泰金國 (已搬遷) 新店位置

把握好假期既最後一晚，約三五好友一起食好西。fd話想要食到地道既泰國菜當然係要去到素有小泰國之稱既九龍城。泰金國，聽講老闆娘係泰國人。咁實要試下正宗泰國人整既泰國菜啦。生蝦刺身一上臺就知道佢好新鮮，蝦身開邊，再係上邊擺上碎冰，保持佢既口感。將蝦從碎冰下夾出黎，再加上生蒜頭片以及小米椒係最正宗既泰國食法，佢仲配左一兜獨家製既酸辣醬，正是這道菜既點睛之筆。喜歡多重滋味既你一定會中意。一啖落去，冰冰涼既生蝦非常Q彈，酸中帶辣真係好刺激。店家仲好貼心咁將蝦頭都炸埋。又係另一番滋味。炸鯽魚。見個樣就知份量十足。原來入邊除左有炸鯽魚塊，仲有青芒果絲，青木瓜絲，花生粒，香茅等香料撈埋一齊。香口得黎又唔會令你覺得膩。老闆娘話仲正宗既食法係好似肉碎生菜包咁包住食，試左果然係咁，比肉碎生菜包既口感更加豐富。大大隻既燒雞全翼，一上臺齋聞到陣味就知道好好食，雞翼本身已經醃製過，好夠味，在面頭搽上一浸蜜糖，更加野味。真係同泰國當地食既有得拼，會再黎。

之前一個月內食物中毒2次，再加上工作繁忙，以致一直都未有時間補祝朋友生日。直至兩個半月後，先完成到呢餐遲來的生日飯，真係十萬個唔好意思🙇🏻‍♂️壽星仔向我哋極力推介一間隱蔽泰菜小店，但由於壽星仔冇記性，我哋一行三人浪費左啲時間先搵到！一去到我已經提議轉場，因為已經有十幾人係度排隊，但壽星仔不斷游說我哋排隊，最終由18:45等到19:30，終於可以入座入座前回頭一望，我身後已經有幾十人排緊隊😨好誇張我們點了下列食品：- 泰式葡萄沙冰、泰式芒果沙冰、泰式椰汁沙冰好大杯，飲極都仲有，好飲又解渴- 泰式馬拉盞炒通菜辣辣地又惹味，好快被清碟- 泰式燒鰂魚好大條，啖啖肉- 泰式燒雞翼即叫即燒，又大隻，好味道- 泰式燒豬頸肉即叫即燒，爽口彈牙，好惹味- 泰式蒜蓉包香噴噴，熱辣辣，好食到唔停口- 泰式肉碎生菜包辣辣地又惹味，生菜又新鮮- 泰式生蝦刺身必食！生蝦彈牙又大隻，仲有埋炸蝦頭，讚👍🏻壽星仔真係無介紹錯，價錢及食物質素滿分，百分百肯定要再encore

母親節到處都係人，一早6:30就去排隊等入去，等左15分鐘就可以入去啦，地方係細，坐得唔係好舒服，枱與枱之間空間不多，枱又細，但因為我覺得呢間系九龍城最好食嘅泰國菜，所以點我都會嚟食😂食到730，已經見到好多人係出面排緊隊，心諗好彩早啲到。。。冬陰公湯，有分大同細，2-4人飲細都ok,味道酸酸辣辣好入味，而且非常足料，有3，4隻蝦添👍燒豬頸肉，一般般，冇乜特別燒牛肉，呢個係我其中一個最期待嘅送，好少泰國菜有呢樣餸，牛肉味濃，軟軟林林，配埋個汁，少少辣好滋味👍👍👍燒雞翼，呢個係我第二個必叫嘅餸，燒得岩岩好，雞翼又醃好入味，我見每一台客人都有叫✌🏻✌🏻✌🏻咖喱蟹，隻蟹應該系肉蟹，好大隻好多肉，而且好新鮮好鮮甜🥰咖喱汁撈飯可以食2碗！

