流金歲月 (已結業)

有屋企人生日..聽朋友介紹屯門這間流金歲月的食物相當有質素...於是去試一試之前曾到上海婆婆..覺得唔錯....誰不知,流金歲月更出色(難怪成日都咁多人排隊)大約8點去到....等一陣就有位..一坐下..侍應就問我地想飲咩茶..(平時好小飲茶)所以問侍應有什麼茶誰不知他一口氣便講出7-8款茶...他還向我推介-人蔘烏龍..叫了茶不消一會...便有令外一位侍應拎茶出黎..(有效率..平時一定訓練有素)之後叫野食,我地8個人,叫左....小籠包,擔擔面,蒜泥白肉,松鼠桂魚,火腿津白,流金歲月炒反,銀絲卷....仲有朋友一張雲吞雞免費增卷^^最先到既係蒜泥白肉...味道不錯.有粉皮做伴碟..好靚之後既其他野食..我最中意就係小籠包同擔擔面小籠包勁多汁,,,擔擔面花生味濃..好味雲吞雞免費..但一d都唔係馬虎...有雞.有湯.有菜...味道清清地..正最後我地叫左甜品,高力流沙球,入面d\既流沙勁好味埋單時...果位部長仲送左張優惠卷比我地....咁好食,仲要送優惠卷真係想下次唔再黎食都唔得啦

因為之前試過這間餐廳，覺得食物味道不錯，所以帶家人來食晚飯。一早訂好七個人位，準時來到，居然給我們一張六人的長檯，長檯已經夠細，還要我們四個人擠在三位座的梳化處，實在是太過份了！我們拒絕入坐，於是訂了位還是要等，等本來七點鐘交檯的客人食完甜品埋單，結果遲了足足廿分鐘才有位。之後更加一肚氣，揚手點菜揚來揚去都沒有侍應，有些侍應更是染金毛的，終於有一個出現了，卻一面落單一面嚼香口膠。點了八個菜，吃完七個菜等了許久，最後的樟茶鴨久久未見影，追問之下才知漏落單。因為樟茶鴨要等廿分鐘，於是加叫一個甜品打算食住等，等了半小時樟茶鴨終於出現，但食完之後都不見甜品縱影，查問之下原來又漏落單，搞咩呀，於是決定唔食cut餸埋單走人。坦白講，這間餐廳的小菜質素都算幾好，可惜服務水準由頭到尾都令人太失望了，雖然現在仍是人山人海，但再不改善的話，簡直就是在趕客，起碼我就一定不會再來了。

本是這個食肆的長期客仔，差不多一個星期日日都去食，通常都係去晚市，都有間中食下午市。唉唉唉~~~~點知呢間野就越做越差，以前服務好好，野又好食，特別係佢個小籠飽，擔擔麵，抄手，銀絲卷..........差不多樣樣都咁好食但係依家就每放越下，可憐既擔擔麵，以前有極香濃既花生味，其他地方找都找唔到，連個間上海婆婆，都唔夠佢個味咁好。但係依家呢~依家連味都不如人，更何況個麵.....小籠飽呢~原本就無乜點變到，但係就真係要睇下師傅係唔係度喇~唔係度既話，仲要係個女人整個麵團，咁就唔使佷喇~連關於搓麵團既都唔好食﹗因為會超難食﹗﹗仲之，依家d野食全部變晒，都無以前咁好食了~新去試個度d人都要記住，佢遲上黎既話，你地千萬不要吹，直接走人就是，因為佢地會反叮d食物俾你食就算，你唔要埋單既話都要有技巧----->>要同佢地搶時間，如果唔係，你張單未到，佢己經可以反熱個碟野放係你面前我都叫做係長期客仔，但係佢地都係睇唔個有錢有權或者係有親先至好招待。試過明明下一張就係我地既，都俾左個侍應既家屬入左去先，仲要係佢剛到既，我係隔離就激死.........

昨晚四個人食:$30 - 5粒小籠包: 中規中舉$68 - 生炒骨: 8粒肉, 又係少$60 - 雲南火腿津白: 津白得8條, 小得可憐, 又要成$60, 好唔抵$68 - 砂鍋介蘭炒牛肉: 算可以OK$12 - 白飯計埋茶介加一, 要$325總恬來講, 價錢偏貴, 份量細, 我哋四個人食完後, 重要走去食雪榚和月餅, 唉!

