浦井韓食居酒屋 (已結業)

ISquare 開左間韓燒店，其實都好少韓燒店會入商場，畢竟油煙可能好大。晚上6時左右，人流未算多，一入去係傳統韓燒店的樣子，上抽式抽風、圓形不銹鋼枱以及電油桶椅，一貫韓風。身後有好多手工啤啤酒樽，都幾特別，不過真係要小心d唔好整到……先來前菜有醃蘿蔔、韓式泡菜及大豆芽，份量略微少左d。原來有「歡樂時光優惠」，見到有半份炸雞，加兩杯特飲或生啤$138，就叫左黎試下。炸雞5款口味：原味炸雞、辣味炸雞、芥末味炸雞、蜜糖醬炸雞、黃金芝士炸雞。生啤點左兩杯asahi。推介！蜜糖醬炸雞！其實見到台台都有叫happy hour食。蜜糖醬勁多，d雞肉好嫩仲帶有雞油，一d都唔老！蜜糖醬d汁多到底下既脆薯都有！另外，點了上牛烤(PrimeBeef Grill) $288有牛肩胛脊，牛舌，小牛排，腹胸肉。蔬菜有金針菇、冬菇、南瓜、青瓜、翠玉瓜、紅蘿蔔。 牛舌先說爐邊蛋，冇限加係常識吧！有泡菜蛋。仲加左$20要三色粟米芝士。小牛排最期待最好食！每邊2分鐘左右，唔可以太耐，成夠肉好柔軟，如果驚自己燒得唔好，有店員會主動黎幫你燒，仲會切成一片片，好似食緊牛排咁！再切小塊燒。而牛肩胛脊係有醃過既，帶有少少辣，次於

While I was waiting for my friend, I saw this newly open Korean BBQ restaurant at the corner. I went to have a look at the menu and the price was reasonable so I told my friend to find me at the restaurant to have dinner. The design of the shop was very posh, there were a few television showing different kinds of programs such as Korean drama and music show. While I was looking through the menu, the staff added the egg mixture on the side of the stove, one with kimchi and the other just egg itse

同個朋友行完街, 隨意響商場水牌搵餐廳食飯, 呢間新開未食過.黎到門口望入去好闊落, 睇埋價錢都唔太貴, 一於試下先.呢度除左韓燒, 仲有好多其他鍋物或單點野食, 每鍋都好大堆頭.友人話好想食年糕, 但我又想食炸雞, 揀來揀去終於要左巨人併, 睇樣好似唔係好多野, 就問侍應姐姐份量如何, 佢話兩位會夠飽.等左一陣成盤野就放響火爐上興住食, 份量非常充足, 種類又多, 啱晒我想多選擇既人. 中間係甜辣醬炒年糕, 辣度適中帶少少甜, 鍾意食辣既人剛好, 因為唔係死辣. 年糕軟腍入味, 煙煙韌韌有嚼口, 而且唔會一舊粉. 炸雞要黃金芝士, 炸雞都好大舊, 肉質啖啖肉, 但軟滑唔鞋口. 炸雞個皮夠脆, 而且唔會太油. 淋上芝士咸咸仲開胃, 唔覺太飽濟. 主食要炸薯堡, 分別有薯條, 薯角, 薯圈, 薯餅, 樣樣薯仔野都夠脆口, 而且唔會好油, 食左一半都未算好飽濟.主食要栗米, 菠蘿, 金菇, 都係燒過既, 菠蘿好juicy, 燒過特別香口, 食得炸野多食下蔬菜類感覺清新.另外仲有爐邊蛋, 都要等一段時間先熟, 不過蛋好滑.食熱氣野梗係要杯沙冰解下, 要左蜜桃沙冰, 唔太甜, 桃味好清迎, 好

