海月宴會廳

营业中

休息中

男友在中港城附近見完客，相約在附近吃晚飯我倆對中菜都有點偏心的😊所以二話不說便來這間試試門面光鮮，不是很舊式的酒樓feel跑過「時光隧道」便來到大廳中間聽到有人唱K同打麻雀的聲音，應該是有包房吧然而，大廳都幾大，仲要四四正正，擺酒宴客一流，完全暢通無阻我唔睇個mon都唔知原來呢間係「煌府」集團喎醬皇豬手好入味，似滷水但又唔係死咸，有非常微微的辣味，但男又話食唔出有辣豬手炆得夠適中，淋得嚟係有咬口糖醋咕嚕蝦球大大隻蝦，外皮脆香，蝦肉大粒爽脆，鮮酸鮮酸很開胃黑椒牛仔骨好入味 份量多，加了紫洋蔥和紅椒一齊炒，勁惹味！用嚟送白飯一流濃湯雜菜煲呢度嘅所有餸菜上到檯都仲係滾熱辣蔬菜鮮綠就知新鮮, 有菜有菇, 都幾豐富濃湯又夠哂味, 滾完D菜仲翠綠

今天來到尖沙咀中港城「海月」嘆下午茶，大中小點一律$20.8，十分抵食。穿過門口的燈光隧道，進入大廳，地方寬敞，沒有壓逼感。我們叫了一碗燒肉飯和幾個點心，優悠地享用下午茶。“燒肉飯”，原來是一大條燒腩仔分開上，份量非常多。燒肉肥瘦相間，皮脆肉厚，口感不錯。“雪山焗叉燒包”，新鮮烘焗，外皮特別甘香酥脆，超好味。“黑金麻蓉包”，外表吸引，金光閃閃。不單止內餡，連外皮都是黑芝麻製，芝麻味濃郁。“法國黑松露野菌餃”，粉皮特薄，餡料是爽口的雜菌，加上黑松露的香味，十分可口。“趣緻兔仔餃”，外形趣緻，原來是甜點，兔仔裏面是奶黃。“腊味糯米飯”，上面鋪有腊腸、腊肉、炸花生等，下面是腍軟的糯米飯，味道不錯。這裏的環境舒適，食物味道又好，價錢實惠，是嘆下午茶的好地方。

上星期和朋友到尖沙咀逛街，基於海港城太多人的關係，下午茶時段特意到了附近這一間稍稍離開海港城的茶樓，第一次的嘗試頗有驚喜值得推薦即使是星期六日亦有下午茶優惠，相對尖沙咀其他餐廳的消費感覺較便宜，而且環境亦相當舒適，適合和朋友慢慢飲啖茶食個包和朋友都沒有吃午餐的關係，特意點了一碟馬來炒貴刁作主菜，想不到份量相當多，而且廚師調味一流，每條充滿着咖喱香氣，而且鑊氣十足另外他們的點心亦相當令人滿意，不得不提他們某一些點心能夠以半分下單，適合二人茶敘，而且味道亦相當不俗，咖喱土魷誠意之作，充滿濃烈咖喱香味，惹味非常

好多宴會廳平日都會有中式小菜晚餐食，而且質素都唔差。呢間海月平日唔太多食客，我哋被安排到正中間位置對住電視機，可以同男朋友好似係屋企咁好溫馨咁撐枱腳👫🏻蒜蓉手拍青瓜 $48青瓜爽口蒜香得來好清新😋沙巴龍躉仔1斤 $228叫咗條游水魚來食～ 清蒸龍躉仔魚肉好嫩～ 蔥油好香，冇太大腥味，味道好鮮味👍🏻 黑椒牛仔骨 $128 牛仔骨好有獲氣，醬汁香濃，好入味。牛肉幾有嚼勁，骨肉容易分開，連骨側邊啲肉都食得到😍 惹味😍

