海港燒鵝海鮮酒家 (已結業)

前日同佢friend拜年，順道去海港食番餐，我地叫左份芝士焗龍蝦，份量好足，龍蝦好大件，厚肉且彈牙，都算幾新鮮；而伊麵則超多，我地兩個人食，但有成六個人份量，好香芝士味，幾爽滑，唔錯，大家不妨一試。

同朋友食晚飯, 一早訂左位所以唔洗點等就有位, 不過入坐後就一直冇人理, 叫人開茶叫左3次都唔開,我已經好有禮貌再叫多一次"我地未有茶", 結果就比人鬧, 家下咩事. 叫你開茶姐. 同個職員投訴, 個男職員講"個個都好忙, 你等下唔得咩, 洗咩吹", 佢噤冇禮貌我話我要同你經理反應, 佢大我話自己係經理, 投訴你就同我講, 佢最大. 吓, 冇病呀 ma. 比d禮貌呀. 我黎受你氣咩. 

今晚約左屋企人同親戚食團年飯 , 之前屋企人話book左旺角金雞廣場海港 , 但同老公去到點解找了很久都見唔到海港呢, 原來它們改左名叫"真味鮮廚" , 招牌都有好細隻字寫住海港 , 上到去地方不大 , 每張檯與每張檯之間非常擠逼 , 坐低之後同附近的檯簡直係零距離 , 所以坐得非常之不舒服. 我們之前訂左個$1698超值全包宴 , 可能係多人訂位食團年飯 , 電話訂位時話要早幾日上去俾左兩佰蚊訂金先鴻運金豬全體 --- 一定係已經燒左好耐 , 凍冰冰 , 皮唔脆 , 肉略為硬上湯蟹肉蝦球伊麵--- 味道ok , 蝦球好爽 , 不過伊麵太淋同埋我好似冇食到蟹肉花膠螺頭湯--- 好多花膠同螺肉 , 仲有雞腳, 足料 , 湯頭味濃白玉菇浸豆苗招牌燒鵝皇 --- 個皮唔脆 , 太um , 肉硬 , 同有ｄ咸鮮百合秋葵炒蚌柳檸檬炸蝦餅--- 炸得香脆 , 但食落冇乜蝦味 , 中間果碟我其實唔知係咩 , 冇試清蒸沙巴龍躉--- 蒸的時間剛好 , 魚肉滑臘味糯米飯--- 炒得夠味 , 但淋左ｄ歡樂大蟠桃--- 有奶皇同蓮容 , 味道不太甜 , 適中南瓜露總括黎講以呢個價錢有這樣的質素是還可以的

今日下午我們去咗旺角金鷄廣場嘅「海港燒鵝海鮮酒家」飲下午茶！我們叫咗青瓜海蜇片嘅青瓜好清新爽脆，黑木耳好爽口軟滑，海蜇片相當爽滑彈牙！蜜椒鷄中翼嘅外層燒得香甜脆身，肉質相當嫩滑，蜜糖嘅香甜味，再加埋黑椒嘅香辣味，令到味道更加惹味！翠瓜鮮蝦腸嘅腸粉好軟滑，蝦肉好爽甜彈牙！花菇棉花鷄嘅鷄肉肉質好嫩滑，魚肚吸收晒芡汁嘅鮮味，花菇好軟滑腍身！鮑汁鳳爪燜得好腍好入味，鮑汁嘅味道好香濃！蠔汁叉燒包嘅包質相當香滑鬆軟，叉燒嘅味道好香甜！

今日同朋友去呢度食蒸氣米鍋，叫左個六人餐，真係超抵食，有蟹有花膠有魚有蜆有菜有肉，包埋加一先$1088。海鮮算新鮮，服務態度唔錯，唔會趕人走，需要幫忙時都可以搵到人。個6人餐其實都夠食，份量好足，我地再加多三四樣，真係食到捧住個肚走唯一覺得美中不足係個粥底，蒸左咁多海鮮都唔覺鮮甜，反而俾排骨搶晒味，下次可以試下唔落排骨就咁滾。

