浜燒太郎 (已結業)

將軍澳近期真係起左好多新樓 今日去親戚新屋參觀之後就去附近呢間餐廳食日本野。呢度係靜中帶旺既感覺 有幾間餐廳連住 餐廳外觀一d都冇因爲係住宅區而裝飾求其 反而有d似日本好多分店既磯丸水產。講下d野食先 海產刺生都食得出好新鮮 可能真係因爲日本直送關係 我地叫左幾樣野食 而最唔少得既就係燒海鮮 食左廣島蠔同燒帆立貝 蠔同帆立貝外觀都超大粒 店員亦都會主動幫手燒海鮮 話比你聽幾時食得 而燒海鮮期間 店員會不定時落d酒調味 最後亦有d牛油蒜蓉醬既調味料自己調味 令到海鮮既鮮味更加出😋😋😋另外亦都叫左3種海鮮既刺生拼盤 拼盤有三文魚 帶子同油甘魚刺生百幾蚊有呢個份量既刺生 每片魚生都好厚切而唔會腥 好新鮮 質素非常高雖然我地冇點壽司 但係我地都叫左個魚生飯 魚生飯係三文魚拼三文魚籽飯 入面既飯並唔係普通既白飯 我地食既時候見到有色既飯都覺得好驚喜 個飯應該係茶漬飯 加左d蛋絲同紫菜 食落層次豐富 感覺唔單調。食左海鮮同刺身 當然唔少得串燒啦 串燒種類又係超多唔知點揀 最後我地叫左燒牛油帆立貝同煙肉海老 海老係日本蝦既意思煙肉包蝦食又幾得意咼 未試過 雖然隻蝦唔算好大隻 但就係能夠比我食新野既途

今日出將軍澳同好耐無見嘅朋友敘舊，佢係外地工作趁假期翻嚟搵我食飯，我知道佢係一個海鮮控嚟，所以我就揀咗間居酒屋去食，可以比我地一邊傾一邊享受美食。坐嘅位比較隱蔽 傾計唔洗擔心隔離會聽到。啤酒配燒海鮮，一流。招牌酥脆雞塊 雞塊炸到外脆內嫩，雞肉又滑又多汁 外皮調味好夠有少少微微地辣。湯餃子好好味 皮薄餡料多，一咬落去啲汁係爆出嚟，湯底好甜帶有蕃茄味。豬軟骨拉麵 麵質軟硬適中，湯底濃郁唔會太鹹，豬軟骨煮得入味又軟嫩。蟹蓋好多膏+埋少少蟹肉同蛋黃食落好順滑好滋味魷魚筒一啲都唔難咬 肉質唔會好un 燒完仲有啲汁 香口得嚟又爽口牛油帆立貝 帆立貝好鮮甜肉質彈牙 好有牛油香味大蜆食落鮮甜無沙仲要隻隻都好大舊蜆肉

大部份裝修都係用左木材，仿似居酒屋既間隔，充滿住日式風情，仲有四間獨立房間可以盡享私人空間海膽魚籽蟹肉蟹膏燒$128，蟹膏鮮甜冇苦澀味，每一啖都有濃郁既蟹膏味，就算吞左都仍然有陣餘韻留在口腔北海道活帆立貝$78，熟左之後會出水，係海鮮原有既味道，d汁無得頂，帆立貝亦好厚肉海鮮丼$138，差唔多有十款海鮮，如果係魚類既刺身都一定係用魚腩位，可以一次過食到什錦刺身，感覺好滿足牛舌$38，表面好閃令令，就知油脂好豐富，而且仲係厚切，咬落好彈牙，鹽味岩岩好鹽燒味噌漬鮭魚腩$58，即係燒三文魚腩，因為腩部位置所以油脂味最出，魚皮燒到帶有焦香，有少少微脆口感，同樣鹽味比例都係較得岩岩好天婦羅盛合$88，炸蝦有3隻，炸得好直身，脆漿夠簿唔油膩，另外茄子都一樣不容忽視，勁爽口

