泰金香泰菜

营业中

休息中

餐廳：泰金香泰菜 (鰂魚涌)地址：鰂魚涌芬尼街2D號僑英大廈地下4-5號舖呢間位於鰂魚涌、開咗2年幾嘅泰金香泰菜 @thai_kam_heung 由泰國人去開🇹🇭，唔好以為佢哋喺泰國人就唔識講廣東話，分分鐘仲好過你同我😎喺呢度你一定食得到正宗嘅泰國菜，因為大廚喺泰國人👨🏽‍🍳，用返佢多年煮泰國菜嘅經驗，將當地嘅口味帶到嚟香港比大家😋餐廳細小得幾張枱，佢哋嘅午餐一啲都唔貴，超過十款選擇，$65-$68就可以食到，仲包一款飲品🥤，想要多啲選擇仲可以喺main menu到慢慢揀添✝️泰式蟹肉炒飯 $68未食已經聞到好香🤤，除咗有炒蛋絲同各款蔬菜🥕，仲見到粒粒真蟹肉🦀，惹味得嚟食落一啲都唔鹹，以陣陣蟹香為主，食唔停口😆✝️泰式船河 $65船麵嘅歷史悠久，起源於泰國嘅水上市場🛶，以前船家喺船上賣粉麵維生，就叫呢碗麵做船麵🍜。呢碗船粉嘅黑色湯底清甜濃郁，秘訣喺加入咗豬血或者牛血去秘製，金邊粉比其他麵款更加吸收湯底嘅精華，配上豬膶、豬肉片、豬肉丸、肥牛等餸料同泰式香料，喺好食嘅👍✝️燒豬頸肉 $82佢哋所有食物都喺即叫即整，所以所需嘅時間都會耐少少🤏，等咗15分鐘終於有得食😍，燒烤嘅香味遠遠已經飄緊過嚟，

老闆娘係地道泰國人真係覺得去泰國禁店面唔係好大，不過都好多人外賣都可以～佢地好nice 好溫柔，熱情洋溢lunch set超級抵食🔎泰式大蝦金邊粉，顏色豐富超級開胃，搭配花生🥜一齊食蝦又彈牙又大隻，有4隻！小食要炸雞翅～香噴噴又惹味👍🏻非常脆皮，配上甜酸醬！酸甜滋味佢地泰式鳳爪都係有水準，入味酸辣另外一個lunch set 要佢地冬陰功肥牛金邊粉😋湯嘅味道夠酸辣可口，又唔會太辣有肥牛、雞蛋等等一齊食飲品一定要飲椰汁，同埋佢地泰式青檸蘇打！熱辣辣配上冰凍飲品😆

鰂魚涌返工嘅泰菜新選擇泰國菜一路都有捧場客而鰂魚涌依間由泰國家庭主理嘅泰國菜野食唔錯而且老闆娘好nice 好溫柔充分感覺到泰國人嘅熱情要左個2個lunch set 一個泰式大蝦金邊粉顏色吸精味道開胃中意食花生嘅我好滿足蝦都彈牙小食要左個蝦餅都係水準之作另一個lunch set 要左船麵湯嘅味道都幾濃餸有幾粒牛丸及牛肉都幾好食小食要左個salad連我唔中意食茄嘅人都覺得d cherry tomato 好鮮甜無苦味野飲就當然叫泰式奶茶啦特別叫左小甜好飲！真。小甜抵讚！地點又方便b 出口一出就到又好食！

天氣熱辣辣，想食d開胃嘅菜式，唸起好耐無食泰菜。 去咗屋企附近既✨✨泰金香泰菜，中午時分好旺場，好彩吾洗等位。餐廳布置好有泰國風味，好似去左旅行😊😁😁🐔海南雞飯 $68午市套餐60幾蚊幾抵食，又有好多款選擇。海南雞非常滑溜，油飯充滿雞油香味👍🥤椰汁 （跟午餐）$8冰凍飲品，解辣一流。🐟泰式明爐魚（黑鰂魚）$178好大條，新鮮肉厚， 配上泰式醬汁非常開胃。🥥椰青 $38清新嘅飲品，食泰國菜必點💕👍

