洪師父牛肉麵

营业中

休息中

其實一個月前先黎完東涌東薈城行街，不過新開屯赤隧道，又黎趁熱鬧過下車癮，兜一轉入黎食個lunch，少有地老公話食台灣野，揀左洪師父；我地去到都已經兩點，但都要等位，叫左2個飯/麵，3個小食；古早味三滷豬耳咬落係有少少辣味慢慢滲出嘅，唔係淨係滷水汁味紅燒半肚半肉麵餸真心唔多，同埋湯唔夠熱，只可以話係暖；不過餸係幾岩食，幾好味嘅香炸花枝丸每款小食都會配有少少沙律菜👍🏻不過花枝丸如果可以多返個泰式辣醬會更好宜家就變左單調dd滷肉香酥雞扒飯雞扒炸得香脆，但皮有少少厚；滷肉飯除左滷肉同半隻蛋之外都比左d椰菜絲、酸菜、菜脯，感覺豐富左，雞扒炸得幾硬脆，但覺得薄粉d會更好，高麗菜鮮肉水餃清甜多汁，配埋佢比嘅XO醬食又幾好味枱上面都會有提示教你點樣品嚐牛肉麵，都幾貼心。

又係返工前午餐，今次揀咗呢間台灣菜餐廳，店面不大，我哋3人去到已頗爆場，店員安排我們坐在最內圍盡頭的一張4人枱，除了店員出入都自成一角！簡約西餐廳裝修，午餐都幾多選擇，落單食物好快到紅燒牛肉麵（$72）闊口湯碗，湯汁幾濃，先淨飲一啖，很台😆不過不是很濃很藥材嗰種，我喜歡呢種無藥材味嘅，加入跟麵嘅醬菜，香味更有層次，牛肉塊半肥偏瘦，夠淋夠入味，粗麵彈牙有咬口，是我喜歡的口感，不過配小棠菜就不喜歡（比咗同事食）阿薩姆紅茶（跟餐）淨茶走甜，凍茶味解膩幾好，唔知點解，同事嘅奶茶就正常堂食膠杯，我呢杯就外賣膠杯（我無所謂，不過奇怪啫）滷肉台南香酥雞扒飯（$65）好大份量，鹽酥雞好像整份小菜一樣，喜歡炸物是分上的（保持香脆）雞扒雖然外脆肉嫩，炸粉又不厚，但唔夠椒鹽味，唔夠鹹香，滷肉飯我哋太飽食唔到，加錢要外帶走（最後男同事食咗）紅燒半肚半肉粗麵（$85）同事食，食咗佢一塊筋，入味幾彈，不過欠缺了稔口感，一般熱QQ鮮奶茶（跟餐）同事飲凍招牌鮮奶茶（大紅袍）（跟餐）同事飲牛肉麵不錯，午餐價錢來講抵食店員勤快，雖然我哋偏遠枱都照顧到，服務正常台灣午餐抵食

假日同屋企人去東涌shopping 買下野，因屋企人喜歡食牛腩，所以都會搜羅美食帶佢地周圍食，上open rice 就睇到洪師父，所以一於去試下。真好彩唔洗等位，職員服務態度都好好先有前菜，個人就喜歡放係麵度食。先黎一碗半腩半肚牛肉麵，牛腩好淋，而麵質適中，而牛肚都好好食，湯底已夠味牛根好大舊，好淋，味道夠，提提大家，牛肉麵湯底好夠味，不用再加其他調味。值得推介即使唔飲其他飲品，都會在枱上放了兩杯清水。

🍴滷肉鹽酥雞蓋飯 HKD59大大碗飯！好多滷肉而且啲肉大大粒 夠曬撈飯食🙈鹽酥雞亦都好多 好似單叫小食咁 不過🧜🏻‍♀️覺得炸衣好厚 同埋肉質都唔夠嫩🧐.-🍴紅燒半筋半肉麵 HKD86揀左食粗麵👅麵質比較有咬口 湯底都幾濃幾重味 牛筋同牛腩都好淋 幾好食 有種起台灣小店食嘅牛肉麵咁🥰.-🍴香炸花枝丸 HKD32 +香炸台灣香腸 HKD32+台式滷汁牛肚 HKD42花枝丸無乜特別 幾香口☺️台灣腸感覺就普通 比較淋 同平時食嘅有少少唔同 同埋都係一條咁食開心啲😹牛肚滷得好入味 可以一試❗️.-🍴黑糖仙草奶 (跟餐+HKD8) + QQ鮮奶綠 (跟餐+HKD8)黑糖仙草奶比較偏甜 但完全飲唔出有黑糖起入面 感覺得仙草同奶🌝而QQ鮮奶綠 其實就係珍珠奶綠 奶味較重 都係偏甜😝.-✾味道覺醒指數: 3.4/5 抵食指數: 3.5/5服務指數: 3.4/

