泰COOL (鴻圖道) (已結業)

好耐之前食過覺得OK嘅黃店，所以諗住再食啦，點知佢水準下滑到嚇親我。我同朋友係黎食午市嘅，佢叫左份大麵包釀咖哩牛腩，我叫冬陰功海鮮湯河，咖哩牛配麵包就不過不失啦，麵包冇話太硬，咖哩就正常發揮。但到我份冬陰功海鮮湯河就出事喇，冬陰功湯嘅湯得淡淡咸味似味精湯多過冬陰功，D海鮮除左魷魚勉強合格，青口霉嘅，雪藏蝦得個爽口但真係完全冇味，好似食左冇甜味嘅大菜糕咁，望住隻蝦都唔相信自己食緊蝦，根本唔似食物，我每樣食左一隻就冇食喇，真係好難食，唯有食埋D菇送埋碗麵就算，60蚊一碗味精菇湯河🙈好少有食物我完全放唔到入口嫁...真係要加油呀，希望佢恢復水準啦...

疫情嚴峻 每家每戶均外賣回家心水選擇 梗係支持同路人 揸車走到工業區外賣自取地面攤位貼住外賣自取85折上到去大家好乖咁排隊 我落單外賣了五款食品泰式炸蝦餅 78肉碎生菜包 78無骨鳳爪沙律 78炭燒豬頸肉 78鮮蝦炒金邊粉 88用信用卡找數 俾錢後剩係俾張簽賬底單我 已經奇奇怪怪坐低等外賣 望下張單 竟然外賣要收加一服務費?!即時拎單問收銀員工 即刻又話“用晒系統啲外賣號碼 所以用了堂食號碼 所以收了加一“及後即刻俾返40蚊我好喇 如果成件事係無心過失 作為負責任嘅店家 係咪應該即刻睇下同場十幾張外賣單有無同樣錯誤？答案係無 個收銀乜都無做過你估下間餐廳今晚袋咗幾多加一服務費?做唔起優惠 不如唔好扮同心抗疫啦最後外賣等了50分鐘先有得拎 返到屋企豬頸肉變了凍食

疫情底下去唔到旅行 就唯有食下唔同國家嘅美食當自己去左旅行啦🙈今晚就黎到泰Cool食泰國菜5個人嗌左5樣食物每樣食物都分量十足真係好抵食！.青木瓜沙律 $68木瓜脆卜卜 醬汁酸酸甜甜 非常開胃 哩啲咁熱嘅天氣食就啱曬.泰皇咖喱雙拼 $188雙拼包含2隻軟殼蟹 2隻大蝦軟殼蟹同埋大蝦都炸得香脆而且非常新鮮 軟殼蟹嘅蟹膏融入埋啲咖喱超級好味 送飯真係一流！記得要食埋啲洋蔥啊 索曬啲汁好好味㗎.明爐烏頭 $158魚肉嫩滑 檸檬汁微酸 又係好好味🙈不過記得啲菇要煮耐啲先食啊索左啲汁會好味啲㗎🤤.香芒蟹肉炒飯 $88哩個炒飯非常足料 每一啖都食到蟹肉加埋啲芒果同埋雜菜 味道非常清新💕超級鍾意😝.芒果糯米飯 $48食泰國菜點少得芒果糯米飯呢😆芒果已經熟透 甜到起痰 完全唔會酸糯米飯甜度適中 好好味食完好想即刻嗌多一個haha🙈

今次同朋友黎試呢間泰國菜🇹🇭個場都幾大幾多位 因為我訂左位所以就唔洗等 價錢唔係特別貴 中等價位 柑桔檸檬🍋有少少太酸 唔係好夠甜 中意酸既人就岩哂另外泰式奶茶比港式奶茶鮮色啲 個味係比較淡 但幾滑既都冬蔭功海鮮金邊粉 個湯蕃茄味都幾濃 酸酸甜甜幾開胃 但飲落都幾油 有少少車厘茄 海鮮既材料就有魷魚🦑青口同蝦 金邊粉就未到好淋好掛湯個隻薄餅上菜好熱辣辣 就算放左陣先食都仲係熱既 馬拉盞炒通菜 唔辣既一啲都 碟菜份量好大 醬料都夠 仲有啲洋蔥炒 好香 啲菜又入味😋

