泰皇閣泰國菜館

营业中

休息中

🍽今次叫咗：🐯蛋包鮮蝦金邊粉 $75外表幾靚，但係由於蛋包包住啲粉搞到有啲黐埋一舊🥹調味偏甜，對我哋而言外觀大於味道。🐯菠蘿海鮮炒飯 $82入面有蝦有魷魚，但啲魷魚冇味好難食，好似嚼香口膠咁🥲炒飯比較稔身，主要都係提子乾同肉鬆味道。🐯燒安格斯牛肉(青檸) $110本來以為係燒牛肉，其實係類似牛肉沙律。酸酸辣辣幾開胃嘅，但牛肉有啲韌。而且睇落好多但入面全部都係椰菜絲。🐯古法咖哩軟殼蟹 $218有啲失望😣軟殼蟹炸粉偏厚，咖喱味道正常。勝在有個蒜茸包可以點下咖喱食。🐯沙嗲串燒(半打)(豬/雞) $82沙嗲調味偏甜，肉量OK，不過不失。🐯飛天通菜 $64認為係全枱最好食😂份量多，有啲辣但係幾惹味。🐯泰式奶茶、泰式凍咖啡、鹹檸七飲品正正常常。服務有啲差強人意。我哋一行五個人，本身坐咗喺隔離鋪六人枱已經睇緊Menu，都坐左15分鐘。後來打算落單時，職員發現我哋係單點，要求我哋轉去第二間舖。離開咗原本個舖位，但其實另外一張枱都未準備好，喺門口等咗一陣先入到去。過到去仲要係一張四人枱，幾位男士迫埋一齊坐根本食唔到飯。職員服務都唔積極，明知我哋四人枱叫五人份量嘅食物其實張枱一定擺唔落，但係見到吉碟都冇盡

放假諗住同屋企人去九龍城食餐好，之前食過小曼谷，覺得都唔錯，今次想試下新野，順便幫襯黃店，換來滿腔怒火！先講餐廳環境，座位唔算寬敞，但去得九龍城食飯都預咗。表面睇算乾淨。但係食物真係10萬個失望。首先黎個柚子沙律，味道偏淡，份量都少，勉強叫正正常常，點知原來已經係全晚最好食嘅菜式！冬陰功：份量極少，冇爐一齊上而且唔熱，唔酸唔辣再黎一個粉絲蜆肉湯（唔記得咩名）連埋爐上，但完全冇味，蜆肉完全冇鮮味，肉質粗鞋，食咗一半已經唔想食椰汁海鮮焗飯：飯上面一督鼻涕汁，最神奇係竟然入口咬都分唔開啲汁，好似食緊一舊生粉咁！最嚴重係咖喱軟殼蟹，份量都係超級少，蒜蓉包一啲都唔脆，冇蒜蓉味， 軟殼蟹亦一啲鮮味都冇，全部似係雪藏貨，個咖喱汁除咗核突、難食都諗唔到其他形容詞，是但一間任食嘅軟殼蟹都好食過佢，竟然賣$220？！😡老實講，對黃店本身會多一份包容，舖頭的確見到好多文宣，講聲多謝先，但係好食係良知，逼人75分鐘食完都唔緊要，真係手足嘅話，唔該落少啲味精，我全家人返到屋企係咁飲水，嬲嬲地都忍唔住要寫第一篇食評！麻煩手足盡快改善！

🇹🇭難得屋企人話想食泰國菜，緊係去有小泰國之稱既九龍城，泰國餐廳林立總有一間岩心水🍖秘製泰式炸豬手店員推介，所以叫左黎試下，切好一舊舊食既時候好方便，味道有啲似炸鹹豬手，點左個汁增加左泰國風味，個皮脆卜卜，係有少部份有啲硬🥗酸辣鳳爪沙律食泰國菜必點🤭鳳爪爽口，個汁越食越辣，酸酸辣辣好開胃🦐炸蝦餅炸到金黃色，蝦餅爽口彈牙🍢沙嗲串燒 - 半打有4款可以揀（雞/豬/墨魚丸/雞腎），最多揀3款，最後揀左雞同豬，串燒冇乜特別，肉質有啲乾，沙嗲醬出色🍍菠蘿海鮮炒飯海鮮同菠蘿份量都多，成個飯好大份🙈飯底食得有微微咖喱味，食落酸酸甜甜🥬飛天通菜通菜爽口，有少少辣，炒得夠鑊氣🍳鐵板蠔仔煎蛋個樣有啲似港式炸蠔餅，每粒蠔仔都包住蛋漿，炸到好酥脆🌟位置有限，枱面好易唔夠位放🙈

