浪漫館橫浜 (已結業)

行新商場, 周圍到咁多人等位見呢個唔需要等咁耐, 試下啦地方超細, 好逼. d人講野超大聲. 好嘈. 唔知係唔係太細, 所以困聲啦坐係路中間2人位, 2旁係走廊. 好彩唔駛聽到隔離人講咩野待應手腳快, 不斷加水, 加菜炸豬扒好油呀, 未吸乾d油就上碟@@個豬柳包太少汁, 有點乾但皮都超油, 好在有菜同蕃茄一齊食就無咁油值得讚係個甜品, 鐘意食朱古力人可以留肚食呢個雪糕可以食多轉

是日友人即興約食飯,本來是就我而去朗豪坊的,但那裡找不到心水食店,反而i square呢,她就有幾間想吃的,反正我未曾在這商場內開過餐,於是舉腳贊成,既然友人有點點想試這間食店,於是就來了...吉列大蝦拼廣島蠔定食--白飯及椰菜絲是任添的,首次跟定食的飯,只屬微暖,而且份量極少,之後追加的,反而又大碗又熱辣辣的,幸好可以任吃,不然那個份量,一個人吃也未能滿足蠔的外皮很薄身,有吞蠔障礙的我也試了炸蠔,可能是炸熟了,沒有滑嘟嘟的質感,所以這回也成功地吃進肚子,蠔的味頗霸道,我仍在適應期當中,蝦算大隻吧?可惜肉質較死實,彈牙的質感大大減低了.北海道帆立貝牛油燒--無懼近日帶子有毒的新聞下吃了這個,帶子份量不多,亦不大隻,可幸是頗滑身,不會煮得過熟,粟米及洋蔥炒得香香的極惹味,伴著少許醬汁和著飯一起吃,一流!

吃過K11內的"梅林豬"。與之差不多同時面世，於iSquare裡面的"浪漫豬"，試問又怎會錯過 ?點吃的同樣是吉列豬柳定食。麵豉湯、椰菜絲、醃菜前吃小食等等依然齊備，跟在梅林遇到的相差無幾....未吃正餐，凍檸檬茶竟搶閘登場，次序有少許混亂，不過外頭天氣大熱，先喝口冰凍飲品，給喉嚨清涼一下，也是一件好事....反而很欣賞寫着店裡自家品牌名稱的杯墊，很可愛漂亮....是日下午人流不多，不用等很久便有得吃。先呷一口湯，味極鹹，沒帶鮮味，喝後喉嚨很不舒服，令人眉頭大皺....再看眼前的那碗白飯，不是樣子呈圓粒的日本米飯，看上去沒甚光澤，黏性不強也欠米香，跟湯一般，同屬失敗之作....椰菜絲切得相當幼細，值得一讚；份量甚多，光吃已飽了三分一了。醬汁是帶強酸的醋汁，令人頗開胃的，也可消去吉列東西的膩滯，蠻不錯的idea....主角的吉列豬柳又如何 ? 看上去似乎外層的麵包糠很厚身，油亦多了點，而且有一兩件夾起來是皮肉分離的論炸功，這就絕比不上梅林的；但豬柳本身生熟程度控制得挺不差，肉還帶些粉紅，質地甚嫩且保留到肉汁。這看來又比對手勝一籌的....論醬汁及米飯等各款，"梅林"是較可取的；但豬柳卻是

平日的isquare很清靜，尤其是下午四五點時，餐廳都只有少量顧客。想吃下午茶，甜牙齒發作，想起這裡的甜品不錯便來重溫一下：）芒果乳酪雪糕新地－這個是去年來吃的，承接著froyo潮，面層的乳酪雪糕帶微酸，質感頗滑，比起YoMama的較軟也較易溶。淋上了芒果醬，旁邊還有粒粒芒果和奇異果，味道帶點微酸，不過生果新鮮，跟雪糕吃平衡了甜味：）雪糕下有豆腐布丁和白玉，布丁豆腐味濃，滑滑的很好吃，白玉煙韌，幸而芒果醬充足，令白玉不會沒有味道。總體來說這甜品很清新不錯今次點了：朱古力雪糕芭菲－這個是男友點的，面層是雲呢拿軟雪糕和一球朱古力雪糕，兩種雪糕也充滿奶味，尤其是朱古力雪糕，朱古力味很濃，不像本地的出品。不過軟雪糕跟乳酪一樣比較易溶。底下有朱古力星星和蜂蜜蛋糕，還有一層乳酪雪糕，乳酪雪糕無論味道或質感上感覺跟軟雪糕都不太配，但分開來吃都是很美味。士多啤梨乳酪芭菲－乳酪雪糕水準依然，奶味充足，淋面的士多啤梨醬提升了甜味。生果配料有士多啤梨和藍苺，味道酸但新鮮，還有煙韌的白玉和底下的豆腐布丁，杯底也有不少士多啤梨醬，令吃到味道清淡的白玉和豆腐布丁時，也不會感到淡然無味，整體吃起來還挺滿意的：D也提