洪師傅牛肉麵 UNBIASED food review:Before anything, I have never been so ashamed of my own decision of restaurant choice, this is probably the only time that you will see me this angry at food. The maximum mark of this review is changed to 10 because of my high standard.Food quality (10max.): 👍🏻紅燒半筋牛肉麵 was horrible. Noodles, soup, 牛筋, and vegetable were normal, but the beef, which should be the main selling point of the dish AND THE RESTAURANT, tasted like SHIT - it had a weird taste in it, something s

見到呢度咁多個笑，仲講到係台灣黎，諗住應該點都會幾好食。有日夜晚響東涌就黎試下。入去有幾個譚仔阿姐式招呼。牛肉麵：幾舊肉，有一舊連筋嘅係唔鞋的。牛味唔濃。麵原來係全方位粗麵，全條粗唔係闊，感覺似食厚烏冬。湯冇咩特別，唔濃唔稀咁。菜OK，食得出都新鮮。另外飲左杯冬瓜茶。ok。唔會太甜。總結：可能去過台灣食過台灣嘅牛肉麵係返唔到轉頭的. 但呢間嘢係以牛肉麵做招來，講到攞曬獎咁，可能我期望太大，呢個質素我唔會返黎。

牛三寶麵（$98）香芋鮮奶綠（$30）東涌近排多咗好多新嘅食肆，包括呢一間洪師傅牛肉麵。佢係喺東薈城最高層，個門口比較窄，感覺比較隱蔽，行過都好容易會見吾到佢🤣🤣🤣之前試過嗌外賣食過紅師傅嘅牛肉麵，覺得好好味。今日就再去堂食，嗌咗個三寶面，D牛肉、牛筋、牛肚好淋，好好味，份量都算多。湯底有少少鹹，但係配埋粗麵就啱啱好。雖然覺得價錢有啲貴，但係真係會想再食🤣🤣香芋鮮奶綠之前飲過覺得幾好味，今日再飲就覺得麻麻地，有少少芋頭碎，覺得$30吾太值🤣

去東薈城行下順便搵下午茶食，見到七樓有呢間台灣牛肉麵於是想去試下。下午茶50蚊包一杯飲品其實都算幾抵，不過好多嘢都話冇。叫咗碗牛肉麵，碗麵一上枱，真係個心離一離！點解條菜黃成咁都可以畀個客食？碗麵得個鹹字，食完要勁飲嘢！嗰幾塊牛肉勉強ok。但係嗰條勁黃色嘅菜同埋勁鹹嘅湯底，真係食完都唔想再返轉頭！唯一要讚嘅就係杯凍檸七，佢係成罐畀你嘅，一啲都唔孤寒。而且嗰啲配菜例如葱同醃菜，係另外上嘅，都值得一讚嘅。

話說我放工肚餓咁就去買個外賣啦，點知呢個所謂嘅滷肉飯，食到我一肚火。呢個份量根本到喉唔到肺，啲滷肉根本可以數俾你睇；滷蛋極乾，好似擺咗幾日咁，感覺好似俾人呃咁，同佢嘅餐牌圖片好大出入，奉勸大家理智選擇。直接睇圖就明

今次已經係第4次幫襯了，因為牛肉麵真係好食👍🏽 但今次幫襯，已經覺得失望，竟然無套餐，全部變晒單點，兩個人食午餐連兩杯飲品，都要3佰幾落樓，呢個價錢喺附近已經有好多選擇😕

洪師傅出名牛肉麵，係要試下，嗌咗一碗紅燒半筋半肉麵，湯底唔算濃，牛肉雖然偏硬但味道夠濃，另外牛筋夠林，推介牛筋👍🏻，粗麵有咬口不過蔬菜有小小爛，但可接受。另外牛油辣椒油好特別，出面少見，落左小小都幾辣椒。會再黎食嘅😋

