津記車仔麵

营业中

休息中

叫左四送一麵，一共$56。服務冇乜嘢，但人很少也不抱很大期望了。我的四餸其中有豆卜，食了第二件的時候覺得有一朕怪味，而且越食越似餿味。我同服務員講咗，佢話換過俾我。後來佢端上另一碗新的豆卜給我，但一直落口還是那一浸餿味。咁我諗住買單先同佢講，反正成碗嘢我都冇掂過。甚至是了過後都要吐返出來。買單的時候，我跟店員講換給我新的豆卜也是有怪味的一般咁嘅情況，其實我覺得這個情況應該收我三餸的價錢，可是佢照收我原價。其實有時食物壞咗，確實店未必即時留意到，當客人反映佢哋通常都會不收嗰部份的錢。但呢間麵家嘅做法令我感到不開心。以後也不會再去了。

📣📣📣 限定下午茶優惠 🈹🈹🈹由即日起 逢星期一至五 下午茶時段14:00至18:00可以優惠價$25元 任點一碗兩餸車仔麵🍜（只限堂食）記住吖💢 只限星期一至五💢 假日或公眾假期照常💢想食就快D嚟🏃‍♂️ 優惠活動隨時結束㗎🔚🤪⚠️（優惠受條款約束 本店有最終決定權利）⚠️

嘩😳 好耐冇食過咁好食嘅車仔麵「大 埔 新 發 現」🔍今日經過大埔… 見到呢間津記入去試下之後,, 有兒時食車仔麵嘅味道沙嗲汁同咖喱汁都好好味咖喱魚蛋真係做得幾出色豬紅都整得幾好食咖喱味好香又抵食😆正啊～津記車仔麵 (大埔)🍜大埔翠怡街3號翠怡花園地下13號舖有機會再嚟大埔踩單車，真係要試多次見佢仲有其他嘢食我問其他朋友，話外賣都好食喎🤪外賣雞煲返去打邊爐都唔錯今日試咗車仔麵之後下次就要試吓打邊爐先得😋

行過見到冇人，諗住坐低快食個燒賣，糯米雞同腸粉，一黎就話已經話冇腸粉，點知連燒賣都等左15分鐘先有，重要唔熟。糯米雞重過分，竟然夠膽話係即蒸，要等成半個鐘先有，重要入面隻雞翼有極多毛！

農曆新年諗住去食少少野 點知要咩冇咩 餐牌上差唔多一半野都冇貨。。。最後只係叫到燒賣同糯米雞 但連粒燒賣都蒸唔熟 野食仲要等好耐 奇差！完全搞唔掂嘅餐廳 以後都唔會再幫襯！

啱啱去咗呢家喺角落裡面嘅車仔麵檔，一進門口就見到啲色彩繽紛嘅橫額同閃亮嘅燈飾，好似返咗去舊香港嘅街市，感覺好親切🏮。我叫咗碗三餸麵，揀咗滑嘅豬紅、甘甜嘅蘿蔔同埋彈牙鮮美嘅墨魚丸，啲豬紅真係正到爆，一嘴一嘴嘅嫩滑，仲有幾滴甘香嘅紅燒汁；嗰蘿蔔炆到啱啱好，唔會太爛，咬落仲留有少少清脆；墨魚丸就真係彈牙得嚟唔會太過硬，好夾呀！湯底我選咗家傳秘製醬，微辣得嚟又帶少少香味，飲咗一啖，簡直暖笠笠嘅，啱哋過呢個季節。我仲特別鍾意佢哋個辣菜甫，夾餸食真係一絕，辣味提提吓但都唔會蓋過其他味道🌶️。其他嘢都好食得滯，但最令我激賞嘅就係嗰份蔥香四溢嘅滑蛋，我都係第一次食到喺車仔麵度可以加吓蛋！總之，呢間小店係個平價美味嘅好地方，下次又會再嚟試過其他嘅配搭😋！

好似話網上食評話呢間車仔麵唔錯， 有天晚上沒有煮飯就來買了一碗淨餸作為加餸慶祝。沒有入內，見到又唔係好多人，只知道外賣照等了可能10至15分鐘，仍然未有，感覺以車仔麵來說，都算弄得幾耐的。點了一兩款麻辣東西，又要了麻辣汁，原來這間津記車仔麵的麻辣汁都挺為香辣，麻辣味道會在你頭頂昇華那一種，都算挺為刺激，如果現場吃，應該吃到流汗的。腩肉都不算太肥，薄薄片的；豬腸配辣汁好像特別好，本身夠爽，而中間不會太肥。尤魚都吸汁，也是其他辣味一般，底下找到不少芽菜