2個人叫左酸辣湯,醉雞,叉子燒餅(海鮮)同清炒河蝦.........基本上都幾好味, 除左酸辣湯比較稀d, 不過男朋友都飲左2碗多。我就鐘意叉子燒餅,不過可能要肉絲會香d8:45pm 後入座有85折環境幾舒服,服務just ok啦, 叫左碗飯就要問2次先來

尋晚原本一心一意去中環某某俄儸斯餐廳可惜因為一啲事只好回來屯門先但係我一定會再去番到嚟第一樣係諗吓食啲咩我住咗係度咁耐見都冇食過呢間好似好失禮咁就一齊入去試吓啦大概九點入到去坐低即刻睇睇食啲咩小籠包蝦球炒肉絲加叉子餅蒜泥白肉水仙第一個食送係蒜泥白肉佢個外觀好靚味道亦都好唔錯再加埋中間有啲粉皮作伴碟中和蒜肉的咸味第二個到o既就係小籠包我個人就真係覺得呢度小籠包好過婆婆多多聲~唔好介意... 我真係星期六先食完~但係個度真係好一般~呢度我尤愛佢o既多湯汁, keep 到夠熱對於喜愛熱食o既我, 簡直就係絶配添呀 第三個到o既就係蝦球, 全晚最名貴菜式果真用料十足, 蝦球新鮮彈牙用類似咕嚕汁嚟煮甜甜的, 更配合我今晚o既主題 最後一個先到o既竟然係炒肉絲呢個可能係因為最後一個先到o既食送我覺得麻麻, 仲食唔哂添可能因為太飽掛?!最後都冇叫甜品就埋單一等就等咗成兩三個字人流唔多只係佢哋顧住收鋪 收 十一點走個時十點三多啲算啲嘢好食補番數啦~下次會試吓啲湯同埋其他點心

今次係第二次幫襯，今次又係家庭聚會...喜歡這個地方，因為這裏不是太吵鬧，又不是太迫，食物水準穩定。可以用穩陣來形容...最愛是這裏的高力豆沙，外層軟綿綿好似疏乎厘，個心好似流沙包d蛋黃奶王，唔係好甜，唔夠甜就沾多d糖粉... 好味﹗

禽晚去食飯,其實而家都唔使點book位架喇,因為個個都去晒上海婆婆度...雖然我覺得上海婆婆都唔係特別好食,之前覺得流金歲月仲好食過佢啦,又唔使咁難搵位...禽晚去完之後...覺得好差囉...我地叫左幾樣野...上菜d碟仲有d崩,其實咁樣係唔衛生,仲敢上菜比人...1. 小籠包, 生煎包同鍋貼,都仲可以保持水準2. 酸辣湯, 唔得,好稀,亞媽話有陣豬油味,唔會再叫3. 小黃魚, 個樣就煎得好,但係可能雪左好耐,好腥4. 鹽煎黑豚肉配簿餅, 睇個名幾特別諗住試下,點知只不個係豉椒炒豬肉,加片皮鴨o既粉皮,好失望...我地問過waiter,佢話鹽煎即係上海叫法,其實即係豉椒...唔會再食...5. 醉雞,唉...都唔知攪咩,d肉好瘀黑色...以前都冇咁差o既...後加左個冷盆同甜品架,點知等左好耐冇黎,問下原來無幫我地落單,過份!!! 埋單走人...短期內都唔會再去食,遲d開翡翠拉麵小籠包,我估流金歲月keep住咁樣的話可能摺埋都似..

琴日去朋友屯門新居housewarming，打八圈之後去屯門市中心食飯。本來朋友大力推介上海婆婆，但去到一攞飛竟然要等300幾張！最後去另一上海菜館流金歲月試試。一入到去裝修ＯＫ，都好坐，只係太多人好迫。待應不斷推銷四人或六人套餐，有翅，但其他餸都係好普通貨式，比我地之後散叫仲普通。5個人叫左：1. 酸辣湯(例)：分埋俾你先上枱，有六碗。味道幾酸又幾辣，唔係幾好飲，飲得多怕食唔到其他味道2. 小籠包：皮厚，包頂會食到少少粉，只係入面o既湯汁幾濃，搶返少少分數3. 醉雞：酒味同咸味都夠，雞都算嫩4. 水晶肉：湯膏夠濃，豬肉咸味適中，少食多滋味o既小食5. 韮黃鱔糊：分量適中，鱔糊較淡，同韮黃一齊食只係食到口感食唔到鱔味6. 肉絲炒麵：汁同麵分開上，麵保持到扑扑脆，亦唔係太油。肉絲芡幾杰，味道同茶餐廳冇咩分別，只係冇咁油7. 雪菜肉絲炒年糕：普普通通冇驚喜總括黎講食物唔差又唔係特別好，服務又係普普通通有同冇都冇咩分別，反而朋友話上海婆婆o既小籠包超正，下次一定要去試下！

