泰COOL (鴻圖道) (已結業)

香港既泰菜黃店唔算多，咁岩今次俾🐻搵到啦！星期六晚8:00幾去到都等左陣位，眼見全部都係後生仔女 😏 仲要店內好多同大大幅既文宣添！今次同男友唔算好餓，所以order左「串燒拼盤（細）」、「炒通菜（馬拉盞）」、「雜菜野菌炒金邊粉」再加杯「香桃冰茶」🤤 值得一讚係上菜幾快 😝 推介/ 意見‼️✨「串燒拼盤（細）」原來係豬牛雞串燒各一再加勁多塊豬頸肉 🤤 串燒唔乾唔鞋口，肉質keep到juicy，豬頸肉大塊肥美，但🐻覺得唔夠熱 😌✨ 「炒通菜（馬拉盞）」其實仲有泰式同鹹魚可以揀，🐻當然揀馬拉盞啦，果然無失望，唔辣但夠惹味🤤✨ 「雜菜野菌炒金邊粉」視覺上唔算好吸引，但🐻一食就鍾意啦，味道偏甜，雜菜夠新鮮，配搭食極唔厭😋價錢‼️$88「串燒拼盤（細）」$68「炒通菜（馬拉盞）」$78「雜菜野菌炒金邊粉」$36「香桃冰茶」

平日放工想食泰國菜，經過這家餐廳便來試試。環境ok，食物選擇亦多。叫了豬頸肉，冬陰功炒河，咖哩牛腩，等了一會食物送到，樣子看來ok但食物溫度真的不能接受，豬頸肉是凍的，點的汁亦沒有什麼味道，而另外兩樣菜色只是微暖。究竟在廚房裡做什麼可以用一段時間煮出不夠熱的食物？如不改善食物溫度問題，觀塘有其他泰菜選擇。

今次同10個朋友一齊嚟咗呢間餐廳，餐廳嘅面積好大，梳化坐得好舒服🤣我哋當中有五個人都點咗炒金邊粉，嚟到嘅時候發現碟碟都好大碟，佢個金邊粉炒得好香，係的確幾好食，酸酸地辣辣地，真係好開胃！ 而且$58好抵！但最後大家都食唔哂☹️😔😔所以如果你係細食嘅話，可以同朋友share叫一碟，唔好浪費！😆

#黃店系列位於觀塘的「泰Cool」將軍澳都有分店，觀塘遊行有派水，店內有文宣、有捐錢，餐廳已登記飲食界選民。⁣餐廳環境寬敞，坐位舒適，食物款式選擇多，價錢相對便宜。⁣🔸巨型麵包釀咖哩牛腩 $58⁣巨型麵包裝住咖哩牛腩同薯仔夠特別，咖哩味道不辣，麵包焗得夠脆。⁣⛳️泰COOL (觀塘)⁣觀塘鴻圖道48號新榮大廈1樓⁣⏰星期一至日11:00-22:30⁣⛳️泰COOL (將軍澳)⁣將軍澳唐俊街21號翩匯坊地下G25號舖⁣⏰星期一至日 12:00-22:30⁣❗️最後下單22:00⁣

點了一個咖哩炸豬扒飯 +$12 轉左個特飲 芒果椰子奶份量都足夠， 咖哩好香椰奶味，好香好好送飯 有一塊炸豬扒加薯仔 洋蔥 好食 芒果椰子奶都好飲 唔算好甜 👍🏻👍🏻便宜好味的泰國茶

平時好少特登去觀塘，一黎工廠區無乜野行，二黎多車又多人，唔想四圍迫。適蓬星期五要到觀塘做野兼係度收工，所以趁機覓食。我知道工廠大廈有唔少抵食餐廳，質素亦唔差，不過感覺唔夠空曠，所以今次無揀到收藏左既工廈餐廳，最後去左間💛泰菜。已經記唔起上一次食泰菜係幾時，只知道朋友想食蝦餅，而我就想食軟殼蟹咖哩。今次除左點左呢兩款外，再加個串燒拼盤。泰式炸蝦餅(三件) $58新鮮炸出，非常熱氣!! 分量同價錢成正比，不過蝦肉唔夠彈牙，同埋可能油溫唔夠高，加上”鯨”油唔夠耐，食落油膩感較重。串燒拼盤(大) $108大同細SIZE只係相差$20，但串燒多3串，識揀一定揀大SIZE!!串燒有6串，分別豬牛雞各一；三款串燒既底味都一樣，分別在於其質感，雞比較滑，豬同牛都較乾身。拼盤中仲有燒豬頸肉，兩個人食岩岩好，肉質唔乾，但切得太薄，無爽口感。中意食辣既朋友一定要點個醬，佢D辣係慢慢滲出黎，而且都幾辣下。咖哩軟殼蟹(兩隻) $148呢度無薄餅，只有蒜蓉多士，但我唔想再汲取太多熱量，所以無加到多士(跟咖哩價$30)。軟殼蟹比我平時食既偏細隻，而且食落無乜蟹香，有點失望….咖哩係偏甜口味，配粒粒分明既白飯都唔錯。