第一次去呢度，諗住疫情期間可以坐得鬆動啲，我點左幾度菜式我好但係大部份都唔好食。第一道菜，牛柳粒，燒到太晏硬，過晒啲醬OK，但係牛柳粒唔好食。第二道菜，泰式鳳爪，味道都唔錯。第三道菜，泰式炒河粉，味道一般。第四道菜，大蝦冬陰功，個湯比較咸，隻蝦霉既，大蝦冬陰功隻蝦唔好食，成煲湯我哋畢咗少少飲就冇再飲啦。第五道菜，炒椰菜苗，味道都可以。第六道菜，燒魷魚筒，隻魷魚都係唔新鮮嘅，食落去個味怪怪地，我哋話取消道菜，佢就直接幫我哋取消咗。另外就係叫咗兩支啤酒一罐雪碧，呢啲嘢飲係全晚最有水準嘅嘢。基本上好想支持黃店，但係如果佢自己都唔做好本分，真係幫佢唔到。唯一可以讚嘅，就係呢間舖頭嘅服務態度唔錯。香港人加油！

用家個人感受，不是打手!晩餐...泰國菜...yellow🖐👆7️⃣0️⃣位置：觀塘地鐵站A出口，經APM行過去，大約行10分鐘。好大個招牌，唔難揾。8️⃣5️⃣裝修：裝修有啲特色，算大，坐位算闊落，感覺乾淨。8️⃣5️⃣招呼：預先訂左位，去到即有卡位坐，大約7成FULL，落單都快及準，上菜都快及準，但無笑容無親切感。1️⃣0️⃣0️⃣冬陰功海鮮湯：$108，好好味，料好足，小小辣，大約4人分量。7️⃣5️⃣炭燒豬頸肉：$78，正常無補充。8️⃣5️⃣馬拉盞雞肉炒粉絲：$78，好味，夠乾身。5️⃣0️⃣炸蝦餅：$58，凍冰冰，皮厚，唔好食。1️⃣0️⃣薄餅，$38，好粉好粉，又係凍冰冰硬掘掘。4️⃣0️⃣青咖喱牛腩，$88，無乜青咖喱味，好浠啲汁，牛腩就夠冧嘅。配菜都可以。4️⃣0️⃣芒果糯米飯，$48，飯可以，芒果熟到霉霉地，有啲苦。6️⃣0️⃣三色冰：$28，唔夠料，椰味弱5️⃣0️⃣椰汁冰：$38，椰味弱，好似水咁。8️⃣0️⃣鹹檸七：$28，正常。7️⃣0️⃣CP值：3個人，埋單$649，每人$216，食材不是高質，應該無下次。

睇到menu有咖喱包就好想試，但佢得午市係牛腩，晚市係海鮮。我哋唔食海鮮，於是揀咗午市嚟食1點未夠去到已經好多人，睇落就忙落order時明明個侍應已經再三同我哋確認，但唔知點解佢仲係寫少咗一杯飲品同咗兩個侍應講返終於補返比我哋等食物都等咗幾耐，對比海南雞飯上得好快好彩我哋唔係好趕時間，不過朋友有抱怨早知要海南雞飯味道就真係好味份量都好大見到其他人都係食完牛腩唔食個包我就覺得個包同個汁真係好襯！都算值得我期待嘅~朋友叫嘅食物我都有試，都算可以青咖喱燒春雞就好一般，雞滑但汁好淡

喺呢個經常會中伏嘅年代，本身都只係抱住但求唔好難食嘅期望，點知今次有驚喜！全場近9成滿，但上菜速度都算快，整體食評如下：1. 冬陰功湯偏酸唔夠辣，但多料2. 串燒個豬頸肉燒得好香口，醬汁幾好3. 生菜包雖然其貌不揚，睇個樣以為無調味，但係好好食，個辣度好正4. 馬拉盞炒通菜惹味5. 明爐烏頭肉質鮮嫩，但味道偏淡，唔夠泰式個種酸6. 冬陰功雞肉炒河粉menu上有個推薦符號，但係伏嘅，雞肉無味Overall黎講就係，可以encore嘅😂

放假難得出街食，一定要揀間好嘅～ 朋友推介呢間，六點半就衝入去，佢話再晏就要排長龍等位啦～ 雖然630進場，但都已經好多人食緊飯，吉枱唔夠5張，所以早去係明智嘅～Menu上好多選擇，泰式基本嘢全齊。最後叫咗雜菜青咖喱～ 女士必要item~ 青咖喱雜菜香口唔肥膩😋 yummy yummy用蒜香包沾沾更係一流，可謂perfect match最後一道重頭戲，等得最耐～ 就係馬拉盞炒粉絲～ 肉類有豬/牛/雞自定三選一～ 我哋揀咗雞，雞肉滑一滑～配料都好豐富，蛋絲、三色椒絲、洋蔥...超惹味，好食 😋

