泰金國 (已搬遷) 新店位置

朋友介紹呢間穩世泰國野俾我，點知去夜晚9點幾去食都好多人食既朋友要預早啲去首推呢個生蝦，真係好正佢連蝦頭都炸埋輕埋醬汁食一樣好食燒牛肉國豬頸肉好好食，特別係佢呢度既燒牛肉一啲筋都冇而且唔‘銀’，最後個燒雞翼都好正上枱既時候熱辣辣而且好香好入味呢個金邊粉份量好多但味道唔夠可能我食開重口味，最後要推薦佢個芒果沙冰。

我最喜愛泰國菜again❤️人均～$200基本上每次黎都會叫呢幾款：🌟泰式生蝦 仲會炸埋個蝦頭 非常滋味🤪🌟皮蛋炸蝦餅 非常創新 食咁多次皮蛋都係流心🌟燒牛肉 鎮店之寶 每枱必叫！🌟泰式醉貓炒河(好辣🔥🔥)🌟咖哩蜆 要叫個蒜蓉包點咖喱食！🌟馬拉盞炒椰菜苗*🌟海鮮炒河 呢個唔辣 岩一家大細每碟餸都十分有獲氣同惹味😋而且有濃濃的泰式風味 岩哂一眾重口味人士！🥳*無去咁耐依然都係人山人海 強烈建議要早啲到 或者訂左枱先！😵*

星期五夜晚九點幾，二人行去到泰金國都仲要等位真係旺場！二人行叫左三份小食，一份主食，埋單260幾蚊，九龍城泰國菜正常價錢，唔係特別平。燒豬頸肉燒得非常香口，肥瘦相間，有嚼口又唔會韌。一碟份量唔少，大大細細加埋都有十幾廿舊。抵食！炸蝦餅新鮮滾熱辣上碟，配搭甜甜酸酸嘅甜辣醬，香口得來又好好食。不過略嫌有啲熱氣，食咗兩舊之後連牙肉都痛埋不過蝦餅入邊主要好多魚肉膠，反而蝦味欠奉。泰式碎豬肉包生菜，啲豬肉好辣，可能係我唔食得辣啦。同行有人就食得好過癮啦，鋪頭提供嘅生菜都唔少，有時有啲鋪頭比生菜得嗰幾塊，如果要加生菜仲要俾錢。呢度就唔使啦生菜多到我可以用來就咁食成晚唯一比較失色啲嘅就係炒金邊粉，雖然炒得好香口，但係味道略嫌有啲唔夠，淡茂茂。值得一提嘅係我見隔離枱帶咗個燒牛肉，睇起上嚟非常好食，下次如果有機會嘅話我一定會叫黎試下！提醒！呢度係唔俾加單架，所以如果要嗌嘢食要一次過嗌哂！

諗住開開心帶屋企人食飯 點知d人黑口黑面 唔休做咁 尤其個個男人 （全場樓面得一位應該）落單個女人都唔太好 叫距拎碗or紙巾都驚比距話 落完單 仲要即刻報時話你知幾點要交台 行出行入 又眼超超食得好不安 好唔開心野食雖然係唔差 但態度都唔係衰到咁好後悔帶左屋企人去食 距地都好唔ok唔會再幫襯呢間野！完全體驗到比錢買難受既感覺！!!!!!!!!!!!!!!!!!!!!!!!!!!!!!!

小胖朋友一直力推呢間泰國店，約咗好多次都約唔到，今次終于成功去食到晚餐！餐廳位置唔多，所以小胖8點晚餐時間去食時都要排一陣先入到，內部環境未係好靚，裝修都頗為簡樸。佢的菜單和普通泰國店差唔多，不過就無小胖平常去開泰國店老必叫的串燒。小胖和朋友一行四人，分别叫咗泰式炒金邊粉，炒飯，燒牛肉，飛天通菜和泰式併盤, 佢有好多唔同口味的菜，例如馬拉盞通菜之類，小胖其實都唔知飛天通菜係咪，不過個名幾有趣就叫😂小胖好鍾意佢的金邊粉，因爲唔係好甜，炒飯和通菜都係辣的，仲要係好辣，由其係通菜，因爲有汁浸住，小胖和朋友要一邊飲嘢一邊食先得，但好好味，佢的辣唔係死辣。佢的燒牛肉真係必推，牛肉燒到剛剛好，仲帶有肉汁，而且就算唔洗點醬汁都好食，同埋係無肥的部分，真係啖啖肉除咗燒牛肉，佢地的沙冰都好好飲，特別係椰汁沙冰，超香椰汁味，泰國店有沙冰真係比較少，多數都係椰青，汽水多。佢的服務員中文普通，同埋佢人數唔係好夠，所以上菜都要d 時間同埋會漏單，所以見好耐都未有要問聲佢係唔係漏咗😂但食物整體味道不錯！小胖4人食咗5樣餸加4杯飲品，埋單481，除開每人120左右，仲要食唔曬，晚餐外加係泰國菜，佢的價錢算ok

