泰餐館 (已結業)

認真講句，大家去九龍城食集團式泰國菜，不如黎幫襯下呢啲有質素良心小店！未講食物前，要讚下啲服務態度先，認真有禮貌，好耐無喺香港遇過咁有禮貌嘅侍應啦👍🏼👍🏼食物方面，因為得自己一個食，叫左個海南雞飯加個木瓜沙律。先黎個海南雞，普普通通無乜特別，不過份量好多，細食女仔可以2份分！之後黎個木瓜沙律原來先係戲肉，驚為天人！因為我去親泰國都勁食呢個沙律，而喺香港一直都搵唔到滿意嘅，終於比我喺呢度搵到啦！！！！ 食得出係用心製作，份量又多。極度推薦！！ 再講埋環境，啲位好闊，冷氣夠涼，唔噪，乾淨，可以話一流價錢比九龍城集團式泰菜平好多，地點又一定方便過九龍城，一定會再黎試其他菜式！！

第一次食豬脾飯  平時在餐牌內怎樣選都不會選它的!! !!!!!!!因為驚 月巴 !!!!!!!但今日突然好想試吓 結果都好有驚喜 豬脾飯味道: 豬脾雖然連皮帶肉 但就炆得好淋好JUICY 完全超出我的想像!!!!豬脾帶著甜甜的醬油味  肉質真的好淋好淋豬皮雖然好肥!!! 但食落真的好香好有QQ的口感!!! 真快好似溶於口中咁喇!!!!感覺骨膠原瞬間提升100% 

因今天在附近工作，無心插柳的便book了這間餐廳。實在喜出望外，食物甚有水準。二人共order 了冬蔭公，其酸辣度對我而言十分適中，柚子沙律相對比較—般，半隻海南雞，肉質很滑配上醬油很好味，另外炒椰菜苗是我的致愛,又脆又嫩。雖然全部皆是基本菜色，卻是不一般的味道。店員服務態度好故然要讚，但最值得一讚的是原來這是—間社企，聘用了幾位少數族裔員工(我也是埋單離開時無意中發現的)。也難怪能煑出這麼地道口味的菜式

冬蔭功湯（細）$68餐廳細size嘅冬蔭功湯都有咁大個鍋 呢個細蔭功湯足夠3-4個人飲，不但配料多 有蕃茄 蝦 菇 西芹等👍🏻味道仲好好食😍酸得尼帶小辣 好開胃。😝😝生蝦刺身（$98）一碟有9隻 隻隻都勁肥肉 肉質鮮味 入口冰凍😆酸酸甜甜嘅魚露汁諗左系生蝦面上 辣辣地超級開胃 。😚 泰式炒粉絲（$68）今次想食特別 叫左碟泰式炒粉絲粉絲炒得好爽 一點都吾會太油 食落仲食得出個鍋氣 好好味 加上有小小辣椒 雞絲 西芹 蕃茄 木耳等作配菜 非常豐富。 燒豬頸肉（$68）普普通通 但勝在好大塊 又多片😀配埋個酸辣汁 都不錯。

原來幾年前已經黎食過，應該轉左手不過一樣餐廳名，環境幾舒服，唔會好逼好嘈，感覺比其他餐廳坐得闊落。平日唔使訂檯都有位的。叫左太多碟都無影曬，食完先記得影，所以唔記得價錢🙈小食拼盤$88：有炸蝦餅、魚餅同春卷，好食、份量多！炸蝦餅$68: 好食！所以要encore馬拉盞炒通菜 + 蒜蓉炒芥蘭$58定$68：味道適中幾惹味生蝦刺身$98：正常味道，唔算平青咖哩雞$68 + 蒜蓉包$38: 兩樣都幾好，尤其蒜蓉包明爐烏頭：唔記得幾多錢，好食！烏頭好大條，個湯酸酸甜甜好開胃，另上一碗湯可以自己加湯，因為一路滾會蒸發，呢個要食！椰青炒飯：用椰肉一齊炒，好似無乜鑊氣，淨係食到唔甜唔鹹既椰漿味，個人覺得一般鳳爪沙律：都幾多隻鳳爪，都ok泰式炒金邊粉：唔知點解有豆腐乾，偏香港人口味，不過都ok既椰汁千層糕：即係有葉包住果種，都ok，平時食既味，底有西米+超多芋頭粒椰汁大菜糕$38: 就係大菜糕既口感，唔知點解咬落去夾雜左唔少冰碎，啲冰係裡面唔係出面😰好怪既口感又唔似未退冰芒果糯米飯$48: 好似太陽花😂佢整得唔算好好食但啲飯好多🙈每人淺嚐兩口就夠喇但飲品方面要改善下，叫左少冰仲多冰過正常冰，變到好淡味

