海景粵菜廳

营业中

休息中

没有特別期望，本想隨便找家餐廳吃海鮮，朋友推介華威這兒。拍拖年代已來這酒店，不知道原來已轉了成為海鲜中餐館。代買材料加工有花甲，蝦，及龍蝦。近十年難得鮮味十足，夠鑊氣，而且爽口彈牙，花甲冇沙又大隻，豉油皇蝦鮮味又爽到冇朋友，上湯龍蝦伊麵，麵汁鮮甜入味，冇得頂，龍蝦火候恰到好處，還有我的至愛，超大隻薑蔥蠔，除了叫了一碟炒菜，還送來一碗足料微甜的紫米糖水。感覺食物均是少鹽少糖的，十分健康。我和朋友一家大讚這裏是近年少見嘅用心烹調的一餐海鮮宴。可惜最後見不到大廚，很想當面稱讚他一番。下次再幫襯的時候必定要請大廚露一下面，謝謝你。

平時過嚟長洲探屋企人，都有指定幾間酒樓會聚腳飲下茶。咁過年想坐得舒服啲嘅話都係會過嚟呢一間嘅。如果黎呢間嘅話，有幾樣嘢都會必食嘅，椒鹽魷魚鬚，真係有魷魚味嘅，唔似得出邊嗰啲炸到又薄又燶。另外排骨蒸腸粉，啲排骨嘅汁掛咗落去啲腸粉嗰度係超好食，咁啲排骨亦都係有肉味，但唔係餲味。另外麻蓉包亦都係至愛，唔太甜，出邊都比較少食到。咁過年唔少得都嗌啲特色嘢啦，炸子雞，相當經驗個皮超薄脆無肥膏超嫩，冰鮮雞係做出嚟個效果真係幾好味，好可惜啲蝦片就唔夠熱，應該唔係隔夜嘅，但係就唔夠脆。另外嗌咗個斑球炒飯，個魚粉夠薄唔腥，個炒飯粒粒分明係唯獨是少咗啲鹽花吊一吊味就完美啦。另外值得一讚啲燒賣上面啲蝦都好爽口亦冇雪味處理得幾好。千層糕亦夠軟糯。呢餐相當滿足。

大家去長洲呀都少不免會食海鮮🦀🦞而食海鮮除咗喺海旁嗰邊嘅大排檔之外～今次我地就係華威酒店入邊食「蒸氣海鮮火鍋」「🦑🦀蒸氣海鮮火鍋」呢個海鮮火鍋最遲可以即日預訂～例如你今晚食，你朝早就一定要book啦～佢地啲海鮮係即日去買，所以就要睇吓當日有咩海鮮係最新鮮～每一次嘅海鮮都有可能會有少少唔同，total會有4款～每一款都非常新鮮，今次我哋有海魚、鮑魚、帶子同埋蟶子～特別係條魚🐟非常好食👍🏻肉質彈牙魚皮膠原感滿滿，感覺係似龍躉個類海魚～另外就係湯底方面，係一個清熱嘅冬瓜薏米湯～湯底吸收晒所有精華，配合埋當地生曬紫菜，鮮甜濃郁😋😋

黃昏了！向露天茶座道別，晚餐在華威酒店的海景粤菜廳， 長洲原居民的同學已經為挑選新鮮食材，交由酒店代烹調，全海鮮宴，豐富又美味。煎大蝦及瀨尿蝦都吸引，特別是煎大蝦肉質爽脆又鮮甜！果皮蒸大大隻南澳鮮鮑與酥炸椒鹽鮮魷。以前我最愛蘇眉，現在新歡是紅星班。吊片、蝦乾和銀魚乾炒飯清爽可口，香氣四溢。豉油皇炒麵味道香濃不鹹。紅豆沙糖水結束今日長洲寫生山行美食行，多謝原居民同學好安排，讓大家渡過豐盛開心又充實的一天，祈望後會有期！16位學生平分18人消費（老師與師母），午晚共兩餐，人均消費$530，十分抵食。

我地book 咗華威酒店staycation , 玩2 日1夜， 基本上都係想放下假，舒舒服服休息下， 所以冇特別計劃行程和諗食咩好.朝早工作上嘅手尾先入黎長洲， 有點累，所以想留係酒店hae 下， 連晚餐都懶🉐️離開酒店， 直接係酒店樓下粵菜廳.其實本身對野食質素冇咩期望， 但反而有意外驚喜，覺得味道不錯👍， 價錢合理， 小菜稍貴， 不過環境安靜舒服.紅燒豆腐海班煲 $188- 海班新鮮， 幾野味， 送飯一流海鮮湯米粉 $85-清清地， 2-3人份量

