浦和日本料理 (已結業)

我地食晚上放題,食物如其他人所講唔差~~尤其櫻花魷魚壽司,蟹子壽司,芥辣八爪魚壽司~好滑,好新鮮,而D紫菜都好脆!!而且難得有清酒,梅酒任飲~!值得再去!

非常開心的一個晚上,係我同女朋友拍拖一周年紀念日,之前果日我問女朋友想食乜,佢話想食日本野,咁我就上網搜尋,俾我發現呢間日本餐廳,間餐廳係放題,仲要唔限時間,我就打電話去訂位,訂位時個位小姐好有禮地幫我預約時間,亦有耐性咁聽我既要求,當我地到達的時候,門口個位小姐好快就帶我地入到一個較靜既位置,店內的環境氣氛亦有啲情調,一坐底諗住嗌嘢食,就上咗一碟刺身,原來係送既,幾特別雖然刺身款式唔多,但勝在夠新鮮,特別係三文魚同象拔蚌,之後就叫啲熟食,香蒜肉串腸,好香,好特別芝士焗蠔,雖然細啲,但啲汁超正,又唔流,我同女朋友都叫咗幾次,仲有我至愛既和牛粒,送酒一流最後食埋個火鍋,啲湯底好濃味,正肥牛夠新鮮,今晚呢餐我地大飽口福,我同我女朋友約定下次情人節我地會再嚟食多次

尋日同班朋友係荃灣行街,突然想食日本菜,正當搵緊邊間之際,咁啱接到張傳單,話任飲任食,仲要係不限時間,啱哂我地可以一邊傾計一邊飲酒上到去門口個位員工問我地有冇訂台,我話冇,佢話要等等,以為要等好耐,但好快就有位,仲要係卡位tim~~正!!!一坐低,就有員工解釋點樣落單,仲有頭盤剌身送,但甜蝦只係頭盤先有,有點可惜雖然剌身款式唔多,不過總算新鮮,特別係三文魚同象拔蚌,正食完一輪剌身,就開始叫熟食,有我至愛既芝士焗蠔,啲沙律醬酸酸地,開胃又好味,又唔會太流,叫咗幾輪都唔覺飽天婦羅都幾多選擇,最正就係海老天婦羅,啲蝦真係好新鮮仲有shabu shabu,依家天氣涼涼地就最正肥牛超新鮮去到尾段,當然要叫甜點,啲泡芙脆脆地,入面仲有云呢拿cream,幾好味;香蕉天婦羅,外脆內軟,好特別

無變嘅依舊是無時間限制, 服務態度優良 及 刺身鮮美質數沙律醬夠大手筆, 好酸呀~壽司嘅紫菜還是脆的 飯糰可一囗一粒, 飯粒無痴牙慶幸焗蠔落少了沙律醬, 不過蠔肉只有手指尾咁丁粒 甜品cream puff外脆內忌廉硬硬地, 甜甜好好味

同男友岩岩起身就出街,未食野就去左呢間日式放題,因為我媽咪之前成日去,但我未去過,所以去試下,$178/人 , 因為星期5黎,冇得7:30前走$138/人,我仲要六點未到我就係到等佢開門= ="佢問我有冇book位,我冇book,佢就話8點前走可以6點即入,我就應承左,因為知道食唔到咁耐,我地係第一台客,所以野食黎得好快~但都漏左"卷物"果張單..佢d員工好有禮貌,好nice,一開始教我地落單,問我地飲咩,我坐果位係風口位超凍,但我是但,廢事咁麻煩要人熄冷氣,所以冇出聲,之後叫左個火鍋,煲左幾個字都唔滾,我同男友就望住個煲等下佢幾時滾,跟手有個藍頭髮既女員工講話個鍋咁耐都唔滾,可能係風口位,幫我熄左冷氣啦~但果時都ok多人,我地都冇預佢地會留意我地= ="我地係默默等佢熟,點知佢熄左冷氣,不過佢地食物選擇唔算多,魚生我同男友都唔食,冇得評價,另外見我男友杯凍檸茶飲哂就問佢添唔添飲,total問左4次= =添左4次= =飲到我男友驚..熟食都ok~不過睇埋佢地服務其他客人,覺得佢地服務真係一流~十分抵讚,有機會一定再去~不過希望多d野食選擇.

