浦和日本料理 (已結業)

一直知e間野有做放題，一直想食都無去過16號lunch搵食，行過條天橋見到e間的lunch set，比佢價錢吸引左^_^學生5洗加一~~所以就上去可惜去到又無人係出面叫人入，入到去好空..得2,3張枱有人-_-好靜我地叫左豚肉鍋+飯+三文魚手卷雞配拉面+三文魚壽司餃子配拉面+三文魚壽司牛肉配拉面+三文魚壽司個鍋一到就見佢份量好!!!好多肉~~又有2樣菜,茹,豆腐etc個湯冽就有d韓國feel~~~整體都好好味!!!2個人食都得tim!d拉面就普通雞,餃子同牛肉都無咩特別，一人份量但個set有三文魚壽司，真係幾抵!!!+$2有野飲不過最5好係員工都無乜禮貌，又靜,搞到氣氛好怪可能做開晚餐la..整體食物5差,下次會再去的!

早排家人生日,見呢到有不限時放提,由於食前睇過食評,見好壞參半,但價錢相宜就訂枱試下 餐廳環境都唔錯,由於比較早訂位,可以安排卡位俾我地坐 坐低後就有人介紹落單方法,再先有個刺身拼盤俾我地醫肚,呢方面都幾細心! 講下啲食物,刺身種類唔算多,但都幾新鮮,白玉豚同象拔蚌刺身最值得試,但可能人多既關係,點完既刺身都要等大約10分鐘先到 反而佢地壽司同卷物款式都幾多,有隻叫"媽媽魚"既壽司個名好得意,口感都幾爽口幾特別軟殼蟹手卷同大蝦天婦羅手卷最值一試0 因為老人家比較鍾意食熟食,所以和食方面都點得比較多,樣樣都試下先試和牛粒,金菇牛肉卷,芝士焗蠔,青酒煮藍青口同三文魚骨腩,和牛粒半生熟,味道啱啱好唔太濃唔太淡夠入味,食落又無"穌"味,我地Re Order左4,5次,必食!! 金菇牛肉卷味同和牛粒個汁唔同,濃味啲,唔會煮到啲金菇乾晒,唔錯!芝士焗蠔,沙律醬掩左啲芝士味,勝在蠔都算大隻,但食多會膩!青酒煮藍青無青酒味,味道唔突出!三文魚骨腩見枱枱都叫就試下,唔算燒得太乾身,送酒一流 串燒比較印象深刻係雞肉,雞軟骨同腸仔,雞肉同雞軟骨唔會"硬骨骨",腸仔有啲油,但都幾似台灣腸,好味!

曾經食過蒲和係灣仔既分店，明顯地灣仔分店用料比較新鮮。而且灣仔分店既環境都比較舒服，但係荃灣哩間就適合一大班人一齊食，嘈D都冇有怕。 當晚七點半左右到，原本book左八點，但係都唔駛等。一坐低就有個刺食拼盆，唔怕會餓親。

朋友食過灣仔分店，今次試下食下呢間，因為地點對我們來說是比較方便。一星期前己訂位，因為知道好爆。BOOK咗6:30pm，去到唔使等就可以入座。呢間放題最大吸引處是不限時限，唔似其他放題店，火鍋店咁限食兩個鐘，所以我哋可以慢慢食，傾下計，好開心。我哋今日的收費係$178，任飲同任食刺身/夀司/火鍋等。其實都夠食，但朋友話不如加多$60升級到任食埋甜蝦，軟殼蟹，焗帆立貝，花之卷等。反正一場來到，加$60又唔係好貴，於是我哋加多$60，食多好多甜蝦，軟殼蟹，焗帆立貝。呢度環境一般，枱比較逼，但總算ok，又唔係好嘈。d野食都幾好，刺身夠新鮮，炸物香口。最好食係焗蠔，焗帆立貝。值得一讚係呢度d員工個個都好有禮貌，做野快手，反應快。偶有漏單，但同佢哋講咗後，會立即跟番，有交帶，態度很好。總言之，呢間放題，價錢唔貴，地點又近MTR，服務好，值得再去。