以前去開九龍城都係會食黃珍珍，原來街條街有間其貌不揚但係超好味抵食嘅泰菜，因為見到好多人排，羊群心理下又排埋一份， 大約等左半個鐘就入到，老實講店面比較細，而且衛生一般，但係泰國姐姐態度超好，我哋嗌咗燒牛肉，生蝦，火車炒飯，生菜包，同冬陰公，冇得彈真係樣樣都好食 尤其係個火車炒飯好足料， 生蝦仲會拼埋炸蝦頭上，正！唯一要彈可能就係杯嘢飲黎得太遲，買咗西瓜同椰子沙冰， 滿到就來瀉，超好飲！一定會再嚟，等幾耐都值得！

九龍城泰國菜小店，泰金國。 店鋪環境很小，座位不多，每次去到出面已排了長龍，約等位半小時至一時間。首先Order 了頭盤，泰式生蝦刺生。 生蝦大大隻，吃下去蝦肉爽口彈牙，很新鮮。加上蝦頭油炸過，十分香脆可口。酸辣鳳爪沙律，鳳爪份量很多，而且味道酸酸甜甜，十分開胃。另外order了一碟泰式炒金邊粉，獲氣味重，而且粉麵不會炒得太淋太爛，麵質口感剛好。泰國生牛肉，生熟程度剛好，牛肉不會嚡口。另外要推介的是這裡的燒雞翼，忘記了拍照，但燒雞翼配上店鋪自制的沙嗲醬，讚哦！！！

一睇標題就知道我有幾熱愛呢間餐廳啦話說呢間餐廳我已經食左好幾年。餐廳環境好簡陋，服務態度真係好差，（以前淨係可以落一次單，唔俾加單。不過依家已經改善左）而且每次嚟食都最少要排一個鐘頭隊或以上。如果電話訂佐枱會可以快少少入座。但係人總係犯賤嘅，明知都會繼續排隊🤣因為真係太岩我口味，而且價錢十分合理❗️今次我約左三個朋友一齊去食，因為可以叫多啲野食冬陰公湯啲蝦好大隻，仲有膏嘅😍味道酸辣均衡。我覺得個湯係有啲辣嘅，所以我次次都叫小辣，易入口啲。泰式生蝦刺身呢個係例牌一定要叫嘅❗️啲蝦頭炸埋俾你食，脆卟卟好惹味蝦身都幾大隻，爽口泰式鳳爪沙律朋友想食叫嘅，本人就麻麻地鳳爪。炸蝦餅份量都幾多，炸得好香口好好味。香芒炸側魚推薦❗️師傅將全部魚肉起片然後再炸，再配上以酸辣汁拌好的青芒，十分開胃。青芒可以當成沙律咁食。而炸好的魚片不帶骨，完全可以大口大口吃下😋泰式燒牛肉推薦❗️牛味都幾重，啲邊燒得有少少焦香😋睇相都知道燒得一啲都唔老，剛剛好仲好juice。泰式燒豬頸肉呢個都燒得好好，好香口，肉質彈牙。生菜包又係一個大份夾抵食嘅餸。泰式蝦醬炒飯試過佢其他嘅炒飯/河，但個人都係覺得呢個比較好食。依家捻番都覺得我地四

外表看上去很普通的泰國餐廳簡單的裝潢看上去有點舊舊的，但食物質素不錯喔🤤而且老闆娘是泰國人😍-◾#泰式生蝦 生蝦的底部有碎冰氈著，保持蝦的冰度蝦子很新鮮口感彈牙👍🏻配上自家的泰式酸辣汁超有風味的不過怕辣的我覺得有點辣🥵比另家不一樣的 會配搭炸過的蝦頭喔~感覺賺了🙊蝦頭很香脆，還能吸到一點蝦膏！-◾#泰式燒牛肉 一看到外表已經非常吸引了🤤燒牛肉的火候控制得很好入口第一個感覺，牛肉味超濃的!!有適量的肥膏口感非常好一點都不會硬原汁原味的牛肉帶點微咸不怕辣的可以沾酸辣汁，會更惹味喔🔥非常推介這個🔥-◾#馬拉盞炒通菜泰國餐廳必有的炒菜沒有前面的特別，比較家常的炒菜辣度應該有為香港人調過，比較不辣通菜很嫩而且份量很足👍🏻-(各項滿分為5分)餐飲分數: 🌕🌕🌕🌕🌑環境分數: 🌕🌕🌑🌑🌑服務分數: 🌕🌕🌕🌑🌑價錢分數: 🌕🌕🌕🌗🌑 總分數: 🌕🌕🌕🌗🌑