我同朋友都非常喜歡食韓國菜，除左係岩口味之外，聽住kpop 食飯係好興奮既事情！我地每次見面都必食韓國菜。今次見到哩間韓式居酒屋新開不久，一於黎打下卡！晚上7點黎到未見好多食客，大概係新開好多人都未認識，餐廳環境寬敞，見到d烤爐都好干淨。烤肉拼盆有3款，我地較中意食牛所以點左份上牛烤！哇！一上榙見到咁大盆都幾開心，牛肉同蔬菜各有5-6款，好豐富。哩個價錢同份量性價比相當高！薄薄既牛肩肉放上爐燒好快就熟，肉質林又有均勻脂肪，好正！其他既牛眼 牛舌等都好新鮮，食唔到雪味，肉味濃。爐邊蛋更有畫龍點睛既作用，配埋泡菜一齊食超正！另外，仲點左一份芝士鐵鍋飯，好多芝士！撈埋一齊配埋個炒飯底好味道！夏天行到咁熱凍飲係少不了。店員推介哩2杯沙冰-青檸沙冰同覆盆子沙冰！飲一啖已經熟氣全消，飲到有果肉，店員透露杯青檸沙冰用左原個青檸去榨汁嫁，難怪咁好飲啦！今晚食得相當滿意呀，有美食又有kpop 聽，店員既服務都好親切，下次再黎食先！

終於有時間同大家Share番之前食過既呢餐韓國料理4個人入去食  個個棒住個肚走   食得韓國野  緊係要食烤肉喇   我地叫左個 上牛烤上牛烤上牛烤其實有牛既邊幾個部位? 經店員介紹後, 原來有 小牛排, 肉眼, 牛肩胛脊,腹胸肉, 牛舌店員會細心介紹建議進食既先後次序 (真係好細心!!)另一必食既當然係係燒烤鍋邊訪既泡菜蛋喇店員亦細心提示  整個烹過程要25分鐘   大家千其唔好心急呀!店員又提到  生菜上面夜既個片蘿蔔唔係拎黎燒嫁係要黎大家燒牛肉燒到咁上下時拎黎稍稍清潔烤鍋表面嫁另一必食既 緊係食炸雞喇炸雞配搭既選擇亦都非常多元化   客人可以單點一個口味 亦可以簡兩種或者三種份量都可以簡半份或者全份而我地忍唔住  叫左個雙併-全份炸雞- 原味 + 蜜糖醬首先不論原味或蜜糖味 都炸得好脆口當中想特別推介蜜糖醬炸雞  一黎係店員重點推介二黎食落時個配搭非常特別  其實佢主要係Honey Mustard既醬料但係之前味試過   感覺好新鮮!!食得炸雞  點都要有D清涼飲品既   (話哂依家天氣都咁熱麻!!)我地一人叫左一杯飲品我叫左我既最愛 Apple Cider而佢地每人叫左杯沙冰

一講居酒屋，就諗起食日本嘢，食吓串燒、小食，再飲吓啤酒，鋪仔細細，跟廚師互動交流，氣氛熱鬧。最近，無意中聽朋友講晌iSquare有間韓食居酒屋，不過，定位跟日式居酒屋就唔同，但啲韓食定價唔貴，且份量十足，都幾抵食。既然咁推介，就即管走去試試。嚟到就認得個鋪位，因為前身喺家賣薄餅嘅意大利餐廳，原來已經變咗韓國菜館。因為餐廳有賣韓燒關係，所以，內裡裝修非常眼熟，一貫韓燒店格局，圓形不銹鋼枱，上抽式抽風，電油桶櫈，設計務求精簡。餐廳一角牆上放好多手工啤啤酒樽，喺想話俾客人知佢哋有唔少手工啤賣。再者，敢加上居酒屋自稱，酒精類飲品又點會無料到呀！從飲品餐牌所見，日本清酒、燒酌、韓國甜米酒、自家調雞尾酒、生啤、韓啤……等等，多款酒精飲品供應。半開放式廚房，以近年晌韓國幾流行嘅貨櫃車箱餐廳作設計藍本。而餐廳周圍設置多部大型電視，不斷播放韓國MV及綜藝節目片段，對韓迷嚟講自然感覺親切。咁講到食又有咩選擇先？攤開個餐牌，以烤、鍋、板、併作為4大分類，此外，仲有繼續喺韓熱嘅炸雞，以及沙律、飯、湯、麵、小食……等等多種選擇。韓式前菜小食嚟到韓式餐館，大多數都會免費供應三數碟韓式涼菜，浦井亦無例外，每位客人奉