原來長洲飲茶都可以咁Chill，呢間位於華威達酒店大堂嘅酒樓，唔一定要住客先可以入嚟。嚟過幾次都唔算多人，唔洗同人迫或者坐得太近。酒樓空間闊落，因為酒店喺山上嘅位置，所以坐近窗邊可以望到一個無敵海景，夏天有冷氣唔熱，冬天店員會開窗，喺呢段疫情時期，空氣夠流通。呢到都有唔少點心選擇，亦都有小菜，唔怕唔夠飽，員工服務亦很好，驚你啲食物凍仲主動問你要唔要用個蓋蓋住，唔似出面酒樓咁商業化，呢到真係好親民。每次呢嚟呢到必食蝦餃、燒賣、紅棗膏、流心奶黃包、灌湯餃同埋金錢肚。蝦餃皮薄，再點埋豆辨醬，一流紅棗膏都好正奶黃包啲流心都好正嚟得長洲都想Chill下，望住個大海景，無左高樓大廈，別有風味。

今天長洲一日遊,食咗甜品，芒果糯米糍，芝士紅豆餅,再行出，行張保仔洞，欣賞日落美景。夜晚我哋入咗一間華威酒店食晚飯。環境幾靚，廁所好乾淨。我們便叫了 : 帶子炒菜螃蟹、東江蝦乾豆腐煲、招牌炸子雞一隻和西芹合桃炒蓮藕片。我們order咗大半個鐘，一個餸都未上，我們還追問時啲菜幾時上，吹完一輪候，啲菜變陸續上。帶子炒菜螃蟹，啲蛋白好滑。招牌炸子雞好咸。西芹合桃炒蓮藕片好鮮甜爽口。東江蝦乾豆腐煲， 我們覺得奇怪，為何點解冇鯪魚釀豆腐嘅？居然變咗海鮮雜菜煲，價錢相差50蚊。個侍應話唔計番豆腐煲價錢。整體嚟講，咁遠在離島長洲，去酒店嘆一個晚餐，都無可厚非。

諗住3號風球下，留係酒店中菜廳食飯，真心好食，招牌菜紅燒雞（外脆內軟滑），脆皮德國豬手，椒鹽鮮魷😋😋😋，最後陳皮紅豆沙👍👍👍，會再來品嚐其他餸菜，原來酒店仲可免費借用bbq 爐，自行外購食物，就可在酒店bbq

放假🎏係長洲晚飯,今晚想食海鮮🐟🦞🦀,但係係自己去街市買,再去華威叫人整,加多碟豆腐同菜.,放假好好慶祝一下,先來一份陳皮蒸鮑魚,薑蔥蒸魚🐟,枇杷豆腐,蒜蓉炒油麥菜🥬.鮑魚新鮮,魚非常好味,豆腐差少少,菜好味😄

天氣漸熱，早晨起來看見樓與樓之間的藍天，春天的風，讓天上的雲快速的奔馳著，住在市區中，偶爾看看這樣的風景，的確是每日的日常樂趣，乘著清明假期，今天就臨時起意決定好好享受大片天空奇景，想約朋友後直奔中環碼頭直奔長洲島。一直覺得長洲島與高雄的旗津非常相似，都是商業發展非常完全的外島，船到碼頭就能看到有日本城、惠康啊～另外知道長洲擁有一個30多年的星級酒店，而且平價，正值午餐時分，就好好來個Lunch Sweet Time!酒店的位置就位在長洲海灘旁，所以可以一覽整個長洲海灣的美景，以及好好的在冷氣房享受著美食，今天點了明火有味粥（中）$25。廣東粥就是煲的很好，很少碰過地雷的，叉燒粉腸（中）$25，好味，咖喱土魷（大）$29，鮮甜脆，而且這個價位絕對無法在外面的海鮮餐廳吃到，時菜是芥藍，同樣，香港的芥藍從來沒讓人失望過，不知到臺灣的芥藍為何就是永遠這麼苦，最後來個點心叉燒包$25，點心做的很好，也許，下次就可以來飲茶啦。看看這價位與份量，來長洲玩想要坐得舒適又可以賞美景，又可以影靚呀。