呢間泰國餐廳真係好難揾，招牌完全睇唔到， 入一到好細間，原來隔離鋪位係打通左，多4-5張台，環境一般， 好耐冇裝修比較殘舊， 係朋友推介， 所以試下，叫左泰式生蝦， 蝦夠爽口，加蒜片食一流， 泰式炒菜夠鑊氣， 辣度剛剛好， 辣椒膏炒花甲， 夠大隻， 辣味好刺激， 朋友推介燒牛肉， 燒到5成熟， 入口夠淋剛剛好，牛味重， 冇介紹錯， 燒豬頸肉一般，都係要靠醬汁惹味， 燒雞翼熟度剛剛好， 唔會乾身， 總括來說，如果唔怕環境比較善，值得一試！！

在還沒有認識「泰金國」之前，如果有人問我：「有沒有什麼好吃的泰菜，可以介紹？」我會說：「屯門一家泰國人開的餐廳（小X谷）」因為又便宜又夠地道！但是最近很多朋友也跟我推「泰金國」，他們的理由是那個燒牛肉跟光燒雞翼真的超好吃。好吧，我本身就是一個吃貨也很喜歡泰國菜，所以就約了我的朋友一起在週末去試一下！我們大約晚上1930去到，然後開始排隊，排了一個半小時，不誇張，真的整整一！個！半！小！時！其實去到一個小時的時候，我就很想離開，但是又聞到那個燒雞翼的味道（因為燒雞翼的位置是對住門口，在門口排隊就很容易聞到），我就忍住了想走的衝動！最終，在2100多的時候就有位子了！當時我真的餓到快瘋了，所以一坐下就立馬點了：1. 兩隻燒雞全翼 ◉◉◉◉◉2. 蝦醬炒飯 ◉◉◉◎◎3. 燒牛肉 ◉◉◉◉◉4. 生蝦 ◉◉◉◉◎5. 馬拉盞炒芥蘭 ◉◉◎◎◎1. 兩隻燒雞全翼 （好吃指數：◉◉◉◉◉）我的朋友真的沒有介紹錯，皮脆內嫰，一咬下去就有雞汁流出來，真的很好吃！我覺得和黃亞華餐廳的雞翼一樣好吃！（黃亞華是一家身在馬來西亞，吃燒雞翼很出名的餐廳）2. 蝦醬炒飯（好吃指數：◉◉◉◎◎）可以用兩個字來形容

今日約左好耐冇見嘅朋友仔食飯，當然要食餐好嘅，尤其是大家都鐘意食辣嘢，所以一致決定去食泰國菜，食泰國菜當然要去係香港有小泰國之稱嘅九龍城😊首先點了碟必叫嘅生蝦刺身，剩係睇蝦身色澤已經知道好新鮮，食落去果然蝦🦐肉夠彈牙，完全沒有霉嘅口感，再加上佢地店鋪自家制嘅辣汁，真係好惹味👍🏻👍🏻👍🏻極力推薦再嚟我至愛嘅馬拉盞炒椰菜苗，一上枱已經聞到好香，講開炒菜...嘴刁的我一定要食到有鑊氣嘅先至夠好食，lee碟椰菜苗果然不負所望出色又入味螄蚶沙律辣得過癮木瓜沙律炸蝦餅燒牛肉個汁好特別，你要試過才知道什麼味道呢

之前聽過朋友介紹呢間野好食 所以今次就特登入左九龍城食 食完真係覺得好值得！泰國菜黎講呢間算抵食 我地三個人叫左四樣野 人均一百左右 最必食係蝦餅皮蛋 蝦餅皮係炸 所以係熱同脆既 皮蛋熔熔地好入味 跟住燒牛肉都好好食 泰式生蝦都好味 個汁都好正 不過就有啲貴 可以一試 仲叫左個金邊粉 就冇咩特別。環境方面 係有啲殘舊既 啲座位都有啲迫 但唔影響食物質素 但要留意既係呢間野都等幾耐位 我地7點到都等左45分鐘 同埋好似淨係開晚市 所以趕時間就應該食唔到啦！