大埔-津記車仔麵炸魚肉春卷+牛腩+紫菜 沙嗲汁 粗麵牛柏葉+魷魚+紫菜 沙嗲汁 米線🌟炸魚肉春卷：炸到外皮好脆，中間咬開會見到魚滑，魚滑有調味牛腩：炆得好淋，大大細細都俾左唔少魷魚：唔係土魷，保留到魷魚嘅咬口🌟牛柏葉：幾彈牙既口感，索滿湯既味道🌟菜單寫著推介沙嗲湯飲落好甜，唔口渴，加咗牛腩嗰碗既腩汁融合湯底更加香濃（推介！），米線煮既時間岩岩好，軟硬適中，下次都會簡番米線，比較掛湯🥰店內重有燒賣碗仔翅賣，好多香港人comfort food😍 住太和/大埔既街坊可以試試，真係快靚正👍🏻地址：大埔翠怡街3號翠怡花園地下13號舖

華燈初上同款復古麵店超好出片and 多個復古打卡位整面牆的鏡子 還是復古花紋地板or牆上手寫的自選送。都是充滿設計巧思的位置- juicyyyy煎蛋🍳 蟹柳 豆卜@新鮮芽菜 自選車仔麵- 店家送的酸齋（好新奇「你食唔食酸齋ga「咩黎ga- 無限量檯面 辣味菜脯 ➕青蔥碎- 小辣少味精少鹽不會口渴的湯頭麵可以選擇 粗麵 幼麵米線 米粉 河粉etc份量超足 建議女生叫少麵地址超近太和地鐵站 在許多植物and 春天的味道中可以散步到這間店

周不時都會喺翠怡花園搵食，今次經過又開咗啲新嘅食肆。大埔津記車仔麵，門口綠色大窗框，鋪紙皮石，望入去見到紅A膠吊燈，就俾佢個裝修吸引咗入去。懷舊香港大排檔設計，貼上霓虹招牌牆紙，摺枱圓櫈，不鏽鋼筷子筒。牆上掛有一塊塊寫咗配料餸菜名嘅白色膠牌，任君選擇。點餸紙種類多，超過三十幾種，樣樣都吸引，最終我哋二人叫咗兩碗五餸麵，大家可以share啲餸試吓。千祈唔好錯過擺喺枱面嗰兩隻萬壽無疆茶杯，因為裏面係有辣菜脯同埋蔥，可以按自己喜好加落車仔麵。辣菜脯又真係幾夠香辣，原來係店主自己炒，而且仲將蝦米切碎加入菜脯一齊炒，唔怪得咁香啦。◉五餸麻辣醬油麵一上枱碗車仔麵擺得好靚，而且份量十足，襯埋懷舊香港背景好夾，忍唔住打個咭先。秘製麻辣醬都係店主親自炒，認真夠晒麻夠晒辣，雖然係叫咗中辣，但都覺已經超出平時預期，夠晒刺激，啱晒鍾意食辣嘅朋友。麵底選擇都唔少，仲可以轉油菜底，唔知點解食親車仔麵總愛叫油麵，黃色扁扁粗粗嘅麵底，連埋麻辣湯底一齊大啖𠽌入口，好惹味。⦿豬紅滷得非常入味，粒粒正方好滑有咬口，必點之選。⦿麻辣豬腸食車仔麵最鍾意點豬腸，豬腸洗得乾淨，有少少肥膏，偏厚身但炆得腍，肥美有嚼勁，麻辣惹味，份量

大埔一向係車仔麵戰場久唔久就會有新車仔麵店出現比較出名既有三不館 麵譜同郭仔記走平價路線既有萬利👻但係上面幾間我都食過曬啦今次試下新野😋😋黎到呢間OpenRice 好多人讚既津記❤️三餸麵$48 包紙包飲品四餸麵$56 + $5 伊麵 +$3 汽水同同區車仔麵店差唔多啦😋餸同麵既份量都好夠一份餸豬手有2大件 雞翼鳳爪都有3隻上菜時問姐姐俾埋骨碟裝骨 佢都好樂意炸魚肉春卷好脆口👍🏻 羅白好甜車仔麵最重要係個麵底呢間麵底我覺得頗有誠意油麵唔係街市個款 好滑伊麵比較少鋪頭有 係幼身個隻 十分彈牙同爽口枱麵有放辣菜莆同蔥花辣菜莆真係超辣🫠唔食得辣既朋友要注意下🤓