某日早上，我地去左長洲既華威飲早茶，因為長洲只得一間酒店，我地又唔知去邊到好，所以就去左呢到嗱，個日我地10：30am入去，裏面冇咩人，唔駛等位，我地當日叫左蝦餃，粉果，燒賣同春卷~蝦餃d蝦都幾新鮮，又唔會蒸得太淋，味道唔錯粉果餡料都係沙角，花生個d, 比夠爽口，可惜粉果皮太厚，差左少少春卷好食，裏面餡料都係蝦肉個d, 好脆口燒賣，普普通通，冇咩特別假日朝早係到飲早餐，靜靜地望住個海景也不錯下次會再來

係華威過左晚夜，早上去咗飲早茶。。平時飲茶，見到d餐具好油、花曬，都會感覺好污糟。。但係華威係好乾淨！心情都好d點心價位算小貴，特點$30、$26、$24、$22⋯叫左五個點心，鳳爪排骨飯、蝦餃、金錢肚、奶皇包、蝦米腸。。個鳳爪排骨飯成個煲仔飯咁大煲，最抵食，但係d飯太林！蝦餃大大粒！奶皇包，皮薄餡料，又流心，好好味！蝦米腸，腸粉幾好食！！好多蝦米，但全部放曬面，如果有d放係個餡同做皮，再加點上面，可能會好d。而家係白腸粉上面加蝦米⋯金錢肚陣味怪怪地，但係好大件就真嘅！

放假去長洲華威酒店渡假，酒店包二人早餐券，可惜有一日訓晏左miss左早餐時段，酒店就提議以早餐券飲茶可當$60，於是就到中菜部飲中餐食點心。本諗住求其醫飽肚就算，但我意想不到是每樣點心都好有水準，絕不馬虎。粥夠味，食完唔口渴，牛柏業同金錢肚煮得入味，唔靭。蝦餃燒賣可比美香港區大酒樓，特別一提就係腸粉，皮薄嫩滑，雞札料足，本來miss左一日對住無敵大海景嘆早餐係好失落，食完個中茶，真係明白咩叫做賽翁失馬，焉知非福。

華威是長洲唯一的酒店，沿著東灣向觀音灣的方向走，就會看見這幢臨海而建的米白色建築，所以這裡可謂是名副其實的海景粵菜廳。某天心血來潮邀請原居民朋友一同前往，朋友驚訝地說：「應該沒有長洲人會特意去吧？」的確，在我們身邊習而為常的東西，往往較容易被忽略。許多陪伴我們成長的老店，總是在危在旦夕的時候，我們才留意到它的存在。九時許，當我們到達酒店，長長的用餐區樓底非常高，裝潢傾於平實，絲毫沒有一般酒店金壁輝煌或時尚奢華的感覺，但在180度海景的點綴下，光明潔淨，倒也令人感覺不錯。臨海的窗戶牆，上半部似乎是捲閘或摺疊形活動式窗口（猜想而已），而下半部則是平時所見的玻璃窗，由於樓底頗高，海景仍是一覽無遺。彼時餐廳裡食客不多，還有幾張桌子沒人入座，與島上其他茶樓相比，這裡可算是難得的清靜，不過環視一周，發覺酒店客也只有零零落落幾位，食客還是以長洲人居多，足見清靜也是一大吸引力。我們選了一張臨海的大桌子，與一位獨行俠同坐。他笑說自己在長洲住了幾十年，也是第一次心血來潮來試試。在我們吃點心喝茶聊天的同時，回頭看見侍應為另一桌酒店客奉上西式早餐，場景有趣得很，偶而來來也不錯的。炸杏仁鮮奶：杏仁片香脆，鮮奶熱

週日同太座到長洲小遊, 到埗已經差不多點半,先來醫咗肚,印象中這酒店的中菜餐廳飲茶點心都是可以跟得上市區水準的,就簡簡單兩品點心加一個炒貴刁都是不錯選擇!蝦餃皇(特) $30 四隻身材豐滿的蝦餃論外形唔失禮, 蝦仁清脆味道都有番些蝦鮮味, 餃皮亦做到合乎規格, 蠔油鮮竹卷(中)$23 調味恰到好處, 星洲炒貴刁$55 以呢個價位個賣相好得, 所有應該有的都落齊, 連青椒絲都有,蝦肉就都係半透明無咩味嘅蝦, 但碼仔充足已經有90分了當晚有飲宴所以唔做下午茶了, 如果酒店有多餘經費可能裝修一下整靚個外觀生意理應更佳,現在狀態較難吸引新客,