泰農菜館 (已結業)

今日去九龍城食泰菜！去左一間歷史悠久嘅泰菜館。一坐低先叫野飲。我叫左椰青，朋友叫左青檬梳打。兩個都係解渴之選！看menu，價錢屬於非常之抵食！兩個人都末係好肚餓所以只係點左三樣野。串燒沙爹牛肉6串，好香好大串，肉質鮮美夠霖👍🏼👍🏼咸肉炒椰菜苗，就算用咸肉炒都唔會好咸，啱啱好夠惹味！菠蘿炒飯，第一次食有咕嚕肉同蝦鋪面嘅菠蘿炒飯！又幾特別喎！足料👍🏼埋單三百幾！抵！點解我知歷史悠久？因為食完叫到張coupon寫住二十九週年！🎉🎉

今日約左同事去屋企樓下食泰國野，呢間我未食過，所以同同事去試下味道先餐廳有做緊特價優惠，開頭我以爲咁平份量應該好少，但原來我估錯左咁大碟柚子沙律先$42,去邊度食到吖，份量差不多有成個柚子咁多，而且仲要係勁多汁同甜，推薦！平時蛋煎蠔餅就食得多，但泰式鐵板蠔餅我就未食過，朋友話見有特價，所以叫左來試下估唔到勁大碟，俾佢嚇親，因為份量真係好多！蛋炸到好脆，而蠔仔就保持仲好軟身，好味道，我同同事都好中意食椰汁海鮮飯有一大煲，真係好抵！呢個飯食落去每一粒白飯都充滿住椰汁味，真係好鬼好食吖，食3碗都仲好想食，有好多蜆，仲有蝦同青口最後我地叫左芒果糯米飯，芒果有2層，即係有1個咁多，而且夠甜同香，個飯有紫糯米同白糯米2種，非常夠熱，一定要熱食先軟綿綿！呢間水準真係好高！呢間泰國餐廳價錢真係平同大碟，九龍城雖然有好多泰國餐廳，但唔係間間都好食，呢間我覺得真係值得我再去幫襯

最鍾意同女朋友食泰國菜，今次去咗泰菜王國九龍城，求其去咗間我哋未去過嘅餐廳，真係意想唔到咁好食喎，而食物價錢都唔貴。椰青 ($36)次次都會嗌椰青嚟飲，夠清甜解渴，仲可以食埋椰肉。泰式明爐筍殼魚 ($198)我唔食辣所以嗌咗非辣嘅明爐筍殼魚，魚肉鮮甜嫩滑，一啲都唔嗌，好好味。個湯汁酸酸地，仲有啲椰菜係掋，魚又夠大條，掋食。菠蘿炒飯 ($88)呢個不過不失，份量夠大，菠蘿越食越開胃。椰汁千層糕 ($30)呢個最有驚喜，個椰汁千層糕竟然係熱辣辣架，唔通係即叫即蒸？！口感勁煙韌彈牙，椰汁好香濃，呢個一定要食呀！

泰菜一直是香港人至愛，它味濃，香料十足，款色的煮法又多變，自然啱晒香港人的口味，跑出一定也不足為奇！今次有朋友送我一張7折coupon ，當然要來九龍城的泰農大擦一餐……泰農令我想起泰北的農民，辛苦種米，也會有她們獨有的泰北美食！真的"撒話D cup "好，逐碟品評:1. 雜錦拼盤: 有蝦餅、春卷、炸鷄肉……蝦餅好香口，又蝦味，入口好脆，啖啖肉，春卷也咸香，又長又窄，令人沒法抗拒，炸鷄肉好滋味，完全沒過火，汁汁上乘2.香辣肉碎抄耶芯: 耶芯青甜，吃上辣味又有少少煱氣味，有生菜包肉碎之口感3.水門涼瓜扎肉: 特別之菜，少見於一般泰菜館，扎肉正，涼瓜有處理，不苦！口感有鄉下之回家味！4.酸辣脫鳳爪: 極開胃，無骨鳳爪令人可大快樂，厚身，肉實淨！5.甘柚子沙律: 泰抽清甜，有回甘，沙律菜頗多，配搭得宜！6.泰式抄金邊粉: 壓下青檸，令成個粉層次提昇了一級，香甜酸度感令粉皮變得多層次了，中细蝦又爽甜，yummy yummy , 媽，好好味呀！會，一定會再來！

