派龍殿 (已結業)

知道元朗開左新餐廳，有晚市燒烤自助餐，一於晚上去試試！派龍殿位於元朗馬田路，餐廳門外有個圓形大裝飾，夜晚着左燈非常搶眼～晚市放題$238任飲任食2.5小時，可以慢慢食唔洗咁趕～食物、飲品、湯和糖水都可以係自助區自取，中西美食都有幾多選擇～熱食包括：水煮牛、田雞、煮青口、pizza、意粉、炸雞軟骨、炸豬扒、烤肉等～冷盤有凍蝦、青口、螺肉、蜆肉等，供應充足～壽司和刺身都有多款供應，不乏三文魚、八爪魚和吞拿魚等大熱款式～燒烤食材有牛肉、牛仔骨、台灣腸、紅腸、豬頸肉、豬腩片、雞翼、龍脷柳、冬菇、粟米和翠玉瓜等～仲有即製即食鐵板燒，包括海鮮炒飯、OX醬爆海鮮和燒帆立貝，十分美味～甜品亦有多款供應，包括慕絲蛋糕、忌廉撻、芝士蛋糕等～ 更有小朋友大愛嘅爆谷機和棉花糖機，即場自製棉花糖好開心！如果我地有多個胃，真係會食埋雪糕先走啊！

外表同個名好有氣勢，啲碗碗碟碟都好有氣派，但係成間嘢嘅食物質素同環境真係好差。食物：啲嘢咸，雖然嘢食種類好似好多，但係質素唔多掂，佢有啲現成煮邚就既食品，不過冇哂冇人換，換左又唔對名，同埋又係好咸，壽司同魚生仲差過爭鮮，啲甜品蛋糕又勁難食。唯一好食嘅就係有個阿姐會整扇貝同啲炒菜。環境：望落好靚，入到去以為火場黎，勁大煙，成間舖頭好似冇抽風系統咁，坐一陣隻眼乾到要滴眼藥水，個。成班Friend食完之後都話唔會返轉頭

廣告有小龍蝦，三文魚，以及各種吸引的熟食，原本我已對放題類的韓燒完全沒興趣，但見到廣告有覺得很吸引，於是決定俾一次機會呢間，我係5點鐘去嘅食到7點，結果圖入面嘅食物全部都冇，就連雪糕機都無開，壽司都係特別爭鮮嗰啲熟食類姐係螺肉熟蝦個啲，原本已經好失望， 點知攞啲野燒嘅時候發現全部都好難食，唯一好食嘅就係菠蘿，但仲要食到一半無曬，雞腎又腥，雞翼無味，雞軟骨舊骨硬嘅，然後到甜品，好似食左好多款，但又好似無食過咁，全部一樣味，都係難食，爆谷有啲燶有啲冇味，雪糕仲離譜因為雪糕機冇開，得雪櫃啲杯裝雪糕， 一打開個雪櫃得兩隻味，一個海鹽一個薄荷，我就攞左個薄荷，食落好似食緊牙膏咁，仲要仲有半個鐘就已經催埋單，然後未夠鐘就已經喺度話時間差唔多，埋單果時我媽咪忍唔住問左句喺唔喺夜晚先有小龍蝦，然後果個類似經理嘅物體，態度唔多好地答左句”一定啦“，咩叫一定？？？咁你就賣廣告嗰陣叫人哋寫到明咩時段有啦

呢日去元朗公園附近食咗一個平價燒烤自助餐, lunch只需$98就可以任食入到餐廳見到有好多學生都嚟食,d小朋友應該覺得呢度好好玩因為呢度有爆谷機、棉花糖機、飲品機，仲有麥旋風機添呀!!!個麥旋風又幾好味😋佢同麥記唔同,佢係朱古力底,啲曲奇更加大粒,食得好過癮🤣🤣燒烤嘅食物都唔少，包括有煙鴨胸、多春魚、南乳雞翼、原味雞翼、腸仔、台灣腸、龍脷柳、金沙骨、牛仔骨、原味豬扒、叉燒味豬扒、豬頸肉、雞軟骨等等。另外都有熟食可供選擇。例如有麻婆豆腐同埋菜心。沙律就有車厘茄、西瓜、蜜瓜同菠蘿等等。非常Juicy新鮮👍🏽飲品有雪櫃嘅汽水、茶、果汁、啤酒，仲有自由斟😆有咖啡、香芋奶茶同芒果奶茶。仲可以揀熱定凍添。我就揀咗杯熱嘅香芋奶茶，真係同出面飲嘅一樣😆