這店開了不久已經來試食了, 現在補回食評.同一時間有兩間新的日式吉列豬扒專門店出現, 對於貪新鮮的我當然要試試啦, 先試這間, 稍後再試另一間 "梅林". 可能是新開不久的原因, 客人不算多, 環境頗舒服~兩個人祇點了一個極品吉列豬扒定食, 另外選了吉列豬柳手工夾堡套餐, 秘製番茄沙律和一個帶子沙律.極品吉列豬扒定食 - 炸皮夠脆, 夠薄身, 緊緊貼著豬扒, 唔錯. 肉質感覺不到極品, 肉汁不算多, 普通水準. 椰菜絲 OK, 幾清甜, 用來中和熱氣的炸物, 唔錯~吉列豬柳手工夾堡套餐 - 麵包好軟熟, 夾著脆口的豬柳、生菜、蕃茄和沙律醬, 味道很配合, 香脆乾身的豬柳給生菜和蕃茄的水份滋潤, 再混和 CREAMY 的沙律醬, 口感出奇地夾 秘製番茄沙律 - 清甜爽口, 但和坊間的溫室番茄沙律沒有大分別, 感覺不到甚麼"秘製"...帶子沙律 - 帶子算大粒, 沙律菜亦夠爽口, OK~飯後來一杯日式咖啡, 好滿足

「浪漫館橫濱」內部環境，地方不算大。但聽人講，暫時去食都經常性不用排隊。是日(母親節)下午三點三去到，只有兩檯顧客(不計我)。芝麻磨碎後很香~沙律汁只得一種，質地也太單薄，太稀釋!不夠強烈!豬排/豬柳汁就一般貨色，沒甚麼特別，也不太差。我點的是「極品吉列豬柳定食」(HK$136，仲要加一，埋單即HK$150)。因為他們還沒有散叫的吉列，如單叫一只吉列生蠔或吉列蝦，我又吃不下「兩個」定食，是次只有先試My Favourite: 吉列豬柳。吉列豬柳外脆內鬆化，鬆軟的豬柳肉中還帶有熱辣辣的肉汁!(吃吉列就是要親熱吃!!!)可惜略嫌吉列皮脆粉不夠平均，以致有地方太厚變得有點過硬。珍珠飯ok，吃了兩碗。耶菜絲嫌切得不夠幼細，有時還會有耶菜「塊」出現...不過都加左一次菜。單就「豬柳」來說，算是上品，而且絕對好食過「梅林」。但是就因為那吉列皮，還是給cwb的「吉列專門店」比下去了。但我相信，如果可以保持水準，來日可以再試其他菜色。

We ordered 吉列豬扒同吉列蝦, the taste is just pass, size rather small.rice and vegetables are unlimited refilled. I'm disappointed on the sauce for the vegetables. There's only 1 choice and taste so-so.We sit long there and found the waitress skip to refill for us... So bad.Overall speaking, the quality and service is just pass. I'd try another restaurant when I visit iSquare

I have heard good things about this place and therefore, my husband and I decided to try it out after a movie at i-sqaure for a tea time snack.We ordered one set with pork chop sandwich and one side order of chicken fillet sandwich. Both were of high quality with their homemade sauce (the Japanese dipping sauce and mayo with relish mixed together) and nice thick slice of tomato. I was more impressed with the pork chop sandwich though as it is not dried at all and it's very tender for pork. The

回南天日子，忙了半天後，雖然餓卻又無甚胃口，想找些輕食又順道整理手頭上資料，打量附近幾間餐廳，比較有興趣的不會是賣近$70的健康韓式漢堡，又或消費不平的錦Don，而是想試已久，待運作上軌道才去試的浪漫館橫濱。套餐約十分鐘奉客，較預期早五分鐘，棕色大碟面上是小籃子盛起的吉列豬柳及一碟炸薯條，而茄汁亦是隨餐以小碟附上，非美式連鎖店般一支HP任加的自助演繹。吃得滿意的吉列豬柳，唯一不好是日式燒汁上菜時已淋在豬柳上，時間一久豬柳就不欠酥脆，下回來的話，該走汁，而薯條是原隻薯仔切片而成，連皮薯條雖然不夠香脆，但薯味幾好的，是幾有誠意出品。更多的精美三文治分享＠http://foodxfile.blogspot.com/2010/04/tea.html

