泰禾美

营业中

休息中

猪頸肉生菜包，猪頸肉爽口，味道啱啱好👍👍👍。泰式辣椒炒河粉（少少辣）好味😋😋😋一D都唔會覺得油膩，燒雞，即燒好香，2個椰青水。2個人的宵夜，好滿足。

女朋友既爸爸生日，今日一家人去九龍城食泰國菜。 Uncle 最愛這間泰國菜館，鍾意佢地平靚正，個個職員親切友善既態度。 佢地由餐廳開張到現在，都幫襯左好多年頭，今晚我第一次去，都真心唔錯喔！ -叫左好幾個菜式酸辣鳳爪這個冷盤小食，十分惹味又開胃！ 酸酸辣辣肥美鳳爪好岩夏天冇咩胃口！-還叫了好幾款串燒！ 有雞翼、豬及牛串...由細到大最鍾意食燒雞翼！ 烤得皮夠脆但肉夠嫩！ 仲有適量既蜜糖醬！好正！仲有烤羊架！ 十分肥美！ 肉質彈牙冇羊羶味-泰式糖醋魚又係一試難忘！ 炸得魚皮金黃金脆，魚肉雪白嫩口，配上酸甜醬汁，送飯一流！_仲有椒鹽軟殼蟹！ 份量多之餘，炸得夠香口不膩，風味十足 ，伴酒一流-還有炒粉絲同菠蘿炒飯！ 同樣夠鑊氣！料多炒得夠乾身-仲有炒椰菜苗，夠嫩綠炒得夠惹味！-最後黎個芒果糯米飯！大滿足

因為轉左工之後都好小再黎食消夜之前2星期總會一次真係泰耐冇黎好掛住呢到既味道我每次黎到一定會食燒蠔因為老闆娘話得冬天先有嫁d蠔隻隻都好肥美嫁佢有好多炸洋蔥 小小辣我基本黎親都會叫3隻食嫁 真係好正另外燒牛肉 佢個牛肉好香油脂味嫁 一定要快D食曬佢牛肉一凍左就有小小乾 串燒又係食一定會叫既馬拉盞炒椰菜苗 呢個又係每一次呢到一定會仲有佢個牛油雞翼 唔係炸嫁 所以唔油唔會熱氣大家真係可以去試下 佢地方都好容易搵 係麥當勞對面炸

呢個泰禾味嘅{ 豬頸肉濕炒河} 一直都係本人嘅至愛。佢有勁多菜同菇喺入面， 啲豬頸肉又醃得好夠味，仲要係薄切片!!!!!而佢哋嘅河粉係炒完先至會打芡，十分夠濃味但正因為很濃味，所以一邊食要一邊飲嘢。價值都係59蚊

呢間餐廳真係由細幫襯到大，咁多年黎啲食物質素都唔差而且價錢加幅唔大真係好有良心嘅餐廳。當晚4人就叫了6樣野，呢個香茅蝦沙律望落好似好辣，其實原來係好惹味嘅，只係少小辣同啲調味好香口，食到停唔到口啊。啲蝦都叫爽口嘅，不過就無乜鮮味。之後叫咗一個青炒椰菜苗仲有豬肉生菜包。個椰菜苗炒得好食嘅，夠爽口。豬肉生菜包好香口嘅嗰啲九層塔嘅味道好香，又唔會好辣，想一食再食之後再叫多一個咖喱炒蟹同埋燒烏頭。個燒魚唔會燒得好乾而且配埋泰式酸辣醬好正，極力推介個咖喱蟹係幾抵嘅，200元，佢啲咖喱汁係佢唔會煮到好稀，不過個蟹就唔係好新鮮呀食得出係有雪藏味。整體來講呢度價錢好抵食份量又多，味道算幾好會繼續幫親！

倒數完餓餓地就落去9龍城搵野食2019年既第1餐好味又便宜的泰菜之前都有黎食過9龍城既泰國菜一向都又抵又出色肉碎生菜包幾香口...少少辣個冬蔭公湯勁抵...咁大煲都好似係68蚊

