泰豪燒 (已結業)

前兩日係收工同女朋友行經元朗又新街搵食，見到有間串燒店，我地急不及待入去試，細細間裝修骨子有格調。我地叫左2人餐（$298)包一個海鮮粥，2個自選海鮮，我地揀左鮑魚同埋白鱔😋，再包6串串燒。個餐真係好抵食👍🏻首先粥方面，一上枱已經陣陣香味四溢，粥綿綿的，海鮮味鮮甜，吾會有腥味👍🏻👍🏻，而且海鮮份量都好足，串燒我地揀左全翼，皮脆肉嫩、尖椒，辣而多汁👍🏻、芝心丸，醬爆出來好正、司華力腸，燒到好脆💯、雞肉，重雞味嫩滑、五花腩，肥瘦適中好juicy😍另外叫左牛舌$28😋牛舌真係入口即溶，厚切牛舌但係咬落竟然好淋好Juicy，一D都唔會過熟。好食😍串燒配啤酒，夏日必備😎地址：泰豪燒 (元朗)元朗又新街37-51號富祐閣地下14號舖最高為（5/5）味道⭐⭐⭐⭐⭐價錢⭐⭐⭐⭐⭐環境⭐⭐⭐⭐服務⭐⭐⭐⭐⭐推薦星數⭐⭐⭐⭐⭐

同朋友慶祝生日，緊係要食好啲啦～串燒加生啤緊係絕配吧！依家仲係買一送一，只要like Facebook post就可以有呢個優惠。我哋第一時間就叫左蜆炒粉絲，不過因為無曬蜆就叫左花甲，估唔到仲大隻更鮮味。感覺有啲似濕炒，建議去曬殼先食就更滋味🤭我哋睇見隔離個燒生蠔都唔錯，佢唔係水煮完先拎去燒的，真係慢慢燒到佢收乾水。黎到有幾樣係必叫的，雞翅、茄子同白鱔，係我去過咁多既串燒店，最岩我口味的。內軟外脆，仲保留到好多好多肉汁的，真係每次都要大讚一番🤣茄子都係原條燒，唔係水煮完先再燒，依家慢慢燒既真係愈黎愈少有。我自己本人更鐘意既牛舌，夠香口但又冧身。仲有好多唔同選擇，總有一款岩心水咁食法都係6百幾蚊，都唔算貴。

朋友想食串燒，見到泰豪燒有砂鍋粥加串燒套餐，店內環境也不錯，決定進店試下。套餐可在套餐menu 內揀選六款串燒，要了雞中翼，腸仔肥牛卷，花枝丸，司華力腸，五花腩，粟米，另外再加了蒜香燒原條茄子和蒜心。蒜香燒原條茄子蒜蓉燒到少少焦，非常香口，配上茄子的鮮甜，大讚其他都燒得惹味十分大鍋的砂鍋粥，雖然說是2人套餐，但我覺得足夠三至四人吃，海鮮要了鮑魚和墨魚滑，一嚟到香氣撲鼻，有一陣麻油香，還有加薑和馬蹄，吃完熱氣的傳串燒，還可以食啖粥下火，非常好。餐廳貼心的把蔥另上，但喜歡吃蔥的我覺得更加正

今日我同個friend兩個人嚟到元朗搵食順便慶祝生日。係openrice 睇到好多大讚，所以憑信心一試，原來呢間舖已經好耐，只係之前轉過名。員工們都好健談，好似左鄰右舍既街坊咁。本身職員建議我哋食套餐，但因為實在太熱唔太想食粥，所以放棄了。不過如果冬天黎，一定好滋味，我見隔離枱既粥又大鍋又多料的。最後我哋叫咗個炒蜆粉絲，但冇晒蜆，不過職員提議轉花甲，結果仲好味呀！我哋將啲花甲拆曬肉先，職員仲讚我哋醒🤣🤣😂之後就叫左好多款不同既串燒，其實舖面細細，但種類真係好多元化。最推薦既係雞全翼外脆內滑🤤仲有鰻魚燒燒得剛剛好，完全唔係壽司舖果種，而係新鮮白鱔，肉質無燒過頭，仲保持到肉汁豐富到，好似食緊新鮮燒魚。仲叫左燒翠玉瓜，鴨胸肉，司華力腸，比較基本既款式。但不得不提牛舌，又大塊又爽口，仲唔會有陣so味。同埋茄子都係超超超好味的，茄子迷不可錯過啊。啤酒仲買一送一優惠，同朋友叫兩三round 把酒言歡既好介紹。

