洋洋小龍蝦餐廳

营业中

休息中

朋友嗡左好耐, 今日終於有得試!一人一磅. 馬上回家食.其中一包醋爆左攞起隻蝦, 都係大頭果d, 頭大過身!"mit" 開佢, 肉唔多, 點少少醋先~ 咦, 第一隻蝦比較霉....第2隻又係... 3/4 都係!!! 唔係吓話?傳聞大陸師傅走左, 唔通係真既?唔係咁掂噃...

洋洋小龍蝦呢間食店好近我家. ....開頭見新鮮就去試. 發覺都ok 呀...抵食.. 龍蝦仔..又有特式. ....係香港冇乜邊度食到....原本佢地原先只係賣小龍蝦的... 不過可能新鮮感一過.....就比較少人買... 除之老闆亦將食店轉營升格做茶餐廳.....之後, 店舖就變返以前一樣客似雲來. 佢地除左抵食.. 食物仲好新鮮. 一碟普通的菜遠牛肉飯.就可以見到食材既新鮮度. 廚師既做菜既手藝, 拿揑煮食既火喉 做得好好... 菜心依然綠油油....牛肉滑嘟嘟... 一睇就知比起其他茶餐廳健康好多...... 我屋企人食野好挑剔, 都讚呢間野d 食物ok...起碼以健康為主.所以, 值得一試.. 雖然平心而論. 佢地既菜色係好大眾. 好多地方都食到.... 但係如果計價錢. 同健康.... 值得當好多人唔知食咩既時候...又想去茶餐廳食飯... 呢間會係首選.^_^

是日週末特意來到新蒲崗…一心想吃雲南人家…怎料到星期日竟然關了門!!!! 明明就寫著星期一至日的嘛…..好明顯那張紙是求其寫下的…又眼訓又餓…幸好還有後著….~洋洋小龍蝦…前兩個月到上海…天天都說小龍蝦但就沒有機會吃到…回來後一直念念不忘…還想著下年去上海時一定要吃到…在偶然之下竟然發現香港也有近似的麻辣小龍蝦吃…雖然明知小龍蝦吃得麻煩而且肉又不多…不過我就是那橏死心不息的…沒吃到就不會罷休….本來應該叫普通一磅辣味小龍蝦的…不過同時我又被桂林辣椒炒小龍蝦吸引住…最終於選了後者….~炒的好像風味會更佳….另外兩個人單叫一點炒龍蝦好像有點兒那個….所以另外還點了特色炒椰菜…..~店內有大大的電視…等待食物的時候可以解悶….~廚房是開放式的…可以看到整個煮食過程…聽到炒龍蝦時熊熊的鑊氣聲…似乎很不錯….上檯是小龍蝦是開邊的…大概是方便龍蝦肉吸收桂林辣椒味吧…伴炒的青椒洋蔥非常惹味…小龍蝦細細隻…肉不多不過都算鮮味…而且不少龍蝦的頭部還有甘香的蝦膏呢….其實這碟桂林辣椒炒小龍蝦並不很辣…如果改了別種炒法我想不會那麼滋味的了…~另一碟特色炒椰菜實在好吃…我們倆都忍不住不停的吃…椰菜切成幼絲配以

朋友說過在新蒲崗,有間以小龍蝦作招徠的茶餐廳.名字叫"洋洋小龍蝦".趁想去的米線店是日休息,便走過來試試.對小龍蝦的觀感,是好看不中用,因為沒有甚麼肉可吃,用來煲海鮮湯還可,用來炒麵炒米粉,倒是第一次見識.看店內的格局同字體,真係好像回到大陸,因為是由大陸開到過來.而此店的龍蝦,又是否由大陸輸入?是夜本來想要個小龍蝦炒玉米麵,但已賣光,轉個炒紅薯粉吧.除此之外,龍蝦可原隻叫,一斤一斤買走.炒出來的小龍蝦薯粉,基本上是龍蝦還龍蝦,薯粉還薯粉,同一張床兩個夢.兩者沒有交流,但薯粉炒得幾香,細小的龍蝦沒有太多肉,小小的蝦膏,就成為唯一的亮點.味道也算甘香.一心來"過口癮"的話就還可,如果想認真一點吃龍蝦的話,就一定失望而回.