這晚和家人來到中港城這家海月宴會廳晚膳。這裏裝修頗有氣派，地方寬敞，空間感十足。食物出品也有水準，而服務方面也到位。這夜我們點了幾個小菜都感到滿意。脆皮燒腩仔$128燒腩仔皮很脆，燒肉新鮮，肥瘦肉相間，有豐富的肉汁。龍躉仔 $228魚肉很滑，魚味稍薄，蘸點豉油汁帶出了鮮味。古法羊腩煲 $328😋羊腩煲湯汁很濃，帶點藥材的味道而沒有羊羶味，羊肉新鮮，肉汁豐富，羊皮滾至軟而帶點彈性，鍋內還有燜至入味的冬菇、蓮藕、馬蹄和鮮枝竹。

在尖沙咀中港城逛街，突然想吃點心，便和老公去酒樓吃個點心下午茶。海月宴會廳點心下午茶時段兩點開始,(但留意下單點菜是兩點至三點)可以吃到四點。這間酒樓把地方分為婚宴場，普通餐飲場，我們被安排在吃點心場靠窗邊的位置，可以看到街景，環境光猛整潔，可能下午茶時段，人不太多，所以我們倆可以在清幽的環境歎茶吃點心，寫意至極。下單到點心上桌，等了20分鐘左右，不算太久，刷刷手機，食物就到了。我們點了斑斕馬拉糕、千層薑汁糕、雪山叉燒包、櫻花蝦銀羅脆皮腸、黑松露野菌餃、蝦餃、燒賣、五柳絲鮮蝦腐皮卷、xo醬蒸排骨、陳皮牛肉球和鮮蝦皮蛋芥菜餃，不要以為我們二人吃這麼多，其實當中好多點心可以點2隻份量上，價錢當然會便宜些啦！斑斕馬拉糕：有斑斕味道，中間夾了一層椰漿，味道不錯，可惜蒸得太濕，如果乾身一些會較好。千層薑汁糕：極濃的薑汁味驚艷味蕾，彈牙黏糯有嚼勁，好吃，必試甜品！雪山叉燒包：包面上的酥粒脆口，麵包熱騰騰，裡面的叉燒夠多又入味，這個雪山包好好吃，我一個人就吃了兩個，只剩一個給老公。櫻花蝦銀羅脆皮腸：口感不錯，粉腸包著綠色，黃色的薄脆炸皮，裡面包著蘿蔔絲餡，配合櫻花蝦的點綴，鹹甜交雜，脆皮在嘴裡嘎吱嘎

中菜館在尖沙咀中港， 佈置瑰麗堂皇，空間感十足，舒適寬敞，最喜歡中菜館前的長走廊， 是靚靚打卡熱點，每道菜式， 廚師以精湛的廚藝， 用心烹調 ，做到色香味俱全。上湯龍蝦伊麵$238 時令的龍蝦用傳統上湯烹煮，可以保持海鮮原汁原味， 大隻肥美 ，啖啖肉的龍蝦， 令人垂涎， 肉質鮮味彈牙，精華盡在於伊麵中， 伊麵煮得剛好，不會稔，完全吸塑了龍蝦汁的精華， 口感一流，令人食指大動。薑蔥沙薑滑雞煲$138原煲薑蔥沙薑滑雞，打開蓋時，香氣十足， 熱呼呼的雞肉不但軟嫩， 還有啖啖沙薑的香氣 ， 滋味吸引。紅燒妙齡鴿 一隻$58即叫即製的紅燒妙齡鴿， 乳鴿皮烤至油光亮麗， 香噴噴， 外脆內軟， 軟嫩入味及充滿肉汁， 不需要沾上任何醬汁， 已經好味， 不消一會兒，給我通通吃光了。