好多菜式都有人寫過，今次寫呢篇我係為左推介呢個比較少人提嘅南瓜焗飯　話說呢日我作緊病，喉嚨唔係咁舒服，想搵D健康，少肉同埋唔油膩嘅野食，咁就點左呢個菜式再加兩個小菜真係無揀錯，好味，南瓜開胃清甜，而且外形靚，飯又夠香原來食泰國野，唔食酸辣野，一樣可以食得咁津津有味

最要好的朋友要結婚了, 恭喜! 恭喜! 揾我當姊妹當然不會托手踭。老實說, 做姊妹的次數不少, 連伴娘也做過兩次, 可說幾有經驗, 但究竟我幾時才能當主角呢? 都是別說呢啲….. 作為姊妹團, 事前例牌必做當然是度身做姊妹衫和相約素未謀面的姊妹們商討玩新郎兄弟事宜。今日就來到一間新娘常來的泰菜店, 邊吃邊商討大計, 哈! 吃泰菜第一時間會想起九龍城, 而今次卻走到長少灣, 不是新娘子介紹也不懂來。饞咀的我, 事前必細閱《開飯啦》食評, 竟有不少好評, 令我非常期待, 咦!? 究竟我是商討大計, 還是掛住食呢? 哈!餐店門面搶眼, 鮮橙色的牆身, 以及青綠色配紅字的招牌, 又紅又綠, 還掛上閃爍的燈串。門口擺放了餐牌, 而玻璃門和門口牆身均貼了一些菜式相片和地方相片。甫進內裏, 分上下兩層, 但只是上層為用餐區。用餐區換上以白色為主調, 裝潢簡約純樸, 地方寬敞闊落, 設有多張六至八人的大圓枱, 亦有數張四人卡座, 枱與枱之間有一定的距離, 令人坐得舒適。店子沒有太多花巧耀眼的泰式擺設, 只是牆上有數塊泰式人像雕刻品, 反而主力貼上菜式的相片。而最特別是設有一大塊有關宣道會恩福堂的告示板

同男朋友行完街, 男人居然話想食泰國菜於是睇openrice見到依間食評幾好, 一於上去試下餐廳環境闊落坐得都好舒服沙嗲串燒 - 包括左雞肉、豬、牛, 都燒得好嫩滑, 配上沙嗲醬好惹味, 而且有大量花生粒, 我最鐘意蒜蓉包 - 外脆內軟, 好香牛油味, 建議大家叫咖哩必定要配依個蒜蓉包泰汁鳳爪 - 非常鮮味, 配合蒜頭辣椒來吃, 微辣的醬汁惹味開胃 泰式炒金邊粉 - 賣相雖然普通, 但其實炒得好好食, 香但唔辣, 金邊粉好有咬口, 又唔會好油膩, Good冬陰功湯 - 都好飲嘅, 椰香與辣度恰到好處, 入面D海鮮料都幾足, 有蝦, 青口等, 飲完好想黎多碗泰式煎蠔餅 - 蠔頗大隻啖啖肉，食得出十分新鮮, 整件蛋餅炸得通透, 油份剛好男朋友食得相當滿足，決定遲D再Encore

Mum and dad took me here as they love this place, and they were right. We ordered a tom yum soup and is one of the best I ever had in Hong Kong. The soupe had a really tangy sweet and sour flavour which is what I like. The Mango salad was really good too, the sweetness of the mango blend really well with the crunch of fried garlic and the zeaty vinegary dressing with a hint of spice, very refreshing after a hot summer day . Others were good but these two were my favourite. We ordered two seafood

是日3人行 8點左右已經到步 本以為2層都係食堂 原來只有一樓係食堂地下應該係廚房~~ 行上一層 侍應安排左我地坐6人座卡位 好舒服呀~3個人叫左5樣野食 首先上枱既係海鮮冬蔭公(中size $60)一上枱 就好香既芫茜味 跟住d辣味 酸味都散發出黎 色 香 味俱全 真係非常好飲一飲 好有驚喜 湯料非常多 有蝦 草菇 青口, 因為蝦好新鮮 令到整個湯好鮮甜但同時帶小小辣同酸味道調得非常好 我覺得比其他泰國餐廳既冬蔭公湯出色好多唯一要改善既就係d香料太碎 令到每口湯都有d香料 要吐返出黎~但整個湯都好有水準而且中size可以分成5小豌湯 3-4個人叫中size黎飲岩岩好 第二味 蝦醤炒通菜($55)呢隻係幼通菜 蝦醤味幾香 而且唔會過咸 最緊要係剛剛炒好就上枱但菜根有點老 份量3個人都夠食第三味 燒泰式糯米飯腸($50)比我想像中細份 糯米腸軟淋但偏咸 生菜出奇地新鮮、爽脆同甜 而個sauces就酸酸地 加上生菜同糯米腸一齊食就冇咁咸 但呢菜普通左小小第四味 海南雞半隻($90)呢隻雞唔到應有既水準 除左個醤汁、蘿蔔絲、椰菜絲同2片青瓜係好食之外隻雞我覺得差左小小 略有雞味 但雞肉唔夠滑

