泰風SO

营业中

休息中

泰風so係葵涌廣場好似已經開左2間！正宗泰國美食！咸甜食都有！今日勁想食佢個芒果糯米飯！已經係第三次食！因為真係好好食！今晚去到勁好采！係最後2盒啦！即刻買！$28一份！四色芒果糯米飯！四色既意思係4款唔同味道既汁加入糯米飯度！又多味賣相又好睇！登登登登！黑色既係黑糯米！白色係最普通就咁糯米！藍色嘅係碟豆花，綠色係班蘭味！四色入面最中意班蘭味！黑色就硬啲既，唔係人人都中意！佢有半份芒果，切好左一件件，已經冇核！份量不算多，不過芒果好甜！又唔會「林」到熟左！好味呀！仲有佢個椰汁放係上面！絕配呀！未去到泰國食住呢個先！😁😁

終於比我食到四色糯米飯😍成日都係ig見到😍終於買到黎試😍四隻色代表四種香味賣個個姐姐話四款都係椰汁味但香味會唔同🤤原味就係正宗既椰汁味紫糯米夠哂煙韌兩者椰汁香氣四溢班蘭味未食已聞到班蘭葉既香氣🤤食落口陣班蘭味衝出黎😍蝶豆花有淡淡既花香不過唔太知蝶豆花應該係咩味總之四色糯米飯都各有特色🤣最正係佢仲有大大個超甜芒果唔駛$30有呢個質素😍真心超抵食😍😍😍去開葵廣掃街既朋友一定要食！

首先利申我係一個非常之中意食芒果糯米飯嘅人，去到泰國，高峰紀錄係一日食三個，我都知好唔健康，不過我真係太愛喇！.真係要講一下，呢個四色芒果糯米飯我已經bookmarked咗好耐!! 每次食都買唔到，一係打颱風後冇開舖，一係賣晒全部糯米飯，一係得返單色。今次終於買到啦，好開心！______________________________🔹四色芒果糯米飯 $28平時最多都係見到黑白糯米飯，第一次見到四色，其實佢哋係黑白糯米飯之外，仲多咗藍色既碟豆花味，同綠色嘅班蘭味。.首先啲糯米飯係鹹鹹地嘅，而且每一舊都沾滿左椰漿！糯米飯唔會太濕太淋，或者太乾爭爭。咬落去甜咸交錯，仲好軟糯，係喇，係呢隻泰國糯米飯既味道喇！.斑蘭同蝶豆花味，講真就唔係太食得出，係個斑蘭糯米飯有啲香味囉，就咁當佢普通原味咁食都係好食既！影吓相呃下like都好😂.旁邊個芒果都好甜，而且唔係浸過糖水嘅甜，係發自內心嘅甜，不過就唔算好多汁，都算係咁架啦！.平時餐廳食，閑閑地都5,60蚊一個啦，呢度＄28仲要咁高質，超級推薦！

買了2 盒芒果紫白雙色糯米飯($28), 味道系幾好味, 糯米飯竟然有煙燻味。(見識少, 未吃過有煙燻味的芒果糯米飯)但2盒芒果糯米飯的芒果份量可否一至d?一份芒果大, 一份明顯地細(如圖)。撇除呢點, 味道不錯吃的。大家經過, 可以一試另外, 亦買了大的海南雞飯($40)。回家一看, 沒有給我配海南雞飯的醬汁。不知道是他們家的店不需要醬汁還是忘了給我。如果忘了, 希望下次可以多加留意。📣芒果糯米飯值得一試📣 海南雞飯未試, 有待評價。

話泰風SO係葵廣入面最有水準的泰國餐廳一點也不為過！之前佢的芒果糯米飯喺ig fb版洗哂，我都有試過，都真係椰漿香濃芒果夠甜，不過我今次發現原佢地的小食都十分正！有好多人可能無留意，其實佢有賣幾款泰式自家制零食，當中以多士($25)最受歡迎，有幾次去到已經賣哂，真係好搶手！多士有三隻味: 蒜蓉、奶油、辣椒，三隻味我都試過，好味就不在話下，最難得係多士鬆脆，真係拍得隻泰國翟度翟好出名嗰間的出品！真係食云全港最好食😭😭😭😭😭大力推薦👍🏻👍🏻👍🏻👍🏻👍🏻👍🏻👍🏻👍🏻

Went here specifically for the noodles tossed with chicken.The portion was big and it was tasty.The crispy pork skin was really good and the chicken was tender and soft.I wanted the durian sticky rice but the durian was sold out so I opted without mango because I don't like mango.The glutinous rice could have been better because the rice tasted a bit old.