今日同班舊同學聚會,大家都想試嘢,又睇到"飲食男女"介紹過呢間餐廳,佢賣點係不限時同嘢飲任飲,所以就本住一試無妨嘅心態訂位,去到7點,入到去已經好FULL,好彩有訂位咋!!肚餓既關係就即刻叫嘢食同飲品,依家先發現原來佢地清酒同梅酒都係任飲,咁難得聚下,大家就即刻叫杯梅酒飲下.首先我地叫咗啲熟食,佢既種類都幾多,推介幾款俾大家:芝士焗蠔:初時都怕焗嘢會等好耐,點知10分鐘之內必到,呢個我地order咗4,5次,因為佢混咗啲沙律汁,個味真係超讚隻蠔又新鮮,呢個簡直必食!!!!一口和牛:有咬口,又熱辣辣,唔似外面啲放題咁,又硬又凍,不過略嫌啲汁咸咗少少.七味雞翼:唔會太燶,本身我怕辣,但味道適中,用嚟送酒一流!!天婦羅:佢地除咗有炸蝦之外,仲連外面小見嘅炸茄子同炸香蕉都有,炸香蕉入面有少少溶溶地,但外面好脆,感覺好得意,而且佢地炸得唔太油,讚好!!香蒜腸仔:我都未試過係放題食燒腸仔,直到呢度,呢個我地都ORDER咗2,3次.對啲熟食有保證,之後開始試下啲冷盤刺身:三文魚,吞拿魚同象拔蚌都好新鮮,必食!!壽司+卷物:款食有成十幾款咁多,有個叫香芒卷同軟殼蟹手卷都係本人推介!食到差唔多尾聲.,有

今日同屋企人諗住食日本野 最後決定去浦和日本料理 食 一上到去見到環境唔錯幾舒服! 8點中唔洗等位 一開波佢地送D刺身幾好 甜蝦幾好味幾新先 第一輪叫和食 刺身 天婦羅 黎得幾快 質素唔錯 不過之後D野食月黎月慢 吹單又比D樓面黑面 叫杯0茶都等陣20分中 之後諗住叫杯水都要等 火都黎埋!!! 見到個粉紅色恤3叫佢過黎 見到我都唔理我仲用9秒9既速度離開!當時都唔知比咩反應佢 唯有自己行過去針水 食左咁多次放題都未試過咁比200$食咁既態度! E經冇心情食諗住提早走人!埋單既時候.叫反個粉紅3過黎埋單 佢仲用D好惡劣既態度講野 E家諗起都仲好火滾 我唔明白點解比$黎食野要受氣!我同屋企人既FAMILY DAY比佢破壞左 以後都唔會在黎食

今日一班同事聚餐, 一黎做送了2碟刺身品質勉強, 大家一心想食刺身食飽, 可小弟事前做了功課知道第一張ORDER都快既, 之後會慢, 結果頭2張都很快, 而之後的半小時才來了, 而且中間還漏了幾張, 還好是侍應主動有禮, 飲品很快, 主加收和添, 不好的地方是打邊爐火鍋用料極差, 刺身很一般不值200一位, 最多是150, 整晚坐了三小時只來了6碟刺身, 很失望, 手卷飲太多, 蟹子才幾粒...一卷有半碗飯多可怕, 炸蝦天婦蘿很好吃, 牛粒OK的, 只是牛扒切粒, 章魚燒其實很好吃, 火鍋丸和肥牛很難吃

