海港酒家

营业中

休息中

又到左每日最頭痛的時候，食咩好? 每日中午都系最傷腦筋的問題，跟同事商量後決定去啲以前最難搵位嘅食肆去，因為疫情影響大部份食肆都變得冷冷清清，最後我地選擇左去上環海港酒樓，之前lunch hour幫襯要齊人先準入，又要準時交枱比下午茶時段，難得宜家可以舒舒服服慢慢歎，坐低後我地第一時間點了至愛嘅錦鹵雲吞，宜家吾系好多酒樓搵到，有都未必好食，呢度個汁味道剛剛好，才料也新鮮，雲吞更是鬆化脆口，每次黎都必食，由於有個同事今日狀態不佳，最後我地點左海皇蛋白炒飯，炒飯雖然夠乾身，不過米粒有點硬，鮑魚燒賣，鮑魚仔都好鮮味，等同事回覆狀態必定再黎食餐勁

新一年食好少少，朋友介紹e間海港酒家的亞拉斯加長腳蟹好食，新年飯一行八人就來試一試，選了一隻5斤重大約$1700，鮮甜肉厚好味，一個字正，蟹膏就拿來炒飯，味道普通比較清淡，隻蟹真係冇得輸，不過價錢就偏貴左d。ps 開紅酒免開瓶費

呢個季節係長腳蟹既季節，咁梗係要去食下啦。大家睇相都應該感受到呢隻長腳蟹有幾大隻，個蟹蓋都成隻碟咁大，大到離哂譜，一上枱既時候大家都忍不住要拎個電話出黎影相先！味道方面，個蟹蓋一睇落去就好吸晴，多蟹膏到原得之了🤪😃加埋蛋白一齊食，平均左個‘利’既感覺，真係好正丫！！ 咁蟹肉方面呢，食落有口感而且帶有鮮味，蒸得亦岩岩好，唔係太老或者唔熟，食落真係啖啖大既蟹肉，好似食緊蟹肉扒咁。總括黎講，呢隻長腳蟹好正，好岩一大班人一齊叫黎share！大家記得要蛋白蒸啊，咁樣會更加帶到長腳蟹既鮮味，蛋白又吸收哂長腳蟹既鮮味，好味！

成班同事打完波專登去食長腳蟹，人多食可以叫隻最大既食！真係不負所望，d肉真係好有口感同鮮甜！仲要有勁多蟹膏！再叫左幾個小菜同開左枝酒!圍埋都係一人$600左右！咁大隻蟹都係第一次見同食！正！

<家庭聚會，叫了套餐。>食物乳豬：我最喜愛吃，味道是不過不失的。燒鵝：幾好，都幾大隻，味道也好。其他食物也是普通食物有很多味精，套餐包四罐可樂，真的不夠12個人解味精用。衛生：衛生情況欠佳我因為要分可樂，問他們拿多一隻杯，侍應給了一隻酒杯，我們發現入邊非常污糟，將酒杯交回侍應，侍應很勤力的，她將那隻酒杯用滾水淥，直至到他眼睛看不到任何污跡。但因為我們覺得需要用洗潔精才可以清酒那些污垢，我們就叫了另外一個侍應（侍應b ) 請她給我們兩個新的杯。侍應b 也是很勤力，去到後面，看見沒有杯，他就從用過的杯中間拿出兩個入邊裝了茶的，之後他用滾水將那兩隻杯變成像是以用洗潔精清洗一樣。整個過程我們都見到，因為滾水機是在外面不是在廚房的，分別兩個侍應也用同一方法給予我們杯。我們最後自己在後面拿了已清洗的茶杯分可樂。結論侍應們和我們的對答，和他們的衛生意識，也給予一個濃厚的北上小餐館用餐味道。（因為大部份中國大陸大一些的餐館已經會包裝好餐具，上面寫着已消毒，所以只是像小的餐館）因為目擊的衛生問題，我們決意唔會再去這間餐館。

今日咁岩有新同事入職，老闆話去飲茶，12點鐘去，人唔算多，即刻有位。對比起附近其他酒樓算快。叫左好多點心，有豬仔流沙包，叉燒包，牛柏葉，牛肉球，蝦腸，秋葵，蝦餃，燒賣...5個人岩岩好，價錢又唔貴最後大家見無叫炒飯粉面，老闆話叫多個龍蝦伊麵！我本人覺得最出息係個龍蝦伊麵，伊麵份量十足，仲有龍蝦原隻，咬落去勁多汁，一d都唔老！值得再去試。可能趕住做下一場，所以姐姐態度有少少趕急，好似吹埋單咁😅但整體是可以的

中午陪老人家飲茶食點心，酒樓食物來說尚可。但收銀時發現被收多一位茶錢，和收銀員說時，收銀態度非常差，說不能改。給我原來的單。我站在前面，發現她開始做其他工作，那我問她現在怎麼辦，她才叫站在門口的經理過來更改，更改時收銀繞起雙手，表情十分不友善。她的粵語有口音，相信是所謂的新香港人。我想她這種待客態度絕對是趕客，酒樓管理層要注意。其實上環海港的食物比西環那間比較好。其他服務人員尚算友善，但收銀員這麼無禮貌實在是令人十分不快。

【開年飯的6人餐】$1480 包茶位包加一 , 味道不錯, 就是貴了點   香港人公事繁忙, 作為奴工的我們每天都要為3餐勞動,  然後, 甜品吃什麼? 又不想太熱氣, 又想有菜果,   【開年飯的6人餐, 有點貴的 上線了 】每一年新年我們就有春茗, 新年過後就有開年飯, 位置處於上環交通便利, 近a1地鐵站, 如果要等人附近也有星爸爸, 麥當勞, 地點不錯的,  環境乾淨, 不多人的,菜式如下1) 燒我2) 古老肉3) 炒菜4) 魚5) 龍哈面6) 湯吃飯日為周二, 門外不用等位直入, 坐著舒服, 就是餐牌有點貴, 全餐單3位數字起跳,所以我們特意選擇了6人餐, 7個人吃, 加5個白飯, 最起碼不用想每個人要吃什麼. 味道的話簡潔來說每道菜都不同, 感覺中上,  主要就是價格貴了點, 但如果食環境, 這裡是不錯的,  最重要是, 上餐快, 也鄰近地鐵站, 方便上班族. 