這次在中港城覓食，被一家門面金光閃閃的吸引著，原來是吃點心的中菜館🤩。店舖位於食肆樓層，環境很大挺舒適的，坐位間的空位有段距離，所以不會太嘈吵🙈。我們去的時間是兩點後，正在做下午茶優惠😚。-💥石燒妙齡鴿 HKD$58，這個色澤賣相可以的，而且是預先切件，所以很方便吃的☺。乳鴿口感皮脆肉嫰，還帶點肉汁口感不錯。就算攤放了一陣子，外皮仍是脆的😋。-💥水晶蝦餃皇 HKD$33.8 / 紫金醬蒸鳳爪 HKD$20.8，這兩款點心我們很喜歡吃的，每一次是必點菜式🤩。蝦餃外皮晶瑩剔透，可以清楚看到裡面的饀料。蝦肉大大隻肉質鮮味，一個人吃一籠也沒有問題😆。鳳爪容易咬開，而且很入味，醬汁味道濃郁帶微微辣的口感😚。-💥百變丑小鴨 HKD$38.8 / 手工銀蘿千絲酥 HKD$33.8，這兩款也點較香口的點心，賣相也是金黃色的😎。丑小鴨的樣子真的很醜呢🤣，裡面是軟綿綿的芋蓉，口感酥脆不油膩。千絲酥層次分明，口感是外脆内軟，裡面的蘿蔔絲味道清甜🤤。-💥趣緻兔仔餃 / 懷舊芝麻卷 HKD$20.8，甜品也是吃甜心會點的食物，其中一款造型可愛😍。兔仔餃很可愛的樣子，這個是奶黃餃子，味道清甜口感煙韌😆。芝麻卷味道

中港城呢間酒樓夠大，假日想飲茶好快就有位。點心價錢唔算貴，基本嘅點心都有。岩鹽燒脆皮三層肉$98一碟份量夠多，燒肉皮再煎咗更香脆。燒肉有油份唔會乾。鍾意佢多款點心都可以揀小份，兩個人食可以試多啲款式。水晶蝦餃皇2隻/ 原隻鮮蝦燒賣皇2隻叫咗蝦餃及燒賣，新鮮蒸出嚟熱辣辣。細份兩粒一籠，兩個人食真係唔錯！另外叫咗肉骨茶鮮竹卷，相當特別。鮮竹卷吸入肉骨茶嘅味道，幾濃香。鮮竹卷入邊餡料豐富仲有元貝～ 再叫左牛肚夠入味～同家人嚟呢度嘆嘆茶🫖坐得舒服😌

今日去中港城開會，散會己是七時多，客戶邀請一起晚飯，恭敬不如從命。客戶帶我去了下面商場的一間中菜館，應該是新開的，環境寬敞又唔舒服。糖醋咕嚕蝦球呢個餸好好味，糖醋汁惹味十足。蝦球又爽又脆，外脆內軟。配菜有紫洋蔥，紅黃色椒，菠蘿，火龍果，材料豐富。濃湯花膠雜菜煲湯底濃而不膩，鮮甜。花膠有嚼口。蝦米鮮味。有多種蔬菜配搭，健康有營。蔥爆沙薑滑雞煲打開煲蓋，飄來香氣，好吸引。雞塊入味，味道濃厚，不過肉質不夠滑。整體食物水準不錯，服務又殷勤，滿足。

朋友喺尖沙咀中港城返工，今日約咗佢去食晚飯，就去咗中港城海月宴會廳食晚餐。個商場因為而家冇咗中港船，所以人流比較少。餐廳係新開，裝修帶點華麗，應該幾適合擺宴會。坐低嗌左個葱爆沙薑滑雞肉煲，上枱非常熱辣辣，沙薑味夠香濃，跟埋啲爆過的薑米及香蔥，非常之惹味，雞肉夠滑又入味，份量都夠大份，送飯一流。另外叫了糖醋咕嚕蝦球，上枱旁邊有少少沙律菜同花瓣伴碟，賣相幾好，蝦非常之大隻彈牙，有八九隻，糖醋汁夠酸，不過個人覺得甜咗少少，伴碟除咗菠蘿仲有啲火龍果，感覺幾健康。臘味炒芥蘭苗，有潤腸，臘腸及臘肉，芥蘭苗夠幼嫩，炒得香口又夠綠，味道出色，非常之多臘腸。喺尖沙買單約$500，算經濟實惠，講真餸菜做得好出色，有鑊氣又有火候，用料及份量都非常之夠大份。