今日選擇小龍蝦作下酒物麻辣味 ok 但真係單調左 d....原來已經加過價咁...貪得意試下好 luu...辛苦一輪至食倒少少肉後記:如果佢有未調味既小龍蝦賣重好...我可以自己做小龍蝦沙律

相約好友食o下o野吹o下水,人生一大快事.今日就來試一下此店,叫了下列食品.涼瓜班月南 加 白飯 ($38.00) : 好有獲氣的一個小菜,而且涼瓜好新鮮,加上班月南好有魚味呀! 好~~好~~味~~呀!!! 潮式鮮蝦粉薯粉 加 o野飲($30.00) 個 薯 粉好滑,料又好多,龍蝦仔都有不少o架,其他料都好好味,還有充滿獲氣,越食越多,真是停不了.此店不可坐太耐,因沒有卡位,只有o架簡單木椅,環境都是乾淨又整齊,加上價錢便宜. 對於食o野要求高的人來說此店就真是正確選擇. 員工服務又很好. 但食完之後,衣服會有一點油煙味,但都可接受.

之前在上海常常吃小龍蝦 , 洋洋小龍蝦給我的感覺龍蝦肉身還可以, 有彈口,但味道太單調.....不夠豐富, 辡味足夠但味道太淡...

個d所謂小龍蝦，d殼多到乜，肉就少到好似蝦米咁，呃錢！佢地又好hard sell個羊腩煲，發覺都幾淋，好似話無薑，無南乳，無味精，幾清!基本上，係食小菜，小龍蝦就永遠唔會再試！

而家每次去食自助餐都只會掛住食小龍蝦，搞到無得食既日子成日排住，有日睇倒報紙見倒哩間店$100 (3磅），即刻心動了，乖乖男友即係幫我去買了3磅回來．不過佢唔鍾意食，咁我唯有搵阿媽同我分享啦，當然，我無期望過好多肉，因為真係好細隻好細隻，更加唔好話要有羔食倒落口，不過真係貪過癮，因為未食過熱龍蝦仔又未試過唔係o係酒店食，味道真係有少少怪呢，但都幾得意既，只係食少少肉就成枱都係龍蝦仔殼了，真搞笑．不過如果唔係咁遠既話，有機會我都會再買黎食，始終比較少有

記十月下旬賣走的小吃路過新蒲崗食街一帶，新發現多了間「疑似」深圳小吃店，看門口寫著什麼極辣什麼的淡水小龍蝦，記得朋友嗜辣，就買來作HH小吃。裝潢幾「內地」風格，是吃滷豬手、蘿蔔湯、雜糧麵等小吃的店子，價錢方面真是很相宜，尤其是豬手六元已經有一隻！湯麵十餘元有交易，會找天來試埋的。這麻辣「巴魯坦星人」一磅起收四十八元，打了一磅走，師傅接單就將龍蝦浸香料湯底，再過麻辣湯膽，吩咐了加大辣，該與浸的時間有關。朋友試過話超辣，自己用手指味蘸了半滴油試試，真的很辣，卻非辛辣，是內地最討厭的麻苦般辣，老弟試過亦話近似內地小店麻辣味道，同樣是「黑人憎」的辣。是幾新奇有脆的小品，但無乜肉又好討厭的「巴魯坦星人」，佐啤酒過下癮還好，這味道真是生人勿近！

早前老婆話新蒲崗有間食龍蝦$49磅,於是去了一試.點了一磅龍蝦,兩罐可樂,一個蘿蔔湯龍蝦一來,我老婆話有點像驅風油的味道,食下去又不錯,但冇咩膏同肉,像在食緊d汁多點囉.蘿蔔湯幾好飲,蘿蔔冇渣唔錯~不過店員就唔係太醒目,只靠在埸個年輕人寫單.同埋本人略兼食物種類少,若多點選擇會考慮再來還有那裹的裝修簡直像國內般,有烏蠅通場飛,衛生屬一般.