睇開我openrice既網民都應該知道我係幾喜歡食韓國菜既，平時韓式炸雞，部隊鍋呀等等呢D 典型既菜式就食得多，所以我都一直係到發掘緊D新奇既菜式。位於尖沙咀I Square 既浦井，個名聽落似係食日本菜，上黎openrice睇過，原來係一間韓食居酒屋黎既。不過講真，韓式居酒屋我真係第一次聽架咋，平時都係去日式居酒屋多。今日既然可以準時放工，一於同好友兩個黎呢到食飯聚舊啦。呢間韓食居酒屋，除左提供大家都喜愛既韓式炸雞同小食之外，仲有烤，鍋，板等等既菜式。餐廳好大而且幾光猛，抽風系統都唔錯，空氣都算流通，旁人食烤肉都唔怕離開時D衫會一陣味。韓國菜既特色就係埋位坐低無耐，未落單既時候店員已經為你送上各式各樣既小食。今日食到既分別係蘿蔔，泡菜同芽菜，蘿蔔酸酸甜甜，食落好香口，應該係加左麻油，至於泡菜，比想像中唔辣，可以再辣多少少。首先上檯既係麻醬凍豆腐。呢個豆腐往往都係百吃不厭，非常嫩滑，加入麻醬之後入口仲好香，係熱辣辣既夏天食返個凍冰冰既麻醬凍豆腐黎做前菜，真係好開胃好舒服。至於今晚既主角，就係呢到既招牌菜「巨人併」啦。今次黎係因為俾呢個菜式吸引到。所謂既「巨人併」，其實係一個分為4 pa

前排韓潮興起，真係差唔多一星期至少有一次係食韓國野，近幾個月都有退減嘅跡象，所以近排都無咩食韓國野，難得朋友又有食韓菜嘅興致，就即刻搵定餐廳，訂定枱喇。大概8點左右去到餐廳，不過客人唔多，得兩、三枱客，可能係因為平日夜晚，同餐廳位於商場高層嘅角落，所以等都唔洗等就有位坐睇一睇菜單，基本上諗得出嘅韓國料理，呢到都有，主打係韓燒，但係亦都可以嗌炸雞、部隊鍋、炒年糕、人參雞湯等菜式，一次過滿足食唔同韓國菜式嘅願望~落單無耐，員工就為我地嘅烤爐倒上黃色蛋漿，一邊係泡菜爐邊蛋，一邊就係普通嘅爐邊蛋，而呢到係可以不停添加蛋漿嘅，唔洗擔心食一次唔夠。第一輪嘅蛋真係等好耐先熟，要差唔多半個鐘左右，好彩食完第一輪之後，烤爐比較熱，所以之後嘅二同三輪都幾快就熟，個人鍾意食泡菜蛋多啲，多咗爽脆嘅口感之餘，仲有辣辣嘅味道開得個爐，就緊係要食韓燒啦，我地4個人就揀咗上牛烤，入面分別有小牛排、肉眼、牛肩胛脊，腹胸肉同牛舌，其實分量都唔少，價錢亦都唔貴。其中最好食嘅係牛腹肉，薄薄又嫩紛紅色嘅牛肉，放係烤板上面，發出誘人嘅滋滋聲，唔洗5秒，就可以反轉燒另一面，大概燒10秒就食得，唔點醬就已經好好食，咁係因為肉質上乘，

韓烤店喺香港真係成行成市，要突圍而出都難，呢度我就覺得幾就腳，話晒isquare，加上地方都好寬敞，店內裝潢都摩登，食物當然離不開肉肉同肉，呢度有3 款烤拼盤，好簡單想食牛就上牛烤，想食海鮮就深海烤，想食雞牛豬就牧場烤, easy job個賣相都不是只供參考架，幾有睇頭之餘，係可以話夠晒飽，2人的話，一個盤不用加其他都夠了，當日4人行加個人蔘雞湯，一份上牛烤加多一份生蠔，大家都攬住個肚，仲要無限量refill 盤邊泡菜蛋同芝士粟米，無得輸，會encore