這間浜燒店位於將軍澳寧靜的角落，環境令人覺得放鬆，有獨立榻榻米和室，適合和好友相聚暢談。餐廳對出便是將軍澳海濱，好有遠離繁囂的感覺。食物方面餐廳提供多款新鮮海鮮可以網燒，我和朋友點了燒蟹蓋，一款是蟹味噌甲羅燒，是常見的行的鵪鶉蛋版，另一款是有海膽及三文魚子的。鵪鶉蛋的燒蟹蓋燒至蛋熟就可食，又香又滑。加上海膽及三文魚的味道濃郁，配上蟹膏蟹肉的鮮味真是味蕾的最高享受，在口中餘味無窮。這裡的刺身也很不錯，我們點了五款的，有螺片、三文魚、劍魚腩、帶子和吞拿魚，全都十分新鮮，特別是平時好少點的螺片，十分爽甜。五款吃起來份量比想像中多，性價比高。由於朋友和我都很喜歡吃炸物，我們點了芝士年糕和雞軟骨。雞軟骨十分香口，粉漿份量剛剛好，是很適合把酒談心的小吃。芝士年糕外脆內軟，芝士味香濃，每次食日本菜都會點的小吃。我們在餐廳坐了近三小時，沒有一點要埋單的壓力，好輕鬆，食完還可行行將軍澳海濱，散散步幫助消化。

將南開了很多新餐廳，之前跟男友試了一家火鍋店，今次再來這邊，到海傍試最近蠻好口碑的浜燒太郎。門面甚有居酒屋的風格，仿如真的到了東京吃燒物般！滿滿的海鮮讓人食指大動串燒選擇也不少不只熟食，刺身/壽司也很吸引首先點了燒魷魚、蜆和蟶子。落單後侍應拿了個爐來，現場在我們面前即燒即吃，十分有風味！全程侍應幫忙燒，下了少許清酒，還問我們要點甚麼醬汁吃，有牛油蒜味和鹽味選擇。燒完後香味四溢，男友急不及待開動最基本的是蜆沒有沙，第一關先過。由於侍應用清酒煮，清酒味很濃郁。海鮮新鮮，肉質肥美，很滿足！值得一提，點魷魚那個醬汁酸酸甜甜，很好吃😋接著開動的是壽司拼盤。飯粒不是白色，想是有用調味先醃，很有誠意。壽司握功不錯，魚生也很新鮮，尤其是我最愛的魚子，又大粒又晶盈，不禁說一句：幸せ〜吃完壽司，就吃暖暖的雜煮。雞蛋融在湯飯裡，加上紫菜、蔥，飯粒煮得半腍，吃下去剛好溫暖了胃，好好吃😋男友也讚不絕口！接著吃串燒，叫了大蔥雞肉串（$24)和豚腩串（$28）燒得恰到好處，肉質剛好，不會過火，店家下了鹽和黑椒調味，不錯👍再encore牛舌串，燒得外脆內軟，好吃！最後以魚鮫作結，這個也是大力推薦！肉質十分鮮嫩，配上檸

有機會行將軍澳海濱長廊的朋友可以考慮一下這間日式餐廳。由地鐵站行去大約20分鐘左右，但因為近海，附近住宅區都是低密度建築，環境上來說絕對是遠離繁囂。餐廳裝修是日式風格，環境氣氛十分舒適，絕對是享受美食的好地方。因為看到每一枱都一個燒爐，我們也點了一些海鮮試試。日燒海鮮當然少不了燒蟹蓋。好好味~ 蟹膏好香，配上雞蛋來燒有濃郁的蟹味，一個可以撈一碗白飯(((沒點白飯，因為叫了其他)另外叫了一些象拔蚌，但因為燒得太耐，有點UN。日式燒魷魚，食材好靚，賣相一流，急不及待食，魷魚也算彈牙。日式刺食拼盤，如圖所見有5款刺身，魚生都是厚切，so juicy，其中我最鍾意吃帶子，厚身又鮮甜。由於是第一次吃這餐廳，我們也想試試壽司，便點了三文魚和鵝肝壽司。鵝肝燒得好香，一咬下去鵝油就流出來，香味十足，值]由於個人喜好，點了燒多春魚和雞軟骨，我覺得燒得不錯。點了河豚干，十分開胃，配上清酒應該不錯。]小弟覺得全日最好味的就是這碗拉麵，我超推薦大家點! 我覺得一碗拉麵好不好吃在於那個湯底，這碗叉燒拉麵正正有一個濃郁的豬骨湯底。飲下去就感覺到湯中一粒一粒的精華，我十分好奇那是什麼，但總之飲下去不像純液體，十分濃

