派龍殿 (已結業)

這夜去了元朗交車給客戶後。想順路去老婆娘家煮個靚飯仔給她驚喜。點知俾驚喜的人是我老婆。她要陪老闆見客加班。而家香港人真係有開工無收工時間。咁唯有自已係元朗找來美食。駕車週圍游蕩。突然見到一間比較光亮介指吸引我。坐位有較闊空間的菜館。韓燒任食好處就是多款選擇之餘。相比任食火煱多了好多甜品：韓食/韓式湯品/韓式特式燒烤食物。這間我最喜歡就是它們的甜品特別多。本人不常食甜點。都食了不少。五花腩。不同大小的五花腩更是不鄉添加。肉汁豐富。入口彈牙之餘。加埋生菜配食更是口感可口。肉質的層次分明。油脂分佈不錯。雞皮。最特別的食物。燒烤之後。脆片咬口。

派龍殿係一間以韓式燒烤為主題嘅餐廳，佢嘅氛圍熱鬧舒適，令人感到好興奮。呢間餐廳除咗有好多唔同嘅肉可以揀，例如豬腩肉、雞翼、牛小排、墨丸花之丸、雞軟骨、魷魚同埋蝦，真係一個肉食愛好者嘅天堂。我哋試咗好多款肉類，每一款都有獨特嘅風味同口感。豬腩肉肥瘦相間，燒烤後香嫩多汁；雞翼外脆內嫩，配上韓式燒烤醬汁更加美味；牛小排肉質鮮嫩，吃落好有咬勁。而墨丸花之丸、雞軟骨、魷魚同蝦都燒烤得恰到好處，保持了食材嘅鮮味同口感。不論你鍾意咩類型嘅肉，喺派龍殿都可以滿足到你。派龍殿除咗各式各樣嘅肉類，仲有好多款熟食可以揀。例如小龍蝦、燒生蠔同惹味大蜆，都係餐廳嘅招牌菜式。小龍蝦鮮甜多汁，燒生蠔鮮嫩滑潤，惹味大蜆鮮香彈牙，每一款都絕對值得試試。而最令人驚喜嘅係餐廳裡還有一部即製棉花糖機，可以即場製作蓬鬆香甜嘅棉花糖，真係好有趣又好好味。

朋友介紹黎派龍殿食韓燒, 朗屏西鐵站行過黎大約10-15mins左右, 店舖面積都比較大, 每個卡位亦好闊落, 完全沒有擠逼感, 到店坐低後, 店員細心介紹左右區域冷熱盤位置, 因為我地宵夜時間入坐, 燒蠔最後一轉, 叫我地出去拎蠔先😊食物種類繁多, 有凍肉類, 凍熟海鮮, 壽司刺身, 燒蠔, 熟食區, 甜品, 多款雪糕雪條, 爆谷機, 仲有好驚喜嘅棉花糖機, 同埋有隻bling bling 巨形戒指俾食客打卡✨✨🤳🏻大人小朋友都食得開心玩得開心🤡肉類我自己偏好食牛冧粒, 牛冧片, 香辣雞翼, 而瓜菜類, 燒出黎嘅翠玉瓜, 茄子多汁, 粟米香甜, 甜品方面不得不食咖啡味雪糕杯, 出面好少見到整體環境氣氛幾好, 店員細心有禮, 收碟亦好快, 呢個價錢絕對超值❤️

呢度真係少有既韓燒餐廳可以任食三文魚厚切刺身同希靈魚刺身，仲有好多款唔同嘅壽司等緊你黎享用。而且佢嘅燒肉選擇實在是多得驚人，有豬頸肉、牛仔骨、雞翼、雞腎、豬扒等等，真係滿足到各種燒肉控。而且我最愛嘅菠蘿、翠玉瓜同埋茄子都可以喺度搵到，真係太開心啦！店內除咗提供燒烤，仲有好多款熟食可以揀選。例如麻辣小龍蝦、大蜆同即燒牛舌等等，真係令人難以抗拒。食到肚子滿滿，一定唔可以錯過店內嘅即製綿花糖機。就係喺餐廳入面即時製作綿花糖，真係好新鮮好特別！食完一餐豐盛嘅美食，再嚐下一口甜甜嘅綿花糖，真係一個完美嘅結束。派龍殿韓式燒烤餐廳除咗食物選擇多元豐富之外，環境亦十分舒適，服務態度友善周到。餐廳內嘅裝潢簡潔大方，令人感覺放鬆愉快。員工樂於助人，總是笑容滿面，確保每位客人都可以享受到最好嘅用餐體驗。

