞肉同豬肉，雞腎個口感極爽，出面真係食唔到呢種爽脆口感，但可惜太咸。📎古法咖哩軟殼蟹：見到佢係必食推介之一，但黎到有d失望，軟殼蟹好厚炸粉，食落唔算脆，個咖哩芡汁太濃稠，同埋都冇咩咖哩味，唯一係塊蒜蓉包幾香口😂

嚟咗呢個九龍城泰皇閣咁食泰菜啦首先必要就係食生蝦呢個生蝦都唔錯嘅個味道都一幾鮮甜佢呢度特別在呢佢係連埋一嚿苦瓜咁樣食個味道都唔錯 但係呢 嗰個點生蝦個醬汁呢就覺得稍為少少唔夠辣 第二個菜 係食呢個生菜包 呢個係酸辣味嘅豬肉嚟嘅 非常好食 必須推介 去到第三個菜喇就係金不換炒蜆 個蜆呢就炒到過咗火喉 冇咁好食咁第四個餸就係泰式拼盤啦 佢呢個拼款嘅嘢食整體都係輕口味嘅 可能食泰菜嘅朋友就鍾意重口味啲啦所以呢個就麻麻地 到第五個餸就係 蟹膏炒椰菜苗 味道唔錯呀 啲d菜幾新鮮 炒得唔錯 第六個菜 就係呢個燒牛肉喇 呢個燒牛肉都 148蚊嘅 佢呢個牛肉燒得都幾好 稍為燶咗少少但係佢嗰個牛肉個部位呢揀得唔錯 夠曬冧有肉味 跟住 第七個餸 就係 蟹肉炒飯 可能唔係泰國嘅特色菜啦呢個飯炒飯就普通第八個餸 就係呢個泰式豬手 佢個豬手炆得都好冧嘅個豬手汁都好好食最後一個餸喇 就喺呢個泰式金邊粉佢賣相好靚㗎有個蛋嘅網包住嗰啲金邊粉嘅 好足料好好食整體唔錯 大部分餸菜都係100蚊左右 性價比ok

好耐冇食過咁出色嘅泰國菜價錢非常親民 絕對值得回頭～人均$550@2人✨泰皇閣拼盤 $170（蝦片、無骨鳳爪、蜜糖雞翼、魚餅、春卷）拼盤色香味俱全 蝦片酥脆可口無骨鳳爪唔會太辣 蜜糖雞翼亦好厚肉魚餅加左香料 味道幾好😍 春卷亦好多餡～✨燒安格斯牛肉配青檸汁$170牛肉嘅熟度恰到好處 外焦內嫩搭配埋青檸汁更加清新～✨黃咖喱雞配薄餅 $111雞肉吸收晒咖喱嘅美味裏面嘅餡非常多 青椒、雞肉及薯仔等搭埋薄餅食就完美啦✨甜品拼盤$86（椰汁西米露 千層糕、椰汁紫米露、泰奶凍）未食過咁出色嘅泰式甜品性價比非常高😳千層糕好煙韌 淡淡嘅班蘭味紫米露都好出色奶凍略甜 但好香奶茶味👅

以前成日嚟食呢間泰國菜，好耐冇食過，今日lunch時間經過就再入去食午市套餐$49 ，加$6可以有特飲，加$10可以有沙冰唔知套餐選擇都多，一般海南雞飯、咖喱、豬手飯、炒金邊粉都有齊晒泰式炒金邊粉 $49你都份量都真係幾驚人，算係好大碟，色澤都好靚，不過旁邊只係有花生碎，而冇糖及辣椒碎味道唔算太濃郁，略嫌唔夠酸，亦都完全唔辣，亦有點油膩馬沙文咖喱雞配白飯 $49一碗白飯另外配一碗咖喱，裏面有雞肉、薯仔、青椒，洋蔥、花生等等材料，質地比較稀味道濃郁好味，雞肉都好滑，不過因為咖喱汁質地比較稀，配白飯一齊食會有啲濕椰汁冰及龍眼冰各+$6質素正常，套餐加呢個價錢有特飲都幾抵，尤其龍眼冰，入面起碼有7,8粒龍眼肉

I recently visited a traditional Thai restaurant in Kowloon City, and the overall experience was quite enjoyable. There were many food choices, and the prices were very reasonable.I ordered the sweet and sour fried crucian carp, which was crispy on the outside and tender on the inside with a refreshing tang; the mango sticky rice was sweet without being overwhelming, making it the perfect dessert; and the Thai platter offered a variety of flavors that lingered in my memory.Overall, it was a dini

九龍城有很多泰國菜館，這家泰國菜館位於宋皇臺站附近，交通方便，內部環境清潔，店員服務有笑容。古法咖喱軟殼蟹賣相美麗，軟殼蟹和咖哩汁是分開的，能保持炸軟殼蟹的香脆口感，咖哩汁香氣撲鼻，內有蔬菜。炸軟殼蟹沾點咖哩汁吃，滋味十足。蒜容包外脆內軟，有牛油味和蒜頭味。泰式炒雜菜，椰菜爽口，紅蘿蔔鮮甜，芥蘭翠綠，還有菇，醬汁味道少少咸。菠蘿海鮮炒飯只售88元，很平宜，肉鬆香，腰果脆，菠蘿甜，蝦肉彈牙，青口漲卜卜，臘腸肥美，飯粒軟硬適中且帶有咖哩味道。芒果糯米飯，芒果香甜，糯米飯煙韌，椰汁是熱的，很美味。

