泰COOL (鴻圖道) (已結業)

餐廳：泰COOL (觀塘)地址：觀塘鴻圖道48號新榮大廈1樓要發展黃色經濟圈真係好需要香港人大大咁懲罰同傳開去🎗，今次去到觀塘鴻圖道一間黃到發金嘅樓上泰國餐廳—泰COOL🇹🇭，入到去完全係比裡面嘅裝飾同佈置吸引左正門旁邊嘅櫥窗放左幾個香港民主女神像嘅figure，仲有抗戰PePe同餐廳募捐比立場新聞嘅收據，臨近新年仲有PePe揮春同清洗TG嘅肥皂比有需要嘅手足🧼，餐廳牆上仲有唔少關於呢場運動嘅相同畫♦️原隻大蝦菠蘿海鮮炒飯 $128呢個係餐廳其中一個招牌菜，大大隻嘅炸蝦放係飯上🍤，金黃色嘅炒飯滿到就瀉😍，菠蘿🍍、魷魚🦑、臘腸、海蝦🦐等都好足料，份量夠2-3人食，色香味俱全♦️單骨雞翼配無骨鳳爪沙律 $46香脆可口嘅即炸雞翼惹味十足😋，單骨嘅雞翼容易食之餘又夠的骰🐓，醃製過嘅無骨鳳爪酸辣開胃🌶，”泰”有feel喇♦️炸魚餅(4件) $15 (跟餐價)跟tea set叫左個炸魚餅小食，魚餅外層煎香🔥，內層魚香味重又夠彈牙🐟，蘸埋泰式酸辣醬仲有另一種泰式風味添♦️班蘭椰子奶 $12 (跟餐價)嗌多杯泰式特飲班蘭椰子奶🥥，未攪拌之前上層椰子奶下層班蘭汁分開兩層顏色，攪勻左就成杯變成抹茶色🍵，椰香味同班

同朋友經過觀塘, 見到工廈區附近嘅呢間泰國菜, 係一間比較隱蔽嘅樓上鋪餐廳食物選擇都幾多, 我哋叫咗馬拉盞炒通菜, 冬蔭功同炒金邊粉, 通菜炒得好香, 而且唔會好老, 食落好juicy, 唔錯👍🏻冬蔭功一擺上枱就已經好香, 飲落味道濃郁, 偏酸少少, 香茅味好重, 好惹味好過癮, 我同朋友都飲唔停口😋炒金邊粉我哋以為係泰式炒金邊粉, 但原來唔係, 好在佢加入香葉同肉碎去炒味道都幾香😛而且份量都幾大, 性價比都幾高👌🏻

抵食泰國野點可以無我？今日約埋朋友一齊上黎試試這間抵食又大件的餐廳。來到時同層分了左右2邊，記得看清門口才入內呀！先下單叫了一個大串燒：牛肉2串、雞肉2串、豬肉2串、還有入份量不小的豬頸肉，相當抵食。串燒入口彈牙，不會出現過火的情況，點下沙嗲汁，更能提升其味道。馬拉盞芥蘭炒得相當入味，且辣度適中。泰式明爐烏頭熱騰騰原條魚上檯，擺盤美美的，非常吸引！烏頭味道酸辣，愈吃愈開胃。魚肉也很鮮味，吃到停不了口！

慶祝生日同朋友嚟咗觀塘區，觀塘區真係多小店唔係連鎖既，所以黃店選擇有好多，我哋就嚟咗食呢間泰國菜。雖然係工廠大廈附近，但係平日嘅夜晚都有非常多人！！ 佢雖然只係食泰國菜，但你睇佢menu係有非常多野食選擇。 間餐廳入面呢係貼咗好多文宣圖呀，去toilet個條路仲有一大張抗爭poster, 入門口個櫃就放咗啲抗爭者嘅figure同捐錢憑證etc，成件事好黄！大蝦柚子沙律，佢係有一個比較thick既sauce，酸酸地，比較開胃同埋好啱嘅配個飯嚟食嘅，佢d 柚子係一啲都唔吝嗇，畀勁多你㗎。馬拉盞炒雜菜，唔會好鹹嘅，出面有好多馬拉盞嗰啲都鹹得太犀利，呢個好好 蝦餅好好食，呢個係small size有三件而佢開咗一半一半 呢個係細嘅串燒拼盤，佢嗰個豬頸肉超級好食，勁林勁好味，大推下次應該要單叫豬頸肉！ 呢個睇相就好吸引，但係食落就少少失望嘅。咖哩軟殼蟹配麵包，咖哩一啲都唔辣，係比較甜個種，好食既。主要個問題係得係佢d麵包係挺身啲嘅，有少少硬，所以點唔到咖哩嘅位就好似乾爭爭咁。 船河，呢係超大碗！先至好似六十幾蚊，啲料係畀足你嘅，出面嘅船河有d係好濃味嘅，佢呢度嗰湯唔算勁濃勁俗個d。 慶祝生日所以