呢間韓式燒肉放題嘅價錢好相宜，晚市每位只係$238就可以任食燒肉、多款熟食、壽司、甜品等！ 如果2100後入座更加只係$178。💪🏻 燒肉餐廳嘅燒肉有好多款式，大部分都已經醃製調咗味，例如有牛柳粒、牛五花、牛仔骨、五花腩、金沙骨、豬扒、豬頸肉、雞柳、咖哩魷魚、龍脷柳、多春魚、台灣腸等。當中比較推薦豬頸肉，調味好香有笑笑辣，燒完都有肉汁！💪🏻 熟食熟食都有好多款選擇可以揀，例如小龍蝦、水煮牛肉、酸菜魚、魚湯蘿蔔、豬手等。另外，餐廳仲會定時有鐵板燒供應，有燒生蠔，燒牛舌同燒韓式牛肋骨等！💪🏻 冷盤 冷盤都有幾款嘅海鮮可以選擇，例如海蝦、辣蜆、青口、泡菜等。 仲有好多款甜品，可以試下自製綿花糖同麥旋風！味道：6/10性價比：8/10 食住瘦指數：💪🏻/5

在元朗探朋友，不經不覺到了8點，便和太太在樓下商場覓食，見到這家裝修頗有時代感，收費又不高的自助韓燒，頓時感興趣😌✏️位置（7/10）：元朗劇院附近，由輕鐵站前往不算很遠✏️環境（8/10）：店內面積大座位多，抽風不錯，亦算乾淨衛生✏️服務（8/10）：侍應有禮貌，殷勤帶位及介紹，亦提供電視播放✏️食物（7/10）：設多個自助區，任飲任食🌟晚市燒烤自助餐 - $238/位晚市黃金時段也只收這個價，性價比頗高😃🍴燒烤食材有多款肉類及海鮮，包括牛仔骨、牛冧、三種口味的豬扒、豬腩片、三種口味的雞翼、豬頸肉、雞柳、金沙骨、龍脷柳、雞軟骨、煙鴨胸、雞腎、多春魚、台灣腸、鮮蝦、青口等等，選擇夠多，味道亦不差🥰🍴熟食提供多款熟食，包括酸菜魚、辣子豬腸、紅燒牛腩、小龍蝦、日式餃子、車輪餅、椒鹽豆腐、BBQ雞鎚等等，另外亦有多款外購的壽司及刺身，就算不喜好燒肉也可食得飽飽😎🍴前菜有泡菜、大豆芽及辣炒蜆，已經相當足夠😜🍴湯品提供黨參雞腳湯及瑤柱雞絲粥，味道亦比想像中更好😊🍴飲品設有很特別的汽水機，需要按鍵才會出可樂，很有趣。另外亦提供多款品牌飲品任飲，當然也少不了咖啡機及茶包，選擇相當多😘🍴甜品紅棗雪耳糖水、豆腐

雖然個店名好似九唔搭八但以平價韓燒來講 食物質素算係唔錯一入門口就有一隻浮誇嘅大戒指打卡位 環境乾淨 座位闊落 燒烤爐係喺底下抽氣所以唔會搞到成身燒烤味👍🏻食物種類分咗幾區近門口係醃製嘅肉類，有雞牛豬最好味係牛冧片 肉質嫩滑 醃料入味🤤隔離仲有蔬菜、泡菜、沙律、冷盤海鮮冷盤海鮮有啲凍蝦，青口，蜆另一邊有似爭鮮獨立包裝嘅壽司望落幾乾淨衛生仲有薄片刺身 不過就唔好太大期望😂甜品櫃方面有啲細細件嘅蛋糕撻仔味道就一般 略嫌太甜熟食就有個大旋轉盤有酸菜魚、水煮牛肉、麻辣小龍蝦😍啱晒中意食辣嘅朋友酸菜魚夠爽口仲有鐵板燒！當晚有燒牛脷同生蠔😍幾有誠意總結性價比高食肉獸可以全面進擊飲品啤酒任飲 抵！

派龍殿元朗有好多好西食應該唔少人都認同，唔知大家有無食過近輕鐵站「豐年路」10分鐘路程嘅任食韓燒店呢？我一去到韓燒店門口見到每位$238任燒2.5小時（埋單1900後）就已經好想食啦，正當我準備拎塊斜板出嚟用時，店員就提示我可以由左邊御庭居商場個入口（見圖9）入去佢哋間韓燒店！一入到韓燒店已經見到好多野食，有大約30種燒烤食物、5種凍熟海鮮、13種熱食同炸物、12種汽水飲品、5種啤酒、5種撻、5種福餅，湯有黨參雞腳湯、糖水有紅棗雪耳糖水、粥有瑤柱雞絲粥，仲有小朋友鍾意嘅自助棉花糖機同自助麥旋風雪糕機，仲有仲有即場有專人燒長龍牛舌、生蠔同韓式牛肋骨......等等！必食推介：1.燒生蠔（10/10）好新鮮，但每次限取1隻實在唔夠喉！2.凍蝦（10/10）好大隻，鮮甜彈牙！3.凍青口（10/10）青口好飽滿，唔韌！4.小龍蝦（9/10）麻麻辣辣，細細仔，好新鮮！5.酸菜魚（8/10）辣辣地，好惹味！6.椒鹽豆腐（9/10）辣辣地炸得好脆！7.牛五花（9/10）唔會好肥，有牛味8.牛冧粒（9/10）唔會好韌！9.魷魚鬚（9/10）辣辣地！10.多春魚（9/10）雖然難燒，但鍾意食春！11.粟