今日陪姊妹去睇下婚宴場地，環境都幾合心意簡潔而得體！順道食埋午飯先因為我哋太遲了，廚房已經收哂爐只有點心！水晶蝦餃皇呢度嘅點心可以揀2件㗎咁就可以食到多啲款式嘅點心！蝦餃皮夠透薄，蝦肉好豐滿爽口黑松露野菌餃水晶皮同皮夠透薄，有煙韌口感中間嘅野菌好有嚼感黑金蔴蓉包中間嘅蔴蓉餡唔係流心，不過芝麻味好香而且唔會太甜！不過略嫌蔴蓉餡少左啲，所以有越食越乾嘅感覺！五柳絲鮮蝦腐皮卷炸得完全唔油膩，中間嘅鮮蝦好爽口好快已經清左成碟！銀蘿千絲酥中間嘅蘿蔔絲好足料酥皮炸得夠乾身，不過外層嘅酥皮食落粉左啲！鳳爪排骨煲仔飯懷舊芝麻卷呢個係我嘅童年回憶而家唔係好多酒樓有得食！一嚟到就忍唔住要一啖咬落去，點知食落好粉團……. 口感不太好！於是我就用好似拆菲林咁樣食，反而咁樣食好食好多食得出芝麻味，同埋口感一啲都唔厚千層薑汁糕呢個非常好味薑味夠突出，食落好有口感，有煙韌度熱辣辣就最好食！

自從未可前往澳門，第一次來到中港城陪家人飲茶。酒樓為了晚飯時段的擺酒，擺設得很有氣氛。由於是下午茶時段，大中小點均一價$20.8，所以不知不覺便點了不同種類的點心。最印象深刻是榴槤包，外表吸引，而且榴槤飄香。經典馬拉糕食得多，班蘭口味的還是第一次，味道清香，不會太甜。腸粉食得多，但今次點的是外面為滑溜腸粉配香噴噴櫻花蝦，裏面有一層薄脆，夾著蘿蔔絲，口感豐富，層次分明。久違了的懷舊芝麻卷亦令人想起回憶的味道，芝麻香濃，甜度適中。

平時比較少去開尖咀中港城，原來呢度有間新開無耐嘅酒樓，環境都唔錯。唔知關唔關打風關係，食客好少，所以整個環境非常闊落。餐牌小菜價錢又唔算貴～ 茶位每人$15 小菜份量都算多，上菜速度幾快。白飯就$14/個 兩人share 1個就夠。餐前小食：陳醋海蜇 $58海蜇非常大塊，外型有點似海底椰，另有青瓜片。麻辣口水雞$78調味微辣帶咸，雞肉都幾紮實。沙嗲金菇肥牛煲 $118望落比平時的淺色，但聞落帶有陣陣椰香味。意外驚喜有菠蘿同大量粉絲。牛肉唔會過度鬆肉，不錯！客家酸菜魚片 $138好大盤，底部配料有青瓜片、蓮藕片同芽菜酸菜魚片採用的是脆肉鯇，雖然魚片偏薄，但質地爽彈無骨，亦無草腥味！份量夠多！

在網上youtuber 介紹有新酒樓開業點心放題不錯，於是訂位。12pm入座，約有15枱滿，唔駛搭枱，幾多侍應服務，轉頭好快送上限定乳鴿和燒賣。蒸點心可到枱取唔駛等，新鮮熱辣齊全，腸粉無保暖涼了。炸物淋淋地，炸蝦中間未熟，中湯太多油，其他飯麵麻麻，桂花糕不錯，皮蛋瘦肉粥有驚喜。合桃包幾特別。1pm 點心供應緊張，但補充幾快。新店感覺食得舒服，但地點離地鐵站較遠。