係鰂魚涌🚇港鐵站B出口過天橋後就即刻🤩見到呢間🇹🇭泰國菜小店，紅色嘅牆身十分之 eye catching 😎，店仔細細賣嘅係正宗🇹🇭泰國菜式，而且有戶外坐位🪑感覺幾休閑☺️。🇹🇭泰式去骨海南雞🐓$98有成半隻😍咁多，好大盤好抵食！肉質嫩滑🥰又肥美，配埋佢個🇹🇭泰式🌶辣汁食酸酸辣辣咁勁🤤開胃！🇹🇭泰式🦑海鮮🦐濕炒河粉$88大大碟夠多汁，重點係佢入邊🤤真係勁多海鮮🍤，河粉炒得夠🔥火候😋，海鮮🦑又唔會過熟，鮮味十足！朋友仔同我都😍中意飲🇹🇭泰式奶茶🧋$25/杯幾抵飲，而且都幾大杯👍，夠多冰🧊透心涼，正呀！甜品🥰方面我哋就揀咗香芒🥭椰汁🥥糯米飯🍚$55都幾大份🤤。半隻大芒果🥭配埋香甜嘅糯米飯🍚，加上香甜嘅🥥椰漿，大滿足😋！

鰂魚涌📍平民價錢x超抵食泰菜🇹🇭最近長期WFH 今次咁啱要番Office做野 當然唔可以放過食好野嘅機會啦✨今次去嘅依間泰菜 係由一對泰國夫妻主理 性價比好高！見到好多上班族都有買外賣做唔停🤫泰式炒金邊粉 $62好耐未食過正宗嘅Pad Thai😍完全係我喺記憶中係泰國食嘅味道 炒得乾身又唔會太油 再加上花生碎 提升佢嘅香味💯蝦醬炒飯 $78雖然呢個炒飯唔係佢哋嘅午市套餐入面 但係唔知點解突然之間好想食就叫咗 點知佢嘅份量咁驚人 我都嚇咗一跳只可以話超級足料 特別嘅係佢仲有啲青木瓜絲 酸酸甜甜配飯 中和咗炒飯嘅油膩 泰式燒豬頸肉 $72塊塊都好大塊😂配上泰式特調嘅醬汁🤤🤤令人食完會想再食椰青 $38呢個椰青真係深藏不露 冇諗過會有滿到瀉嘅椰青水👻雖然價錢相對其他飲品比較高 但如果咁啱覺得口渴又想飲啲解暑嘅飲品 呢個係唔錯嘅選擇整體而言 所有嘅嘢食嘅份量都好佛心 性價比比較高 唯一美中不足嘅地方就係 Lunch time實在太多人叫外賣啦🤣所以等候嘅時間比較長 建議大家搵啱時間嚟 可以chill啲咁樣食✨泰金香泰菜 (鰂魚涌)地址：鰂魚涌芬尼街2D號僑英大廈地下4-5號舖食物：👍🏿👍🏿👍🏿

鰂魚涌B 出口落到地面一出右手邊就係呢間*泰金香泰菜*，食完之後感覺超好。店鋪細細，得兩個公婆做野，老闆負責煮野，老闆娘負責其他野。啲野食即叫即煮，係要啲時間，食好野要等下架啦。一入到鋪頭，聽到老闆同老闆娘用泰文對話，心裏面即刻好有信心。香葉肉碎煎蛋配白飯肉碎有啲辣，但餸飯一流，配埋流心太陽蛋，正。泰式明爐黑鰂魚熱辣辣上枱，個火着到啱啱食完。條魚好鮮甜，索哂個湯既香茅同酸酸甜甜既味道。條魚跟埋碗湯，唔驚會乾唒，裏面啲肉碎都好味。杯青檸茶都唔錯，好清甜。食泰國野，梗係要叫芒果糯米飯做甜品，糯米飯暖暖又幾軟，好香椰香，超滿足。