平時星期六-日都要等位～所以我地揀左平日時間黎，甘就唔洗等位喇😃😃襯未有人就影左一張相，裝修有居酒屋既感覺，坐位空間足夠👍🏼👍🏼 主打機燒，由於今日唔想慢慢燒黎食，我地只係點左日本料理。煙肉芝士奶油意大利～侍應會將煮熟既意粉，直接放上芝士巨輪撈勻🤣直至每一條意粉都沾上芝士，再加上煙肉提味～～稻草烤安格斯牛扒分量不少，先切好再上枱，方便進食非常貼心，牛味濃郁，入口帶有肉汁。記得一定要襯熱食，凍了就會變得鞋口。 三文魚三文魚子丼三文魚腩，肥美～薄薄的，有六片。三文魚子也不少，新鮮👍🏼廚師將醬油加入壽司飯～可直接食唔洗再加醬油🤣🤣

日本式的店子，將軍澳也有很美吃日餐較早前跟朋友來到將軍澳的好地方，那裡自成一角了，地道特色食店非常多，位於繁盛的屋村市區旁邊，離地鐵站也祇不過是十分鐘左右腳程，予人尋幽探秘之感喔。今次試了一間隱藏於角落的日式料理，小店地方很大，店內裝修設計以日式為主調，配上木式座椅，簡約清新，座位的間距也恰到好處，有適當的私人空間，感覺舒服～這日本居酒屋直送海產浜燒：三文魚與三文魚籽丼壽司飯加入赤醋，所以味道更濃郁帶點酸，好吃呢。海鲜冷面沙律夏日清爽感覺提升UP，炎炎夏日令人食慾很不振，這簡單的海鮮冷麵，清爽少油少負擔！其餘食材很鮮甜，醬料更是好吃的，會另有一個供客人自行加落，如果能有點煎芝麻口味的沙拉棒～另外，還可以到海鮮浜燒，海產都是由產地直送。蟹味噌甲羅燒，味道是非常吸引~配搭魚籽吃鮮甜。惠顧這店也可以有很多日本飲品，店員推薦日本三得利啤酒~將軍澳的朋友日後想吃日本菜多個選擇喔！

屋企人突然想食日本野，之後又諗起屋企附近開左間新既日式餐廳，所以就決定嚟試下餐廳係正海濱長廊隔離，雖然位置有啲偏僻🧐但一去到門口就覺得好靚😍好有居酒屋既feel入面啲位都幾闊，啲櫈都好舒服☺️而且仲有幾間房可以坐Tatami榻榻米即刻好似去左日本咁，好正🤪👆🏻招牌酥脆雞塊好大嚿😳而且每嚿都炸得好鬆好脆個炸粉亦唔會太厚👍🏼入面仲保留左相當多肉汁👅再加上個汁，咸咸地咁好香好好食🤤不過真係太大嚿喇，每人一件都夠曬喉😂👆🏻稻草安格斯牛扒以咁既價錢嚟講，CP值都幾高份量算多之餘，仲幾好食牛扒唔會燒得好韌得嚟，仲有少少脂肪，令成個牛排好香油香😚而且佢好貼心咁切成一條條，啱曬我依啲懶人，食得好方便🤣蘸埋黑椒汁會再好食啲🙈👆🏻燒魚骹一定要落埋檸檬汁食🤩真係好鮮味個魚骹真係好正👍🏼燒得好香，而且好重油份，食落好香口啲肉都好嫩😍😍真心推介⭐️⭐️⭐️👆🏻三文魚及三文魚籽飯超足料😂好多魚籽，三文魚啲油脂分佈都好正🤤而且佢個飯好特別有別於一般出面白雪雪既壽司飯，而且撈左豉油嘅飯🤫唔會好咸，仲令到成個飯更加好食👅👆🏻芝士意大利麵依個絕對係超邪惡!!! 芝士控🧀必食❤️超濃芝士味🤩每條意粉都比芝士包圍住而且真係睇住佢倒個意

