海寶漁港 (已結業)

海寶漁港, 屹立於淘大已經數年, 每次也是怱怱路過. 之前聽友人說晚飯水準還不錯, 所以今次決定前去一試究竟.星期六, 適逢下午茶時段, 就算拿了籌, 也要站在那個又熱又焗又迫的門口等位. 一站就半個小時, 等到十分不耐煩, 問門口登記姐姐叫籌情況時, 換來連番不大禮貌的回應. 正想離去時, 那時候才有位, 不過還要是要搭枱. 兩老已經又餓又攰, 不想他倆再呆站, 搭枱就搭枱啦! 安坐後, 二話不說立即落單, 希望快點有得吃.最先來的是燒味飯, 單拼價$18.8. 點了义燒飯和燒鴨飯兩款. 义燒幾乎是全瘦, 入口帶點蜜糖味, 但可惜燒得不透, 大大影響了味道; 白飯偏硬身, 不夠熱, 微暖而已.燒鴨飯的情況和义燒飯差不多, 也是燒得不透. 不過起碼有點肉可吃, 不像快餐店的茶餐燒鴨般, 多數都是全肥或者全骨, 無肉可吃.鳳爪排骨飯 $11.8:  排骨用鬆肉粉腌過, 吃起來沒有豬肉的質感和味道, 還有陣陣的雪味, 是近來吃過最難食的一次.山竹牛肉 $13.8: 牛肉尚算滑, 不過外層的腐皮卻少得可憐, 還蒸得有點"溶溶爛", 影響賣相.燒賣$16.8: 說是"皇", 但只有一般燒賣的大

"二人同行，一人免費"這口號喺健身廣告聽得多，點會想到打邊爐都會有如此優惠呢！冇錯，所講既就是這家似做街坊生意既海寶漁港，打正"四人同行，一人免費"既旗號，折實埋單每人平均只需$96，百元有找，仲平過日牛等火鍋放題，而且任食兩小時，見咁抵，就即管嚟試下啦！初時諗住咁平，大家冇乜期望，諗住食味不過不失已偷笑，誰知... 真係不得了！火鍋湯底一般，但啲火鍋料真係估你唔倒咁好味，黑椒牛丸大粒得來黑椒味夠，牛丸亦實得嚟彈牙，不會像平價食肆的將貨就價俾麵粉丸你食；墨魚丸亦一樣，彈牙又咬到墨魚粒。芝士腸亦唔係雙X牌嗰啲唔好味既貨色，而偏向金妹爆醬既芝士腸，讓人吃完一條再追吃，正！而且雜丸不是一堆亂砌咁上枱，而係排得整齊，亦不會計住計住每人一粒咁小家，又讚！肥牛賣相屬一般，但牛味夠，肉汁連同湯汁充斥口腔，每人連掃兩碟都冇問題。海蝦也可以任點任吃，肉質彈牙，唔脢，亦是新鮮回本之選。全晚唯一要彈既係嗰紮金菇，睇相見倒佢黃"禁禁"就令人覺得唔新鮮啦！所以我地都唔敢放入湯度。整體嚟講，一百蚊都唔駛既任飲任食火鍋，唔逼人，食物質素唔錯，真係抵到冇朋友，冇乜地方可以食倒，希望海寶keep住個質素，下次再烚過痛快

海寶漁港食物質素 GOOD 當日是我的父親生日, 由於預先留位, 所以不用等太久. 當各人到齊, 便可以上菜. 第一味是全體乳豬, 因為是小型乳豬, 所以特別嫩滑香口, 色澤金黃, 入口即溶. 很快便一件不留. 到第二道菜是炸蟹蚶, 一看令人唾言三呎, 很想把它吞進入肚. 第三道菜是鮑魚扖雙蔬, 又大又好味的鮑魚, 令人回味無窮. 第四道菜是菜胆魚翅, 香味濃郁, 多材料, 配料多., 值得稱讚. 跟著是炸子雞, 多汁又嫩滑. 最後是水餃和福建炒飯, 這些都是一般的口味, 沒有什麼特別. 糖水紅豆沙和壽包是我的至愛. 總括來說, 海寶漁港食物質素 GOOD, 無語倫比, 這間食店是我食過許多間最好的一間.

放工後到淘大買少少野先回家, 見到此店有小菜外賣, 買左一盒涼瓜班塊回家加料.一盒小菜都係$26份量都算多都叫優惠.見到小菜選擇都唔少樣樣賣相都唔錯涼瓜班塊仲加少少枝竹, 可惜這盒小菜真係唔多得.涼瓜好似未炒熟咁枝竹同樣帶點硬, 又無豉椒香味所有材料似係水灼後就再炒一炒就算咁, 完全唔好味.