幫朋友買咗啲保健食品，約好喺鰂魚涌交收，順便一齊食晏。泰菜一向係友人嘅心頭好，今次就由我帶路，嚟芬尼街呢間主打泰式美食嘅「泰金香」吃頓午餐。餐牌嘅選擇好豐富，由小食、湯/咖喱、海鮮、沙律、蔬菜，以至飯/麵、湯河、甜品及飲品等，一應俱全。點咗半隻泰式去骨海南雞 ($98)、雞油香飯 ($22)、油酥餅 ($22)、馬拉盞炒雜菜 ($78) 同 可樂 ($10)。海南雞賣相很美觀，擺碟整齊雅致，雞件外皮爽薄不肥，望落有油光。雞肉脂肪不多，入口嫩滑富雞味，加上已全部去骨，食落啖啖肉，蘸泰式辣醬吃，惹味非常。油飯水準亦不俗，味道調校得恰到好處，飯粒分明，有咬口得嚟又唔會過硬，蒜香味濃。油酥餅即點即烘，拿上手時仍熱辣辣，入口酥香鬆脆，令人忍唔住一件接一件，吃不停口。碟雜菜用料好豐富，內有西蘭花、椰菜花、芥蘭、紅蘿蔔、秀珍菇、椰菜及紅椒等，加上以馬拉盞同炒，食落鹹香微辣，鑊氣十足，夠晒惹味。一場嚟到，冇理由唔食埋甜品先走，點咗客香芒椰汁糯米飯 ($55)。芒果很甜美，白糯米熱暖，入口香糯軟熟，淋上以班蘭葉煮成嘅椰漿，味道非常芳香，伴芒果品嘗，簡單味美。

今日因為公事要經開鰂魚涌，做完嘢可以早走，今日就同朋友食咗間泰國野。間舖頭的老闆和老闆娘好熟口面。原來他們只是在灣仔某間大型泰國菜做樓面，怪不得咁熟口面啦！因為我之前喺灣仔返工。原來而家同老公開咗間小店係鰂魚涌。老闆娘同我講，原來佢老公之前喺好多大型泰國餐館做主廚。啲嘢食真係好好食，佢仲同我講，以前個老闆係咁留佢地，如果唔係佢哋自己出嚟開，佢話之前嗰間的老闆都唔會俾佢去其他餐廳做。個咖喱汁真係好香，值得一試呢個船麵好地道，真係食到係泰國街邊檔的口味，好食過好多出面專食泰國船河的專門店。因為間鋪啲嘢太好食，忍唔住買多個炒飯今晚做宵夜，個炒飯炒得好香。老闆對每一碟送好有要求，每一道都是即整即做。而老闆娘就負責飲品甜品。夫妻檔咁樣做，真係食得出泰國地道餐館的口味。

很想吃泰國餸，見到這間泰式食品好評如潮，諗住買個外賣試吓，以前在外地曾經吃過非常地道的泰式辣味豬肉炒河粉，可惜香港很多泰式餐廳都沒有這道菜，剛好見到這間有，午市套餐還有泰式奶茶，於是買來吃，已預早在OpenRice上付款及預訂了提取外賣時間，夠鐘就喺餐廳門口等攞外賣，見到店面原來非常小，只有幾個座位，連廚師及侍應亦只有兩、三個工作人員，門口擺放了餐牌。雖然一早預訂了餐，但係都等咗半個鐘先攞到外賣，一開始仲攞錯咗其他客人嘅外賣俾我，行行吓覺得點解有咁多外賣餐盒嘅？跟住折返同職員講，佢先發覺比錯咗我。回家後辣味豬肉炒河粉已經涼咗一半，賣相一般，味道正常，但只係一般嘅炒河粉，沒有泰式風味，泰式奶茶味道亦似普通奶茶，有啲失望。

