洪師父牛肉麵

营业中

休息中

洪師父從2007開始至今創下超過五個牛肉麵節冠軍的佳績，並多次摘下各項牛肉料理獎項的殊榮。主要食材由台灣直送到港，廚師更特意到台灣接受洪師父的專業訓練，以確保將正宗的台灣風味，原汁原味地帶到香港食品方面:滷肉香酥雞排飯 : 滷肉飯份量十足，有滷肉、雪菜、榨菜、蘿蔔及滷蛋，再加上炸得酥脆的雞排，豐富美味麻麻雪花牛肉麵 : 新鮮的藤椒入湯熬製，湯底舒麻中有清淡的檸檬香味，麻味也比花椒柔和，沒有苦澀味，佐以特選牛五花肉片，以炙燒方式烘烤，吃的到肉汁鮮甜有淡淡榛果香

行outlet 想食台灣野，見佢唔洗等位就入左去試吓。清燉五花牛腩麵-$88(3.5/5)肉質好淋既，易咬，個湯底都正常。但麵質實在係扣分位，唔彈牙，無咬口。香酥雞扒椒麻拌麵-$7x(1.5/5) 出名牛肉麵下次都係唔會亂叫，叫反牛類安全d，雞排唔厚，炸粉正常但一d都唔脆身，無肉汁勁乾。個麵質又唔好食。古早味滷水豬耳朵-$32(3.5/5)佢份量好夠，豬耳都入味，正正常常仲幾爽口。總結:佢又未去到難食到一定唔會再去，但如果下次去東涌我都未必會再去。除非好想再食台灣野😂

鹽酥雞滷肉飯 加 珍珠奶綠哩間餐廳，我第一次食朋友都好推介佢的野飲同麵可惜，我常試最簡單的鹽酥雞先鹽酥雞要整得好食，好簡單--粉漿不能太多，炸物乾身。鹽酥雞的粉漿多左少少，有少少遜色但滷肉飯，比我好大的驚喜滷肉飯上好多其他的配菜，有滷肉，野菜，蛋，竹筍，酸菜等。 將佢哋全部都撈埋，好野味，好開胃，好好食。CP 值中上下次可以再來，試其他野食

<<生在美食天堂，點可以唔識食>> <<I born in Paradise of Food，why not explore deeper?>>又再次去到東涌依個新商場去到最幾高層有好多野食又有food court 又有唔同國菜上次食左次男坊以為間間餐廳都有番咁上下質數好可惜洪師父就不太推介今次點左一個普普通通既台灣牛肉麵見到佢鋪頭貼滿又拎獎又多選擇令到我期望值有點高上到菜大家可以睇睇張相就係普通到不得了既牛肉麵湯底無咩味道，麵好少，牛肉無咩驚喜有菜係值得一讚既成個麵就無咩可以了總結可以擋係普通麵店唔係好台灣味有一份叫唯吾獨尊，好似豐富D又係貴D，好似係好食D既有機會夠多人既朋友可以試下

留意標題不專業 只係分享第一身感受。如果你唔同意係好正常。講左食過咩先分別係高麗菜鮮肉水餃 紅燒半筋半肉麵 藤椒半筋半肉麵。水餃好一般 無湯，只係淨水餃擺響碟上面上。味道就……我覺得灣仔碼頭仲好食😅😅但係紅燒半筋半肉麵超～好食。麵口感好好，湯好好味我飲哂d湯(利申 我平時唔飲湯) 半筋半肉都好食。然後到藤椒半筋半肉麵，呢個其實都好好食 主要感覺比較麻，但呢個因為個味比較濃所以無飲湯。總結水餃：麻麻地😓藤椒半筋半肉麵：好好食👍🏻紅燒牛肉麵：超好食😍

📍洪師傅牛肉麵過譽的牛肉麵，牛肉毫冇咬口，一pat 野，唔使再食了，好少好難形容，食咗啲咩。。。啲麵就係正常嘅軟硬度可以揀加酸菜同葱，但紅燒湯底完全唔得，味精溝水，冇特別，唔使再去，仲要7x 幾蚊📍酥炸雞扒便當+滷肉飯炸雞扒好大塊，亦都炸得好香口又鬆化，係好食！有夜市新鮮炸起嘅感覺！去唔到台灣都算係咁滷肉飯配滷水蛋，台灣嘅味道，下次嚟只係食飯好啦📍冬瓜茶 冇得走甜，濃郁但都好甜......但可以全走冰，要常溫