炎炎夏日，躲在室內涼住冷氣吃串燒、喝啤酒就是爽~ 來到泰豪燒，見到餐牌內二人套餐相當抵食，只需$298便可享用海鮮砂鍋粥 (自選兩款海鮮)、自選六款串燒及一枝啤酒，實在很豐富!!青島啤酒 夠哂冰凍且解喝的啤酒，是吃串燒不可缺少的飲品~串燒 從左到右: 司華力腸、白魚蛋、腸仔肥牛卷、雞軟骨、一口甜薯& 雞中翼，另加一串汁燒白鱔 ($28).全部串燒都是即叫即燒的，熱辣好吃~ 司華力腸香口惹味; 白魚蛋彈牙; 腸仔肥牛卷夠鹹香; 雞軟骨有嚼勁; 一口甜薯香甜軟糯; 雞中翼大大隻，外皮香脆且肉質嫩滑亦有肉汁; 另加的汁燒白鱔，魚皮香脆，肉質爽嫩且有豐富魚油香，即使單點都值得叫來吃~吃過多款串燒又喝啤酒，都有3、4成飽，最期待的海鮮砂鍋粥送上!!海鮮砂鍋粥 由於怕剝殼的關係，海鮮砂鍋粥的配料選了鮑魚& 墨魚滑. 砂鍋粥很鮮甜，而且砂鍋粥內有極多的墨魚滑及鮑魚粒，很足料，粥底亦很綿滑，相當有水準~ 這客砂鍋粥的份量也多，可以分到5-6碗，二人享用絕對足夠~到我們離開時，差不多全店滿座，建議來吃的話，最好預先訂位呢! 元朗又新街37-51號富祐閣地下14號舖34887178

本身好中意食串燒，想食多幾款串燒就冇叫到好似好出名哪海鮮粥，但以後就後悔了，因為枱枱都食緊😭下次去一定要食返！🤢兩人叫左虎椒，蒜芯(超級好食)原條翠肉瓜，虎蝦墨魚丸，五花腩，雞軟骨，雞腎半打燒蠔， 本來係朋友中意所以嗌左六隻，但唔好蠔嘅我最後都食左兩隻！一啲腥味都冇，好易入口，最中意佢同蒜蓉配搭仲有聽到隔離枱好似已經黎過幾次，話呢碟花甲粉絲好好味，又跟住叫左一條的確係可以recall嘅一碟野食！

同女朋友係yoho睇完戲差唔多7點，就落去雞地搵好野食醫肚行過見到呢間食串燒加海鮮粥，都幾吸引，價錢都合理，即該入去試下。雖然只係7點鐘，不過可能係星期日嘅關係，入面已經full晒咁滯我地嗌左二人套餐，有六串串燒，一煲海鮮粥，兩枝野飲串燒我地揀左 雞翼，一口牛，雞軟骨，貢丸，腸仔，燒蠔，另外嗌多左兩串白鱔燒蠔係原隻連埋殼咁燒，雖然唔算大隻肥美，但都好香好多汁白鱔個皮燒到脆卜卜，下低鱔肉好厚好滑，冇得彈海鮮砂煲粥可以揀蝦，蟹，鱔，花甲，蜆，蟶子，墨魚滑做配料，我地揀左花甲同墨魚滑煲粥係原煲咁上，超級大煲，唔好以為佢淨係粥多，其實佢係非常足料，舀黎舀去都仲舀到花甲同墨魚滑個粥食落去係好鮮甜，因為花甲真係好多同好新鮮而墨魚滑就好爽好彈牙，令個粥增添左口感埋單都係400左右，又食到好食串燒同新鮮海鮮，香港仲有邊度搵到，下次同fd食飯吹水一定推介呢度