午市同同事黎左呢間泰國餐廳一試 店員都係黎自泰國 而裝修好有夜市feel 感覺非常地道 因為餐廳比較細間 坐得可能迫左啲 但勝在食物夠好食 相信會再黎😛我哋叫咗2個午市套餐：泰式豬肉濕炒河 $62 - 濕河口感偏軟身 豬肉炒到金黃色 再配上一啲蔬菜配碟 整體好開胃 泰式炒金邊粉 $62 - 味道係好正宗既Pad Thai 炒至偏乾身 醬汁味道調配至剛好 配上大蝦、花生碎同辣椒碎 兩杯泰式凍奶茶有啲過甜 可能煉奶重手左 但泰式既茶味都好突出😂

我好少讚泰國餐廳，因為覺得間間都差唔多，都係嗰隻味。但係呢間確實有驚喜，雖然貴咗少少，絕對值回票價。炒河粉，超級10分好味。因為佢個味九龍，而且顏色10分漂亮，好快自己都清左一碟。好食到冇影相嘅，仲有炭燒豬頸肉。個汁真係真係真係超級好食，又酸又辣又有沙嗲味。真係一定要試！我話gie !

芬尼街這個舖位好像轉過幾間食肆，印象現在這間泰菜比較受歡迎。店員都是會廣東話的泰國人，店內座位不多，每天經過看到堂食和外賣都多人。午餐算多選擇，有飯有金邊粉，有咖哩有海南雞，連飲品，加$18可配小食如泰式鳳爪。香葉肉碎太陽蛋飯 $58肉碎很惹味，少少辣，配飯一流青咖喱雞飯 $58青咖喱温和香滑，唔辣本來想加配椰汁糕可惜今天已售罄，店員推介千層糕($28)，椰汁味幾香，四大件要兩個人才能KO！下次lunch都可以再食這間，無位就外賣囉。

見有間新開嘅泰國嘢，即刻去咗試。一入到去，原來舖頭十分之細，坐低咗攬埋自己個袋都真係好迫，同埋同隔離枱坐得好埋。而且咁細間鋪，得一個泰國哥哥仔睇舖，但佢都完全無留意客人嘅需要，例如要menu或者準備落單等等，全程就係望住部手機，唔知佢係咪因為新做所以咁啦。個冬蔭功十分之辣，而且都煲得夠耐，個調味都好啱，酸酸甜甜咁，但如果食唔到辣就最好唔好嗌喇。之後個通菜炒得都算香，連埋佢啲汁亦都係甜甜地，菜都算靚同新鮮。個泰式炒飯就真係麻麻地，唔夠鑊氣，亦都唔夠調味，不過佢炒得夠乾身，所以食落口唔會成口油。最後其實已經好飽，但為食叫咗個芒果糯米飯，好可惜佢唔係傳統嘅紅白米，不過都唔緊要，但佢啲揶漿真係唔夠味，好淡，同埋個芒果一啲都唔新鮮，可能因為唔係當做季節，但依個甜品真係大為失望呢。

🕰️用餐時間：12:50-13:30 👥人數：3人🐉小店可坐10人左右，店外長長人龍主要等外賣。除了器皿外，餐具和飲品皆為即棄物料。🤒🌎牛油雞翼飯 ($58) 非常香口，牛油、蒜蓉的味道很「出」，配料超足的~ 🐥雞翼也炸得脆卜卜的~香菜肉碎太陽蛋飯 ($58) 基本上吃不出有香菜，一點也不「Thai」，只有濃濃的醬油及辣味，而且肉碎份量太少泰式船麵 ($58) 友人尚算食量適中，但船面份量太少⚠️注意：內臟出沒所有餐均配餐飲，而這杯泰式奶茶...... 不知為何滿是紅豆味，有點苦又不太甜，根本不「Thai」......