長沙灣平時什小到此,因約了朋友行過決定一試 在一樓用餐~地方闊,服務態度好~7點過後開始多人,肉碎生菜包~沒有平時辣到流口水的感覺~合乎我的口味 馬拉盞炒通菜,沒有惹味的口感,有點失望 黃咖哩雞,一碗裡有很多青椒,紅椒,洋蔥,雞肉及薯仔極小...是在吃咖哩蔬菜嗎 蒜蓉包,兩面都塗了蒜蓉加牛油,香口好味, 值得一讚 炸春卷,新鮮炸起~不過味道一般.總括可以一試的~又不是太貴~價錢合理

路過長沙灣，見評語不錯便一試！叫了生蝦，蝦大隻而且爽口，份量也不少，可惜沒配蒜片，否則更佳！燒雞翼有四隻，一上檯便已聞到香味，皮脆肉滑，燒得非常野味可口！炒金邊粉也不錯，挺欣賞廚師配了花生碎，令口感很不一樣！環境不錯，而且服務好，我想下次可再來試試無妨！

今日放工同朋友落開長沙灣，順便食埋晚飯，見附近有間「泰」國菜，而且有26個個笑臉，一於入去試下～門面唔算出眾，一入去就有條木製長樓梯通上2樓環境不錯，微暗嘅燈光，加上牆身佈置，帶點歐陸情懷，感覺relax侍應遞上餐牌後不久，老闆就過黎問我地係咪第一次去/想食邊類同推介一些招牌菜比我地，好熱情～老闆推介我地食燒魚，有鰂魚同烏頭兩種，但落單侍應話魚已經信罄了，實在可惜，唯有再揀過其他～最後我地叫咗小食拼盤，飛天炒通菜同波蘿炒飯等得唔算耐，首先黎到嘅係炒菜飛天炒通菜（$55）通菜嫩綠，份量頗多蝦醬味香濃但不會過咸，非常惹味加上油份適中，食落爽口不過對於我地兩個唔太食得辣嘅人黎計，都幾辣. . 菠蘿炒飯（$50）上菜時見到雖然賣相一般，唔係原個菠蘿上有點失望，但未食已經聞到陣陣咖哩香材料包括咗菠蘿肉，肉鬆，臘腸，蛋，雞肉，雜豆，提子干等. . .用料頗多，但最欣賞反而係d飯，帶少少黏口，又不至於太軟，淡淡咖哩味，不會蓋過其他食材嘅味道，咸甜夾雜，味道豐富小食拼盤（$75）包括咗：蝦餅2件，魚餅3塊及春卷3條，全部一分為二蝦餅蝦膠尚算彈牙,炸得鬆脆，但由於比較細件唔夠厚身，加上炸粉相對較多，影響

打算係東九龍搵間泰菜，自己又貪新鮮，想食d未試過既，於是選擇左長沙灣既「泰」。先黎泰式生蝦，不太辣，味道也較淡，蝦肉缺乏彈性，死實。燒魷魚，店員話醃過，夠味。但個人認為真係唔夠味，而且無醬汁，乾身。紅咖喱魚，簡直係災難，魚先上粉再煮，粉太厚太杰，似人體體液分泌，叫人如何入口？咖哩太淡，淡而無味，味道分離。之後再到蒜蓉包，簡直想破口大罵，蒜頭很貴嗎？少得那麼可憐，不就還以為是牛油包。整餐飯也是不堪回首，絕對無下次。

叫了生蝦刺身，呢樣我第一次食，難以和其他餐廳比較，入口覺得醬汁清新，蝦肉非常爽口，好味，朋友讓我食了半碟。其他的食物都不錯，可惜今日我們人少, 本來想叫咖哩, 但驚食唔晒，唯有下次。總體算大碟抵食, 我地每人仲叫一個椰青(好大個), 埋單每人約HKD160