後join食飯，朋友先去攞位食泰國嘢（好難得同呢班朋友去將軍澳以外嘅地方）。我地有7個人，都叫到成枱餸，我一到就有得成（多謝朋友）。先黎個冬蔭功暖下身先（天氣堅係凍），辣味夠，無我想像中辣。呢個拼盤都幾抵食，168有咁多款，皮蛋個款都幾特別，其他算可口同好味，當然又係點完醬個下再好味啲。明爐魚烏頭鍋，138，小小辣，魚肉多嘅，幾香口，我地每個大人都分到啲。炒金邊粉呢個正，大蝦有幾舊，個個都有一碗粉，不過可以炒得鬆小小會更好。黃咖喱配薄餅，薄餅比我地想像中少，咖喱比想像中無咁大辣。另外我地之後點咗蒜蓉包，新整起真係好好味。跟住係呢個燒魷魚，只有讚，好味到本身話想叫多條添。青咖喱，ok，唔錯，當然係點下薄餅蒜蓉包咁啦。泰式生蝦，唔錯。炒飯俾個小朋友食，小朋友當然食得好滋味啦，炒得幾好，而且份量都多。飲品除左椰青，其他飲品就算叫咗少甜都好甜，果然係泰式。

媽媽話九龍城有間好抵食嘅泰國菜，有一味菜好新奇，話要帶我地去見識見識。去到就發現真係有唔少人排隊，我地都等左差唔多半個鐘先至有位。一入到去，佢唔同其他大鋪大集團，佢冇華麗嘅裝修，但有源源不絕嘅熟客，第一次見嘅炸皮蛋：外皮真係炸得又香又脆，不過我個人唔食蛋黃，所以試一次就算啦。燒豬頸肉：正常發揮鹽燒鰂魚：本來想試烏頭，但賣曬🙁鰂魚都唔錯，冇魚腥味，魚肉好嫩，燒得剛剛好菠蘿海鮮炒飯：泰式炒椰菜苗：另外仲嗌咗生菜包、一個椰青、一杯椰汁冰 同一杯青檸梳打，加埋都係五百幾蚊真係好抵😀

飛天通菜 雖然辣但好惹味，絕對要食生蝦雖然得6隻，但大隻又夠爽口，必叫泰式金邊粉不過不失。超鮮甜椰青，連啲椰肉都好食餐廳性價比高，價錢吾貴，食物質素吾差。2個人食左3百幾蚊。

好耐冇食過泰國菜啦！今日同一班中學同學聚會，決定去試呢一間泰國餐廳，係由一位同學推薦嘅。咁我哋帶咗非常之多餸啦有紅咖喱雞、蝦餅、炒椰菜苗同埋青木瓜沙律。我哋另外仲加咗啲薄餅去配紅咖喱，非常非常之match！另外我哋都有嗌左三日飲一杯芒果沙冰、一杯鹹檸七梳打同埋一個椰青；全部都非常之正，值得推介。

First of all the atmosphere in the Thai restaurant is decent as there r loads of traditional thai decor. For the food, i especially fancy the thai pancake dipped in green curry. The grilled food is mouth-watering too with the traditional seasonings on it. Overall i give 9/10! Recommended~~~~~~~

-🍽食泰國菜想多啲選擇就緊係要去九龍城啦，係九龍城咁多間泰菜之中，我就覺得呢間泰禾美應該係最抵食果幾間之一啦。呢度無咩好華麗既裝修，但佢地既平均食物質素就好唔錯，而且幾正宗，加埋大眾化價錢，人均一百頭就埋到單，所以都幾推大家黎試下。🔽🤤推薦食物：✅沙嗲串燒-啲串燒燒得好靚，時間掌控得唔錯，一燒起就上枱，加埋個沙醬一齊食，好juicy好惹味。✅炸蝦餅-炸得好香脆，蝦肉好彈牙。✅冬陰公湯-係偏酸既味道，辣度都夠，好重冬陰公香味，材料都好足下。🔽性價比幾高，食物質素唔錯，無投訴啦！🔽📍泰禾美(🤤:7.5/10)📍九龍城龍崗道11-13號地鋪#hkig#hkfood#foodpics#instafood#foodies#cuisine#foodshare#foodgasm#foodphotography#hkfoodie#foodseekerlu_bie#foodseekerlu_bie九龍城#吃貨#美食#香港美食#九龍城美食#食好西#泰禾美#泰國菜

