泰贊- 創意泰餐廳 (已結業)

和朋友在尖沙咀吃飯，他知道我喜歡吃雞，就選擇了一間在美麗華商場的泰國餐廳。半隻海南雞，完全起骨，味道尚算不錯，雞肉亦算嫩滑，份量兩個人食就多了一點。小食拼盤包括沙嗲串燒、炸春卷、炸蝦餅、炸雞翼、炸薯條。兩個人食，我覺得比較熱氣。蝦餅味道是五樣食物中最好的，炸雞翼就冇乜味。冬陰功湯非常好飲，份量一般，不過味道濃郁，湯料亦足，我飲完一碗又一碗。食完正餐，就梗係要點甜品啦，佢嘅甜品選擇都好多，我下次都想去試吓食其他嘢，不過去第一次去嘅泰國餐廳一定要食咗佢嘅芒果糯米飯先。呢個芒果糯米飯我非常滿意，佢鋪排得好似西式嘅長條型蛋糕咁，賣相精美，糯米飯夠淋，芒果都甜，配搭喺椰汁上嚟啱啱好。

疫情下無晚市堂食，唔想日日自煮，見到外賣自取六折就試吓。雖然門外有好幾位等緊，點左三個飯、意粉，十五分鐘就有都算幾快。點左冬陰公海鮮意粉、椰汁大蝦海鮮炒飯、芒果蛋白露筍軟殼蟹炒飯。市道唔好，特價外賣好多份量材料都調整過，麥記個包都縮左水。一打開個盒，賣相香味份量都有驚喜，食落仲好得。冬陰公海鮮意粉睇樣就知唔夠辣，不過都夠香茅檸檬葉冬陰公味。青口大隻好味又多，意粉炒得乾身唔多油，整體不錯。椰汁大蝦海鮮炒飯，一打開好香椰汁味，唔只一隻蝦，係炒飯入面有好多中蝦粒，五毫子咁大粒蜆肉。粒粒炒飯都充滿椰香，啖啖都好足料。折左$63咋，真係賣大包。芒果蛋白露筍軟殼蟹炒飯，呢個炒飯本身幾好味，只係唔適合外賣。腰果同軟殼蟹都淋左，唔計脆唔脆，軟殼蟹都好肉幾好味。芒果香甜，露筍多到老公問係咪唔使錢？有生果多菜，個飯好fresh 咁。$63一個外賣飯盒嘅賣相都依舊講究，用的器皿也分炒飯用紙盒減少倒汗水，有汁用膠盒。色香味分量十足，簡直超值。

今日外賣左一盒海南雞飯套餐及一盒菠蘿炒飯拼燒雞。海南雞大大件又嫩滑，配菜酸酸辣辣又開胃，油飯不會太油膩煙煙韌韌。另外菠蘿炒飯拼燒雞，燒雞嫩滑而不韌，飯內有雞肉粒，肉鬆，提子乾，菠蘿粒，青豆及紅蘿蔔粒，配搭恰到好處。最後一定要提佢哋餐廳的外賣盒，外賣盒不是平時的白色發泡膠盒，佢哋採用厚身有坑紋兩層的膠盒放海南雞飯。海南雞，配菜有隔開而油飯在盒的下層，這樣味道不會變質，另外熱飲杯是採用厚身坑紋紙杯不易燙到手。而菠蘿炒飯拼燒雞是採用紙盒盛裝，盒內有一層透明膠令到炒飯不會滲出盒外。

套餐一個人食唔晒，叫咗個海南雞飯，黃油飯做得出色，飯粒粒分明帶有少少黃薑味，配上海南雞醬同姜蓉一齊食，簡直係絕配，唯一美中不足就係雞肉比較唔夠滑，另外叫咗一碟沙嗲豬肉串同蒜蓉牛油炸雞翼，雞翼一上枱散發着勁香濃嘅牛油蒜蓉味，香爆幾張檯，咬落去濃濃的牛油香喺口中散發，真係外脆內Juice，食完久久都散唔走的味

一個星期食咗兩次泰國嘢我覺得今次係好大嘅對比首先環境方面咁當然呢係靚啲啦喺商場裏面食物質素方面其實都唔差食物嘅份量真係好細碟期待已久嘅小食拼盤上到嚟真係o左咀其實可以換過細啲嘅盤咁令到裏面嘅食物好似多啲泰式炒金邊粉可以唔叫。。。較為遜色😔因為個面好硬而且太過酸😖值得推介嘅係嘢飲杯杯都好好飲❤️❤️豬手果皮係脆既嘅但係都可以唔叫因為咸到不得了😀😀炒蜆好好食個汁好好食吖甜品就無試佢話其他人覺得好飽了呢一間野都可以比多一次機會嘅下次去試吓嗰啲甜品

so thai so good......so far very bad......下午茶， 叫左金邊邊粉同菠蘿雞炒飯。首先， 評價下金邊粉:見到青豆已經知伏， 食真啲先知完全無肉。落左大量味精，同超咸。食左幾啖停口了。知道要去另一間餐廳。跟住， 講下菠蘿雞粒炒飯：食落比金邊粉好， 但都係唔掂。睇圖中白色飯粒就知炒飯失格。炒唔勻啊， 失敗!青豆加提子乾又係不倫不類。 成本節省， 明白的。但如果食啲咁既野點解唔去百佳廿幾蚊就有成大碟?其他問題例如侍應人數不足， 窗邊有隻大烏蠅， 比起食物就顯得次要了。結論: 可一不可再!

