海港酒家

营业中

休息中

話說中午同老爺奶奶同我個女（未夠三歲）去飲茶，一開始叫佢啲侍應比張BB凳既時候，態度勁差，佢係掟張BB櫈落嚟，果下我哋都忍咗佢。之後埋單，我老爺奶奶走先，咁得返我同個女坐係個度叫佢過嚟買單，個侍應叫我出去埋，我見收銀唔係遠，咪留低我個女係位我自己出去埋，等咗幾分鐘，個收銀喺度做自己嘢唔幫我埋張單，跟住我見過女趴咗喺度，驚佢有咩事我返返去位度望一望，佢只係眼瞓趴咗喺度，跟住我即刻去返收銀嗰度，跟住個收緊同我講：「你行開咗我咪做其他嘢囉，你再等吓啦」果下我燥左，我發誓以後唔會嚟呢個集團任何一間餐廳食嘢。

約咗朋友收工後食晚飯，近近地就喺附近搵間好食又抵食嘅酒樓，呢間海港酒家門面都幾吸引，決定入去試下。上環區平日晚上嘅食肆都唔會好多人，所以入到去都即時有位。坐低後見佢有個開心二人餐，價錢只不過喺398元，幾抵食，最重要嘅喺啲餸菜都好啱食，二話不說即時落單。第一味菜喺上湯蝦球伊麵（位上）, 大蝦球兩隻，都好爽彈，味道唔錯。紅燒乳鴿（每位半隻）, 燒得皮脆肉嫩，乳鴿醃得夠味，咬落去有肉汁，值得一讚！清蒸海石班，兩個人食都唔算細條，蒸得啱啱好，肉都唔鞋，幾好！蠔皇玉掌扣海蔘，鴨掌都夠淋，海蔘就一般。魚肚浸翡翠，魚肚份量算多，索咗湯汁後幾好味，白菜仔夠嫩，正！最後食埋甜品後就非常飽！

朋友話想食中菜，又話想食刺身和長腳蟹，第一時間諗到上環海景酒樓。一坐低，酒樓既員工就話我哋知，長腳蟹做特價，二話不説叫了隻6斤幾重(都係千幾蚊)，隻蟹超大好多肉，蟹肉新鮮又甜……好正另外又叫了象拔蚌做刺身 ，冰鎮咕嚕肉，仲有鮑魚添！大滿足！正！👍👍

12點喇，想食點心左右兩間酒樓，比較咗價錢同人流後，揀咗海港酒家入場，唔需要等位，叫咗茶同洗餐具，嗱嗱臨揀點心先叫最大路嘅粉果、鳳爪、腸粉，唔錯仲有蓮藕餅鮑魚蒸燒賣我哋仲另外叫咗肉片炒河、蘿蔔糕同牛肉球無咩特別，平常酒樓味道，無特別想講嘅地方哈哈，不過呢間酒樓埋單之後係可以掃qr code 儲分，原來有好多唔同嘅餐廳係同一集團上枱速度幾快，整體酒樓係乾淨嘅，服務都ok公司喺附近，晏晝食點心係幾好嘅選擇。

去年疫情關係，晚上沒有堂食，本來想買長腳蟹，去到見到有北海道花咲蟹，也是298一斤，而且size 也算大，便買一隻外賣，一隻五斤半左右要HKD1,573 . 滿心歡喜和屋企人分享，等了半個鐘，載在外賣袋送出來接過手時因為知五斤半唔算輕，所以手抓實接過外賣，點知一拎爭d fing 左袋蟹走，當時用錫紙蓋住加上疫情，心急想回家無即場打開，回家之後就覺得自己笨了，朋友也說我應該即場叫退款，出咗門口咩都太遲了……手測應該變成少過三斤半，到現在還是耿耿于懷，所以還是要寫食評俾大家知呢間分店太過份，竟然拿走曬我全部蟹膏，從圖中可見，我揀中呢隻應該係多膏的，但蟹身d膏被人刮得好徹底，個蟹蓋度一滴都無淨，白色果層野好似‘衣’咁好韌完全係無得刮出嚟食，只淨pat pat 果舊滿膏，我係咪要多謝佢淨番果d俾我？呢間野初初賣蟹算好的，幫襯了好幾次了，由蟹膏加湯水，蟹膏蒸蛋，到走蟹膏，而家咁樣同呃人已經無咩分別，真係堂食先有d保障，或者自己煮先得

我今天去已為它關門, 其實係明星.我叫了:  1.) 西班牙黑毛豬叉燒包  2.) 蝦餃茶錢:  11總共要:  港幣  102.1.) 西班牙黑毛豬叉燒包, 普通味道2.) 蝦餃, 幾好.