為要支持黃色經濟圈，特登搵黃店食，觀塘區黃色泰國菜唔多，上開飯搵到呢間泰國菜。大蝦冬蔭功湯：唔算辣，酸味多啲，配料都多，最好係有個爐熱住，唔怕凍咗泰式明爐烏頭：連爐上碟，大量酸菜，酸菜味入哂條魚，魚肉算滑原隻大蝦菠蘿海鮮炒飯：炸原隻大蝦彈牙，菠蘿炒飯甜甜酸酸的，好開胃大蝦炒金邊粉：又係一隻大蝦放面，蛋網包著炒金邊粉，金邊粉唔會太濕，麵條分明，味道亦適中豬牛雞串燒拼豬頸肉：串燒唔會太乾，保留返肉汁，豬頸肉亦燒得香口泰式燒雞：雖然細隻咗小小，但係肉質嫩滑馬拉盞炒芥蘭：小小辣但好有獲氣平日黎都全場爆滿，真係要訂位呀

相約好友交收抗疫物資的時候，也不忘繼續支持小店，今日就來到相當有氣氛的泰cool。餐廳坐立二樓，面積非常大，疫情蔓延期間侍應細心安排較疏離的位置，窗户全開保持空氣流通，卻令我們仿如置身芭提雅。生菜包為我們打響頭炮，新鮮生菜份量充足，完全配合醃肉的份量，滋味無窮。冬蔭公也隨著來臨，酸辣度平均，香料足夠，十分惹味，還配上豐盛海鮮，有大蝦有巨型青口。炒金邊也絕對不能少，份量大得夠三四人分享，我們把剩下的一半都帶回家再品嘗。泰式炒豬頸肉惹味無窮，配上香料青椒洋蔥，滋味小菜。蔬菜當然不能缺少，泰式炒芥蘭份量不少，新鮮美味。

今日放早所以同同事去支持黃店本身見到入面無咩人唔緊要啦市道唔好但係我叫左黃咖喱炸豬扒飯朋友叫豬手飯仲叫左魚餅 春卷豬手飯黎嘅時候我地仲讚賣相唔錯因為佢切好哂泰式豬手之後我地都未食住想等埋黃咖喱豬扒飯黎到果下有d失望因為黃咖喱已經倒左落去豬扒上面姐係塊豬扒唔會脆開餐果下食左咖喱嘅一塊洋蔥真係嬲到顛左凍冰冰 連咖喱都凍冰冰 塊豬扒肯定唔係岩岩炸 我都明但連塊豬扒都好難食最重要係凍 連個飯都唔熱朋友嘅豬手飯都係凍 飯都係凍魚餅都係凍 仲要開哂窗吹住風咁食呢個飯之後同朋友嬲得濟食左幾啖就走去左另一間到食大家都係支持黃店但野食可唔可以比D誠意至少係熱啦唔該永不光顧星期六放假想食個飯都要食咁凍嘅咖喱飯 真係好嬲😡

平時落觀塘都係去apm, 今次試下入工廠區淘下寶! 餐廳不算難搵，我係牛頭角地鐵站出，經過創紀之城入工廠區，一直直行就到。一入到餐廳，見到個bar枱，左面有棵大樹，仲以為自己去錯地方。而餐廳統一用藍色餐具，幾有特色。我地叫左兩個主菜，加一個小食。三件炸蝦餅 - 一碟六件。一咬，熱辣辣，啖啖蝦肉，蝦餅好實，好真材實料。呢碟經典泰菜，真心值滿分! 黃咖喱 (牛) - 好大碟，好足料，啱晒好牛既我。牛腩幾入味! 黃咖喱辣度啱啱好，有少少椰香。我地特登另加個白飯，用咖喱黎撈飯😋😋😋泰式炒河 (豬) - 好夠鑊氣!! D河粉炒得幾可口，唔會好油，唔會癡埋一舊舊，亦無斷粉出現。而豬肉亦好大塊，好多片，唔錯。唔錯。驚喜既一餐。無論係環境，食物質素，職員服務都高質，性價比十分高!!!