去九龍城吃泰菜已很多遍，仍未吃過所有餐廳。今晩又來試新餐廳，這間泰菜開了二十多年，老子號果然夠客人捧場，週未的晚上非常爆滿。用來杯泰國啤酒 ($27) 爽一爽，用冰冷的大杯子更爽。酸辣脱骨鳳爪 ($60) 很辣，不吃辣的朋友就不要試了。但好像我很會吃辣的就會愛上這道小食。鳳爪爽口彈牙，越吃越辣，越辣越刺激，配上啤酒實在太幸福了。吃完辛辣的鳳爪再喝點豆腐肉碎粉絲湯 ($65) 就最好不過了。雖然點了最細的size，但份量也不少，二人也可分到四至五碗。豆腐又多又滑溜，粉絲也有嚼勁，湯底清甜，必試。甜品香芒石榴子西米露 ($40) 非常特别，爽口的石榴子配上香甜的芒果和西米露，口感豐宦，味道竟然不膩，必試之選。

今日約左舊同學聚聚，有人提議去九龍城食泰菜，於是我們就人才濟濟地撘車入去食。先黎份拼盤，拼盤有四款食物，全部都金黃鬆脆，係熱氣人的首選！四款食物當中，我比較欣賞泰式蝦餅。外面炸得乾身，唔會油淋淋，內裏夠香夠彈牙！另外，我們仲叫左一碟馬拉盞炒通菜。除左菜夠嫩之餘，味道非常有鑊氣！另外，我們仲叫左一條泰式明爐蒸魚，上菜時，職員會燃點鐵盤下的蠟燭，令菜式更熱辣辣。當D泰式酸辣汁開始滾起，就係大家起筷的時候。餐廳會另外提供泰式酸辣醬比大家點魚食。點完個味會更豐富！我們仲叫左一份青咖哩雞。餐廳會以煲仔上，等大家食到熱辣辣，椰漿味香的咖哩。食咖哩點可以唔叫份蒜蓉包呢？呢到的蒜蓉包好香，又唔會死實。最後D男丁想叫多份炒粉，呢個香辣乾炒金邊粉，炒得均勻，食落夠香，仲唔會太油膩。最後，我們叫左一杯涼粉冰及青檸梳打，令呢一餐變成更完美的一餐。

前排去左九龍城接朋友收工，之後佢地就帶我去食好野。大家都知係九龍城係泰國人聚腳之地，有數之不盡的泰國餐廳都係個到。朋友仔話呢間泰農已經開左29年，值得一試！坐低即刻叫杯野飲先，我就叫左杯青檸梳打，朋友仔就叫左一杯椰纖涼粉冰。青檸梳打夠晒凍又夠氣，酸酸地，好適合夏天飲用。至於椰纖涼粉冰內的涼粉份量都幾多，幾抵飲。叫左碟小食拼盤Share，一共有四款小食，當中包括蝦餅、芋蓉春卷、香葉烤雞及泰式魚餅。春卷皮炸得香脆，餡料的芋蓉好香。係市面上的香葉烤雞，雞肉因烤得過火而變得太乾。餐廳的香葉烤雞唔止唔乾，食落仲有D肉汁，Juicy也。咸肉炒椰菜苗係比較少有的菜式，利用鹹肉的咸香味，同椰菜苗一齊炒，味道更香。另外，我們叫左一碟泰式香辣乾炒河粉，不過河粉已經賣曬，於是我們轉左金邊粉。炒得好香口的粉！雖然淨係有蔬菜及肉粒，但已經夠好食。去泰式餐廳食飯，我通常都會叫一客青咖哩雞。泰農的青咖哩雞棷汁味好香，值得一提的係餐廳用的係有骨的雞，而唔係用雪櫃雞柳。如果大家唔鍾意椰汁味，餐廳仲有另一款青咖哩可以選擇。食咖哩又點可以無薄餅呢？好鍾意呢到的薄餅係一塊一塊叫，唔洗驚叫左一份唔夠，但又食唔落第二客的大家。此