今晚行左去將軍澳臨海一帶，發現原來係有幾間餐廳，見有小小餓就揀左呢間浜燒太郎。個門面幾吸引，好有正宗日式feel，入面空間都算大，仲有幾間日式房仔，好岩一大班人共聚。點左盤精選刺身拼盤，有五種刺身，包括三文魚、吞拿魚、油甘魚、帶子同海螺片，全部都好新鮮，尤其係油甘魚，色澤好粉嫩，晶瑩剔透，咬落帶點爽甜。呢盤刺身，每款有四片$278，價錢好扺食值得點。浜燒太郎當然要點一D浜燒，全部都係即點即燒，仲有侍應幫忙，加入煮酒燒，十分貼心。浜燒海鮮的款式有好多，蟹肉蟹膏燒就最好味，之前食過其他餐廳，蟹膏都有d鹹，但呢到就好鮮，味道岩岩好，撈埋鵪鶉蛋後，蟹肉仲滑一滑，超好食！魷魚筒燒好似燒過火，但都算彈牙，就有小小鹹。原條蒲燒鰻魚都係值得點之一，鰻魚燒到好令，而醬油調味亦係精華所在，令人一口又一口食到停唔到。壽司一客有二件，最特別係個飯底係有d紅色，所以好奇之下問一問侍應，原來師傅加左赤醋，令整件壽司帶點少量酸，胃口大開，其中鵝肝壽司煎得香脆，外脆內軟，記得剛剛煎好就要即食，會更好味！雞骨軟每粒都好彈牙，有嚼勁感覺，幾好味。今次河豚干係第一次食，感覺都唔錯，油份好juicy。呢個叉燒豬骨拉麵真係要大

朋友推介將軍澳呢間新開既日本野，離地鐵15分鐘路程，係海旁隔離，環境好好！好適合星期五黎個happy Friday!特上壽司盛合$198高CP值的盛合！魚生非常新鮮，帶子、牡丹蝦，厚肉鮮甜。壽司米用了赤醋，非常正宗。天婦羅盛合$88見到隔離枱食天婦羅，賣相好吸引，跟著點了一份！天婦羅炸皮好薄！用料新鮮！蝦肉爽甜！茄子非常有驚喜！金目鯛一夜干$108男友大愛一夜干！而呢間餐廳的一夜干價錢好合理，亦燒得好出色！魚肉厚實，充滿肉汁！我倆共叫了兩碗白米飯呢！燒物冬菇串$18冬菇新鮮，有嚼勁。豚腩串$28豚腩油脂分佈平均，配上芥末椒鹽，極之惹味北海道牡蠣$68蠔味十足，配上拉絲芝士及洋蔥，好滋味真澄$98星期五當然要點酒精！真澄味道香敦，溫熱的，好易入口。整晚既菜色都令人好滿意，看得出餐廳是好有心思！誠意推介比大家！

朋友最近將軍澳新居入伙，我放工去左搵佢～之後一齊試下樓下間日本野，浜燒太郎。間餐廳以浜燒為名，我地就當然叫左少少要燒既野啦，有象拔蚌，厚身肉地，質感爽口、味道鮮甜～而蟹味噌甲羅燒入面有大量蟹肉同蟹膏，仲可以撈勻鵪鶉蛋；食落蟹膏好濃郁，甘香豐腴，正！另外叫左盤特上壽司盛盒～入面一共有１０件壽司！賣相吸引，包括：帆立貝、鯖魚、三文魚、八爪魚、牡丹蝦、蟹捧、油甘魚、吞拿魚、甜蝦和火炙三文魚等～～件件都好鮮美，好睇又好食！另外叫左個湯餃，D 湯唔覺有味精，而餃子大大件，啖啖肉，食落好滋味！最後叫左２串串燒，雞軟骨同雞翼，雞翼外皮燒到香脆可口，調味合適，而雞軟骨就好有咬口感。