一見到新開張，就卜位去試食。場內坐位濶落舒適，食物放置唔同區域，感到舒服；有熟食區、生料區及湯水區，當晚沒有人供應鐵板燒食物。熟食有水煑魚、水煮牛，又有燒味雞同鴨，粉絲煮娃娃菜，燒紅豆沙餅同炸餃子；生料有勁長片豬腩片，雞、牛、豬肉片，雞軟骨粒、牛仔骨、腸仔，脆肉瓜片、洋蔥、茄子等食材；甜品有4-5款小凍餅、奶凍小杯、細細粒忌廉撻、雪糕杯、朱古力爆谷，最有趣的是有部綿花糖機，在門口附近制綿花大捧捧，以及大大顆鑽石介子環，比人打卡拍照留意，gimmick 十足。埋單唔洗加一，感覺抵食，可以再幫襯

難食到懷疑人生，食完得三條路，一洗腎、二生癌化療，三長期睇耳鼻喉科，野食一係冇味一係咸到一個點、個爐慢到一個點、表皮黑晒裡面可以唔熟，訂佢位真係要訂埋街症睇先得。

元朗唔多燒肉放題，今日經過見到新開左一間燒肉放題，新開張仲要好抵，晏晝食都係$98一個人，好抵👍🏻👍🏻👍🏻.入到去環境好闊落，分開左熟食區、甜品區、生肉區😽燒肉方面，豬牛雞齊曬，雖然平價，但肉質都唔會好差🤓 .熟食方面，都幾多款式，有椒鹽豬扒、粟米雞球、雞皮餃子，吉列炸蝦、青口魷魚等等，仲要熱辣辣又幾食🫢.甜品方面，有細細件既甜品，隔離有新鮮既生果，值得一提，呢到有朱古力軟雪糕，仲有曲奇碎可以整麥旋風，唔錯😆

上個月經過見到餐廳新開張，係食自助韓燒，外面裝修都幾靚，當時已經心思思想搵日黎試下😆今日男朋友生日，我地就揀左黎食晚餐，價錢$248/位，可以食2.5小時，相比其他韓燒既價錢，呢間尚算便宜👍🏻頭盤有蝦、青口、蜆，我地淨係食左蝦覺得一般新鮮，不過價錢唔算貴，自然對食物質素無太大既期望🙈肉類方面：牛小排既味道幾好味😋 但豬扒好韌😵咬唔到人蔘雞湯 味道好淡好似溝左好多水蒜蓉扇貝好味道 （估計呢個應該係限定，因為當時係侍應生通知我地去排隊拎）士多啤梨味綿花糖本人最鍾意呢個，綿花糖味道唔太差，又幾得意。之前某商場已經見到呢部整綿花糖機，綿花糖係可以揀整咩圖案，而我揀左粉色之戀🥰

🐳一聽「派龍殿」個名，大家可能以為是中菜館，實情其實是一間韓式燒烤餐廳來的！🐳餐廳顏色主要以深色為主，可以說是有格調，也可以說是有氣氛和有情調。🐳雖然位置不是十分方便，下車後可能要步行5至10分鐘，但都可算是一間很不錯的韓式燒烤店。🐳這裏的燒烤自助餐非常有特色，除了不同肉類提供燒烤外，也有冷盤，刺身類和熟食類。另外還可以自行製作軟綿綿的棉花糖，找回童年回憶，不需要擔心很飽吃不下，棉花糖看似很大，但其實就像一陣風，吃了等於沒吃，所以值得玩一玩。雪糕區還可以自製麥旋風，想吃多少杯都沒問題。🐳熟悉區也有鐵板燒，可以叫店員為你製作鐵板炒飯或鐵板炒面。另外還有古巴烤肉，非常有特色。🐳總括來說，價錢不貴，雖然款式不是十分之多，但樣樣有特色。

身為住附近嘅街坊，見佢新開張都幾開心，起碼懶得煮時有多個選擇。一家人試咗佢嘅午市，人頭$108，新開張期間免+1。早少少去就唔使等位，直入！食物款式都唔少，除咗啲烤肉類，有炒飯、炒麵、湯，質素呢就同價錢成正比嘅，酒水都任飲，座位寬敞，冷氣夠凍，但唯一嘅問題亦都係最大嘅問題，就係個抽風系統嚴重不足。成餐飯都係油煙滿佈，煙霧彌漫！我直頭覺得喺度食一餐飯會影響健康！希望老細睇到改善一下個情況，如果唔係嘅話，我諗應該啲人食完冇下次。