大埔翠怡花園附近，新開了一間車仔麵店。裝修頗有心思，整間店氛圍以大排檔作靈感，牆身以香港既鬧市夜景為材，環境乾淨衛生整潔，落餐以手寫點心紙自由配搭。五餸麵♥️(炸魚肉春卷、滷水雞翼、蘿蔔、墨魚丸、咖喱魚蛋配米粉) 超大碗，份量十足，配料岀色！炸魚肉春卷香口惹味，外脆內軟，蘿蔔清甜入味，墨魚丸混入真墨魚粒，不會過分粉感，有嚼勁；咖喱魚蛋惹味質感彈牙，滷水雞翼亦十分入味，大滿足！五餸麵♥️(蘿蔔、豬皮、豆卜、酸齋、柱侯牛腩配米線加沙嗲醬)柱侯牛腩炆腍且入味，味道適中不會過鹹，豆卜、酸齋、豬皮全都吸收滿沙嗲醬汁，再加上自家制辣菜脯更滋味套餐可配紙包飲品亦跟餐另轉冷/熱飲品茶餐廳飲品一律有齊🥰津記車仔麵 地址:大埔翠怡街3號翠怡花園地下13號舖 #津記車仔麵 #大埔 #taipo #車仔麵 #hkfoodie #hkfoodblogger #blogger #foodiehk #instafood #foodporn #hkfoodporn #foodstagram #相機食先 #hkrestaurant

-🥢津記車仔麵 📍大埔翠怡街3號翠怡花園地下13號舖今次選擇左三餸麵 款款都大件夾抵食！岩曬糧尾嘅朋友仔😙Ⓐ 麻辣豬腸/南乳豬手/墨丸/米線/牛腩汁 配烏龍茶 $48豬腸好惹味，配埋麻辣味更加刺激味蕾🔥南乳豬手幾爽口，份量大大舊，可以補充下啲骨膠原😌老闆仲加左啲配料比我地，有炸魚肉春卷，呢款比較少見係車仔麵檔🫣好食！有少少泰式feel，有啲香茅味，易入口質感軟林林😉再加埋咖啡魚蛋，佢係幾彈牙個隻，唔會係好‘粉感’嘅魚蛋～勁多餸！呢個價錢尼講幾抵食😌Ⓑ豬紅/蟹籽丸/滷水雞翼/米線/配沙嗲醬（小辣）/竹蔗茅根 $48特別推介必食豬血！！好入味，一食爆汁好juicy😍好吸汁所以成舊都好有沙嗲嘅辣味！過癮🤤🤤車仔麵必食仲有蘿白✌🏻索曬湯汁嘅甜同辣味！好清甜入味！正🤙🏻雞翼好似總共有4隻，份量算幾多😯咖哩魚蛋同埋豬皮好有港式味道😈好足料呀!!👻鋪面都幾多位，雖然新開但都幾多客人去食😏港式懷舊主題嘅裝修，幾有舊式情懷味道！咁多餸再加埋紙包飲品都只係$48仲要咁足料想點🥹枱面有啲辣菜脯可以提供比客人自行調配，中意辣嘅人可以自己加尼食🤣🤣營業時間🕰️星期一至日 11:00-21:30#大埔#津記車仔麵

除咗兩餸飯之外，車仔麵係我另一樣喜愛嘅港式食物，所有嘢都可以自由配搭，今日黎到大埔見到呢間裝潢夠晒地道嘅車仔麵店，就一於試下。同一般車仔麵店唔同，呢度係幾餸麵就幾多錢，唔會每樣餸定價，咁就唔會唔捨得揀d靚餸啦。最後揀咗四餸麵，要麻辣豬腸+柱侯牛腩+炸魚肉春卷+蘿蔔，再加五蚊轉伊麵底。每枱都有蔥同自家製辣菜脯，按自己喜好任加，鍾意食辣嘅我當然要加辣菜脯啦。唔好以為揀多咗餸份量就會減少，四餸麵每樣餸依然份量十足，當中最喜愛麻辣豬腸，滷水豬腸就食得多，麻辣真係第一次試，麻辣汁好惹味，仲越食越辣添；牛腩夠肥美，炆得好淋好入味；魚肉春卷炸得香口，食落仲好脆；蘿蔔煮得夠淋，食落鮮甜無渣，吸埋湯更加好味。麵餐包紙包飲品，亦可以加錢轉冷/熱飲，都算抵食。

經過翠怡花園，發現咗呢間新開嘅 #津記車仔麵，設計同裝修好有舊香港特色，所以就同朋友入去試吓！除咗裝修有心思，摺枱摺凳都好有大排檔feel，而用來裝自家制嘅辣菜甫同蔥嘅「萬壽無疆茶杯」亦好有特色。點咗三餸麵，湯底揀咗沙嗲醬，老闆話幾辣下，所以將醬另外放匙羹上，果然！真係幾辣，但幾惹味！辣菜甫同蔥都係我杯茶，所以落咗好多，沙嗲醬再加辣菜甫，辣度再提升、更惹味，嚐辣嘅人一定要試吓！餸嘅選擇都幾多，酸齋、煙鴨胸、南乳豬手、麻辣豬腸 唔係間間有。我就揀咗最鍾意食嘅炸魚皮、炸魚肉春卷和魚片頭配粗麵，好豐富，而且每款餸都好味😋，配埋多蔥加辣菜甫食一流。