之前都有去過幾次，今次發覺個黑衫經理態度真係差到爆,2個人去食下午茶一去到個黑衫經理就比張搭枱位我地，但係根本就有大把位無人坐我地就唔理佢,話要坐張無人的，佢就即時黑灑面感講話一陣有人都要搭，我心想:感多位無人坐，有咩人呀之後到我地食食下，條友突然走個來執張枱另外個兩個位d杯，係突然走過來放杯，放果時勁大力，整到勁大聲，分明就有心，重黑口黑面感望過來都唔知點解佢禁大個人，做d行為感幼稚，重要係黑衫經理，員工態度差都話可以找經理反映下，但佢自己就係態度最差果個，真係無下次ps:之前係度食過佢地晚上個咩任食火鍋，質素勁差，我覺得係差到唔值佢個價錢

今日竟然連續摸門釘2次來開土瓜灣,因為妹妹搬屋要換鐵閘,記得以前我們用開的那家店舖就在紅磡,於是過來想幫妹妹拿些資料,怎知去到找不到,明明前一陣子坐車經過還在的之後想去食甜品,來到差不多2:00pm可惜店舖還未開門(後來才知道他們每日都是3:00pm營業),真是有些失落,雖然同媽咪有少少肚餓,但我還是決定回九龍灣食,媽咪最喜歡飲茶,落車後這間最就腳,不過人多仍然都要等位下午茶時段,大中小點心一律$9.8,我當然全部選擇大點羊城鳳冠餃~~形狀真的幾似鳳冠,餃皮精塋通透,餡料有蝦仁,西芹,紅蘿蔔,味道清爽但面層橙色的粒子,食後還是不知道是什麼東西腐皮千層夾~~層層的腐皮,夾著薄薄的蛋漿.味道清淡,腐皮軟淋羊腿鴨腳扎~~起初以為有羊肉,原來不是,鴨腳瘦小,味道一般北菇雞燒賣~~還是傳統的燒賣好味些鮑魚雞球大包~~包的確夠大,包皮唔太鬆軟,餡料多但味道麻麻,主要是豬肉,椰菜,少少蝦仁粒,香菇,至於鮑魚,不太覺有,但又食到有它的鮮腥味

新一年第一帖 估唔到第一餐係寫打邊爐...其實原意來到九龍灣都係隨便搵野食,行到去淘大個邊發現好多唔同型式既食店,搞到我都心思思, 又想食pizza意粉,又想食扒,又想食韓國野,又想食壽c....行呀行諗呀諗..最後俾我經過呢度...發現有任飲任食打邊爐..當堂改左主意,因為咁凍打邊爐好正. 而且分時段唔同價但都係任飲任食而且包埋茶介加一!都ok多人一齊等位,但2人位就快d,所以10分鐘到就有位,入到去間野原來都幾長,一路伸展入內都幾誇張下. 侍應安排左卡位俾我地坐,卡座沙發得來而且有電視,雖然冇聲但好清,真係好正,可以一路食一路睇電視,而且每個卡位都有.叫野食唔係自己出去拿 而係好似點心紙自己寫..後來加茶既阿姐提我地,寫多d好因為每碟都係好細,而且唔會俾足...開頭都唔信所以全寫1,點知d野食到左後就信..墨魚丸 4粒,水餃 4隻,肥牛4片,鵝腸 粉腸正常, 其他都係幾粒幾舊... 所以都畫左幾次單...鴛鴦湯底就幾大煲,沙爹湯味就唔重 但勝在醬油配料自己搞...落左好多蒜蓉同炸蒜非常香...但搞到成口都係個d味份量味道雖然都一般 而且選擇少 但都到左合格水平,坐得舒服同有獨立電視

星期六慶祝媽媽生日想食火鍋，係ｏｐｅｎｒｉｃｅ見到價錢都ｏｋ所以試下，一早BOOK左５位８：００ＰＭ火鍋，我地８點鐘去到攞位，知客話未有枱要等等，等左大約１５ｍｉｎｓ後再問知客幾時入得，她只話有枱賣緊單就有枱，咁都算照等，但比我地見到佢比左Ｂｏｏｋ８點１５分個客６位入先（而且他係遲過我地到達的），我地問她點解比後面ｄ人入先，她便黑哂口面唔答我地，我地最終等到８點半才入到去食，其實等唔緊要，點解ｂｏｏｋ左位都要等咁耐先入得，咁早ｂｏｏｋ位黎做咩？而我地最嬲係遲黎的人就可以入先，真係好有問題。食物方面都ｏｋ，唔係好多款揀，不過呢個價錢黎講都可以接受，叫極都冇人幫我地加水，下次唔會再去。

可能係平日，菜色選擇方面，比節日已經多左好多3個人叫了一個$228套餐斑仔1條 肉好韌，蒸過火燒腩1碟 約15-18件(唔記得)但每件只係約1cm x 1cm x 3cm，兩件一口都得珍菌煮時蔬 點知係娃娃菜另叫了一隻鹽焗雞$58一般啦！但略細隻囉！再叫了3 個白飯但埋單要$385？？吓！質素好一般咋喎！條數係咁計228+58+24(三個飯)+30(茶錢)+10(餐前小食)x1.1(加一)=385餐前小食無得取消，焗俾但最火係，佢俾咩茶我咁巴閉呀？要收$10/位呢間簡直係謀人寺，大家千祈唔好再做水魚俾佢劏等執吧！