上星期見到呢間鋪頭既時候只係$39/磅...今朝見到報紙賣廣告就已經加到$48/磅...$_$ 快過通漲抱住試新野既心態, 買左一磅返屋企齊齊食五個人食一磅...好慳皮...哈哈~~~ 想要中辣, 可惜屋企人唔係咁食得, 小辣算了一磅既份量都几多, 大家都認為d 汁好味但係就唔係隻隻有膏, 相反其實好多都無膏...無膏又無肉...淨係食汁...$48淨係食汁?不過如果只係過下口癮, 不況落去鋪頭食個餐食几隻小龍蝦+麵都只係$30...$39磅就抵, $48就覺得貴...如果變返正價$58就真係未必會食

真係估佢唔到, 係北京, 上海有分店既洋洋小龍蝦, 香港分店既選址竟然係名不經傳既新浦崗. 雖然新浦崗都有唔小出名食肆好似"得龍", "大盛" 等等, 但選址在此實在有些意外.食小龍蝦其實係大陸都hit左一段時間, 程況誇張到係養都養唔切. 你知大陸幾多化工專材啦. 結果又係同"三鹿"一樣, 做假! 1) 死左既小龍蝦照煮照賣 2) 用化學料養小龍蝦, 人食左貴客自理. 咁你仲去食? 其實小弟都評估過風險. 小弟認為人一世物一世,可能既話mud都最小試一次. 就算係三鹿奶粉都係長期食先出事, 一次半次, 就算有毒, 都係可以接受, 只要唔好長期食就可以.講番小龍蝦, 48蚊1榜大大兜, 賣相給引. 小龍蝦其實冇mud肉食, 最主要都係啜蝦頭既膏同食蝦身 (同手指尾差唔多size). 小弟食既係小辣, 麻麻地, 辣辣地, 最重要係索左汁果d先有味, 好似頂果幾隻小弟及小弟細妹都認為味道徧淡. 整體黎講 48蚊1榜都算物有所值, 值得一試.

星期六我同皇子抱住試新野既心態入左這間舖頭叮晚飯。叫了兩碗粗糧麵加兩隻滷蛋堂食，一磅龍蝦仔堂食(小辣)，仲有一磅龍蝦仔(小辣)同兩隻豬手外賣。1. 粗糧麵其實同瀨粉同濛粉無分別(唔係我見到其他食評人既黃色蛋麵既)，個蘿蔔湯就真係一流，d蔥花係錦上添花，滷蛋就微辣硬左dd。2. 龍蝦仔太細隻喇，唔係隻隻都有膏既要新鮮既先有，有d應該擺耐左無膏仲要變左色(兩磅都出現咁既情況)，膠手套太薄搞到成手都係油。3. 豬手我咬左一啖，無牙者或牙力差d都唔好試，仲硬醉轉灣；超爽脆，我見皇子都吃得好辛苦，米搞我~~整體來說，如果佢間舖再有中野出我係會黎試既，不過唔係為d龍蝦囉，係為左個湯。

有一日行過這店,見門口個招牌都幾得意,於是就入去試試選擇其實很少,餐牌都十分簡單,點了一客龍蝦仔,一碗麵,一隻雞腳同可樂龍蝦仔有很多隻,不過無咩肉,只係損吓個殼取其蝦味,不過喜歡食羔的人可會喜歡,因為羔反而不少麵是蘿蔔麵,清清地,ok!雞腳是麻辣的,味道都可以,只是,下次再來不知要點什麼了