尋晚約咗高人去很久無去過嘅屯門流金歲月開飯，我哋叫咗五樣餸，其中之砂鍋雲吞雞唔駛錢，係朋友送嘅贈券換嘅。五樣餸係：1.五香燻魚($42)-----好腥同霉肉。原本係冷盤，唔知點解會入過微波爐熱嘅！2.密味金華火腿夾飽($40)-----還可以。3.雪菜肉絲炒年糕($48)-----無厘味道，唔好食。4.韆鞦小籠湯飽($30)-----還可保持水準。5.砂鍋雲吞雞(免費、原價$58)-----唔好，味道難受。兩個人五樣餸，應該飽到落唔到樓。但我回到家中重要食餅乾補充，可想而知為食嘅我只係食咗一個火腿夾飽同兩粒小籠飽。

今天5月11日，星期日-我與媽咪去了屯門的【流金歲月】為慶祝母親節，這是我第一次到此店。當天我叫了3 個點心，1款湯麵，當中有一款小籠包，真是非常很吃，包裡面含有大量肉湯，很美味:

上週六到這裏吃晚飯, WALKIN, 等足一個半小時. 沒有訂枱, 等長些時間沒要緊, 但奇怪的是, 為什麼會跳了我們的枱號? 又看見有些客, 走到COUNTER 跟知客打個招呼便安排入座, 查問原因, 不得要領, 若我們不出聲, 恐怕要多等半小時了, 差!!!入座, 服務更差. 我們落了單, 等足四十五分鐘, 查問後竟說遺失了我們的單, 這樣的事情也可以發生? 經理著我們重新落單, 並答應全單八五折, 可惜, 埋單時, 細看單據, 又是沒有打折, 又擾嚷一番. 我們晚膳期間, 隔離左右都投訴不絕, 侍應把食物倒在客人身上, 漏單... 我們要求辣椒醬, 好了一聲, 沒有回頭... 總之, 錯漏百出 但食物水準不錯, 特別推介小籠包, 皮薄多汁... 好味

２００８／４／２５午餐計星期二有’免費’錢拿去食飯，今日就有供應商請食飯，這星期就可以慳到兩餐的錢～XD本來想去上海婆婆，一點半也有十多人在等位，可惜我們沒有太多時間，就轉去這裡開餐。(貪不用等位)ORDER後我們才見到有午餐的單張，不過只得4人或8人餐，計計下散叫實際好多。供應商自顧自吃那大大碗擔擔麵，以下的食物唯有讓我和同事一齊去應付XD‧蝦餃：皮略厚；餡全是蝦肉，口感彈牙，味道又不錯。燒賣：超多蟹子加薄薄一塊帶子在面，而樓下的豬肉餡軟熟和多汁，好味‧小籠包：皮超厚，夾起後就不斷搖它，盪下盪下都不穿，是否代表正宗﹖肉餡好味，湯汁勁多﹗。綿花雞：只吃了一件魚肚，因為整碟也是油，見到也不想吃。‧上海粗炒：無論麵條及配菜也十分大堆頭，有椰菜﹑小白菜﹑冬菇絲﹑肉絲等；麵條和醬汁也炒得很均勻兼有咬口；見碟底剩下很多油，只吃兩碗就收手了...。炒西蘭花：西蘭花翠綠，用了金華火腿+上湯灼過後再炒，都是較油‧髮菜﹑雲耳和豆腐'更'：口乾乾就叫個湯飲，所有材料切到碎粒粒，不用咀嚼，可以咕嚕咕嚕當湯飲；味道除了有少少鹹外，其實是不錯；湯真的夠清，一點油也沒有這裡出品的點心，就算是下午茶這麼少的份量，也

前日同阿媽逛屯門，阿媽指定要係呢到食tea.葱爆羊肉湯面好味，湯好清，葱好味，冇因茶餐而求其。擔擔面好味！生煎包我冇食，不作評論。但平時好容易吐舊肉嫌肉腥的媽也覺好吃。

全屯門市中心最好吃又抵食既中菜!!! 一個星期最少要吃一次, 不斷有新菜上場之餘, 舊菜也保持水準, 必食推介: 松子桂魚, 個人略嫌多汁, 可選擇汁另外上. 喜歡點多少汁也可, perfect!另外沙窩雲吞雞亦是招牌菜, 湯沒有味精, 雞肉幼嫩, 雲吞皮薄餡靚. 蔬菜也有不同選擇, 例如蟹黃西蘭花,蟹黃味道濃郁, 西蘭花夠"林", 又一傑作!招牌上海菜小籠包, 銀絲卷當然不會令人失望啦! 新菜有黑醋排骨,排骨脆,汁甜中帶酸, 味道恰到好處.美中不足只有白飯, 沒有白粥供應.大新銀行信用卡有折扣優惠.