呢間食物水準穩陣，價錢合理。屋企人都鍾意呢間，通常都會光顧。每次黎到都點明爐蒸魚。我平時唔太鍾意食魚，但都會食呢個，好滑同埋佢個湯必飲！酸酸的，開胃 👍佢有張餐牌特價嘢食，無限叫幾多。麵包咖哩蝦就其中一款，原價9*,特價6*。 大約有五隻蝦，咖哩配法國長包，正。但後面嘅香葉包鷄就唔使特別點，可以留肚食其他嘢菠蘿炒飯炒得乾身，但我推介椰汁海鮮飯，好香椰汁味同都多海鮮。(不過冇影相，太好味😋)蝦多士就唔得，似食緊炸豬肉，一粒蝦都搵唔到 😑飯後飽到食唔落芒果糯米飯，但佢送芋頭西米露，都多芋頭，不錯。呢條街都有唔少值得encore 嘅泰國菜餐廳，呢間係其中之一👍

我忍不住一次次來這家泰國餐廳用餐。我們住的地方距離這裏45分鐘路程,而且附近有很多泰國餐廳,但每幾個月我們就要來這裏用餐一回。上個周末我們來吃最喜歡的咖喱綠雞(和回鍋肉。現在每瓶啤酒要35元,但比周圍的酒吧還是便宜很多。食物的質量一如以前那麼好。看起來自從上次5月份來這裏吃過飯之後,這裏的菜價稍微漲了點。但儘管如此,現在這裏的菜價還是很物有所值。我們強烈推薦灣仔的這家餐廳。這裏的泰國菜做得很棒,非常辣(不像中餐那麼甜),非常地道的泰國風味。如果你想吃泰國菜,非常值得找到這家餐廳來嘗試一下。、這家餐廳找起來有些費勁,但找到時候可以留心一下明亮的綠色小招牌！

大部份人應該都係因為7折coupon來食的吧！（每次食完都會有兩張七折優惠券）但其實我覺得無七折都值，因為真係好好食！我有好幾個月都無用優惠券去食。首先講下服務態度，去過的都知，老闆陳生好好人，次次食唔曬食物都會走過來問，做咩食唔曬，係咪知水準？事實係我眼闊肚窄，同野食真大碟！又會不時走過來講下d菜有咩特色，好friendly.姐姐們都好親切，有時候仲送糖水的！而且係好好食！呢間的services 真係一流！菜方面，我個人就好鐘意馬拉盞炒菜苗，鐵板蠔餅，菠蘿炒飯！菠蘿炒飯係真菠蘿肉，唔係地們菠蘿的！食過一次之後，我一家都做咗常客真係，有機會的一定要試下！無七折都要試下

又到聖誕 又到聖誕🎊🎊唔想去人多擠迫既地方 所以選擇靜靜起九龍城食飯算今次選擇食泰國野 座位好闊落 環境舒服 唔會擠迫所以都幾適合朋友聚會🍽🍽特別推薦呢個燒雞 燒得好香 又入味雞肉唔會乾憎憎 仲保持到肉汁鎖住非常好食👍🏻👍🏻炒椰樹芯好少見 多數泰式餐廳先會有炒菜唔會太咸 但略嫌菜式頗多油😅反而蟹肉炒飯沒什麼大驚喜平平無奇 炒飯也算份量充足可以再加點特色值得一提係 餐廳服務好好侍應好細心 也頗健談好多溫馨提示俾客人 好窩心👏🏻👏🏻❤️

聖誕節病左成個星期，叫做岩岩好返，胃口終於有返少少，我同女友黎九龍城開聖誕餐燒春雞🐓（細份）：燒得好香丫😍啲骨好易就分開，尤其係啲皮，有少少焦香味，好味😍蠔油冬菇椰芯🍄🌿：其實第一次食，佢整到好似薯條🍟咁，超初以為係😂，椰芯，其係就係椰子的芯黎，好少地方有得食，食落好爽口，而且炒得好香口，配埋青蕉，紅蘿蔔🥕，冬菇🍄好豐富🍽蟹肉炒飯🦀：啲蟹肉放在係上面，不過唔算太多，賣相都ok, 份量如果再多啲就好啦