放假係要同男朋友去葵廣掃街，不過勁多人下次都係閒日黎！4色糯米飯 ($28) 係我每次都係黎到一定要潮聖的地方。由一開始幫襯就只有黑白糯米，到今日有埋斑蘭 // 蝴荳花 ，幾日特色！淨係睇都已經夠哂靚！都係黑白糯白最好，斑蘭味若隱若現幾特別，但重點係芒果一如既往咁甜，而且份量足足有一個咁夠，好似黎自泰國，呢點抵讚👍同上次黎資素都無變過！不過自從2樓開左分店之後，地下少左人排隊，十分好！下次都要試埋其他咸食！

經常都幫襯呢間鋪頭嘅泰式甜品，今日就第一次買飯嚟試下。$35一盒泰式肉碎飯（唔係太肯定個菜式名，但係大致上係咁上下）份量方面就冇得挑剔，＄35有一大盒滿滿嘅飯，一定可以醫飽肚但係喺味道方面就普通咗d。米稍為偏硬左少少，煎蛋亦都只係一隻普通嘅煎蛋，唔好期望有流心嘅效果；肉碎嘅份量唔算十分足夠，未夠撈飯撈到底而炒肉碎裏面仲有d豆角碎同埋一d辣椒碎，辣椒碎辣嘅程度比我想像中高出好多，食到我流汗又流鼻水。食完盒飯之後我嘅感想就係得個辣字，發現唔到呢盒飯其他嘅美味，有d可惜。

這間是泰國菜的新舖頭，有時葵涌廣場的另一個新推介，鋪頭雖然不大，但食品的種類很多，很有泰國風味，我今日便試了這一個泰式生菜包，返到屋企打開之後有驚喜，生菜是獨立包裝用保鮮袋袋起的真是夠細心😋😋😋

除左上次講到既肉燥拌麵，今次仲食左一個泰式甜品芒果糯米飯 $28糯米飯好特別，平時都係得1/2隻色，呢間竟然有4款味道，真係好特別。4款味道分別係原味、黑糯米、斑蘭同蝶豆花味🌷，除左顏色上唔同，我覺得味道上基本都係一樣呀☺️味道方面，微暖既糯米飯散發煙薰既味道，而且好有口感，每啖飯都沾滿了椰汁，帶有咸咸地既味道，但芒果有好酸呀好唔好食真係見人見志，對我黎講就還好吧，朋友對呢個糯米飯就麻麻地喇😖😖食完其他小食先再食呢個糯米飯，真係好飽，建議多人分享😂

細個時同屋企人去食泰國菜好鐘意飲龍眼冰，因為夠哂香甜，仲可以解辣。話說星期六同老公二人行下街，掃下街，拍下拖，行行下見到有間泰國小店，佢有張poster 寫話有龍眼冰買，我立即雙眼發光，9秒9衝上去睇下，點知店員話冇貨....心立即跌落谷底。點知再行多一陣，去買鹽水雞之後行過見到又有一間都幾大間嘅泰國小店，入面除左有粉麵仲有小食賣，老公話入去睇下有咩小食買比三隻小妖，睇睇下老公見到個雪櫃入面有龍眼冰，佢立即買黎比我飲。25蚊其實都唔平，不過個一下個心想飲就唔理咁多啦。一打開已經聞到好香嘅龍眼味，同埋見佢比起出面食店嘅深色，一飲落去超香超大陣龍眼味，不過可惜係過甜，甜到最後連三隻小妖都唔飲。不過個一下就滿足左我嘅願望，就算太甜我都覺得ok。

葵廣出左新野食正宗泰國食物✨✨✨✨✨✨✨✨✨泰國船麵($25) 可以選擇多款配料扎肉 牛丸 豬肉丸 魚蛋 湯味超濃郁 🙆🏻金邊粉好爽口 有多款調味料可以自由配搭 扎肉唔會好林啱啱好 精粹係面頭嘅炸豬皮食落超香口😋 好好食👍🏻👍🏻不過食食吓湯底有啲鹹🙈

泰式辣這回事....諗住店主係泰國人 菜式應該都會好正宗所以買咗三色芒果糯米飯(HKD28)➕鳳爪(HKD28)黎過下口癮鳳爪配菜有洋蔥、香菜和紅蘿蔔等 份量俾得一點都不吝嗇鳳爪一隻隻咁食都唔係好覺佢好辣 但當我一次過食左三隻就出曬事🤦🏻‍♀️後尾一望原來人地係落埋辣椒核 中伏🤦🏻‍♀️🤦🏻‍♀️🤦🏻‍♀️🤦🏻‍♀️個人認為鳳爪偏鹹 如果可以再酸/甜少少會好d芒果糯米飯唔知係咪因為擺太耐 搞到乾曬開黎食嘅時候d米好硬好硬芒果都幾鮮甜🤤好懷念係曼谷日日都可以食到超正宗嘅芒果糯米飯嘅日子😭😭

行過見到好多人排隊，香港人心態，過去望下先，又香港人心態，不如邊排邊望🤣🤣🤣🤣原來賣泰國食品，有三色糯米飯、生菜肉碎包，口水雞沙律、青木瓜沙律......返屋企即刻食，好好味呀😋😋😋😋😋😋😋

食完banh mi見到隔離泰國野小店超多人 八卦去睇下原來好多野賣 撈麵 炒金邊粉 糕點 小食 最吸引我眼球就一定係芒果糯米飯喇😍😍😍#三色芒果糯米飯 $28 dor次次去親曼谷都會啪好多盒#maevaree 芒果糯米飯 超好味！呢盒$28好大盒下 prepacked哂唔使等唔使自己再落椰汁 芒果夠甜 三色糯米平時dor覺得班蘭最好味 之後白糯米先到黑糯米 反而呢度黑糯米最好味 唔會好硬有口感 相反綠色既班蘭味只有班蘭香但班蘭味欠奉 不過$28咁大盒真係好抵食 *****************************泰風SO地址：葵芳葵涌廣場地下A76B號舖