放假去東涌 outlet 尋吓寶（買平嘢）😅因為早咗到D店舖未開曬，所以先食個午餐再慢慢shopping!行咗幾層，去到7樓見洪師傅唔需要等位，就決定試一下！店舖姐姐好有禮，值得一讚！點咗2個午餐，配埋飲品，都算抵食！紅燒牛肉粗麵，牛肉夠冧，湯就較為清淡，我個人就好喜歡！再配埋杯QQ鮮奶茶，一個字～正！D珍珠好彈牙😁價錢我覺得可以接受，唔算太貴！*原來宜家東薈城有好多新食肆，下次入去可以再試吓唔同既嘢！

同fd過東薈城買嘢，順便食呢間之前就想食嘅牛肉麵😁.🌼炸醬麵 $38炸醬滿滿地鋪滿半碗，味道鹹淡適中，就咁齋食炸醬都好味😋。麵量ok，柔韌度適中。我會加d辣椒🌶️一齊食，更加好味。呢個值得再食～.🌼紅燒牛肉麵 $68招牌主打麵。牛肉燜燒至熟，口感熟嫩，牛肉味香濃。麵量足夠，食完好飽。.環境都算舒適，服務態度亦唔錯。下次會再來食，感覺炸醬麵都幾好味。呢個價錢都幾抵食～.疫情期間，舖頭都係幫量體溫。

之前上過來東薈城頂樓這邊，發現無論是美食廣場，定或是其他餐廳，其實人流不多，最近疫情轉弱了少許，竟然很多餐廳都有不少人是在等位。點了一個川味牛肉麵，餐牌上面的賣相不錯，端來的時候，湯底的色水也不算太濃，有點兒辣味，牛肉的份沒有什麼牛筋或是筋肉相連的，份量其實很少，大概只有四五件，不算太軟太林，比起元朗的士林牛肉麵，或是連鎖的台灣麵的牛肉麵，應該比較差。麵條的質地還可以，粗身的麵條，不算太過厚，但因為比較粗，因此起來還有點嚼勁，因此就像一般買回來那些預製的機壓闊條麵。難怪這間洪師傅人流那麼多，原來一個餐，有麵、有台式飲料，即是假日之後，都只是$80左右；去美食廣場那邊，求其一個飯，或是Pepper Lunch，都要$60-$70。珍珠奶綠，顏色相當之慘淡，沒有什麼綠色，只像豆奶豆漿的顏色，沒有什麼茶的顏色；但是喝下，竟然有輕微淡淡的綠茶味道，但只是比較淡味的，綠茶味道偏淡，就像一般台式飲品一般，其實珍珠份量也不少，而且嚼勁也不錯，因此趕時間吃起來，咬完之後牙較都軟。其實洪師傅，等完位進店之後，無論落單，定抑或等候職員端餐來，都非常之快速，除了等待的時間，不用太久的。鹽酥雞扒飯，也有三種配

一行三人放假去貝澳玩, 玩完出番東涌順便食埋個晚飯先走. 東涌站附近無咩小店, 只有大商場, 換句話即係只有連鎖式食肆選擇. 我哋唔想食大牌子果啲食肆, 於是揀咗呢間唔算太多分店感覺有質素嘅台灣野.我地點咗三個餐, 再加多一個餸. 先黎飲品 - 唔知係咪疫情關係想衛生啲, 飲品用外賣杯上, 但視覺上同份MENU出入好大, 即時感覺成間店底級咗.  QQ鮮奶綠, 飲品係跟餐送, 味道偏甜易入口. 香芋鮮奶綠  - 夠香芋味台南鹽酥雞球炸得金黃色好夠脆, 入口夠香,  雖然唔識分台南台北鹽酥雞有咩分別, 但同台灣食過果啲分別不大. 紅燒半筋半肉麵, 筋肉分佈平均亦好入味.  麵條夠彈牙,軟硬度適中,  呢個的確係有水準.啲湯都好重牛味, 咸淡適中. 啲辣油夠香, 辣度中, 睇黎係佢地自家制作. 另外一碗係紅燒牛肉麵, 牛肉一樣好入味, 不過個人都係鐘意食筋肉另外, 呢間都算收得夜, 我哋喺貝澳出番嚟其實都八九點, 初時都驚啲舖收哂, 有都要勁快食LAST ORDER唔好阻人收工...最後係我地食完野出黎其他店真係CLOSE咗佢都未收仲要有人入黎食, 所以放心哂