考完dse 尼d到同屋企人慶功~尼到餐廳~7點50~佢話等等 執埋台就得.但等左十分鐘(本身book左八點)真係8點先有得食~一開始叫左剌生~好快到~ 不過 前菜唔記得上= =仲有 成日漏單~吹左好多次 so sad不過 d野食ok嫁~我就like食泡芙~~ 而且 和牛粒 都好味=]

泥食之前都上過泥做資料搜集,睇到最新一篇食評奇差,都考慮過轉地方食放題但由於佢不限時同飲品任飲,又就腳既原故,所以最後都揀左浦和,因為一大班人難得聚一聚,緊係要坐得耐d由於食過好多間放題,都對放題既食物質數同服務冇咩特別期望(由其係旺角兆萬果d)都係至在大家一班同學甘耐冇見聚下,但今次真係出符意料之外!!!食物推介象拔蚌刺身芝士焗蠔 (order左3轉) 煎餃子一口和牛粒雲呢拿泡芙不過sushi同手卷就比較一般 順帶一提,同朋友們食到中段,發現原來仲有得打邊爐,真係估佢唔到服務方面: 十個讚!!!本人都食過唔少放題,但真係冇一間服務比得上呢道收碟好快,order左既飲品又好快幫你refill番!刺身等左好耐都未泥果時,我地同左職員追單,之後佢同我地say左個sorry,話因為今日多客,所以要等耐少少,同埋會幫我地吹吹單之後唔洗5mins刺身就泥左啦!真係好有效率,讚! 最搞笑係當有垃圾又會用隻夾泥清下枱!不足之處就係坐得比較窄,出入都唔係幾方便,不過呢d都係其次,overall 都唔差既!

尋日個FD生日,我地一行20人去左荃灣浦和食野,因為一早預約左,所以一上到去好快就有位比我地,吾洗我地等,超開心一入到去,未點野食就即刻有刺身比我地食,雖然之後叫既刺身有時要等好耐先黎,但係一問的D服務員就會即刻幫我地跟,同埋服務員都有解釋因為佢地真係好多刺身單,所以先要等耐D,咁我覺得都好合理,服務態度都好好`雖然D食物真係普普通通,但又吾算係難食.同埋我覺得一間餐廳既服務態度係最重要,而呢間既服務真係做得好好!

自上個月朋友推薦這間日本放題，我一直都想帶家人來試試看。本來上個月月中已經想上去試一下，恰巧是星期天，全場爆滿，沒位置留給沒訂枱的客戶了，只好失望地到隔離的泰國餐廳食。前天剛好放假，於是打電話去訂位，反正好久沒和老公和孩子在外進食了！由我一踏進內裡，見到佈置及擺設都不錯，環境優雅。起初食物來得比較快，第一輪刺身、壽司、天婦羅都很快到。肥美的象拔刺身令我一試難忘，白之戀也不錯，芝士焗蠔香口，海老天婦羅超正的！唯獨串燒魷魚鬚味道怪怪的待應時常夾走枱面上的垃圾及清理空碟子，食物才剛放進口，原本的碟子已經不知所終。本人十分欣賞他們的服務，枱面總保持得乾乾淨淨，吃東西時心情也特別暢快。飲品方面，待能會不時為你添加，永不會見到空杯子。另外，原來加少少梅酒入七喜，味道還真不錯！本來以為星期一會比較少人，誰知食物吃不到一半，全場又爆滿了可能因為太多人，第二輪的食物上得比較慢。待應們見到我們枱上沒有食物時，更會上前問一問「是不是有食物還未到？需要幫忙跟一跟單嗎？」告訴他們第二輪的刺身和壽司還沒到，不足５分鐘，食物便開始隨隨送上，想不到他們真的會幫客戶跟單，對比其他日本料理他們的真心服務十分難得！雖然客人