九龍城咁多間泰菜，多到唔知點揀，偶爾都會試下唔同新嘅餐廳，但係最後發現冇一間比得起呢間食左咁多年都咁好味嘅。今次又帶左啲未食過嘅朋友黎醫下肚其實次次黎我地都愀嗌嗰幾樣野青木瓜沙律今次叫左小辣 因為之前幾次食都辣到標哂眼水但係個汁又好好食 所以邊救火邊繼續食 今次決定問下有冇得小辣 又真係有喎🤣炸皮蛋外圍嘅蝦餅好彈牙 皮蛋仲要係流心架🤭泰式炒金邊粉唔會太乾又唔會軟稔稔仲有啲小蝦乾加埋落去甜度又啱啱好黃咖喱雞識食咖喱一定係食佢個蒜蓉包同薄餅個咖喱係平時食咖喱蟹嗰隻咖哩其實重點唔係啲雞係啲汁呀好多其他餐廳都做得好稀但係呢度唔會個蒜蓉包上面應該有啲炸蒜再加牛油 其實就算唔點汁都已經好好食喇🤩薄餅一樣脆卜卜成塊浸哂落去啲咖哩汁度再游兩個圈先食係最正架燒鰂魚燒魚可以揀鰂魚或者烏頭我地就覺得鰂魚冇咁多骨同多肉啲最欣賞係燒完之後都仲係好juicy兩個汁都係辣嘅一個酸辣似青木瓜沙律個汁另一個就比較咸個人就鐘意深色個汁多啲最後野飲我就嗌左其他地方好少有嘅奇異果沙冰其實呢度都唔係次次有架酸酸地好開胃 又可以解下辣最重要係唔會好甜 唔知有冇落糖水啦但感覺就算有都得好少朋友就叫左芒果沙冰佢話個沙冰啲冰打得好平

眾所週知，泰國野一定係九龍城食。第一次食依間，就係貪佢門面舊、裝修舊式，咁先食到正宗唔花巧既泰國菜。我地岩岩打完波，打算食小小就算。叫左兩樣加杯沙冰。芒果糯米飯(3.5/5)純粹個人喜好，生平第一次食，因為唔太好甜食。問左芒果糯米飯專家叮叮，依度既椰汁較稀，但都好食。串燒(5/5)靚靚蜜糖燒係面，傻傻分不清係bbq定泰式串燒。特別推介雞腎！依度係有得自選，唔會要你半打簡豬牛雞兩款咁，只要最少4串。食下食下，唔係好夠喉，叫多樣啦！泰式生菜包(4/5)小辣，岩岩有辛辣感又唔會食到好辛苦。依啲先係標準辣度，之前其他既都唔知做乜。非常滿意又有驚喜既一餐！走果陣好多枱客都有叫鱸魚，睇黎係另一招牌！依度2個舖位打通，每枱客都一枱接一枱。另外一提，有位係度做既老婆婆好好人，會提你先食咸食再食甜品，話我地倒轉左冇左個口感。婆婆果然識食。如果依度係意想不到咁好食，我同你就係出奇不意快地合拍！係咪呀叮叮

呢間都算係我既飯堂, 食物價錢親民, 質素不錯.  今次就為大家介紹一下.今次去係因為想去食宵夜, 就去食碗粉食個拼盤開心下.  鋪內招呼你既都係泰國人, 只有一兩位識得廣東話幫你落單.  牛丸河, 札肉河, 三十幾蚊真係交足貨, 牛丸多, 札肉多, 配菜多, 湯底清甜.  佢可以加$10改冬蔭功湯底, 之前試過一次都唔錯, 唔會太辣, 好香口.小拼盤, 新鮮即燒即炸, 一D都唔HEA你泰國野大家要求可能唔同, 但去泰國食野, 都係簡單為主, 大家可以試試呢間泰禾美今次ORDER得少, 下次會再同大家介紹佢既香煎魚同炒菜