長輩生日宴，筵開2圍!乳豬/黑松露開邊龍蝦/雞煲翅唔錯，鮑魚我都係鍾意食傳統做法，鹽燒韌左啲!燒鵝好遲先黎飽晒喇已經，而且啲肉好嚡!其他餸不過不失，好似有啲唔夠人手!

五百幾蚊份本地龍蝦比幾隻龍蝦仔斬件，鍾意食龍蝦頭嘅真係有福啦！而且冇咗伊面底轉咗顏色麵，食完仲剩返八成。咁有創意抵你賺到盤滿缽滿嘅👍最後一張係富臨$388份澳洲龍蝦，自己比較下，知唔知個醜字點寫？

今天晚上剛參加完音樂節，家人提議到這裡吃晚飯順道慶祝生辰！因為我要趕着離開，所以先點幾道菜讓我先吃！本來點了四道菜加一個侍應建議的糙米飯，可惜其中的一道菜及那個飯遲遲未有，我們一直催，侍應就一直說需要多點時間，最後才道出已經售罄（當時只是七點。。。）說回我有幸吃到的菜。只怪我沒留意菜名裡標明的菜’膽’,每棵菜都十分粗壯，所以難以入味這個鷄煲還可以。。。頗惹味！鷄煲翅很好，尚算真材實料，每排都挺大梳！

家姐屋企人請食飯，每次都係去上環呢間海港，可能識人嘅關係，每次都可以留一啲好靚嘅貨，今次就主要食長腳蟹，仲有個黑毛豬叉燒，全部都要預訂，屋企人話隻蟹好好食，咁實好食啦，拎出嚟俾我哋睇嘅時候仲勁生猛，最後好似有個手包，不過太飽我冇食到。食剩嘅黑毛豬叉燒同其他餸就會打返包返屋企。

今天在寫字樓工作，午飯就介紹朋友來這間吃點心，我之前來過多次。特色是價錢合理，點心水準中上，絕無欺場。鮑汁雞腳，必叫之選，重點是雞腳甚冧，其實我不明白為何到酒樓叫雞腳很多都不會冧的。這碟無牙也吃到。腸粉也很香滑，中上之作，他們還玩 fusion，在腸粉加蛋，我可以接受，而且味道很好。蝦餃也是大大粒，很抵吃，很滿足。馬拉糕比較新派，一樣好味道。三寶也是大大粒，讓人吃了很滿足，而且汁醬也調教得很好。春卷也有特色。灌湯鮫我每次來必叫，以 HKD38.00 的價錢，吃到這麼大又足料的灌湯餃，我覺得物值甚高。整頓飯讓人很滿意，埋單每人一百有找。

家母尋晚訂座聽電話夜班何小姐話無問題，今朝到酒樓早班帶位施小姐指着訂位張紙話無book!施小姐之後又將一張枱比左另一個街外客！問佢佢話人地等緊，但家母和友人比他們更早到埗！施小姐態度惡劣，但家母因有朋友在場及正值新年就繼續等位。之後安排左搭枱比家母。點菜點了薯仔包、腸粉、小籠包、蒸飯。腸粉還可以，薯仔包同相差好遠亦很難吃！之前2月12日夜晚本人亦曾嘗試訂翌日4人座，2月13日中午到酒樓亦被告知無位！！當時在座有好多人等位所以轉去第二間酒樓飲茶！因為就黎新年所以以為係個別情況但睇情況係成日有！差！

是日朋友聚會, 選擇左中式酒家開餐, 大家都贊成食豪啲, 所以嗌左好多海鮮食, 其中呢款係值得推介｡阿拉斯加長腳蟹 (兩食)Book 檯時已經預留左隻長腳蟹, 隻蟹大約重六斤半, $288/斤, 臨煮前會拎俾你過目 & 影相 📸｡ 第一食係清蒸, 蟹肉好鮮甜, 但略欠海水的咸香味, 每隻蟹腳都好粗, 啖啖肉｡ 第二食係炒飯 (+$98), 佢將蟹蓋入面嘅蟹膏 & 蟹肉拎去炒飯, 啲飯炒到出黎粒粒蟹膏黃色, 拌碟會拎番個蟹蓋俾你添｡後話: 話說我地每人 Order 左碗燕窩燉雙皮奶 (熱食),  見咁耐未黎就催單, 個經理話師傅幫我地蒸熱緊, 所以要等耐D, 之後第二次催單, 個經理親自入廚房拎, 仲同我地講啱啱蒸好, 肯定夠晒熱｡ 點知一食, 我好肯定咁講, 佢一定係喺個雪櫃度拎出黎囉 個雙皮奶入面完全係冰凍嘅, 成碗野冇一 Part 係熱嘅 (Even 暖嘅都冇), 即刻叫番個經理黎跟進一下, 碗熱嘅雙皮奶前前後後要等左成大半個鐘先有得食 😰