返到hk諗住同男朋友出街食個飯，見蒲和又啱啱新開, open rice 又正評，丫～諗住應該都ok唔差la～但一入到去明明仲好早6：30，又好少人，但就比個勁入既位我地，都算，我地叫既野食差唔多將我地叫即份量全部除2，叫10件三文魚，尼得個5件so sad.刺身款式又少，又無帶子甜蝦個d…蝦就得送個個頭盤先有。。。三文魚覺得麻麻，唔夠凍又唔夠新鮮，想食多幾舊都唔想帶子壽司舊帶子又係唔好食，感覺唔太新鮮唯一覺得ok既就係頭盤送個個甜蝦叫ok但d熟飯都ok既～d一口牛肉，1份得個4粒，最大個粒都係半隻手指公咁大。。。芝士焗蠔，見人地隔離尼左個份好似幾大粒咁，點知叫左尼到之後，個殼就好大，粒蠔就勁細。。。 fake 人既d雞軟骨又勁硬。。。d 7味雞翼又勁un鯖魚又燒得唔好食唯一係個粟米ok今次食放題係食到一d飽既feel都無。。。係唔想繼續食落去價錢$178+10%一d都唔抵食呢間野一定以後都唔會再尼呢間野簡直係中伏再中伏

星期日約旁晚致電book 位, 預約了晚上9:00.晚上9:00 到達後, 仍要等位. 約於9:20可入場.每次入單約需等5至10分鐘, 合理.印像中只有少量的漏單.清酒溫度非常好, 蒸出來的酒味非常可口.魚生亦很新鮮, 大片.一口牛肉好味.總括說是非常不錯的放題.

之前見食評見呢間唔錯, 於是走去試下, 由於冇BOOK位, 只得返吧枱坐魚生:冇味, 有隻魚仲食到有D草青味咁, 應該係處理得唔好引致三文魚好大件, 但由於冇味, 食左幾件已好滯, 唔想再食豉油同wasabi都好淡味, 接受唔到wasabi冇味!!炸蝦天婦羅：都ok, 但外層較油燒粟米：幾甜, 但落左太多本身既味牛油, 影響左本身既味一口炸芝士：外層幾脆, 但入面既芝士唔係溶既, 擺左一段時間既感覺牛柳粒：算係唔錯, 肉質係稔稔地, 唔韌香芒壽司：都唔錯, 如果塊芒果d大就更好啦煮青口：係幾大隻既, 但完全冇味同熱度棒棒餃子：難食, 係炸既, 韭菜餡, 但食落入面粉粉地咁, 好奇怪火鍋：由於想食多d菜, 所以叫左個火鍋, 但竟然後來我地主要係食火鍋, 因為佢係禁多野食中最有味既,試左清湯同豬骨, 清湯好d, 豬骨似味精湯總括而言, 所有熟食基本上係冇熱度既, 冇咩味, 同好油試完一次係一定唔會再去, 平時d放題總有幾樣我會encore, 但呢度完全冇唯有可取同值得讚既係服務, 收碟好得快, 會主動執走枱面既垃圾, 問有冇漏單, 禮貌好好! 

放工約了義工導師和朋友於荃灣浦和食放題，這裡食放題與一般放題得2小時不同，這裡由7時半食到10半，正，座位好闊好舒服，並不覺得迫，d食物好新鮮，很欣賞職員的服務態度，服務又誠懇，見到碗內裝滿骨和要求飲品，職員即刻換，最正係友人遲入，班職員好醒目知道便帶銘爺過來，叻! 講番食物，食物好新鮮，有朱骨火鍋，有花枝丸，雞肉和肥牛，而翅身方面有三文魚，吞拿魚、希靈魚和帶子，好食^v^，其他和食方面都好多選擇而且味道不錯，炸蝦天婦羅即叫即炸，吉列朱扒手卷、椒鹽雞翼、鯖魚、秋刀魚、煙鴨胸金菇牛肉卷、芝士年糕、一口牛柳粒、一口餃子、芝士焗蠔好惹味，另外炸芝士味道好特別，而多春魚你叫一條真係比一條用碟仔盛載，窩心! 飲品竟然有冷熱清酒和梅酒，好少放題見到有；唯一改善是壽司無火灸系列，而玻璃蝦壽司原來是海老則稍稍失望，小弟共飲了6罐可樂，今餐食得好飽好開心，每人$207，下次有機會定必再黎!