元朗劇院個邊以前有一間叫韓舍，曾經係好多人的回憶，但韓舍執左，附近都冇韓燒了。依家係附近位置開左一間叫派龍殿，一去到門口有一對翼，好似天使甘的打卡位比你影相，有好多Ironman擺設，有汽水機，仲有一部好吸引我的棉花糖機。我未入座就玩左部棉花糖機先😃😃仲要係花花形狀架！唔駛額外加錢，好開心！！有好多唔同類型的食物食，有3條大走廊，最近門口的係食肉類、海鮮同雪糕，中間走廊係炸物、沙律同甜品，最後走廊係食熟食（酸菜魚、小龍蝦）。飲品櫃有好多選擇，非常好座位好闊落，有2個大碟比你拎生肉，熟食的碗同碟都係出面拎，有個兜比你擺骨，雪糕有芋頭味😁雞翼都有好多種味，我地係9點黎，都仲不斷refill食物，好有心！

聽聞元朗近排新開左間高質韓燒放題，今日終於有機會去試試。環境優美，座位舒適。食物種類超多，冷盤、熱盤、壽司、甜品...... 好鍾意佢仲有個鐵板燒，仲有專人負責唔同時段燒唔同野食。冷盤有個沙律Ｂａｒ、海鮮同壽司。我其實已經好耐無食三文魚刺身，怕來源唔得，但派龍殿既三文魚刺身係用挪威進口既三文魚， 係場內仲張貼左証明。即刻忍唔住開食，鮮甜又新鮮。除左冷盤，熱盤都有多種選擇小龍虾、酸菜魚、水煮牛、足料螺片養生湯、瑤柱雞絲粥等等, 真係應有盡有當然唔少得主角韓燒啦，差唔多三十種食品可供選擇，豬牛雞海鮮蔬菜水果，真係要乜有乜。主食食到飽飽，好在愛食甜品既我仲有第二個胃可以食甜品。係門口已經見到有部棉花糖機，原來現在既科技已經咁勁，可以機製棉花糖。只需要按幾個制等一陣就會有一個造型棉花糖。花花、心心、星星個個都好靚到唔捨得食阿~～～～

其實元朗真的有好多隱世的餐廳，等大家去尋覓😋今日就和一位朋友去到位於元朗御庭居地下的一間主打多國元素的烤肉店，餐廳就將港式的燒烤味道與不同國家的燒烤元素融合在一起，例如內地、韓國、日本烤肉肉等等！讓每一位客人可以享受不同風格的燒烤😋餐廳是自助形式🥩🥩除了有烤肉之外，餐廳還提供了多款熱門的小食😋，包括麻辣小龍蝦🦞魚湯卜卜蜆、酸菜魚、水煮牛、辣子豬腸及麻辣雙豬，到時大家熱愛的小食🫶🏻而烤肉方面都有很多肉類🥩及蔬菜🥦選擇，吃燒烤又怎能少得豬牛雞，這三款常見的肉類，如果不想吃原味，餐廳都有提供醃製好的肉比大家選擇，就連雞翼都有三款味道，都有還有海鮮，包括魷魚🦑魚柳及多春魚等如果覺得味道不夠的話，餐廳都有提供多款醬料給大家選擇，有韓式辣醬及自家製BBQ醬🫙想吃壽司及刺身？餐廳都有提供給大家🫶🏻而且都是獨立包裝，可以放心去食🍣 當然還有甜品作尾聲啦，餐廳亦都有提供超過10款甜品等大家來吃，有三款不同口味的薄餅，包括焦糖布丁🍮、哈密瓜🍈以及櫻花🌸還有自己製作的麥旋風Oreo 雪糕🍦親手整都係第一次🫶🏻😋而小蛋糕方面有芒果慕絲熱及檸檬慕絲🍰 可以一口一粒，超滿足🥰