今次一行4人去尖沙咀食飯,其中有一個朋友好鍾意食韓國嘢, 咁佢就搵咗呢一間位處於尖沙咀 I Square裏面嘅浦井.餐廳門面餐廳門面望落去好精神餐廳內在環境呢間餐廳嘅裝修唔可以話係豪華,但係十分之舒服, 照片中見到嘅圓櫈可以打開擺放隨身物品,例如手袋,背囊,公事包等!配菜每人都會有一份配菜,內容分別有韓國泡菜Kimchi,白蘿蔔同埋醃製過嘅芽菜.Happy hour 餐牌呢度嘅happy hour 時間係由下晝五點至七點半,或者夜晚九點至到夜晚十點. happy hour嘅餐牌有兩款嘢可以揀, 第一款就係原祖炸雞,而另外一款就係蒲井炸薯堡,值得一提嘅就係happy hour餐係跟兩杯嘢飲可以揀特飲或者生啤!而我哋今次就揀咗第一嗰個原祖炸雞配上蜜糖醬!原祖炸雞配蜜糖醬 呢一個原祖炸雞配蜜糖醬,外表香脆,肉質嫩滑,雖然話係蜜糖醬,但係唔會太過甜,反而芥辣嘅味道會明顯啲!蜜桃冰沙呢杯飲品有蜜桃香味, 口感好清新, 唔會太甜, 冰沙打得好幼細,入口嘅口感好順滑!上牛烤呢一款上牛烤嘅內容十分之豐富, 裏面有: 小牛排,肉眼,牛肩脊,腹胸肉同埋牛舌,而蔬菜方面有金針菇,冬菇,南瓜,青瓜,翠玉瓜同埋

同事話 isquare開咗間新嘅韓式居酒屋，諗住順手farewell 個同事，因為個同事是個住過韓國的韓迷。我入到舖頭，見到有班鬼佬坐係度飲住酒咁，當堂成件事高級咗好多，再一次証明食客其實對餐廳嘅環境氣氛好緊要。 而且呢度嘅裝修都好簡潔，令人坐得舒服，韓燒又唔會成陣味。前菜有3款，分別係芽菜、碎泡菜同埋蘿蔔，本人比較鍾意大返少少嘅泡菜，因為把泡菜切得太碎，令人感覺有點小器呢。呢個和牛盛盒，真係不得了，以為佢好似唔係好多，最後我地四個女仔，燒到中段，已經唔想再燒了，不過每份牛嘅肉味相當濃，而且蔬菜份量都好多下，所以真係唔使額外叫。值得一提嘅係，呢度啲蛋係無限加，大家要嚟幫襯就快，我見過太多話無限加，但開業中段就會收費，或者係加得好慢，但呢度啲侍應生係不停咁問你re唔refill ，完全係好似啲蛋漿唔係佢舖頭。 題外話係：嗰兩舊白色野係白蘿蔔嚟架，可以當擦膠咁擦個爐，唔好用嚟食呀。呢個牛肩肉味真係好濃，而且油脂分佈得很平均，入口即溶。另外，我地仲叫咗個人參雞，因為我想中和一下啲熱氣野。人參味不太濃，但係雞真係好大隻，而且入口相當嫩滑，唔似係平時煲到好老，而且好足料。湯係由紅棗、松子、杞子等

自從學人追劇後，韓國菜自然就成了我的「家常便飯」，每星期一次韓式炸雞更是例行公事，有朋友竟然發現到一間韓燒的居酒屋，真是聞所未聞。平日最愛去 Isquare 行街睇戲，於是就去朋友推介的一韓式料理看看餐牌。想不到餐廳推出Happy Hour的套餐，半份原祖炸雞配特飲/生啤兩杯，只需$138！感覺比單點抵食很多，所以二話不說即時入去試試！喜歡韓式料理的其中一個原因是未下單都已經有前菜，可以醫一醫心靈空虛的肚皮！有基本漬酸蘿蔔、芽菜和泡菜，口味不會太嗆太辣，少食泡菜的朋友都接受到！ 難得會有 Happy hour 時段做到七點半， $138 有小食和兩杯飲品，老實說也實在是挺吸引！特飲或啤酒，兩者之間當然是選前者，因為有最愛的沙冰，用來解渴解辣最正！推薦桃味和覆盆子沙冰，用了新鮮水果榨汁加冰打成，夠原始美味。蜜糖醬炸雞的肉質鮮美多汁，蘸上祕製的蜜糖醬料，真係幾熱氣都吃左先講！網上有人推薦主打海鮮的深海盛 $298 目測都比較大份，二人用剛好吧！而且剛剛吃完炸雞，現在來點比較輕盈的菜式，感覺更好。除了有原隻八爪魚坐鎮外，也有海鮮界的長青朋友：蜆 、蝦和青口，預兩個人會食到每樣兩件的份量。湯底