已經是第二次來這裡了, 以食物的質素來說真的很不錯.便宜不算便宜, 但與其求其墳滿肚子, 倒不如好好的吃.這裡魚生新鮮, 給食物的份量也恰當; 服務令人滿意, 收碟和加水各樣都做得頗足夠.小火鍋底料夠多菜, 正合心意.甜品比較不吸引, 但也是情有可原.地方是不大, 位子也頗接近, 但也會盡量令每一"桌"客人之間有最基本的空間, 感覺很好. 重點是沒有限時, 雖然我都是吃了一個半小時便感覺飽了, 但輕鬆一點, 心情也好一點.

前兩日係荃灣做完野,咁啱係Lunch Time,見呢間浦和價錢都幾抵就去試下!位置好方便,係地鐵站隔離,一點幾坐滿學生同上班族,員工效率都幾快,坐低無耐已經有個跟餐既前菜可以食住先..好!睇睇個餐牌有咩食先!原來佢有分2個餐牌,一個放提,一個午餐..礙於時間關係,我只可以選擇食午餐,下次一定要試下佢地既放提!佢地午餐種類都幾多,有拉麪,定食,壽司,鍋物等等...結果我點左個壽司波定食同另外散叫左幾款剌身..個壽司波定食初時睇落細細舊好似唔夠飽,但其實配埋佢個細拉麪個份量就剛剛好!剌身我叫左吞拿魚,三文魚同甜蝦..都係即叫即切夠新鮮!成餐計埋10%都係$120左右,上菜快員工禮貌又好,下次經過會再食過!

上網見呢間放題唔差, 之後同班fd試下1.刺身呢一個係好大嘅問題你寫幾多塊刺身, 佢每次只係出得幾塊俾你叫40件三文魚, 黎得4件, 我地唔夠分其實d刺身唔係好新鮮, 三文魚d顏色好暗啞象拔蚌有怪味其他刺身都麻麻地新鮮2.壽司壽司手卷都唔錯, 味道ok3.天婦羅+炸物唔係好熱, 只係微暖都係果個問題, 你寫幾多, 佢每次只係出得幾件俾你4.甜品泡芙幾好味, 中間好似雪糕咁, 我地狂叫不過落單叫係無用, 幾次都無黎過, 要同waiter講幾多粒先黎5.飲品嗌左凍檸茶, 佢會不停幫你加茶但凍檸茶勁甜, 好似飲糖漿+茶咁, 飲完第一杯之後會無晒檸味, 好在檸檬可以放題6.服務員工服務態度幾好, 會不停清走垃圾同碟追單又幫你好快追到, 追完轉過頭就有PS: 元貝沙律d菜係臭嫁...

同男友慶祝拍拖週年,見呢間放題網上評價唔錯,又任飲任食無限時就打算試下!由於當日係星期一,諗住唔多人就無訂位直接上去,點知上到去都坐滿人,帶位小姐仲好細心提我地下次一定要訂位,啲位都幾鬆動,可以靜靜地同男友慶祝真係一流!坐低即刻有人介紹落單方法,會送個剌身拼盤黎試左先,仲即刻幫你準備埋飲品,見清酒任飲就叫枝試下,一邊食一邊落單,啱晒行左成日街既我地!佢地剌身種類唔算多,但都幾新鮮!可惜甜蝦只得拼盤先送,無得任食有啲失望!我地叫左幾款試::三文魚比較厚切,唔係腩位但都幾肥,食落口感特別好!男友鍾意食忍唔住叫左幾次!白玉豚都幾特別,食落腥味重啲,但口感油油地,其實幾好食幾特別!另外希靈魚咬落爽口唔算太腥!本身好怕放題食壽司,因為多數啲飲都好散味道唔多好,但呢到賣相同味道都唔錯,仲幾多款可以選擇!例如玻璃蝦,白鳥貝,櫻花魷魚壽司等等...連帶叫埋卷物,白之戀外面層三文魚轉左係立魚,本身唔抱寄望,試完又幾爽口都唔錯!仲有香芒卷,炸蠔反卷都係唔錯既推介!食完生既試熟既::芝士焗蠔,驚好"漏"就先試兩隻!沙律醬味好重,但蠔就幾大隻幾新鮮!食落係想像中咁"漏"之後叫多幾轉,一定要試!和牛粒好"林",