再一次黎到九龍城食泰皇閣，我今次搭屯馬綫喺宋王臺站既B3出口，行2分鐘就到，非常之方便。上次就食過燒牛肉同香葉炒飯，所以今次就食啲未食過嘅啦海鮮冬陰功湯 $76非常之酸辣啱晒我既口味馬拉盞飛天通菜 $64最鍾意食飛天通菜，貪佢幼身容易食，馬拉盞亦都夠惹味海鮮菠蘿炒飯 $82用返菠蘿幫我裝住、打卡一流呀，菠蘿夠新鮮，好足料炸蝦餅拼炸春卷 $70炸蝦餅好厚身啖啖肉，好食，炸春卷即叫即炸好香脆，碗埋甜辣汁一流呀

九龍城太多泰國菜，今日都係random咁其入一間試🤭📍#泰皇閣泰國菜館 🤭水準只係ok啦😂😂🟠 大蝦炒金邊粉 ⭐️⭐️⭐️不過不失而已🙊🙊 蝦略嫌細隻🥺🥺🟠 安格斯燒牛扒 ⭐️⭐️⭐️⭐️CP頗高，有牛味，肉身嫩滑😍😍個人覺得比好出名既泰金國燒牛扒更好味🤭🤭🤭🟠 馬拉盞炒椰菜苗 ⭐️⭐️原先點菜時，以為係細細球嘅椰菜苗，點知一上菜就失望了🤦🏻‍♂️🤦🏻‍♂️另外馬拉盞嘅味道唔突出，炒得唔乾身，多左水。🍽 環境 ⭐️⭐️⭐️🤵🏻‍♀️ 服務 ⭐️⭐️⭐️😋 味道 ⭐️⭐️⭐️💵 CP值 ⭐️⭐️⭐️🤓 Overall ⭐️⭐️⭐️😇 回頭度⭐️⭐️⭐️

想當年曾住過有小曼谷之稱的九龍城,現在設有屯馬線；交通十分便利；不久將會改頭換面，重建成新市鎮。今次舊地重遊，到宋王臺地鐵站鄰近的衙前塱道一間充滿愛心；逢初一和初十五派送齋菜飯盒的泰皇閣泰國菜館吃泰國菜。餐廳門外擺設一對穿上泰國文族服式的大公仔，餐廳內也掛上泰國畫像和多款泰國菜式，感覺充滿泰國氣氛。餐廳主打之一，買相吸引的蛋包鮮蝦金邊粉，質感煙煙韌韌，大蝦爽甜。泰式燒羊架，燒得恰到好處，令肉質鮮嫩。驚喜的燒鰂魚,份量十足，魚肚塞滿泰式香料，香氣撲鼻，肉質嫩滑。清涼的椰汁珍多冰，便是這豐富泰國菜的完滿終結！

之前叫過呢間外賣，覺得好食，今次試吓食午餐。十二點九去到，只得六成枱滿，不過見成條街嘅人流都唔多….午餐$49，飲品仲好多選擇，椰汁冰泰式奶茶都唔使加錢，抵叫咗炒米粉，好大碟，男人都一定夠，我食剩咗四分一味道唔錯，有鑊氣杯椰汁冰甜咗啲最衰平日好少經過呢頭，好想試吓佢啲湯粉

蛋包鮮蝦金邊粉金邊粉用蛋皮包住，個樣好靚仔，但有枝香茅插係麵上面唔知咩事，但係個味好夠，甜甜酸酸咸咸咁好好食又開胃沙嗲串燒（雞 豬 墨魚丸）串燒好香炭燒味，唔會好乾身冇汁，推介叫雞同豬串燒，燒墨魚丸有啲普通燒安格斯牛肉呢個值得一試，通常泰國鋪的綠色青檸汁會好辣，但呢一個唔會太辣，易入口，個汁好惹味，而且個牛燒得岩岩好唔柴，令人想食完一啖又一啖

星期六午飯時間去左九龍城搵食，本來想試隔離果間但係比較多人，竟然發現呢間唔洗等位又未食過，又熱又曬所以即刻入去坐低叫嘢食燒牛肉好味夠辣啱我蝦餅彈牙幾好食炒飯勁普通唔值

令人失望，首先門口做接待嘅阿叔嘅態度差到不得了，係我受佢氣，入到去，啲食物差到不得了，多數都無味，而且價錢又唔值呢個價，係咪以為自己黃店就大晒， 我絕對不會再去食。

九龍城一向都係泰國菜嘅美食天堂,而今次唔例外,去左try try 泰皇閣。今次就試左菠蘿海鮮炒飯同埋濕海鮮炒河。炒飯方面呢, 份量比較多,而且又有落足料, 有齊海鮮係飯入面。味道又唔會太鹹或者重味精,係各方面平衡得唔錯。至於炒河方面, 比想像中足料, 打茨嘅程度唔會太濃,唔會令人覺得太重味。另外亦試左一個芒果沙冰, 芒果肉嘅量係滿到漏出黎, 而且又唔會太甜, 幾夾兩碟野食嘅味。整體黎講,店舖嘅水準唔錯,出手亦大方, 幾合適想一班朋友try泰國野。