今晚在將軍澳晚飯，又不想在商場吃連鎖餐廳，上網發現這家浜燒太郎，可以滿足大吃海鮮的慾望，於是來試試。餐廳的裝潢令人彷彿置身日本，座位空間寬敞，更有獨立個室，十分適合朋友聚會。餐廳主打新鮮磯燒海產，另外亦有各式壽司、串燒、日式料理可供選擇，另外亦有不用種類的啤酒、清酒等。每枱都有一台氣體烤爐，用來作磯燒海產，確保火力充足。磯燒海產各種海產磯燒之前，侍者會先奉上客人面前過目，確保新鮮。然後店員會協助在枱上的烤爐燒烤海產及調味。蟹味噌甲羅燒甲羅燒將蟹蓋作盛器，放了味增蟹膏和蟹肉，再打入一隻鵪鶉蛋，一邊燒烤一邊攪拌，一入口鮮味甘腴，同時有軟滑、鮮香與甘甜的非凡滋味。大蜆$58元共有6隻大蜆，食材本身有鮮味者，用適當的烹調之法令其味道更為彰顯，牛油燒的大蜆的鮮味更為突出，而鹽汁燒的則香濃惹味，同時不會掩蓋大蜆本身的味道。魷魚筒燒以原隻魷魚筒慢火燒烤，火喉控制得恰到好處，烤得乾身而不過火，入口依然彈牙有嚼勁。特上壽司盛合壽司飯特別用上香醇赤醋打成，飯粒飽滿，手握不鬆不實，水準可媲美鮨店。壽司包括吞拿魚、三文魚、帶子、鮑魚、八爪魚、牡丹蝦、白身魚等，其中以牡丹蝦最令人回味，牡丹蝦身型巨大，一咬蝦肉爽

將軍澳海濱長廊旁的住宅已陸遂入伙，連帶開了一批新食肆，浜燒太郎是最早開業的一間，每星期跑步經過時都會好奇從外遠望。是夜剛下過大雨，浜燒太郎人客不多，可以靜靜的享用晚餐。浜燒太郎枱上放有小巧燒烤爐，讓客人即燒鮮活海鮮，不過是夜十分疲倦，只想吃即食食物，浜燒還是留待下次。特上壽司盛合特上壽司一碟十件，望上去壽司很濕潤很新鮮，壽司上刺身亦屬厚切。試了牡丹蝦、甜蝦及赤身，牡丹蝦軟腍中帶爽滑，吞拿魚雖為赤身，亦見嫩滑鮮甜。大葱雞肉串大葱雞肉經典配搭錯不了，大葱燒得焦香，雞肉嫩滑。冬菇串 帆立貝串冬菇串及帆立貝串每串有三粒，十分抵食。冬菇燒得表面乾身，內裡依然保留菇汁。帆立貝肉質厚實，彈牙鮮甜。鹽燒味噌漬鮭魚腩三文魚腩厚肉無骨，魚油平均分佈於魚肉中，魚肉啖啖甘香嫩滑，魚皮熱辣薄脆。日式雞蛋粥日式雞蛋粥材料簡單，有雞蛋、紫菜絲及小量鮮蝦肉粒。雞蛋粥質感杰身，入口味道帶甜，很暖胃亦飽肚，作為晚餐中的最後一道菜感覺圓滿。

今日探朋友新居,之後我們往樓下商場濱燒太郎食日本菜,我們點了香酥雞軟骨,雞皮串、神奇炒面、鰻魚壽司、蟹棒蟹籽壽司、蝦天婦羅、朱軟骨拉面和大蔥雞串。香酥雞軟骨炸得金黃,食落爽口、有嚼勁,佐酒一流；雞皮串燒得乾身香脆,食落惹味；神奇炒面炒得乾身,豚肉食落醒胃,面條爽口；鰻魚壽司食落鮮甜, 肉質味美, 醬汁甜度適中,飯好軟綿；蟹棒蟹籽壽司蟹棒食落爽口,蟹籽味道鮮甜；蝦天婦羅賣相吸引,粉漿薄薄,不會食到成口油,炸得乾身,蝦爽口彈牙；最後朱軟骨拉面湯底鮮甜,朱軟骨拉面食落啖啖肉,口感十足,配菜有粟米粒和筍絲,食落甜口, 面條軟腍彈牙,紫菜香脆, 整碗朱軟骨拉面湯底鮮甜食落美味, 份量十足。餐廳座位舒適, 猶如置身日本居酒屋似的, 我們坐的是塔塔米, 座得舒服, 這裡食物美味, 份量十足, 價錢合理, 我和朋友食了一頓好食日本菜。