平時經過這間餐廳，一直以為是吃泰國菜，這天一試才發現原來主打吃串燒和海鮮粥。menu看到有二人套餐，套餐包括很多食物，性價比挺高呢。可以自選兩款海鮮作爲砂鍋粥的材料，另外可以自選六款串燒， 還有啤酒/汽水！不想喝汽水，可以補差額點烏龍茶，比較健康串燒雖然等候時間比較久，但質素的確很高。 燒生蠔。生蠔很新鮮，而且鮮味十足，配上蒜蓉一起燒，十分惹味。一口和牛粒也是肉味濃厚，肉質又嫩又juicy。烟肉香腸卷，配搭上不錯。花枝丸很彈牙，有粒粒的墨魚肉。燒雞翼，皮脆肉嫩，而且保留肉汁。最不錯是燒粟米，原條的牛油燒粟米香甜多汁，而且帶有濃濃的牛油香。吃完串燒後，砂鍋粥便來了。這個砂鍋粥的味道驚艷！我地揀選了鮑魚和蟶子，海鮮粥真的十分鮮甜， 而鮑魚和蟶子依然保持口感和鮮味。海鮮粥份量挺多，可以舀到6-7碗！

今日接完男朋友收工， 順路經過元朗， 元朗出名多美食， 但性價比嘅餐廳唔算多， 剛剛好經過呢間餐廳， 睇一睇餐牌發現佢嘅主打菜係砂鍋粥同串燒， 呢兩樣都係我哋鍾意嘅菜式，！佢嘅二人套餐真係好抵食， 喺出面市區食一個海鮮砂鍋粥都起碼都要幾百蚊， 呢度仲要係套餐，兩款海鮮比你選擇，我地選蝦同蟹， 加多隻蟹都係幾廿蚊，令個個粥再鮮味d,識叫一定加蟹。 粥嘅份量十足， 有一隻手掌咁大嘅蟹同好多隻蝦， 咁多海鮮煲嘅粥味道係超級鮮甜，海鮮控必試。串燒方面， 我哋叫咗好多肉類得一樣係素食就係豆卜（食肉瘦）， 另外加左錢叫生蠔同和牛粒。 生蠔肉質飽滿，加上蒜蓉幾惹味。 其他串燒都唔錯，鍾意食辣嘅朋友旁邊有一罌辣椒粉。總結，呢間同朋友食飯傾計飲酒都幾適合。

今日到元朗會友人，揀左泰豪燒，我地點左二人套餐。串燒我地揀咗虎皮尖椒、翠玉瓜、芝士腸、雞中翼、白魚蛋、雞軟骨，而砂鍋粥就揀咗聖子同墨魚滑，然後單點咗燒帆立貝。朋友尤其中意食燒帆立貝，好鮮味！美味可口，必叫之選！😘😘極力推薦翠玉瓜，以為會燒到乾睜睜，原來唔係，好鮮甜有汁，好味道！一口氣食兩件！😍虎皮尖椒又辣又多汁，中意食辣嘅朋友唔可以錯過。雞中翼香嫩，芝士腸入口濃濃有芝士味，正！🥰🥰最後上重頭戲的砂鍋粥，朋友一開始就講唔係好中意食粥，我就話試下啦，佢一試就無法收拾，一口氣食咗三碗，哩個粥真係ICHIBAN , 料超級足，墨魚滑我最愛，好脆口彈牙，我私心咁專舀墨魚滑，令人最驚喜噶係入邊加咗馬蹄，令到D粥爽甜好味，好新鮮，係香港呢煲粥可以話係一流，真令人大快朵頤！如果一百分滿分，我比99分！超級讚！❤️