突然好想食泰國菜見到有間黃店泰國菜就緊係試下啦間鋪比較難搵d因為係樓上 一上到去等左一陣位就有職員開左第二層比人去食非常貼心一行三人叫左一飯一麵一菜一小食首先黎左炒通菜 $68佢有得揀咩味 我地就揀左馬拉盞好好味 我覺得食泰國野一定要揀通菜黎食之後黎左大蝦菠蘿海鮮炒飯 $128呢個勁好食 飯入面既菠蘿偏酸但係下面既菠蘿偏甜泰式蟹肉炒粉絲$88呢個我覺得好一般粉絲好乾 蟹肉偏少泰式春卷 $48呢個熱食勁好食下次一定會再食總括而言食物好味環境大職員貼心會再去試

其實呢一間泰 cool, 我黎過好多次，味道唔錯, 今日有少少時間就寫個食評先，哈哈哈！今日我呢，就點左。炸蝦餅，加無骨鳳爪沙律，飲多杯熱咖啡。蝦餅炸得剛剛好，唔會乾哂，仲好juicy, 另外果個『無骨鳳爪沙律』，酸酸辣辣，好味道！不過其實我唔食得辣，食兩舊就頂唔順......又咁講，食泰國野，唔食辣，又點可以評論呢間餐廳食物既質素？！所以頂唔順都要試下。餐廳環境企理，唔會好迫夾，播緊英文情歌，聽住成個人輕鬆舒服，因為我下午茶時間黎，無乜人，啱哂鐘意寧靜既我。

收工約左朋友係觀塘見面，經過見到個招牌，一諗起酸辣泰菜既滋味🤤🤤，就忍唔住行左入去，準備試試佢🔹生蝦刺身新鮮爽甜既生蝦刺身配上生蒜及辣椒，再配埋特製既泰式醬汁一齊食，酸酸辣辣，十分開胃🔸冬蔭原隻大蝦海鮮湯🥘熱辣辣既湯入面有原隻大蝦🦐、青口、魷魚🦑、秀珍菇等等，湯底既香料亦十分濃郁，非常足料及惹味！🤤🤤🔹泰王咖喱雙拼（炸軟殼蟹🦀、炸大蝦🦐）咖哩裡面加入爽甜既三色椒，就算係怕辣既大人同小朋友都十分好入口，唔會辣，再配上炸得金黃香脆既軟殼蟹同大蝦，外脆內嫩，蟹及蝦味十分濃郁，冇得彈，個人十分推薦👍🏼👍🏼👍🏼👍🏼👍🏼👍🏼🔸龍眼冰爽口既龍眼，飲落去甜甜地，十分滋潤青檸薄荷梳打冰🔹青檸既酸味、薄荷既清新再加上梳打係口裡面既刺激，三重感覺十分配搭店內環境寬敞舒適，適合一家大細或者同一大班朋友一齊食飯，而且即使店員十分忙碌，佢地既服務態度亦十分友善，抵讚！牆壁同大門都貼滿文宣，收銀位仲有拎住時代革命旗幟ge 公仔🤩 好靚