平日夜晚6點幾上去，唔洗book位，一入到去好多人招呼你，服務真係好好。餐廳裝修得好靚，兩個人可以坐卡位，成餐飯坐得好舒服。叫咗咖喱麵包、冬蔭公、芒果糯米飯、芒果沙冰、班蘭椰子奶。咖哩麵包同冬蔭公份量都好多，可惜唔記得咗影相；芒果沙冰勁大杯，好抵飲，芒果味都好濃；芒果糯米飯嘅糯米飯有兩隻味，上面係普通嗰隻，下面係班蘭味，出面好少有得食班蘭味嘅糯米飯，另外芒果都好甜。食完坐咗一陣先走，可以慢慢傾計，一定會再嚟。

泰式食物不嬲唔係我第一選擇不過喺OR上睇到係💛同環境幾好/大所以今餐lunch就揀咗佢諗緊食咩好嘅時候，隔嚟枱有人問香葉肉碎煎蛋飯辣唔辣個侍應好搞鬼咁話好辣㗎“食辣嘅人都話辣，唔食得辣嘅人唔使諗”(差唔多嘅說話)我心一笑，對話咁人性化嘅😆所以我揀咗”黃咖喱炸豬扒飯+泰式奶茶”啲汁多到可以撈哂成碟飯吖而個炸豬扒整得好味建議將啲炸豬扒放另一邊先，唔好比啲咖喱汁浸住要食先用啲咖喱汁淋落去咁就可以食到有少少脆皮嘅炸豬扒同埋個炸豬扒炸得剛剛好好腍但又唔會炸到嚡熠熠咁😋所以我破天荒食咗3分2嘅飯

今晚朋友帶路嚟食泰國菜，地方闊落好好坐～唔會同隔離枱貼枱，播住懷舊英文歌夠晒chill由於食左下午茶唔係太肚餓，一人叫左一個主食同飲品先啦～海南雞飯$78海南雞去晒骨，啖啖肉，懶人最愛～油飯嘅斑蘭葉味好香濃，飯量夠多鮮蝦炒金邊粉$88有大大隻天婦羅蝦，蛋網整得好靚，金邊粉份量又係好多，酸酸甜甜好開胃飲品大杯足料～龍眼冰$28大大粒龍眼，味道香甜，感覺滋潤～三色冰$28椰汁味好濃，三色煙韌好爽脆啊！

觀塘lunch time真係度度都好多人，今次黎到泰Cool，試吓佢地嘅lunch set先。一去到餐廳門口已經大排長龍，店員見條隊咁長都問大家上唔上樓上，唔等即刻有位。爭分奪秒嘅人類聽到唔洗等即刻有，都嗱嗱林跟大隊上樓。上一層，原來係麻雀房，每4-5個人就開間房，當然都安排同行嘅一間。但係一入房就好大陣煙味🚬，唔食煙嘅人對煙味好敏感，覺得間房好臭，張枱都係麻雀枱，再舖咗層膠袋，就變做飯枱......每間房入面都有一張menu （有lunch set 同飲品）叫咗黃咖喱炸豬扒飯$58 加多$12飲班蘭椰子奶仲叫咗份魚餅$15有4件其實個飯係唔差嘅，好大碟。值得一讚嘅係餸同飯分開上，要幾多汁自己決定。有三大嚿薯仔同豬扒，都已經夠食曬成碟飯傢啦。但其實飯量真係好多。特飲：班蘭椰子奶偏甜魚餅即整，送上枱都仲係熱辣辣，唔錯。除咗環境之外，其實都可以接受。不過下次黎就唔好再揀麻雀房食😫真係好大陣煙味，成個氣氛同泰國菜/lunch都唔係好夾。

睇和你eat而嚟，但最後同朋友一致決定俾唔合格，因為實在有啲失望。令我覺得又係一間靠黃賺錢嘅餐廳。黃咖喱淡而無味，如果唔係個黃色賣相未必知道食緊咩；蜜桃冰茶細味下有一陣酸梅味，有少少奇怪；冬陰功冇酸又冇辣，但整體味道可接受；白飯好硬，浸咗湯都硬，落單後差唔多一個鐘先到；蝦醬炒飯味道太鹹，啲鹽攪拌不均勻，落單後一個鐘先到。