泰金國 (九龍城)第一次食泰國菜就一試難忘😝完全岩哂中意食辣🌶又食酸🍋嘅人。一見到餐牌就嚇親，好殘舊 不過好快已經被餐牌嘅食物吸引住😍😋我地選擇咗➡🇹🇭泰式蒜蓉包 （$28）聞到超香嘅蒜蓉味 夠脆 牛油同蒜味重👍🏽➡🇹🇭🥘🌶🔥泰式冬陰公湯（大$108）大家嚟到食千祈唔好錯過呢一款美食 飲嘅唔係味精湯 而係新鮮嘅海鮮慢慢爆出黎嘅精華😋 香料十足 湯底酸辣啱啱好而且十分開胃➡🇹🇭🐟🌶🔥泰式明爐鳥頭魚 （$168）必叫！小編可以一個人食晒 唔係份量少係因為太太好味！魚肉嫩滑鮮甜 少骨多肉 重點🔥湯底酸酸辣辣 食極都想食👏🏼👍🏻➡🇹🇭泰式炒金邊粉 （$55）師傅炒得好乾身好爽口 不過味道會有少少鹹 ➡🇹🇭🍍🍚泰式菠蘿炒飯 （$55）鑊氣十足 師傅炒得粒粒分開再配埋甜嘅菠蘿同肉鬆 真係不得了🤤味道唔會偏鹹很好👍➡🇹🇭🥗泰式炒通菜 （$55）師傅唔會炒得耐 時間控制掌握好好👏🏼 通菜好新鮮➡🇹🇭🍖泰式燒雞翼膀 （一串$16 ）即叫即燒😊熱辣辣😍 食唔出係雪藏雞翼👏🏼好搶手👍🏾➡🇹🇭🦐泰式炸蝦餅 （$58）外脆內軟 口感彈牙🤤重蝦味 點埋泰式辣醬絕配👍🏽➡椰青 （$32）好抵飲😈飲埋椰汁之餘可以食埋

之前有個好朋友帶我嚟呢間食泰國嘢,價錢好抵食物好好味,特別係佢嘅沙冰真係好好飲不過要食環境,食服務嘅話就唔好揀呢度啦今次揀幾款嘢食全部都好食,包括有生菜包,燒雞全翼,椰子雞湯,炸蝦餅,提子沙冰。生菜包份量多,肉碎辣辣地好惹味椰子雞湯酸酸地好足料,兩個人飲,每人都飲到兩碗半炸蝦餅,蝦肉好彈牙我見到呢度每一檯都有叫沙冰,燒雞全翼,同埋燒牛肉, 下次一定要試個牛肉先得。講番返環境同服務,呢度嘅環境係十分簡陋,坐嘅都係摺凳, 我哋坐嘅枱根本放唔到所叫嘅食物,所以有張四人枱埋單,我哋就問店員可唔可以調去大啲嘅檯,店員A話可以,當我哋準備動身嘅時候店員B就話唔得,佢話我哋要咁大張枱做乜,嗰啲檯係畀四個人,而事實上啱啱個張檯埋單走嘅都係兩個人嘅食客。我哋隔離嗰張四人枱同樣係兩個人坐,佢走咗之後亦都係安排畀兩個人入去,呢度食物一流,服務就食到咁上下我哋叫咗嘅馬拉盞通菜仲未嚟,見到隔離枱遲過我哋叫既都嚟咗, 不過我哋冇催佢諗住唔緊要等多陣,點知店員走埋嚟叫我哋埋單問我哋食完未,我哋話佢知仲等緊碟通菜,佢就問我哋唔係食咗喇咩最後佢check到係自己漏咗單,不過我哋都算啦,走人。

生蝦: 最欣賞個蝦頭, 炸到脆BOK BOK, 連皮都可食, 蝦肉就一般般, 辣醬對我來講好辣, 沾少少已夠。皮蛋蝦餅: 外熱內凍, 皮蛋唔會乾, 蛋黃流心的, 夾埋一齊又唔錯WOR, 沾甜酸醬食正呀。燒烏頭: 最初話要等40分鐘, 嚇屎人, 最後等左半個鐘就有。 用粗鹽來燒, 魚皮部分都咸架, 我覺得燒都係乾左DD, 不過條魚勁大, 勁多肉, 入面塞左D香草, 幾香GE, 不過我都係中意明爐燒, 起碼5會乾。炒椰菜苗: 少辣, 惹味, 菜幾嫩。