餐廳名叫洪師傅牛肉麵，一定係出名牛肉麵，所以叫左一碗「獨當一麵」有唔同既牛部位，可以試多d唔同口感！牛肉都好淋好入味，真心唔錯湯同麵都ok的。$98 可能會覺得細碗左少少，不過係夠飽既！另外因爲Menu張相好吸引所以叫左個鹽酥雞滷肉飯。因為本身唔太餓，本來以為會好似張相咁細細碗，樣幾靚而且Menu入面算比較平所以叫左呢個飯，點知。。。估唔到黎既時候係咁大碗咁多飯又咁多雞。$58 黎講呢個飯真係好抵食，而且飯上面既滷肉同配料係拍得住台灣地道既味道。真係唔錯，可惜我唔係太肚餓，食唔到咁多整體呢間坐得舒服，野食唔錯，可以有下次

黎到東薈城唔知食乜好，見到好多間又排哂隊，見到洪師父唔使點等於是入去食。影到好頹咁，不過個牛肉麵先係呢到呢重點，個麵彈牙，牛肉都冧，湯底都ok。但朋友嗌嘅豬扒飯就唔多掂，塊豬扒比較乾身好難咬。炸物方面有鹽酥雞、花枝丸、台式香腸同少量沙律菜，個人覺得台式香腸幾好食。

好想食牛肉麵啊！同一大班朋友玩完傻完之後，大家都肚仔餓。有啲就話要返去交人，有啲就話約咗人，剩底嘅就留喺東涌呢度食埋先走。確實東涌真喺冇咩好食，由其呢排都黎過幾次，想食嘅都食得7788，咁岩有朋友話想食牛肉麵，啱晒。門口等位個陣，有廣告大大隻字宣傳牛肉面喺得獎的，搞到我地都好興奮好期待。不過間野價錢一點都唔平，冠軍麵成三百幾蚊架。我同同伴就冇叫到，反而叫埋買一送一優惠嘅半筋半肉麵，同埋咩麻麻雪花牛肉麵。麻麻雪花牛肉麵，講得冠冕堂皇，實質最尾喺一碗湯麵，配兩塊肥牛。確實都幾失望。不過買一送一，當佢樣樣減半咁睇，可能會開心點。反而半筋半肉麵份量就多丁點，有數舊筋肉可以食下。不過稱為得獎湯底，個人就覺得普普通通吧。我哋仲叫左古早味滷水豬耳朵，味道可以，喺辣左少少。炸物拼盤都叫還都可以啦，普普通通。總體講，期望好大，失望都大。▧ 紅燒半筋半肉麵▧ 麻麻雪花牛肉麵▧ 古早味滷水豬耳朵▧ 炸物拼盤

係大嶼山玩左成日，本身都知東涌唔太多野選擇，但而家好多鋪都１０點關門，出得市區排得隊黎都餓死，就同朋友們搵左間台灣麵食。排排下隊發現佢係咩得獎既食店，個台灣麵係唔知邊度既冠軍咁款。唔睇都還好，睇完緊係充滿期待啦。個門口仲話做緊promotion，有指定信用卡可以食指定既麵買一送一。選擇有３種，分別係紅燒半筋半肉麵，紅燒半筋半肉麵同麻麻雪花牛肉麵。我同朋友就叫左半筋半肉同麻麻雪花牛肉。一行５人，位少人多，都知要分開２，３人咁坐。唔知係咪溝通不足啦，等左勁耐，見住好多２人３人咁入去，我地就係出面等。以為店員唔記得左我地啦，問下，就好似有少少燥我地話記得，話安排緊咁。黎到呢度都唔太滿意啦，好啦照等。等到終於入左去，叫個麵食。點知比左個期待你，個失望係仲大。叫左個麻麻雪花牛肉麵，成個面得２塊肥牛……相都唔想影，拿拿林食完走人算。

今日放工入東涌揾個朋友食晚餐，由於朋友話今日戰鬥力唔高，我哋唯有在東薈城逛呀逛，最終決定食個台灣牛肉麵算啦。我哋分別點咗 🐮紅燒半筋半肉牛肉麵🍜、🐮紅燒半肚半肉牛肉麵🍜。牛肉麵可以揀要粗麵定係幼麵，我哋都揀左粗麵，望落都有啲似刀削麵。首先嚟到嘅係杯🍎蘋果西打🥤，呢個罐係台灣見過，好有台灣嘅味道呀！跟住上場嘅係兩碗牛肉麵，肉既分量都幾足料，無論係牛筋、牛肉定牛肚都好腍好夠味，可惜粗麵條略為硬身左少少。反而個湯底真係有啲驚喜喎：一開始試味時覺得有少少鹹，可能加左啲秘制酸菜同蔥花掛。食食下望見枱邊有盅牛油辣椒，用湯匙盛左小小黎點麵食，堅係辣喎，而且辣度好持久，我食左一陣都頂唔順放棄辣油。再飲啖湯中和下，呢個時候竟然發現個湯甜左，好好飲喎，不禁飲多幾啖🤣🤣🤣再嚟🧧開運豬手🐷 ，食左一件發現豬手係有啲乾但唔韌，好易咬到，可是味道有點濃。再飲多啖牛肉湯後卻發現個湯無乜味道🙊🙊，一碗湯有三種味道，真係一個幾特別嘅體驗😜