-🥘 九龍城出名泰國菜就係人都知啦👉🏻 今日呢間泰國餐廳 拼盤係有3️⃣層塔 啱晒影相打卡 🥰💕3️⃣ 泰皇閣拼盤 $160呢個拼盤係有3層阿 冇錯係3層‼️上面有印尼蝦片，新鮮即炸～ 中層仲有仲泰式鳳爪，略嫌味道唔夠濃，不過點返個泰式青檸汁，得哂👍🏻 最底層有晒 ⬇️⬇️⬇️🍤 蝦餅- 蝦餅加左小小豬肉混合，令成個口感昇華左👍🏻👍🏻🍢 魚餅- 香料味十足 魚肉亦十分彈牙春卷- 冇咩特別 味道正常🍗 雞亦- 皮脆肉嫩 但是只有2隻🍤 蛋包鮮蝦金邊粉 $75炒金邊粉賣相超精緻之餘仲好有鑊，而且比網形的蛋包住可以比我地影完相再拆出黎食都仲係熱辣辣♨️ 另外上面仲有大蝦，吱完青檸，再加埋芽菜一齊食口感更加豐富，又可以中和返個油膩感‼️ 喀喀巧痴 ✌🏻🥩 燒安格斯牛肉 (青檸) $120老闆好細心提醒我地本身個青檸汁係淋埋上個牛肉到，會有小小小辣咁，同行有冇人唔食得辣～ 跟住佢就安排左個汁另上啦 😗個燒牛肉好香，而且唔韌～ 十分之有驚喜既一碟‼️🧄🌶️ 刺身生蝦 $120 ? 大約價錢 😂第一次食係有埋涼瓜做伴碟既生蝦～ 生蝦大隻有肉地，掂埋個汁一流阿！唯一要講可能就係性價比爭小小，只有6隻 🥲飲品方面 ⬇️⬇️🧋泰式奶

第一次幫襯午市外賣，見價錢都算幾抵食，$49包飲品。返到屋企打開外賣，見到杯嘢飲係用手搖店嗰啲杯裝住，覺得都幾精美，但一打開盒海南雞飯就知中伏嘞啲雞係勁乾勁柴，仲斬到溶溶爛爛咁，好似比狗咬完咁，我真係笑咗，重點係啲飯係未熟㗎！！！最後夾硬食咗啲雞，成盒飯掉咗而男朋友都話佢盒咖喱豬頸肉麻麻，豬頸肉都係又乾又硬，咖喱偏甜本身見都幾多好評，好多人話燒牛肉好食，想去試下，但今次嘅經驗真係令我有啲卻步…

大家如果想食泰國菜係咪同我一樣第一時間就諗到九龍城呢？我係好鍾意黎九龍城呢間泰皇閣食泰國菜架！佢哋唔單止價錢親民，份量都足，環境都好有泰式風味～泰式木瓜絲沙律🥗$60呢個作為鍾意食泰國菜既我黎講，係每一次必點既開胃冷盤，酸酸辣辣好開胃✌️酸辣豬頸肉沙律🥗 $82朋友就好鍾意食豬頸肉，表皮香脆，肉質鮮嫩，加上酸辣口味簡直係絕配👍蝦油炒飯 🦐$64我晚餐其實係唔鍾意食主食嘅人，但係朋友點左，一擺上黎我就忍唔住想試一下，呢個炒飯香味四溢，飯粒粒粒分明，又唔會好油膩，配菜仲有泰國雞蛋同青豆胡蘿蔔🥕作為主食營養搭配豐富✌️冬陰功海鮮湯🦀️$85呢道菜係我每次必點，我真系太鐘意食酸酸辣辣既口味喇，呢個湯好大一份，三四個人都可以飲到，入面有幾隻大蝦🦐番茄🍅洋蔥🧅等配料，味道好正宗泰式風味，連湯我都飲左俩碗，真系好過癮

＊呢一站九龍城＊😋馬拉盞炒椰菜苗(8.5/10)＊椰菜苗非常爽脆，食落唔會有渣＊馬拉盞炒唔會太鹹，依然非常惹味😍串燒拼盤（雞+豬）(9/10)＊燒得好香，肉質又嫩滑，容易咬開＊串燒豬非常有驚喜，唔似平時豬肉串，形狀長而扁，，好軟腍＊沙爹醬比較重花生味，唔會過份濃郁但又不失沙爹味😍蛋包鮮蝦金邊粉(9/10)＊份量超級多，有大概2至3人分量＊外貌非常精緻，金邊粉有蛋包圍住，而蛋上又有幾隻大蝦作為襯托＊配合花生碎、青檸汁、芽菜及豆腐乾，味道及口感非常豐富＊不會太油膩，整體好味程度會令人狂食😋泰東生菜包(豬)(8/10)＊入口時會先感受辣的味道，然後在口中慢慢才感受到酸的味道＊炒得非常惹味，配合生菜一齊食，減低油膩感＊惟生菜份量相對上較少，包哂所有生菜，還餘三分一肉碎#foodguy666_九龍城#foodguy666_泰國菜