好耐冇去九龍城泰國嘢，今晚終於去回味吓🤭呢度嘅嘢食選擇都唔少，大路嘅全部都有齊～食泰國嘢梗係要食咖喱啦，今晚揀咗青咖喱，味道唔算好辣，揀咗青咖喱牛肉，份量都好多👍 有咁大碗咖喱汁梗係要食蒜蓉包啦，一盒四件嘅蒜蓉包上枱熱辣辣，差啲唔夠喉😂我哋嗌咗半打串燒，要咗雞腎同雞肉！好鍾意雞腎嘅口感，夠爽脆；雞肉就係嫩滑嘅質感，本身唔係好鹹，點埋沙嗲醬啱啱好。我覺得呢度嘅炒金邊粉係必食推介，面頭好多花生碎粒粒，增加口感，金邊粉嘅質地炒得啱啱好，配埋芽菜同埋少少青檸汁，好味道！最後食埋芒果糯米飯，真係超級飽啊我哋見到仲有好多其他嘅菜式都好吸引，下次多啲人再試吓！

今晚去九龍城搵野食，緊係去食泰國野啦，見到呢間泰皇國門面幾靚，又近地鐵，決定入去試吓泰皇閣拼盤 $170呢個拼盤好靚好大份，賣相非常精緻，有個3層塔，有蝦片、泰式鳳爪、炸蝦餅、雞翼、炸魚餅、春卷，全部新鮮炸起熱辣辣，夠哂脆口，鳳爪好好食個汁脆肉炒椰菜苗 $74椰菜苗好爽脆鮮甜，配埋脆豬肉炒一流燒雞全翼 $18雞全翼燒得好香，小小脆，入面都juicy芒果糯米飯 $68緊係要食埋甜品啦，芒果夠甜，糯米飯夠煙韌椰青 $39Singha $35椰青大大個，十分解渴

這間泰菜在九龍城十分之有名，加上十分之方便離地鐵站只是1分鐘適合朋友的聚會.餐廳環境舒適，令人有放鬆的感覺.燒雞翼外皮金黃，內裡肉質鮮嫩多汁，調味恰到好處，燒烤的香氣讓人回味無窮。泰式肉碎炒飯：肉碎細碎入味，與飯粒充分拌勻，加上泰式特有的香料，如青檸檬葉、香茅等，讓整道炒飯風味獨特，酸辣可口，令人食慾大增。泰式咖喱配上牛肉，加上薄餅也是最佳的選擇了.泰式燒鯽魚：魚肉鮮嫩，燒製得恰到好處，保留了魚的原汁原味，同時又融入了泰式的酸辣風味，搭配香葉等調料，讓人一試難忘。芒果糯米飯：糯米飯香甜軟糯，芒果鮮甜多汁，兩者搭配在一起，口感層次豐富，甜而不膩，是炎炎夏日裡的一道清涼甜品。

收工帶屋企人來九龍城吃泰國菜，間餐廳都見好多人推介就來試吓，冇book位需要早啲嚟，比較多人等候。餐廳環境都算寬敞，上菜速度夠快，服務就很一般。價錢可以，不過食物沒有驚喜，普普通通。📌📌📌芒果沙冰 $34重芒果香 飲完好冰涼 爽的燒安格斯牛肉$115牛肉烤得剛好，質地唔會過韌，帶微微炭燒味，配埋青檸醬汁酸酸辣辣 夠惹味青木瓜絲沙律 $65味道酸酸甜甜又辣辣地，夠開胃。木瓜絲口感爽脆，有花生、紅蘿蔔絲等嘅蔬菜增加口感，層次感都算豐富蛋包鮮蝦金邊粉 $78金邊粉用蛋包住，賣相都幾靚嘅；再加埋大蝦，啲醬汁酸酸甜甜；芽菜同花生分開，份量都可以馬拉盞炒通菜 $66正正常常 不會太辣 菜都算爽脆炸蝦餅 $78炸得夠香脆彈牙，不錯燒鰂魚$145夠大條 調味就一般 都過得去菠蘿海鮮炒飯 $84炒飯夠乾身，飯夠多同埋海鮮配料，腰果，蝦，帶子等，入面還有細細粒切好嘅菠蘿，還可以🌟Encore 指數：5/10————————————————————🧮🧮🧮Total HK$699 (5人）

在有小泰國之稱的九龍城想找到一家 地道而又價廉物美的餐館 生蝦刺身 $115 6隻 有點不值因為其他餐廳基本上都是8隻起炭燒鱿鱼 很大一隻 燒得剛剛好 不會柴 搭配上海鮮醬汁 夏天的感覺就來了泰式安格斯牛肉 有點兒失望 因為醬汁已經淋上面沒有考慮過不吃辣的朋友 火候是五成熟 一丁點兒柴「泰式咖喱花甲」是咖喱蟹的那種咖喱搭配上薄餅十分下飯泰式飛天通菜 是泰式的口味香辣「芒果沙冰」不是落糖漿的那種是真的是用芒果打成「泰式奶茶」有一層奶蓋在上面很好口味是可以的但沒有很正宗男服務員很有禮貌 女服務員提醒有警察抄牌性價比在九龍城區性價比還是很高的

隨住啟德體育園準備開放黎緊將會越來越多大型嘅比賽項目喺果度舉辦而附近食肆應該會越黎越旺今日去完啟德體育園就嚟到九龍城泰皇國食泰菜餐牌選擇大路價錢都唔貴最貴都係海鮮菜式金不換炒花甲花甲大隻無沙爽口鮮甜燒安格斯牛柳青檸鮮香辣味夠重燒過仍軟淋嘅牛柳伴著鮮、酸、辣嘅調料別具特色馬拉盞炒通菜香辣惹味下飯⼀流蝦醬炒飯份量多面上⼀抹炒滑蛋同粵式炒飯好唔同旁邊亦附有甜味肉鬆相當泰味泰式綠奶茶本想以泰式濃甜作結估唔綠奶茶又無甜仲多了⼀份茶香