洪師傅雖然出名係食牛肉麵，但聽朋友講，佢哋嘅牛肉麵只係麻麻哋，唔值得咁高殊榮，所以今次冇食佢哋嘅招牌牛肉麵，係食其他菜式，令我有驚喜喎！7:30晚飯時間，淨係等咗大約10分鐘就可以入咗，入到去全場爆滿，見佢晚市都有差唔多10款套餐，而且睇落幾吸引，所以就叫咗個香酥雞扒椒麻拌麵，又加配左一個炸物拼盤。上菜速度都算快，落咗單冇幾耐就上咗個炸物拼盤，有4片台式小香腸、2粒炸墨魚丸同埋4塊炸雞粒。雖然上菜好快，但食物都仲係熱辣辣，墨魚丸算爽口彈牙，唔會成嚿麵粉咁。台式香腸雖然只係薄薄4片，但都食到嗰種油香味同焦香感，又唔會特別油膩。炸雞粒夠哂熱，而且炸得好Juicy！之後就上埋個主菜，香酥雞扒椒麻拌麵，塊雞扒好有份量，唔會剩係得炸粉，上菜嗰陣已經切咗件，方便進食。不過份量真係有啲多，一個人都食唔晒。但係拌麵就有啲失色啦，本身唔夠醬汁，而且唔夠椒、又唔夠麻，麵條淡而無味又好乾，扣咗少少分。今餐主要敗筆就係個拌麵，其他都表現理想。睇嚟呢間餐廳改錯名，麵食唔係佢哋嘅主打呢！

之前入左東涌渡假,入去之前就搵左呢間洪師父,見佢鋪頭環境唔錯,所以就入去一試!!我地叫左兩個麵,分別係半筋半肉同半肉半肚牛肉麵!!個湯頭有好濃藥材味, 係我最鍾意果種!!而且牛肉稔得黎好爽唔會散晒!!牛筋入晒味唔韌!! 最重要個湯真係堅正!!仲有佢D酸菜同蒽花另外上,好附合每個人唔同需要!!鹽酥雞份量大碟,每件都好脆口, 唔會食到成口油!!隔離仲有少少沙律菜,感覺唔會太邪惡, 罪惡感倍減!!佢跟餐個冬瓜茶又係唔差!!幾好飲, 甜度適中!!整體黎講唔錯, 真係會為左個湯頭再黎幫襯!!

藤椒半筋半牛肉麵一聽滕椒以為會好辣，但其實食落真係冇咩辣味，坦白講幾失望。最後要自己再落辣先得🙈紅燒半筋半牛肉麵湯底冇濃濃既中藥味，比較清。筋同牛肉都好夠淋，食到一口骨膠原🤤滷水拼盤🐷🥚拼盤有豬耳，大腸同埋滷蛋。份量唔算多，但味道幾好。個人覺得豬耳最好食，大腸食落其實有少少酸味🥴滷蛋就正正常常碟豆花檸檬蜜🍸始終碟豆花係冇咩味嘅，所以只係飲到淡淡嘅檸檬蜜🍋整體來講，而家不過不失，但期間限定藤椒半筋半牛肉麵就真係有啲失望😞

今日去完東涌唔知有咩食 又唔係好餓 就入咗去呢間可以食輕食嘅台灣嘢～肉燥娃娃菜（$35）我哋叫咗個白飯（$10）尼配上面嗰堆肉燥食 如果唔係就會太鹹 啲菜係冇味嘅 要將啲肉操撈落下面啲湯度一齊食先會好啲～炸物拼盤（$48）又係好細嘅拼盤😅鹽酥雞好彩係脆嘅 入面嘅雞肉都仲滑 台灣腸外皮已經唔脆... 咬落好林，而花枝丸都食到粒粒嘅花枝肉 不過炸得唔算太香口 總括來講唔抵食😞高麗菜鮮肉水餃（$38）貢丸湯（+$18）點解將呢兩樣一齊講呢 首先我以為個水餃係有湯一齊 點知嚟到好似蒸水餃咁... 咁我又好好彩叫咗貢丸湯 我就諗住放落啲湯度浸下一齊食 點知啲湯係完全冇味嘅 淨係落咗少少胡椒味... 結果就係兩樣樣嘢原來都冇味🙃 然後水餃個皮都厚 唔好食🙃🙃🙃凍仙草芋圓（$28）個樣比起餐牌上面嘅圖頹好多😅 仙草都算幾多 配埋淡淡嘅奶味都唔錯 芋圓入面仲有芋泥 幾得意 不過就得幾粒😅😅