又新街美食多，元朗人都不會陌生，今晚開餐的泰豪燒就正好是其中一間。質素價錢合理，有其特式，泰菜香港人都熟悉得很，但泰式粥品，還未算普及。環境企理，地方不大，牆上掛滿了木雕，泰式感覺滿滿。餐前小食$10，蘿蔔雞翼尖，五香粉味道濃烈，雞翼尖及蘿蔔都夠諗夠入味。點了二人套餐$298，海鮮砂鍋粥配串燒。粥底海鮮選了蝦及蟹，選蟹要多加$60。上湯粥底軟綿細滑，味道鮮甜。蟹肉雪白嫩滑，鮮味無窮，加錢都是值得。👍😍😍 海鮮還是蝦蟹最好味，雖然感覺普通，但郤是最受歡迎的。套餐包括了串燒6串，串燒乾身，粥底濕潤，一剛一柔，互補長短。有雞中翼、肥牛腸仔、花枝丸、虎皮尖椒、粟米及菠蘿。每種串燒採用不同的調味品，郤不約而同的各自散發著泰式風味。串燒雞中翼腸仔肥牛卷牛油燒粟米燒菠蘿花枝丸虎皮尖椒飲品是OJ 兩罐 😁😁。

今晚難得早左少少放工，就特登入左元朗接埋媽咪收工順便一齊食dinner。因為媽咪想食海鮮粥，見到之前有食評話就呢間泰豪燒有得食砂鍋粥，仲有食串燒，可以滿足曬我地兩個人既願望，就決定試一試。我地揀左個2人套餐，包括兩款海鮮既砂鍋粥同6款串燒。佢地既海鮮日日都唔同款，我地聽到老闆話今日既膏蟹好靚，頂曬膏，所以我地都即刻加少少錢轉膏蟹同鮑魚。等左一陣，當一大煲海鮮粥上黎個陣，我同媽咪對眼都真係發光。首先，份量真係十足，2個人食起碼最少有3碗。而且，最有誠意既係海鮮好新鮮，夠曬足料。D膏蟹紅卜卜真係無呃我，頂曬膏。而且見到唔少鮑魚切件，兩樣加埋超級鮮甜。值得一讚係佢唔係就咁普通白粥做粥底，而係加左冬菇同上湯，所以食落好鮮味，我下次一定會再點！另外，d串燒都非常唔錯。我地因爲食到飽飽地，所以主要都係叫蔬果類。雞翼燒得香口，入面都有肉汁唔會太乾，加埋蜜糖同孜然粉，相當好食。我地加左廿蚊轉2隻生蠔，都算大隻，略嫌太多蒜有少少蓋左生蠔既味道，如果落返少d就更perfect。我覺得最正既係燒粟米，好有驚喜，有好香牛油味，燒得岩岩好，我同媽咪都讚不絕口，下次一定會再點！總括黎講，呢間鋪值得推薦同會再黎，環

元朗多好野食係人都知，今次特登過黎食串燒，位置比較隱蔽，係又新街轉個彎先搵到。呢度裝修都算幾好，坐得幾舒服，唔會覺得逼，仲好夠冷氣tim！呢間小店係平民小店，價錢好抵食，選擇都算好多，燒韭菜調味出色，亦燒得恰到好處！菇類都燒得好好，尤其是雞髀菇，超大隻超juicy! 最特別係牛板翼扒，第一次聽，第一次食，好好味，又唔乾好嫰口！除左串燒呢度有d泰式海鮮，叫左個辣汁蜆粉絲，超多蜆超多粉絲，超夠飽！索哂d汁超正！值得一試

元朗一向出名周圍都係美食，今次嚟到呢一間串燒，雖然地址係寫又新街，但其實係要轉幾個彎先搵到，比較隱蔽，但好食嘅嘢幾隱蔽都會俾人發掘到。本人對串燒一向都有啲要求，呢一間泰豪燒亦都滿足到我嘅要求！燒韭菜調味出色，亦燒得恰到好處！菇類都燒得好好，尤其是雞髀菇，超大隻超juicy! 肉類都處理得好好，呢度有個特別野叫牛板翼扒，第一次聽，又有驚喜喎！除左串燒呢度有d泰式海鮮，叫左個辣汁蜆，雖然食落其實就唔係好辣，但好有風味，超多蜆超多粉絲！索哂d汁超正！

突然好想食燒蠔 於是上openrice搵下 見到大家啲評價好似幾好咁就打算買外賣返屋企食可能本身對呢間嘢有太高期待令到我食完呢一次就唔會想再食第二次叫左一打蠔 點知真係好失望啲蠔完全唔新鮮 有幾隻仲特別腥仲要等左成個鐘如果大家只係想食蠔 就唔好係呢間食喇其他食物我無試過 就不作評論