舊同事生日 , 要搵一個坐得舒服 , 靜靜傾下偈o既地方共進晚飯 ,講真 ... 有 d 難度 @@ , openrice 打量一返後 , 搵黎呢間蒲和 , 賣點係不限時放題 , 有刺身又有得打邊爐 , 同埋生日有野送 ^^地點o係荃灣力生廣場 , 好近地鐵站好方便好易搵 , 上到去攞位時同帶位o既女店員講想坐個靜 d o既位 , 於是有個經理帶左我地去睇兩個類似廂房o既座位比我地揀相當細心 , 我地最後揀左近門口有電視o個間 , 寬敞舒適黎之前睇過 d 食評 , 見到好幾個大讚服務o既 post , 難免令人起疑 , 今日到來親身感受 , 果然有別於一般放題我地坐低左 , 剛才o係門口o個位女店員就過黎講解 order 方法除左點心紙形式之外 , 呢度有本圖文並i茂放題 menu ,其中有一張 order 紙就係比你跟返 menu 入面食物編號黎填女店員仲提題我地枱面上o個碗係天婦羅汁而唔係豉油 , 蠻有趣的 =)o係我地揀緊野食之時 , 店員送上一份刺身拼盆 , 然後主動的向我地介紹有咩飲品 , 幫我地落單 , 除左普通汔水啤酒之外 , 呢度連梅酒清酒都係任飲 , 好抵 !!1.

今日同朋友去左荃灣呢間浦和食放題 , 都有幾多野食可以選擇 , 而且好多都即叫即做大部份味道都唔錯 , 由其係燒物同刺身都幾好坐低左一陣 , 會有 waiter 向你講解 order 紙點 tick服務態度幾好 , 上菜速度算係幾快 , 可以慢慢落單唔使一次過交左 order 紙後即刻放滿一台都係碟首先一開始時會有個送o既剌身拼盆 , 賣相好 , 樣樣都幾新鮮 , 三文魚肥美 , 甜蝦都幾大隻仲幾甜可惜無得加碼 , 任食o既剌身較特別o既有象拔蚌 壽司 , 卷物種類多 , 質素都相當唔錯 , 推介有玻璃蝦 , 櫻花魷魚 , 炸蠔卷等等 前菜中點左一份枝豆同蟹籽沙律 , 普普通通啦熱食方面可分為炸同燒 , 另外有 d 日式小食 , 日式芝士焗蠔係必食 , 個醬幾惹味 , 似沙律醬天婦羅中蝦係最好食 , 炸粉唔會太厚 , 蝦身彈牙燒物中我地叫左鯖魚同秋刀魚 , 燒得幾靚 , 秋刀魚比較腥同多骨 , 建議食鯖魚會比較好額外送左個羊架 , 我無到 , 朋友話好食 , 唔太羶而串燒亦都係即叫即燒 , 當中七味雞軟骨同鱿魚最好味較特別o既係有一個用煙肉包住粒車厘茄黎燒 , 都唔錯o既最後上o既係一

本來第一次寫食評, 應該寫d開心經歷, 但係香港雖然係美食天堂, 無奈你總有機會遇上一d伏gei餐廳 星期日同朋友去左行山, 之後出返黎荃灣搵野食, 一向知道荃灣好多美食, 所以滿心期待...上openrice搵荃灣區放題, 滿屋就一早full booking, 見到呢間灣和評價都唔錯, 而且一book就有位, 所以開頭都好開心入到去個女侍應好細心為我地講解點樣點餐限食兩小時 6點至8點飲品飲品任飲, 有冷熱清酒同梅酒, 平時d放題冇呢d架, 所以叫左黎試下~都ok啦~但係朋友叫左橙汁(係芬tat o個類橙汁), 佢用杯上, 勁大舊冰, 搞到好淡... 佢仲會自動幫你添飲, 其實我想同佢講唔使添喇, 飲茶好d....朋友想叫凍0茶少甜, 冇得少甜, 又係勁大舊冰, 好gei地方係佢真係有兩片檸檬...刺身、壽司佢話會送一小盤刺身(我心諗:不是放題嗎?) 原來餐牌上係冇我最鍾意食gei甜蝦架!!! cry 但o個盤送gei刺身有, 甜蝦一人一條>_<""""佢刺身選擇唔算多, 有三文魚, 吞拿魚, 玻璃蝦, 螺肉, 仲有幾種魚...佢d刺身係好厚切, 但係質素一般乍~三文