可能今天是星期四吧, 8時左右入去仲有好多空檯環境環境ok, 乾淨食物叫左個$1400左右嘅餐. 沒有什麼特別好吃, 雞有血, 食物一般偏鹹同多油 價錢算低但食物一般. 一分錢一分貨, 可以接受服務態度正如有些其他食評所講, 一個字: 差真的很久沒有遇過這樣的服務態度.我們叫左個套餐之後, 我的家人好聲好氣問那個穿黑色西裝類似部長或經理的男人, "有冇野飲o架".那人用不好的態度說: "叫咪有囉".鬼唔知叫咪有囉, 我們叫左個套餐, 咁就梗係問個套餐有冇包埋啦.就算係冇都可以同我地講"個餐冇包要另外叫".咁都唔駛用咁既態度同我地講 "叫咪有囉"今時今日咁既服務態度, 真係唔掂!! 那人走了之後, 我就話Open Rice 有d 食評都話呢度d服務態度好差.(今晚是我的家人指定到這裡吃飯)唔知係唔係比佢聽到, 之後d服務態度又好左好多.總括o黎講我唔會再到這裡吃飯

兩條友22:30去到，冇乜人，好多檯，女待應帶位，表明來意打邊爐，第一個反應好似唔多想做。講明23:15最後落單，24:00打烊。照食個半鐘快食又點話丫。食物類形都係大眾一般既，但質素和份量係得既，$78.-連汁醬、辣椒絲都係任食，係有驚喜，一定會再去.驚喜係$78.-任飲任食可以食到呢d質素既食物，唔係有乜特別食物比你食到明碼實價果度好嘛！！一定好過尖東德興！！！缺點係收得太早，24:00打烊！！尋晚得三、四檯客人，但唔識自動自覺加水另外係冇竹蓆水飲。(個人意見，有埋更好)順帶一提，新場幾個月，環境企理..牆邊位每張檯都有獨立電視機。

同傻baby睇完戲打算食餐勁既,於是決定打邊爐去到要等位,等左15mins度就入得啦~入到去坐卡位,幾舒服!仲有獨立電視,不過有影冇聲=.="叫左鴛鴦湯底,沙嗲同清湯~我地叫左肥牛,雞,丸類,豬腰,豬肝等等,質素唔差,過得去~我地食到超飽!值得一讚係有別於一般酒樓,呢度好乾淨~

好失望, 好失望~ 第一次黎到呢間酒樓食飯~ 估唔到仲有呢d服務態度~ 成件事係咁既... 我地一行四人, 比左張宣傳餐單比我地睇, 仲係咁推介我地食呢個"賀端午優惠套餐"四人用, 又話好抵食, 仲有張粽券送... 結果我地就叫左呢個四人套餐~ 起初都冇乜野, 飽參肚翅, 花姿片, 蝦伊麵, 走地雞... 都逐一送上, 奇怪既事就黎啦, 有個著黑衫既待應 / 部長 (何xx)走黎同我地講:"冇晒石斑仔, 我地同你換番個炒斑球...", 我地話:唔得~ 因為個價都唔同啦, 仲有你地碟雞得半隻, 張餐單完全冇註明...都未講晒, 點知姓何果位先生, 完全無視我地既投訴, 又唔解答我地, 只係話條魚佢會做番比我地... 又話冇石斑仔, 咁佢點做比我? 直至條魚蒸好送上為止, 佢都冇走番黎同我地解說... 送魚黎果位係第二個黑衫小姐, 我地同佢反影番件事, 話佢地張宣傳單下面寫既三個餐都有註明一條半隻呢d量詞, 正正只有我地果個餐就冇寫, 好誤導人~ 點知個黑衫何生又沖埋黎只係講左句就帶埋黑衫小姐即走"我地同你上番條魚了", 個局面就係我有我向度講, 但係佢就走開左... 佢係點樣對客人既?

今晚ot到八點多,同同事懷著肚餓的肚皮及疲累的身軀在附近食餐飯!!!!這間餐廳九點後有特價餐,有十多款菜式都係二十八蚊,我地當然不會放過啦我地叫咗:菠羅咕嚕肉 - 賣相不錯,咕嚕肉脆口多肉,汁味酸度剛好沙彊雞(半隻) - 雞比較細,味淡,但肉質不太鞋金銀旦莧菜 - 皮旦及咸旦切成一粒粒,莧菜比較硬可能大家都肚餓,所以都將食物掃清光

星期六去左飲茶, 見到menu有個套餐$98有多款選擇, 所以2個人就叫左個套餐內既鮑魚雞粒石頭飯+4款點心(芝士蝦春卷, 燒賣, 葡汁鮮竹卷&菜苗餃)點心之中我個人最喜歡係個蝦春卷, 脆卜卜入既既蝦都好好味又大粒...至於葡汁鮮竹卷都係得個名, 來到就係普通鮮竹卷無咩葡汁味至於個石頭飯真係好得, 好熱令到好多飯焦好香, 不過如果少d油會比較健康同埋唔會太油膩.不過以$98真係十分抵食.