今天吃的這家泰國菜🇹🇭我覺得是繼泰面之後比較喜歡的一家，士多啤梨🍓的奶酪乳好好喝，小食拼盤也滿分💯，唯一豬肉碎味道有點重了，不喜歡，週五的晚餐總是好開心🥳現在open rice還可以買優惠卷，這一餐好像不到400

系尖沙咀買完野好肚餓😖唔想等位 隨便入咗一間主打✨fusion菜 ✨嘅餐廳但叫完先發現我地叫嘅都系普通泰菜🤣🦐特色鮮蝦金邊粉唔知佢特色系邊🤔咪又係普通pad thai 但個粉幾好食👍🏻唔食得辣嘅‼️記住唔好撈晒啲辣椒粉撈完之後 朋友完全食唔到🤣🤣嗰幾隻蝦就冇咩味ㅤㅤㅤㅤㅤㅤㅤㅤㅤ🐥泰式海南雞（半隻）雞皮好滑🤤🤤🤤超正雞肉有啲就鞋 有啲就滑 有待改善ㅤㅤㅤㅤㅤㅤㅤㅤㅤ🥬蒜茸辣椒炒通菜炒得好香👍🏻ㅤㅤㅤㅤㅤㅤㅤㅤㅤ🥄冬蔭功湯每次食泰菜必叫冬蔭功🥰味道okㅤㅤㅤㅤㅤㅤㅤㅤㅤ🍹泰式凍奶茶系泰國嘅味道💕💕💕💕正ㅤㅤㅤㅤㅤㅤㅤㅤㅤ🥭芒果奶蓋茶佢嘅奶蓋好淡奶味 而且比起奶蓋 佢更似沙冰🤔

Cool cool地食個泰國菜😎💁🏻‍♀️💁🏻‍♀️So Thai So Cool (尖沙咀)地址：尖沙咀彌敦道132號美麗華廣場一期1樓105號舖今日happy fri🙊 同個fd諗住搵間坐得舒服既餐廳慢慢食野 吹下水😎 今次已經係第二次幫襯😚呢度service幾好 環境又唔錯🥰🥰見到佢今次個Menu有抗疫價😆有幾款特定菜式都係有半價折扣優惠超抵‼️‼️因為佢有分2-4人可以叫一款半價菜式四至八人可以叫兩款咁💁🏻‍♀️特色蝦球金邊粉$85 （抗疫價$43）威威味蕾：👅👅👅👅👅👅👅👅（👍🏻=👅x 6-10👎🏻=👅x 1-5）佢嘅蝦蝦好大隻 仲好爽口😚金邊粉質地炒得都好乾身加埋配料調味有花生碎同辣椒碎👀係我鍾意嘅口味🤤 💁🏻‍♀️原隻滷水豬手 $150 （抗疫價$75）威威味蕾：👅👅👅👅👅👅👅（👍🏻=👅x 6-10👎🏻=👅x 1-5）呢款豬手半價真係好抵分量超多 兩個人都食唔晒😫雖然略嫌味道差少少 唔夠入味但肉質就好夠林🤤 配菜有鹹酸菜加埋一齊食其實岩岩好😝💁🏻‍♀️泰式炸蝦腐皮卷$65威威味蕾：👅👅👅👅👅👅👅👅（👍🏻=👅x 6-10👎🏻=👅x 1-5）我不嬲都好鍾意食蝦餅🤣🤣呢款腐皮炸蝦餅都幾得意

安排左中菜飯局之後 下一個飯局就想食泰國野 u see 之前成日出街食 諗想食乜時就冇乜渴望feel 耐冇食時 個重 ‘我想食’ 就由心而發 🤪Anyway 又唔想去傳統個D 就係㨂左尼個新潮D既坦白講 冇乜驚喜 不過樣樣都好味 重點坐得好舒服 同朋友吹水吹得好自在 可能因為open area in mall 又有板隔住 滿哂座都唔嘈 比較有印象既係個甜品同軟殼蟹辣既 Bownie 辣味同朱古力味比例唔錯 軟殻蟹平時有D餐廳會整到林pet pet 尼間整得 乾身度同爽度不錯同埋平日D 泰國餐廳 比較重or 濃口味尼間就唔會 食完唔會成口味 感覺健康D