上堂前同朋友食飯傾偈，朋友建議此餐廳因為之前來過一次，感覺唔錯。裝修簡約新潮，只睇裝修一啲都唔似泰國餐廳，座位設計似西式餐廳，開放式廚房，窗邊都幾開陽喺度附近嘅工廠景色。香葉爆炒肉碎伴生菜包，生菜需另加$10，但生菜真係幾新鮮爽脆，碎肉落咗九層塔去炒，味道配搭唔錯炒嘅火候亦好，肉碎底唔會油淋淋肥膩，幾乾身，份量合理。細串燒拼盤，有齊雞肉、牛肉，豬肉同豬頸肉，串燒醬汁有水準，其中一款酸甜醬，令一個係沙茶醬，雞肉厚身好juicy 。冬陰功雞肉炒河粉，辣度只係BB辣，醒胃，河粉唔會炒到碎濕濕，排得幾整齊，炒得乾身，食完河粉後個碟底部都唔會覺得油淋淋，水準之作。

放工趕住去上堂，頂到9點終於有晚飯食，喺附近見到有泰國菜，二話不說衝入去。門口有有兩尊泰像，一睇就知有泰菜食。冬蔭功夠酸夠辣，落咗唔少香料，幾開胃。除咗蝦之外仲有好多魷魚，頗為足料。咖哩軟殼蟹係我哋最鍾意嘅一道，用嘅係黃咖哩，味道偏甜。軟殼蟹炸得酥脆，而且都唔細。配上香滑嘅咖哩，餸飯一流。馬拉盞炒通菜亦唔錯，非常惹味，同樣係白飯殺手。最後為咗獎勵自己，我哋叫埋芒果糯米飯，糯米飯由三色飯組成，帶微鹹，椰汁味道好香，芒果亦算香甜，為忙碌過後嘅晚餐劃上完美句號。

今日同180先生約左朋友仔食飯。朋友仔話佢公司有間泰國菜唔錯，book左7點，咁就去一起go go go.地點都不算太難搵。一去到， 侍應就安排左窗口位比我地。一坐低就感覺到環境好開揚，有一種好似置身cafe shop既感覺。食泰國野點會唔叫個生蝦刺身。蝦既肉質唔錯，都幾新鮮。加上辣椒蒜蓉更加絕配。個醬料酸酸好開胃。第二樣緊係叫鳳爪喇， 酸辣程度都可以接到。泰式通菜，個味道不錯，幾野味嫁。😍😍鮮蝦金邊粉，賣相幾特別。😎😎用加上蛋絲伴碟，金邊粉酸酸的。味道唔錯。😛😛😛香芒蟹肉炒飯。呢個我都幾好味 ，芒果唔酸加上蟹肉鮮甜。唔識點形容。正。😋😋😋😋😋👍👍👍👍👍價錢都比較平，呢個價錢加埋個環境都算值得。

因為好耐冇食泰菜, 今日同兩個朋友專登約黎喱度試吓。 預先上 openrice 訂左 3 位 7pm, 我同友人 未到 7pm 就去到, 唔使等, 但啲枱已經坐滿咗大半。餐廳喺 1/F, 要行樓梯上一層。 我哋被安排坐喺窗邊卡位, 坐得好鬆動同舒服。我地坐低左, 因為唔知碟頭有幾大, 唔敢叫太多, 所以點咗 5 樣嘢 share 食, 有生蝦、 無骨鳳爪、 泰式炒通菜、 鮮蝦炒金邊粉同埋香芒蟹肉炒飯。等左大約 10 分鐘左右, 第一樣嚟到嘅竟然係泰式炒通菜 😱 見到其他比我哋遲落柯打嘅枱, 生蝦同無骨鳳爪已經到咗, 我哋知道應該係漏咗單, 就請侍應幫我哋跟進, 不到 2 分鐘, 生蝦同無骨鳳爪都到咗。首先講吓個生蝦, 有蝦嘅鮮味, 而且爽口, 好味, 但友人就覺得蝦肉唔夠厚身, 我就覺得好好味, 好新鮮 😋; 而醬汁方面, 因為唔想破壞蝦原有嘅鮮味, 所以冇點嚟食。到無骨鳳爪, 醬汁有些少青檸清香同少少魚露嘅咸香味, 仲辣辣哋, 好醒胃, 而且質地爽彈, 但有啲位置有少少筋, 有啲硬, 但整體味道唔錯。至於泰式炒通菜, 見到有泰式咸魚粒喺入面, 都幾大嚿吓, 唔係砌到碎晒見唔到嗰啲咁,