見元朗新開左間餐廳係自助燒烤🍖上網見好多人都話款式好多，就快快約上朋友去試下先喇😆一到門口就見到一個好大型既求婚戒指💍上面放左皇冠可以比我地打卡影相📸隔離有自助既棉花糖機，仲有圖案。入面好大，好寬闊，生同熟既食物係分開既，仲有個師傅係度炒麵，可以食到即炒烏冬真系超正🍲晚市燒烤自助餐 $238/人🌟冷盤有鮮甜彈牙既凍蝦🦐大大隻既青口，每一隻都好肥美既蜆。另外仲可以食到啖啖小魷魚🐙泡菜同中華沙律🥗真系可以享用中日式既前盤🌟熟食d熟食都係大菜，仲要道道都好好味，例如水煮牛🐂口水雞🐥椒鹽豬扒🐖燒鴨🦆粉絲時菜，酸菜魚🐠吉列豬扒，餃子🥟肉醬意粉🍝Pizza🍕全部都係熱辣辣，真係好正壽司🍣蟹柳，魷魚都有，真系可以滿足唔同既顧客🌟生肉呢個選擇仲多，有好多唔同既肉類例如豬頸肉，煙鴨胸片，原味豬扒，叉燒味豬扒，牛肉🐂牛仔骨，金沙骨，豬腩片，原味雞翼，南乳雞翼，蒜香雞翼尖，雞柳，雞腎，雞軟骨，龍俐柳，台灣腸，多春魚🐠呢d全部都放係生肉區，我地要食幾多就去夾幾多，一d扒類仲有吾同既口味揀🥩一次過可以試曬所有既肉類，d肉又醃得好入味，燒出黎真系好好食😋除左燒肉，仲有蔬菜類可以燒例如翠肉瓜，生菜🥬冬菇🍄菠蘿🍍個菠

強烈懷疑佢係前身韓x改個名翻新下再開，啲野食種類超少，放題啲野食當然係keep住補，但係呢間冇曬之後過差不多半個鐘先補，鐵板帶子又限量，雪糕機整兩杯就停，棉花糖機望落好多款揀，但㩒嚟㩒去都正係出一款，野食味道。。真係唔好味。呢間真係唔推薦都唔會再去侍應十問九唔應，未食野嘅野食問都唔問就收走壽司超似爭x嘅外賣嘅壽司（包括味道）最搞笑係個汽水機 係㩒制跌汽水但係汽水跌到落嚟會爆咗啲 都拎起罐汽水就見到有汽水漏出貨

見到呢度開咗一間環境幾特別嘅燒烤放題，就入去試一試，好多嘢都好有新鮮感😊飲品款式非常多，亦都有少部份熟食，可以等你未燒好啲肉類之前醫一醫肚先重點推介熟食有麻辣小龍蝦，味道都真係不錯，我自己一個人都可以食好多隻，唔算話太辣，但係味道入味濃郁除咗自取嘅熟食之外，仲有係店員俾你嘅鐵板燒，鐵板燒有炒飯同埋炒菜，就正正似足日本餐廳嗰啲風格最不得不提嘅就係門口有一部自製棉花糖機，呢部機真係都幾多人排着隊整，因為都幾新鮮，撳幾個掣，揀你想要嘅顏色同埋圖案，部機就會自己慢慢製造，新鮮整新鮮食真的不錯

朋友話我知元朗球場附近有間新開既韓式燒烤放題店，價錢平又多野食野飲，服務仲唔錯😄😄餐廳好近元朗體育館，我地打完波過去，我一去到就俾啲飲品吸引咗，有好多款既汽水和涼茶😉😉 啤酒🍻都好多款式！刺身應有盡有，有三文魚、希靈魚、八爪魚、蟹柳等等，仲有壽司🍣肉類都好多款，每款肉仲有幾款口味😍俾如我最記得就係有原味雞翼和南乳雞翼😄😄因為我最鍾意南乳雞翼，但我朋友鐘意原味多少少，其實覺得唔夠味既話，餐廳既調味部都好豐富，有我最鐘意既日式七味粉😍😍😍

元朗新開張燒肉放題探店，呢間位於元朗劇院附近新店「派龍殿」地方空間感大，全新裝修沙律吧日式前菜有泡菜、中華沙律、螺肉、凍蝦及青口等亦有天婦羅炸蝦、獨立包裝壽司。湯品有黑松露蘑菇湯及韓式人蔘雞湯，番薯糖水。熟食有10款，水準平均係放題正常水平。有避風塘茄子、西檸雞、泰式魚餅、白酒煮青口、海鮮意粉、口水雞、水煮牛肉等還有即場有師傅炮製日式鐵板燒料理。燒烤就有基本醃肉，牛肉、牛仔骨、牛脷、豬扒、金沙骨、豬腩肉、龍脷柳、腸仔、雞腎、雞翼、咖喱雞柳、蒜蓉雞翼尖、雞軟骨、多春魚、秋刀魚、魷魚鬚、豬頸肉、煙鴨胸等及台式黑椒腸等生果盤及甜品唔算好多款，而當中爆谷同棉花糖機算係最有驚喜，店員話係全港首創自動整花紋棉花糖機👏共有三款顏色，可以製作出心形花花等圖案。同場大人小朋友都玩得好開心。雪糕有抹茶味，可以加 Oreo碎增加口感。另有牛奶公司有杯裝芒果味及朱古力味。午市性價比超高，食物質素唔太差，唯獨壽司同甜品有待改善，有下次！價錢方面就真係平民價，晚市燒烤自助餐($238/入座起用餐2.5小時/小童長者＄148)19:00前結賬離座($168/ 小童長者＄118）21:15後宵夜時段（$178/ 小童