近幾年好似興食陳皮月餅，就係呢度買盒試一試先呢盒就咁叫陳皮月餅，睇落好深色，其實係蓮蓉陳皮。切落幾實淨，而且見到一條條陳皮絲食一啖，不得了，遠超我能接受嘅甜，實在太甜感受不到蓮蓉香。陳皮嘅甘味亦同樣被甜味遮蓋，只食到絲絲陳皮。實在與我想像的陳皮月餅差太多，還是食雙黃白蓮蓉穩陣

半夜仲系可以食到酒樓小菜，抵食，大碟，佢平均一碟60-100蚊，但一碟已經好大碟，三個女仔食，叫左半隻燒鵝，再加麻煩雞煲仔，再加個珊瑚蚌炒翠玉瓜，加埋400蚊唔洗，野食整體味唔差，又抵食，有冷氣，系環境超嘈，講野要高幾分唄。

第一間食店令我要開account黎寫評語，今晚家人同朋友相約黎呢間野食飯，係 reception 拎左飛，阿姐話我地下張枱就到我地，但隨後開始多人排隊，阿姐安排其後同樣人數既客人先入坐，問佢點解唔係我地先，阿姐好衰咁答唔係你就唔係你，再問即係第幾張枱呀，佢答第二張，想再問多句時，佢就用粗口勁罵我地，一分鐘超過10次x街！我地都唔想再同呢d人噪，媽咪叫果個人唔洗咁燥，仲同個receptionist講唔好意思，只係想攪清係點排隊啫，佢就繼續鬧，話自己打工唔係黎受你氣，我真的反白眼，要我地動氣叫佢收聲都仲要鬧，即時入面職員出黎俾位我地，我地話要投訴，呢個職員又語氣衰咁叫等下先，問左幾次經理先出現，我地解釋完件事同發表不滿後，個經理就好好，講唔好意思，仲去左叫個 receptionist 停止發癲。。。但個 receptionist無停過。。係外面繼續鬧。。所以我地好快食完就走。。呢間野請埋d咁既人，以後都唔會再去！！

今日同屋企人去咗海港補祝返母親節，所以決定試吓個養生蒸氣石窩，我哋7個人叫咗個6人全包餐!有10款食品加個粥底，其實都幾夠食，不過見人哋有啲剌身，結果我哋加多咗個鱆紅魚剌身，$280，剌身都幾大盤，賣相都幾靚~最後食淨頭尾同小小魚身，我哋加咗$30用椒鹽整，實行食盡成條魚，無浪費到~~講返個蒸氣石窩，有足料海鮮，啲龍蝦都大大舊，相當美味～至於條沙巴龍躉，肥大肉口，味道亦很鮮甜～另外仲有花膠，蜆，肥牛，蒸雞，菜心等等，味道相當唔錯，大力推介！

近來好多朋友介紹我去食蒸煱，有見及此見到有團購做promo立即要試試，本來團購優惠是四人餐$498另加一服務費，但本人高估咗自己能力同男朋友兩個人去食四人餐，真系食唔哂最後打包回家！介紹食物先，話明蒸煱所以食物都系用煱蒸熟，其實店員會講解比客人聽可以用幾耐時間蒸，手打牛丸及墨魚丸味道新鮮有咬口，安格斯肥牛，不會太肥有肉味，蜆和龍亦非常鮮味 有鮑魚和沙巴㚄 仲有雲耳雞件和小有的紫菜心，蒸煱下的精華所在就是鮮味粥底，蘊和所有海鮮和肉汁精華加上新鮮淮山，南瓜，確實令我非常高興

龍蝦大隻新鲜(鲜味)肥牛(入味)小籠包(多肉汁，鮮！)手打豚肉丸，蝦丸(有口感)蒸雞(好嫩)海鮮新鲜魚(鲜甜)蒸完海鮮，肥牛，雞肉。肉丸d肉汁滴落下面粥底(粥底吸收海鲜的甜味)好好味！最扣分係……餐牌的糯米飯(竟變左白飯)整體食材新鲜，值得再試！