同女朋友鬧左交..諗住哄返佢,佢又鐘意食放題..咁OPEN RICE +朋友介紹下..見到呢間唔錯..遠D同女朋友入黎食都抵啦..如果好食,佢又唔再嬲的話...點知食完呢餐會令到我地關係更加恐劣....會唔會因為呢間野令到我地分手......6點半到黎到.可能早來的關係.人客唔算太多.即刻有位. 本身話明不限時. 但變左2小時.咁平時都係差不多食2個鐘. 心諗夠啦1坐低就話送個頭盤刺身比我地..1分鐘都唔洗就送到黎.. 滿心歡喜以為呢間野真係好得..點知就.... 食完呢轉刺身之後. 每次超過半個鐘先黎一轉刺身...我都唔知我朋友係咪同我有仇,話呢間放題好好味,D相加哂effect..睇落好靚OPEN RICE食評係咪咁多打手...落單都已經寫刺身先..之後先再慢慢落其他野食..點知刺身成半個鐘先到...但係遲過刺身既叫野食都已經到齊..D侍應耐不耐就係你隔離夾走你檯面D垃圾,夾唔係問題..你夾既時候D汁彈到我個碟都係.....仲要扮唔知.....都唔係第1次..第2次彈條羅白絲黎..你個夾係咪真係咁多野彈呀...刺身1D都唔新鮮. 象拔蚌腥到過份... 八爪魚出晒水.. 好似放左係

燒栗米---好味,好香~海老天婦羅--超好味~炸香蕉--真係好酸好怪~芝士焗蠔~~NO GOOD,無咩芝士~個味似蛋黃醬焗蠔~豬骨湯火鍋,湯底好濃,偏鹹左D,不過都OK~熱清酒--味道好似清潔劑,SO就只是飲左少少梅酒--第一杯加冰,開始還不錯,放耐少少,就勁淡,第2杯就叫走冰,正好多,如果愛飲梅酒之人,叫時要少冰OR走冰,會更好~不過佢無時限就算早到,都不怕朋友不夠時間~~呵~~而且佢哋D服務真係好好,不停收吉牒~特別叫ANNIE個位小姐,佢真係好好招呼,我一坐下就主動問我飲咩,同介紹佢哋D食物點落單,就算最忙時,叫佢加飲品都好好笑容~~俾10個GOOD佢~~為做ANNIE呢個服務態度,就算遠在上環返工都會再去~~

經朋友介紹黎呢間試下，是日就帶埋豬仔黎食入面都幾大，不過台同台之間太近，有d迫迫地既感覺金菇肥牛卷比較一般，蟹子沙律好味!!海老天婦羅肉多粉少!!正!!不過炸香蕉豬仔話唔食好過食!!壽司細細件都ok，不過叫錯左櫻花蜜汁蝦壽司由於事情係唔知咩黎，諗住乜都試下，點知係好似蝦米咁既味雲呢拿泡芙好好味!!一口一粒岩岩好!!煎餃子豬仔話足料又夠脆，所以之後又再叫多轉豬仔話要試哂所有放題既拉麵，呢間就話d麵唔夠味我就好鐘意食栗米既~呢個真係好好食!!好重牛油味!!係度都順便講埋，浦和既員工真係好勤快我一拎起兩支栗米諗住影張相，唔夠5秒，佢地就收左隻碟了所以再台係唔會有吉碟同吉杯既!!真係要比個讚你地豬仔叫左2轉，第一轉好快，不過可能焗左好耐，所以係凍既但第2轉，等左一段時間，岩岩焗好，熱辣辣又夠芝士味真係好正!!旁邊o個個雞翼我就覺得偏咸d味夾得好match，舊帶子又大粒，個汁好好味，唔會話好酸岩岩好呢個係每一台都會送既，d魚生件件都好厚，所以好滿足不過唯一不足既就係...冇我最鐘意食既甜蝦以呢度既食物味道同埋服務黎講，真係值得一試既埋單$$370兩個人仲要唔限時，真係唔錯架喇