海景粵菜廳

营业中

休息中

十月的某個星期日同太座外家阿姨一家到長洲玩, 一落船要先醫肚, 所以作為地胆的表妹夫帶我們到華威酒店午餐, 本來話去普通的地踎飯店食午餐的但因怕我等城來的不習慣那些衛生環境,始終還是安排我們到酒店的中菜廳飲茶, 從來只在外面望過這酒店而沒有進來過, 今次是首次,環境: 一般80年代的格調午飯時間的陽光從外面反射進來, 室內光潔明亮,點心: 全部都很合乎標準(80’S), 尤其是餃皮, 我們要了幾款不同類形的蒸餃, 各自做出每款不同特色, 餡料全都用料正確, 飽皮也很細繳, 油炸點心雖然只點了咸水角亦是超班之作真的估唔到來長洲會遇高人,服務: 可能同城裡的比較會稍為粗支大葉,但郊外離島少少未達標準可以原諒!

又到聖誕, 我同老公決定去長洲華威酒店渡假, 住左一晚, 房租包括自助早餐\ + 晚餐\...環境：擺\設都頗有聖誕氣氛, 每張台都有一份party favor禮物哄小朋友味道：菜膽翅- 算足料, 唔錯, 味道唔太鹹頭盤- 2款沙律好似單調左少少, 不過都幾新鮮, 至少唔係罐頭食物; 我老公飲左忌廉湯, 味道夠濃, 唔太鹹, 都ok熱盤- 個人比較喜歡白灼蝦+ 花姿片, 因為夠新鮮; 黑椒牛仔骨幾惹味; 上湯菜心夠清, 唔肥膩; 老公話焗蟹好味幾香; 我0地兩個都無食飯+麵+牛尾; 至於火雞, 一早知道肉質係鞋口, 不過都唔會鞋口到好似柴皮咁, 唔錯, 食物都添得幾快, 唔驚無0野食甜品- 有紅豆沙+ 水果+ 布丁, 紅豆沙好甜, 少吃為妙; 水果有火龍果及西瓜, 係唯一食得過0既甜品; 至於布丁...真係唔好提, 黃色芒果布丁竟然得甜味而毫無芒果味, 嚇死人...服務：ok, 收碟快, 侍應有禮貌抵食：老實講, 呢個dinner都係因為房租包埋所以先至食, 如果照正價HK$268就唔好食啦乾淨：ok, 餐\具都清潔

早前入住華威酒店，清早在露台享用美式早餐。非常豐富。次日利用早餐卷到酒樓吃中式早點，一到酒樓見到很多長洲居民，心裏已知是好嘢。結果不失所望，份量OK。真是值得推介。

最近到酒店試他們推出的HK150暑期晚餐,有三餸一湯、白飯及甜品。食物質素及服務也OK。份量也可以接受，環境就一流,可以對着沙灘進餐。 次晚到島上其他飯店進餐，結賬後發覺樣樣不及華烕。

因為住華威酒店套票包午餐, 所以係"迫於無奈"之下去食, 原本無抱任何希望, 因為之前係呢類3,4星酒店食野既經驗得知, 一般都唔多好食, 但係今次又OK喎~ 我地兩個人食左一個乾炒牛河, 蝦餃同奶皇包, 牛河好咪又夠鑊氣, 蝦餃最正, 個皮晶瑩剔透, D蝦又大隻又新鮮, 而且唔會見到有蝦腸, 奶皇包有好多奶皇, 味道剛剛好唔會太甜, 再加送超級無敵大海景同陽光普照既天氣, 呢個午餐食得十分滿足!~

失驚無神入左長洲多點戶外活動唔好咩?島上唯一的酒店名叫Warwick一年前如果我作出了另一個選擇今天我身處的Warwick便是十萬八千里名的那個真華威了去不成真Warwick來這裡吹吹風過過癮吧在長洲要望海又不是燒烤場或者謀人海鮮便只有這兒這邊望東灣的角度和在澳門的威斯汀望黑沙出奇地有丁點相似坐在大檯更可以聽到海浪聲雖然和一盅兩件有多少格格不入But who cares?如果你真係care可以黎食tea佢地會變返做西式既來長洲不一定要帶備週圍都有得賣既蚊怕水和太陽傘但請帶備遊客心態預左俾人宰割個心會好過少少兩個人一百蚊食個lunch同大街果尐咪又係差唔多仲有個海景送喎蝦餃唔係好薄皮但蝦是新鮮的算好食錦繡炒烏冬叫得炒雜錦都係咁上下不過賣相睇黎都唔錯起碼隔離檯外國人都跟我地叫仲有金錢肚亦ok最掃興的便是那驅不走又打不死仲滋滋叫的烏蠅總有一些噪音在你身邊纏擾著你享受人生但無烏蠅的話你又怎會珍惜那美好的浪聲?一起想想怎能令烏蠅消失吧難是很難但總有辦法的

don't waste your money~ >_<