今日同屋企人食飯， 一早book 左一圍13個人。。。我地幾個覺得可能唔夠食，林住再叫d 野食，叫女部長菜牌比我地睇睇，個女部長用好差的態度同我地講你地訂左圍菜，態度超差，好似唔可以叫多d 野食，千萬個不願意。。。。上菜的時候， 個待應上錯左，仲大大聲話個待應碟餸幾百蚊，你賠唔X 得起。。。感覺超差。。。另外， 我地一圍台，過半數的碗及湯碗係有油有d 仲要係黃色的油。。。。超級污糟。。。翡翠珊瑚炒鮮魷珊瑚蚌比較好吃, 夠爽脆,最得我們歡心的是味道不過鹹.燒鵝皮好脆, 鵝肉好滑唔會梅, 個汁甜甜地唔點酸梅醬都好味, 但係覺得咸左DD翡翠炒龍躉球, 又真係龍躉, 仲以為佢會比D 石班, 呢個味唔會太咸雖然味道，地點ok,但係我地都唔會再黎。。。

有兩位朋友由加拿大回香港旅行，所以介紹他們香港現在頗流行的蒸氣鍋。另一位朋友食過荃灣的海港，所以我們揀選了旺角金雞中心的一間分店，大家都覺得較方便。訂了晚上九時，只等了數分鐘便可以入座，其實當晚亦不滿座，只有幾檯客食蒸氣鍋，其他大多數都是食小菜。菜單上已寫清楚每種食物要多小時間去蒸。但最好自己食前檢查一下吧。先來南瓜排骨粥，生米連其他配料放在最底的鍋，加了大約一杯水便足夠，到最後才食。上面蓋上一塊平和有窿的蒸碟，再鋪了一塊荷葉，食材就放在葉上蒸，按下時間掣，夠鐘就會響。粥加一斤白蜆是套餐，白蜆十分鮮甜多汁。我覺得好食過蝴蝶蜆，沒那麼韌(未知是否太熟) 。波士頓龍蝦其實一人都可以食晒，幾鮮幾彈牙。鮑魚都唔錯，有口感，但味道不算突出。鮮蝦相對亦較平淡，沒有鮮蝦味的味道，但肉質是不錯的。半隻花菇紅棗雲耳蒸走地雞，好入味，好嫩好大碟，我覺得好抵食，我們吃不下所以要打包。黑松露墨魚丸幾彈牙，還頗重黑松露味。另外還有粟米和鮮淮山，反而普通無驚喜。到最後就是要吃那鍋煲了兩小時，很綿的排骨粥，好入味，口感很豐富，但實在太飽了，我打包明天做午餐！！！四個人食得很飽都不用七百元，都算便宜。服務水準只是一般

今日下午我們去咗旺角金鷄廣場嘅「海港燒鵝海鮮酒家」飲下午茶！我們叫咗翡翠蝦餃皇、蟹粉小籠包、XO醬炒蘿蔔糕、「美味孖寶：海港香妃鷄，蒜香斑頭腩蒸飯」、肉崧蛋煎米鷄、青瓜海蜇花、檸蜜炸蛋散同桑寄生蓮子蛋茶！翡翠蝦餃皇嘅蝦相當爽口彈牙！蟹粉小籠包嘅肉質鮮嫩同有香濃嘅蟹黃味！XO醬炒蘿蔔糕嘅糕面煎得好香脆，亦炒得入味！「美味孖寶：海港香妃鷄，蒜香斑頭腩蒸飯」嘅香妃鷄嘅肉質好嫩滑！蒜香斑頭腩蒸飯嘅斑頭腩肉質相當新鮮嫩滑，魚肉嘅肉汁溶入蒸飯入面，令到蒸飯更加甘香！係本人嘅必食推介！肉崧蛋煎米鷄嘅糯米煎得好香脆煙韌，層次感十足！青瓜海蜇花嘅海蜇花非常爽口彈牙，而青瓜相當新鮮同爽脆，感覺好清新！檸蜜炸蛋散炸得好鬆脆，檸蜜亦好香甜！

有人話 打邊爐係男人嘅浪漫之一的確，打邊爐可以滿足唔同人嘅需要，是夜佔領行動未完結，相約戰友吃點東西，再抗戰。湯底是沙嗲鴛鴦，不俗，至少有沙嗲味。食物選擇亦不少，鮮魷夠新鮮，焯熟仍然彈牙。牛肉即切，無雪櫃味，係唔錯。響鈴encore 咗3次，都幾抵食，$35有6大顆，相信無人不愛響鈴吧！四季菜藍和鮮菇籃，新鮮，類別繁多，不過菇類都有唔少泥，實在有點倒胃口