至啱家庭丶朋友聚會😊坐得舒服丶環境唔坐，食物質素ok最重要食物多元丶多選擇😋值得一讚的是佢嘅豬手真心好食，雖然係肥肥地但真係啖啖juice，好似係曼谷街頭食果d～～～

今日同朋友黎咗尖沙咀美麗華商場食泰國菜，我最鐘意係餐廳嘅甜品，係餐廳門口個雪櫃擺放嘅甜品已經吸引咗我嘅眼球，我同朋友就叫咗餐廳出名嘅芒果拿破崙同香芒糯米飯。餐廳嘅甜品都花咗吾少心思係擺設方面，絕對係好啱鐘意打卡嘅朋友。下次我一定會同朋友番黎再食！！😙

餐廳空間大，環境舒服，近窗位置可以望下景色。抗疫下亦有做優惠。dinner時間都唔少食客。叫左軟殼蟹芒果米紙卷($95)，泰式醬汁炸雞扒煲仔飯($75)，泰式肉碎生菜包($70)，椰皇椰子雪糕糯米飯($65)。米紙卷一共有8件，卷住大量蔬菜，例如紅蘿蔔絲、青瓜絲。雖然芒果餡唔係件件都包住，不過芒果甜，而軟殼蟹唔油膩。醮埋甜酸辣醬亦唔錯。尼個餸冇咩泰國特色，雖然加左泰式醬汁。炸雞扒不過不失，肉嫩而且大塊，亦貼心地切左一件件，方便食。不過，可能醬汁太多(?)，個飯"林"左dd，如果多d飯焦就會更加好。肉碎充滿香茅味，而且辣辣地，夠惹味，肉碎有肥有瘦，用生菜包住食口感唔錯。最吸引既係有椰子雪糕糯米飯，平時泰國餐廳多數都係芒果糯米飯。但今次尼到，就可以食到椰漿椰子味糯米飯，超jeng。雪糕既椰子味好濃，而且椰漿又多，配糯米飯一凍一熱食，好爽。碟上面灑上既白色粉，除左係點綴之外，原來係椰絲粉，多重椰子享受。整體，甜品整得出色，而且門口廚窗外面有多款蛋糕，可以揀個蛋糕慶祝生日，而且賣相唔錯。

今日同朋友難得出返尖沙咀交收 知道有間餐廳支持醫護有優惠 就決定黎試下 夜晚 7點到 都已經好多人等 等左差唔多40分鐘先有得入座 餐牌上都有好多唔同選擇 最後決定叫左個黃咖哩牛筋腩 配薄餅 、 炒芥蘭 、冬蔭公海鮮炒飯 同埋蝦餅 咖哩都幾惹味 配返幾塊薄餅送汁 唔錯蝦餅都不過不失 芥蘭都係中規中矩至於海鮮炒飯個份量好足 食到最尾都幾飽下 最後叫左個甜品 芒果糯米飯 芒果味唔錯 可惜係飯稍硬 美中不足 總括黎講 兩個人食左二百五十幾 都算唔錯的晚餐體驗

「香港篇 - 尖沙咀」“So Thai So Good 🇹🇭” 🌟🌟🌟🌟/5Bookmark左依間新潮泰菜好耐🤤而家去食 食夠$200已經送生菜包啦🤩🔻冬陰公大蝦海鮮炒飯 🦐 ($105)依個飯炒得幾好食😋食得出冬陰公個味又唔會太辣或酸👍🏻🦐充滿蒜香🤤不過其餘海鮮係烚完放上去😥🔻黃咖哩牛筋腩 🥘 ($95) 🌟🌟🌟🌟🥘加左椰漿 食落唔會辣到噴火🥵反而係甜甜地🥰牛筋腩煮得軟淋 食極都仲有🤩加左🍠🍆煮又幾得意 🍠本身甜 加埋🥘更甜😋🔻雞肉及豬肉沙嗲串🍢($70) 🌟🌟🌟串燒一上枱超香🤤🤤一咬落d肉汁爆出來 唔乾🤩炭燒味唔太夠 係食燒汁既甜味同沙嗲醬🔻泰式肉碎生菜包 🥬 (free)唔太辣 適合唔食得辣人士😛薄荷味好出 可惜香茅味唔出 成兜野唔太夠味🥺🔻蜜瓜/石榴乳酪 🍼 ($40) 🌟🌟🌟🌟🌟係比蜜瓜乳酪🥳第一啖似飲蜜瓜奶🙃飲多幾啖飲到蜜瓜既清新同微酸既乳酪好夾💯石榴乳酪相對冇咁甜 飲落再清新d同健康d💪🏻🔻Roti薄餅 🌮 ($30)個薄餅煙韌 烤得香口 配埋🥘好夾🥳💁🏻‍♀️有野送真係好抵食🤩係尖咀食 依個價錢算係咁🤔