本身都好鐘意泰國菜，尤其冬蔭公同Pad thai，呢間泰菜算係價錢公道，味都唔錯，但份量真係超大！Pad thai：夠鑊氣，配雞肉，夠味，份量大！餐廳都算好大間，但lunchtime唔book位就有排排，所以黎食既記得book。生意好忙，但希望衛生有待改善。

專搵黃店食 今次搵到間泰國野 無錯 入面裝潢好黃 相信老闆都係黃 但係佢同好多黃店一樣 質素參差 呢間就屬於差個一類第一 上菜極慢 18:09 分落單 叫左三樣餸：炭燒豬頸肉、馬拉盞椰菜苗、香芒蟹肉炒飯 (有圖有單)首先等左20分鐘先上到豬頸肉 30分鐘先上到炒飯 但去到19:00都未上到碟炒菜 到我地主動取消個陣 先有人出黎話廚房無晒椰菜苗第二 d食物唔熱 嗌左個炭燒豬頸肉 係一d都唔熱 係室溫一樣 仲要收我78蚊得個8片 第三 咁既質素同咁既價錢 真係唔值 我同女友食都唔飽雖然黃店 大家都係同路人 你好我好大家好 但希望老細真係可以改善以上缺點 第日光復成功 我一定會再返黎光顧 (唔好食就唔會再黎)

前幾天很想很想吃泰國菜，原因是大半年前的今天，人在曼谷十分寫意。掛念無骨海南雞飯，掛念很多泰國風味，因此同行朋友便相約我在泰Cool吃飯。首先原得不講這裡的海南雞真的很出色，雞油香滿溢，肉質鮮滑不會很乾身，可惜的是份量比較少，愛雞之人真的會吃不夠。這裡的咖哩也很不錯，惹味非常，且不會很辛口，十分好味。份量很多，可以配搭不同的食物，倍添風味。生菜包也不錯，充滿泰國地道風味，又不會很油膩，值得一試的一個菜式。

原本想食另一間泰國菜，可惜已滿，最後book了泰Cool，那𥚃人非常多，若不是預先訂位，是需要排隊等候。地方真係好大，坐位也很舒服。服務員工也很有禮貌提醒埋單，因為外面真有很多人排隊。個人推介：冬蔭原隻大蝦海鮮湯、炭燒豬頸肉、炒通菜炭燒豬頸肉爽口大大件，配上醬汁更惹味，吃完也把醬汁留下，沾上其他小食同樣好味！冬蔭原隻大蝦海鮮湯：各種海鮮配料令湯味更濃郁，感覺是這餐主角，個個friend都讚好，這辣度人人也能喝，不錯選擇。簡單一道菜，菜味沒被調味料蓋過，否則炒通菜通常只得咸味，但泰COOL炒通菜有菜味。

這間所謂黄店真是不知所謂，book左七點半，上到去夠胆死話冇位，到有位又話我未齊人叫我等下先，book左2個位有一個人到左都唔比入，到人齊果時又冇位比我地，又要等，甘既服務下次揾你食食物方面，串燒又凍，D鱿魚又水旺旺黃店都以後不幫襯仲要send email話我冇到，好過份

香港既泰國餐廳有好多，但係要喺黃店加埋係好食嘅選擇就唔係太多，但係每一次約朋友食飯就會諗起Thai Cool。餐廳既招牌菜非常多，唔係黎兩三次就會試得晒，個人意見就約多d朋友一齊食咁就可以試多d唔同菜式。我地叫左個香葉爆炒肉碎伴生菜包 （$78）、鮮蝦炒金邊粉（$88）、咖哩青口釀焗麵包（$138）、飲品：斑蘭椰子奶（$36）、香桃冰茶（$36）、青蘋果🍏氣泡茶（$28）。 肉碎生菜包作為前菜非常惹味開胃，生菜亦都非常多 🤣👍🏻鮮蝦炒金邊粉炒得好有鑊氣，加少少青檸汁口感更加清新。食之前非常期待呢個咖喱青口釀焗麵包，果然冇令我失望，咖喱汁非常惹味，送麵包一流 👍🏻👍🏻💛😋 斑蘭椰子奶：味道非常好，一個非常有特色既飲品香桃冰茶： 茶底唔錯令香桃味道更加出 青蘋果🍏氣泡茶：味道清新而唔會太甜