今日上司請大家食飯，選擇了泰國菜。泰菜當然要在九龍城食啦！佢選擇了這間泰國餐廳服務生服務普通，但老闆陳生就幾熱情，仲幫我們影相。我們一圍枱，叫咗差不多15個菜。鐵板蠔餅：好香脆、熱騰騰；好多大粒蠔仔，有芽菜及蔥配菜，好好食冬蔭公：好惹味、酸酸辣辣，但真的好辣喔，喜歡辣的朋友就會喜愛；有好多蝦，好多菇！小食拼盤：我比較喜歡香葉雞塊同蝦餅；蝦食好厚身，好脆好有口感；雞塊保留了肉汁，唔會乾身燒豬頸肉：好香燒得好好，肥瘦剛好咖哩蟹：比較失色，咖哩味唔夠重，蟹都大隻，用咖哩汁點包或配飯都幾好食串燒：我們叫了牛同雞，好大塊，好香口，唔會好燶叫了馬拉盞炒菜苗及咸魚炒芥蘭，菜苗好嫩好腍，馬拉盞好香口；芥蘭比較脆，但無乜咸魚味，個人喜歡菜苗炸蘿蔔餅：好香口好熱騰騰，外脆內軟，有蛋芽菜同蔥配在一起食更佳喜歡這個酸菜烏頭：魚剛剛好，酸味好夠好惹味，令人停不下來，好多配料

九龍城係有好多泰國美食係眾所周知嘅事，但要搵一間真係好食，一啲都唔容易。難得有活動係呢邊搞，緊係好好珍惜可以食好嘢嘅機會啦。朋友話呢間食過lunch唔錯，一於食食佢。坐底即睇餐牌，正，好耐無食泰菜，好難揀。。。有相嘅餐牌係好睇啲，價錢比我想像中算平。好耐無飲夠濃椰汁嘅珍多冰（$30），超濃郁，好好飲！青咖喱叫咗牛，唔太辣夠哂香，真心要趁熱食，好好味！超正！（$70）叫得咖喱點會唔叫包呢，香蒜法包，夠蒜味，即使淋左汁係面完全唔會各搶各嘅味，恰到好處（$28元有6舊）$178粉絲大蝦煲，有成5，6隻大蝦，夠哂入味，開埋殻添！係粉絲煮得太淋，少啲口感。友人喜歡叫魚食，揀左倉魚，都可以接受，好似唔係好食到魚嘅鮮味（$138）感謝友人俾我叫呢個泰式炒蘿蔔榚（$88），蘿蔔榚係有料係入面，好似中式蘿蔔榚有啲肉，不過蘿蔔鬆啲，無中式咁足。整體可以接受，叫多份香酥餅都係每人210元，可以再食。臨尾仲係煮得剛好熱嘅芋頭西米，正！

話說朋友想出黎相聚，咁我地有大人有小朋友，加加埋埋都成十個人，要諗去邊食都好苦惱。突然其中一名朋友話有呢間泰國菜嘅7折coupon, 咁就一訴去試下啦，張7折當然係正價先有優惠。泰式無骨鳳爪：唔太辣，亦唔夠入味，好淡。冬蔭功湯：我地叫左個大嘅，湯嘅辣度就夠啦，但香茅味唔夠，入面有大蝦。菠蘿炒飯：唔知點解上面會有炒蝦球，菠蘿粒好少，但都炒得唔油，不過味道偏咸。蠔餅：第一次係泰國菜館食蠔餅，佢又整得好香脆，可以算係全晚最好味嘅，蠔仔好大粒，亦都足料，又唔會腥。冬菇炒椰芯：椰芯嘅感覺就好似食梗荀咁，但好清甜，幾好味。麵包咖哩蝦：我第一次見咁細衯咖哩，係出要茶餐廳碗例湯咁細碗.....咁就7十蚊了....仲要咖哩唔香，冇咖哩味亦唔辣，失望。濕炒海鮮河：河粉得好少，但算好食，起碼海鮮唔係急凍。馬拉盞炒貴妃苗：馬拉盞唔夠味，好淡.....蝦多士：炸到好燶........亦都好少蝦.......我地仲另外叫左幾杯飲品，同幾支啤酒，埋單每人150蚊，平就算平但份量同味道真係唔多好，我諗如果唔係有7折都未必會黎食，埋單黎佢又送多張7折黎，但未必會用到了....