平時weekend晚市時間經過呢間泰國餐廳一定要排隊今次難得夜收工經過見唔使排隊終於可以試吓入到去餐廳非常之細，座位並唔太多同埋見到廚房都係係open area估計佢哋只開夜晚嘅其中一個原因系因為餐廳並無大牌只有小食牌不能係日頭公然開爐炒菜😂我哋兩個人共叫咗兩款小食一飯一面干炒豬肉河粉，味道還可以但比起佢用既幼河粉我更加鍾意其他餐廳嘅粗河粉蝦餅皮蛋亦係其中一樣泰菜必點小食😋豬頸肉沙律好香辣好好食，個人用生菜包豬頸肉沙律覺得比生菜包更加有口感另外我哋仲帶咗兩杯芒果沙冰沙冰非常之淡，冇乜芒果味嘢食唔錯，雖然係小店但價錢同其他九龍城泰國餐廳其實差唔多如果要環境衛生好，坐得舒服的話九龍城有好多其他更好嘅選擇

星期六晚同朋友6點開始排隊，小店其實挨近6:30先開門，但絕對有咁早排隊既需要，因為未夠6:30已有十幾廿人排緊，而小店坐位唔多，一開門已即刻坐滿。食到8點出黎條人龍仲長過6:30條隊，所以都係食第一round較好。5個人叫左好多野，人均只係$123，樣樣都好好食，特別係：👍燒牛肉👍蝦餅👍椰奶雞湯👍生菜包👍椰汁沙冰另外，飛天通菜、蒜蓉包、炒濕河都不錯！不過可能餐廳想做多d生意，剩係得一次加單既機會......

推介燒牛肉，其實四眼哥哥都燒得唔錯呀！首先份量大，成份牛扒咁！切得厚，口感佳牛味濃、有適量肥膏唔點汁試原味，入口覺得少少咸但其實食泰野係重味啲既，好夠味好好食！個汁酸酸辣辣，正生熟程度呢，望落只有少少粉紅，以為過熟啦，但食落又有汁唔韌兩人食既感覺係食極都仲有，非常夠另外都推介蒜蓉包，份量足、牛油均勻、烘得香脆！沙冰好真材實料！推介提子沙冰！其他好味既但冇乜特別唔講我地18:45入座，二人，唔洗等但好快外面就有人排隊了真心好旺啲侍應好忙，落單要等等初頭又冇餐具但都感覺到佢地盡量理我地既環境：坐門口位有啲熱

我諗食呢間野有5年卦！以前掌管一切ge串高佬負責燒烤果part，佢真係好叉串每枱客佢只可落一次柯打所以一坐低就要諗好晒好嚴冇得加單仲要門口經常排隊等半粒鐘起碼咁佢又真係串得起ge佢燒d牛肉外面燶燶地但內裡仍保留肉汁(不是血水)非常jucy有啃口雞翼皮脆肉香。高佬我諗都走左3年了！燒物已死了可以不點了！到今天仍然一直有幫襯？不是因為情意結Lo 希望佢地有有朝一日搵到一個燒烤功夫似高佬ge人!3年過左去仍然末有！呢3年燒烤位有時係老闆或老婆或頂位最近呢年係搵到一個四眼哥長駐下，好可惜呢年佢燒烤的技術完全冇進步過！牛肉貨仍然冇變醃得夠入味，好可惜比四眼敗家哥用烘的方法去處理牛肉！烘牛肉喎四眼哥我叫燒牛肉呀泰金國我比左3年時間食足3年冇heart 你地燒的食物！分手💔選了

泰金國一間好隱秘嘅泰國餐廳，雖然面積細細坐位小小，食物質素極高，價錢公道。今次食咗晚餐同以下食物：燒牛肉拼沙律燒牛肉呢度好出名，不過食後覺得淨燒牛肉會好啲，原因係燒牛肉會同沙律撈埋一齊，咁會令到牛肉凍咗少許，冇咁好食！本身牛肉肉質幾嫩口，帶點肥膏，入口美味！沙律就酸酸甜甜，味道不錯！燒雞翼泰國餐廳另一名菜，是必叫之選，雞翼燒到剛剛好，肉嫩汁多，食落香口又美味。菠蘿沙冰淸甜飲品，夏天上選，菠蘿味足夠，但需要未溶前飲，否則變成水狀就會非常之甜，多喝冇益。燒烏頭魚魚肉美甜又嫩囗，仲帶有魚汁，非常美味！白灼獅蚶海鮮鮮甜之選，蚶肉非常柔軟，也帶肉汁，可見廚師能捉緊最佳時間，熟度剛剛好！醉貓炒金邊粉醉貓意思係帶辣，冇醉貓就是不辣。炒粉濕度剛剛好，不太乾也不太濕，炒後，金邊粉帶有肉味，非常香口。不過，個人覺得冇辣會好啲，原因是大多餸菜都是辣，粉麵飯需要做緩衝區會好啲。總推介指數：10/10

我屋企人好鐘意食泰國菜，父親節梗係同爸爸同公公嚟食泰國菜！今次嚟到九龍城呢間由泰國人開嘅 夠哂地道！呢排天氣咁熱 一去到梗係嗌翻杯沙冰爽下先喇！我妹嗌左杯芒果沙冰，芒果味濃 好香 夠大杯🥭我就嗌左杯新口味 百香果沙冰😍好香百香果味 但我自己覺得甜左小小 泰式蝦餅 即叫即炸 好膽口蒜蓉包 即叫即燒 蒜味十足 燒得好脆口 一定要即刻食