香港人都好喜愛吃泰國野，我都唔例外。今日就來到泰Cool 嚐嚐。經過一條樓梯後，轉入店內，發現店舖環境闊絡，但都已出現人頭湧湧的情況，幸好預先訂位，才有位置。芒果沙冰賣相相當吸引，飲落啖啖的透心涼。串燒拼盤(大)串燒拼盤中有牛、雞、豬各2串，原來還有豬頸肉的(下單時都無留意到)相當抵食呀。各串燒嫩滑，軟嫩可口，越食越想食。豬頸肉爽口彈牙，肉汁豐富。大蝦菠蘿海鮮炒飯以菠蘿作盤上碟，份量相當大份，表面有隻大蝦，賣相相當吸引，而且炒飯中加份入了各款海鮮配料(魷魚、菠蘿、鮮蝦、蠟肉、提子、腰果、肉鬆)，口感非常豐富。芒果糯米飯芒果鮮甜多汁，且無渣。糯米飯更用了色彩繽紛的三色糯米，白色、紫色、綠色，而糯米軟硬恰到好處，咬落粒粒分明，再加上椰奶調味，感覺清新，美味。

炭燒豬頸肉 ($78)豬頸肉紋理清晰，表面呈金黃色，爽脆彈牙，肉汁豐盈，再配上一點甜辣醬汁，增添甜辣的層次，惹味醒胃。串燒拼盤(大) ($108)豬、牛、雞各2串，還有豬頸肉，價錢相當划算。各款串燒肉質軟嫩，甘香可口，非常好吃。大蝦菠蘿海鮮炒飯 ($128)賣相吸引，用了菠蘿殼裝著，散發出誘人的香氣。黃金色的炒飯份量澎湃，配料份量多，包括蝦、魷魚、臘肉、菠蘿粒等等。炒飯色澤艷麗，粒粒分明，香口又不油膩，再配上脆口的腰果和肉鬆，讓人胃口大開！雜菜野菌炒金邊粉 ($78)用蛋絲包著金邊粉，金邊粉份量十足，炒得剛好不乾不濕，入口煙煙韌韌，酸甜開胃，叫人食指大動。芒果糯米飯 ($48)一般芒果糯米飯只有兩隻顏色，這裡是3種的，包括：白色、黑色和青綠色。溫熱的糯米飯入口柔軟帶點嚼勁，配上香甜的椰奶和芒果，吃得滋味。

又到星期六番工既日子公司斜對面開左間泰國野，一直未試今日就同同事黎試下睇主餐牌價錢都唔貴，估唔到星期六都有lunchset~~所以我地點左個set, 又加多個粉，再加埋掛住好耐又未食到既🥭糯米飯炸魚餅係set 加$15 就有，熱辣辣新鮮炸起食落口感有少少似魚片，入面仲有d 魷魚粒甘，點埋個汁酸酸甜甜lunchset 就點左依個單骨雞翼拼無骨鳳爪鳳爪夠入味～而且份量又多無骨雞翼外脆內嫩依碟蟹肉粉絲實際比睇相份量起碼多一倍炒絲唔係碎哂，d 配菜又多，真係抵食！最後食埋甜品真係滿足！芒果夠甜同埋糯米飯係三色架一個白色，一個蝶豆花藍色，一個紫米睇出係有心機

好耐冇食泰國菜，今日嚟到觀塘嘅食黃店～星期六嘅晏晝都幾多人嚟食，見到佢下午茶更加抵，等我下次再嚟啦！！由於超級想食蝦餅，叫咗蝦餅加無骨鳳爪餐，無骨鳳爪沙律都好好食好惹味呢度食又平又抵份量又多～海南雞飯嘅油飯仲好特別！有啲牛油同埋椰子香味～佢俾咗好多雞胸肉，好健康呀！不過我都係鍾意食雞髀多啲：p生蝦刺身好新鮮，反而個汁可以再濃啲，另外加$10仲可以有生菜包！超級抵！仲有個跟餐$30椰青都好好飲！！！