🌟輕鐵豐年路/港鐵朗屏站 10-15分鐘路程🌟#任飲任食 #放題韓燒 #棉花糖機 #打卡熱點 #抵食放題朋友介紹 嚟元朗呢間韓燒任飲任食放題 真係好抵食呀！雖然地方唔係太就腳 但係價錢 食物種類 都已經可以抵消返🤗🤗只係經過櫥窗已經見到打卡點 有一隻以燈飾裝成嘅巨型戒指 💍💍同朋友約左早啲食 六點左右去到 唔使等位地方好大 分咗兩大區座位 櫥窗附近 擺放咗未熟嘅🧡#燒物 同埋 🧡#冷盤- 燒物種類好多 雞牛豬 蔬菜 腸仔 咩都有- 每一樣肉類都醃得好好味 唔會太濃 唔會太淡- 冷盤方面 有泡菜 大豆芽 青口 凍蝦 冷盤蜆 值得一讚嘅係青口同埋凍蝦都好鮮味🧡#熱盤 喺另一邊位置 - 種類一樣咁多 樣樣都好好味- #酸菜魚#水煮牛 #小龍蝦 #魚湯煮蜆 - 樣樣都可以試吓🧡#現場即燒鐵板燒🍖- 按時段會出現唔同嘅，即燒鐵板燒- #牛舌 #燒生蠔 #燒韓式牛肋骨 - 好正 熱辣辣👍🏻👍🏻🧡#壽司刺身 🍣🧡#甜品雪糕雪條🍦🍨🧡#飲品任飲 包括啤酒咖啡熱茶🍺🍻🥤🧡#棉花糖機 可以自己揀選棉花糖款式 做一個花形棉花糖 打卡就最啱啦🧡#爆谷 二百幾蚊食到呢個質素嘅韓燒 都真係幾抵🫣🫣😚😚❣️雖然呢度係

＄238一位，可以食兩個半鐘冷盤有蝦，青口同埋其他嘅辣蜆！仲有生菜同泡菜可以包住大蒜去食燒肉，配上韓式醬就係一流如果配燒腩片，就真係好韓式除咗燒肉之外，其實都仲有一啲熱食有炸餃子🥟 pizza等等同埋壽司🍣其實種類都好多仲要獨立包裝，夠曬衛生不得不讚佢嘅咖喱雞軟骨呢個真係醃製得超級入味，而且勁有咬口，食完一粒接一粒將值得一提係有棉花糖機，可以整出唔同造型嘅棉花糖！ 同朋友食完之後真係捧住個肚走🫰🏻

因為可愛既棉花糖令我心心眼😍元朗國既我表示其實都算多野食，雖然呢間一直比人評價都係唔好，因為佢有靚靚既棉花糖吸引咗我要去試伏！畢竟自己未食過點知係咪真伏呢？今次同朋友簡左9點入座，原因係因為佢呢個時間好平同埋真係伏既話都唔肉赤😂去到既時候的確佢通風係相對於出邊既燒肉放題差一點，但係食物種類，質素都唔差，價錢對得住呀，所以我唔覺得係伏～佢用左傳統燒肉放題方式，所有食物都係自助好似我中學年代成日食既平價韓燒燒既野食有肉類，海鮮同菜類，有成29款咁多，冷盤海鮮都有3款，仲有韓國唔少得既生菜包，泡菜同蒜片除左生肉海鮮外，仲有熟食，沙律，壽司，刺身，鐵板燒，甜品，雪糕同飲品區！好似自助餐咁多野食，仲要可以買睇到靚唔靚，自己想食幾多要幾多，無限制要一件定一碟，絕對係童年回憶，而且食物味道唔算差，整體幾好，所以我唔知伏既位係咩？雖然未入去眼見通風唔太好，但我坐低食又唔覺得大煙，仲可以睇住電視一路食幾好雪糕有新地同必食一定係Oreo麥旋風（要自己動手）仲有就係一杯杯嘅雪糕/雪條（有孖仔）真童年回憶，仲要選擇都唔少最後一定要食當然係我一心想食既棉花糖，有18款唔同嘅顏色或者形狀～朋友話要一人一個，佢仲話

聽朋友講元朗有間新韓燒好玩又抵食。只需$238/位就可以坐足2.5小時。有凍熟海鮮區、壽司刺身、沙律吧、甜品區、熟食區仲有鐵板燒同巨型轉盤。飲品除左汽水、茶外，仲有啤酒任飲。生料區就有雞牛豬魚海鮮蔬菜，非常豐富。甜品區非常有心思，可以用機自製棉花糖，可以挑選唔同花紋。仲有爆谷機，非常少有。當中最令人覺得好玩既係麥旋風機，相當有趣，最適合一家大細過黎玩下。派龍殿📍地址：元朗馬田路80號御庭居地下6-7號鋪