想食平靚正既泰國菜，第一時間就諗起去九龍城食﹗不過九龍城真係有平有貴，花多眼亂﹗今次黎到泰金國，第一次係朋友介紹，點知第二次同另一個朋友講起，佢都正想介紹﹗所以大家又一齊去左泰金國﹗因為冇得訂位，所以如果星期五7-8點食飯時間係會排長龍﹗要預早少少排，就唔洗餓親﹗不過我地今次早，星期一食730，就少人好多，齊人就入得﹗ 兩個人少少叫左：1個生菜包、1個燒豬勁肉、馬拉盞炒椰菜苗、葡萄沙冰同青檸沙冰。認真，每一樣都好好味，味道剛剛好唔會太咸，而且都係熱辣辣捧出黎，份量仲唔少生菜爽口，豬肉小辣，粒粒洋蔥既口感加埋配料，超級開胃。燒豬頸肉肥瘦適中，條條都切得夠薄，好易放入口，配埋個醬汁一流﹗聽講佢地沙冰出色，所以一試，又真係唔係一般湯水沬，水果味好出﹗仲見到少少打碎左既提子皮，超正﹗

第一次黎泰金國，店開6:30我地6:45坐低已經差唔多滿座，好彩黎得早芒果沙冰好正，好甜，唔係假芒果汁味第一樣上通菜先，我幾中意佢煮得夠淋，唔會太爽口個生蝦真係抵讚，第一次見炸埋個蝦頭，仲要係好食，個汁都勁正(冇影低)，我朋友特登留起點其他餸個牛肉超推薦必食我地4個都覺得最好食係佢，份量又多，直頭當鋸扒食都得，個汁都好濃個飯比較遲黎，已經飽飽地，所以覺得普普通通又係好遲先上，個人覺得麻麻地，蝦餅ok足料冬陰功湯，好重奶味，我個人唔太like，不過朋友話好正，蝦都好大隻，略嫌唔夠辣個湯最後先上，有d耐，唔知係咪我地太早到總括黎講我十分喜歡下次帶男友來試下不過如果間店有埋串燒就好了哈哈

有一段時間沒有來吃了生菜包一上來就感覺份量少了，入口一吃，味道也不一樣了。金邊粉黏在一起，沒有口感，而且不香口，通菜就有生有軟，感覺口感很差，而且只有鹹味，一點也不香。跟住吃了幾口金邊粉，還出現特別加料鋼絲一個，搞到我的嘴都傷了，很不舒服😭以前沙冰很好喝，很真材實料，今天的百香果沙冰好假味道，一點也不真實的味道。而且上菜速度超級慢，而且很久才會有人過來看一眼，要服務的話十分不方便。以後都不會過來吃了

呢間泰國野一去到就有條小人龍，唔使攞飛㗎，照排就得，等左大約一個鐘左右就可以入去啦。其實都有位嘅不過係店員忙得濟都冇時間執位，所以等耐阻少少， 不過嘢食好食唔介意等。一上枱一定要嗌佢嘅招牌燒雞翼，又大隻啖啖肉而且燒得好好食，皮脆肉嫩，基本上每台都會食。之後燒牛肉都係首選，大約七成熟左右嘅燒牛肉，肉味足又夠腍，好食過好多牛扒出品。之後叫咗個明爐烏頭$168 ，估佢唔到有咁大條，酸辣味好食，而且佢嘅肉碎好大件，好足料，不過就食到有啲魚嘅鱗片，食到尾啲肉就煲得太腍，唔夠實淨，隔離枱話食燒魚會更好食，下次就要試吓啦！嘢飲方面芒果沙冰一定係最受歡迎，我今次就試吓佢個椰子沙冰，椰子沙冰太甜啦，唯一令到我呢餐飯最失望嘅就係杯椰子沙冰，唔係清甜，椰漿味嘅死甜多啲， 唔鍾意食甜野嘅朋友都係飲返椰青啦

同朋友食飯，去到泰金國店面睇落冇咩特別，又唔算好靚咁，仲要等30分鐘左右入到去一食野真係唔同晒食物份量岩岩好大件夾抵食，2人食完埋單先$300頭，一定會再返黎食椰子沙冰，本身一座山咁高，飲左先影生菜包，有D辣，唔係好頂到菠羅炒飯，我以為菠羅咁上豬頸肉，十分香口我最愛，仲有蝦頭