都是衝著這店的店名來的，為的是要看看她有多浪漫。是日吃lunch，我倆都是點了這裡的名物手工夾漢堡，分別是吉列豬柳及吉列大蝦。先來的是吉列豬柳手工夾漢堡，擺放得整整齊齊，很吸引。麵包有烤過，很香脆。豬柳沒有想像中juicy，不過配上其醬汁，倒也不太差的。薯條炸很剛好，香脆又有薯香。吃一個餐也很足夠了。吉列大蝦手工夾漢堡也不錯的說，蝦雖然不是特別大，不過也爽口。餐還有一杯飲品，男友當然選咖啡，看樣子不錯，但男友說只是一般啦。我的凍檸茶完全是很淡的茶味，只是用來清除膩的感覺罷了。是不錯的一間店子，很有日本氣息。

同事推介,即管來試下啦.一看menu,幾本上每個套餐都要100元以上, 都幾貴啦.不過同事推介炸豬扒,點都要試下0既.安全起見,叫了個滑蛋豬扒, 因為通常都唔會唔好食. 結果...也不錯.另外,還叫了一個炸豬扒套餐. 一咬下去, 真係好脆, 好得, 又唔油.....阿.....還有之前磨的芝麻, 磨果陣時真係好香...不過, 加左佢d醬油後, 已經冇乜香味了. 一d都聞唔到.之前比佢地安排0係路中心坐. 一d 都唔舒服. 好彩之後有人走, 就不用坐路中心了.回到公司同同事講我去了. 還比人話我浪費.....因為我食滑蛋豬扒.一d都體會唔到佢豬扒好食的地方喎......

呢間野其實又唔係好差, 只係同樣價錢有更好選擇, 點解呢:我地叫左吉列豬扒同吉列蝦味道唔算差, 但..好細份湯太淡飯唔夠香, 冇添飯o既沖動沙律汁只得一種, 而且唔好味環境太光, 冇放音樂, 坐o係度o既感覺有點hea如第一次食就係食佢, 我會覺得好正會好開心但係食過o既係X吉, 有比較之下, 真係win幾條巷當去試新野都ok o既, 只係冇驚喜下次都係再試新野or 返返去X吉

一直以0黎都想去呢間橫濱浪漫館好耐0架喇~因為本人曾經去過日本留學, 好懷念呢D日式西餐廳0既感覺~我覺得無論環境, 0野食都唔錯~今晚叫0左一個吉列豬扒同雞扒餐~豬扒真係好好食~!!!!!!!好鬆脆~而D味噌湯都好足料, 同街0個D水到好似飲清湯咁0既味噌湯完全唔同~不過雞扒就有小小失色喇~唔知係咪俾個汁搶0左味, 好似淡0左D~而D staff都好nice, 耐不耐就走埋0黎加茶同問我地加唔加椰菜~我同男朋友細細聲講話冇牙簽0既時候...個staff聽到仲好快手拎0左俾我~我覺得overall呢個晚飯算係唔錯~重點係個豬扒真係好值得一試~!!!!!

睇戲之前，唔想週圍走，見呢間門面唔錯，就入左。入黎之前都知呢間其中一樣賣點係女傭服，咁成班人就自然比心機咁去望。「呃，件衫好似無洗咁，袖口度黃黃地...」「你望唔望到佢地著乜野鞋﹖係Coverse﹗我諗日本唔係咁嘛﹖」成檯人好似玩Photo Hunt咁，逐度逐度咁提邊處唔對路，果然係一班資深宅男。服務又無其他食評講得咁差，不過真係堅唔夠人用，兩位妹妹睇晒成場，件衫重要唔係好合身，真係辛苦晒。食物又點呢﹖個人認為係中等偏近難食的地步，炸豬扒最多只能講合格，咁佢起碼炸得唔油既，不過塊豬扒乜鬼味都無，諗住蘸少少豬扒汁啦，都係無味。而堆椰菜亦都的確係苦既，呢個問題似乎已經成為間鋪既特色咁喎，人人食完都咁講都唔換，特登架。我諗最多只會去一次。

本人第一次寫食評,因為今次實在忍唔到 之前睇食評都唔錯,諗住一試啦~!! 可惜令我太失望,以後都唔會再去1) 叫野食果陣個場都冇員工,等左好耐仙叫到食野.2) 好清楚咁叫左6樣野,最後黎得4樣,個服務員根本冇心聽. (最後仙舍)3) 開始食冇幾耐就LAST ORDER ( 可能呢間野收得早啦,時間只10點正),同佢講冇野再叫啦~!! 轉頭即刻比張單黎 大佬呀~!! 我都係剛剛仙開始食,洗唔洗咁趕時間呀~!! 第3點本人極度不滿.....不滿.....不滿