好耐無去酒樓食飯, 近近地去左海港酒家🤗原隻上湯龍蝦伊麵底 (7/10)-- 龍蝦唔算大隻, 肉唔彈, 但味道唔差!例牌燒鵝 (8/10)-- 皮脆肉腍, 啖啖肉又 juicy, , 份量都算多好食!黃金蝦肉環 (9/10)-- 黃金 (即係咸蛋黃) 炸原隻大蝦, 好香好脆好惹味, 蝦肉好大隻又彈牙, 推介!🤗上湯雜菜 (8/10)-- 菜類菇類多, 湯底鮮甜, 食極都命有咁!蟹肉冬菇海參 (6/10)-- 冬菇厚身, 海參夠腍, 但份量少同較為普通!

今天到西港城行，辦完公務，見行得攰，就在附近食午膳，這店開了很久，在上環很出名，就是海港酒楼，頗多人輪候，等了些時間，拿了位入座。地方有些迫，但算很整潔。點了出名的蝦餃，黑色流心包，另外，燒鹅、燒肉和黑毛豬叉燒，非常好味，特别叉燒，麥牙糖甜味，加上燒汁，黑毛豬的肉質是軟綿绵的，一點也不干身，也不硬崛崛，食完后很難再食其他普通叉燒。而且，蝦餃皮又軟又彈牙，蝦又足料，很满足，今次流心包，就無之前多流心，但包仍是彈牙，燒鹅比較少肉，多是骨頭，不能盡嘗，燒肉肥瘦適中，脆皮好吃，很满意的午飯。再加上服務态度很好，装茶装熱水快，不是等很久完全不理，謝謝他們。

平時好少嚟上環，所以OpenRice見到呢間酒樓評價唔錯就嚟試下鮑汁鳳爪，味道偏向豉油味重啲，完全唔係鮑汁，不過鳳爪炆得入味同淋，都唔錯好有驚喜嘅腸粉，除咗有一層脆衣之外，入面係包住滿滿嘅白蘿蔔條，感覺係將蘿蔔絲酥變成腸粉，帶上另一個層次，十分推薦黑金流沙包，包皮超級厚，只一一丁點餡料，但餡料鹹香味十足，亦都做到流沙效果，如果麵包皮可以更薄就十分出色蝦餃，蝦處理得爽口彈牙，皮亦不會過厚薑汁紅棗糕，雖然無乜紅棗味，但每啖都有微微嘅薑味，而且口感軟糯

今年，公司送上 <海港酒家> 的賀年蘿蔔糕劵！現時，<海港酒家> 有16間分店，分店遍佈港九新界！在我工作的上環區也有，正是西港城附近，不論返工、中午或放工領取蘿蔔糕也十分方便！臘味蘿蔔糕新年前的有一天，返工經過，順便領取蘿蔔糕！幸好！早上也可領取！當時，剛剛蒸好，酒樓阿姐建議我放涼了才好放入雪櫃！蘿蔔糕夾雜的配料包括：蝦米、臘腸、夾雜白蘿蔔條...等，不論蒸熱還是香煎，也同樣滿載風味！香噴噴！ 切好及煎後，也不至於鬆散，質感尚算挺身，家人覺得質素都過得去！作為新年的早餐，最好不過啦！

限聚令終於放寬到四人一枱喇👏👏，今日同親戚去完黄大仙拜完神，剛好四人，唔使分枱座，中上環泊車較易，一於去酒家飲下午茶，傾下計🤭酒家好熱鬧，食客都先要登入安心出行或登記簽到，等咗一陣，就可以入座😄我哋要咗九款點心，邊食邊傾😄錦鹵雲吞薄脆雲吞搭酸酸甜甜醬汁，特別好食😋原籠馬拉糕味道唔太甜，但糕身唔夠發脹，鬆軟度唔係咁夠🤔翡翠筍蝦餃皇，原隻鮮蝦燒賣蝦肉新鮮大粒，爽口彈牙，兩款都好味😋養顏紅棗糕煙煙韌韌，食落帶有紅棗嘅甜味，但唔會好甜，讚👍埋單💰300幾，新春飲茶嚟講，都👌啦😄

之前同屋企人去左海港食晚飯，食到好滿足。.✨阿拉斯加長腳蟹蟹腳肉質好鮮甜，食到停唔到口。.✨燒雞燒雞烤到個皮脆卜卜，肉質嫩滑，好香口。.✨乳豬拼叉燒乳豬燒到好香，皮薄又脆卜卜。叉燒好淋，好甜啖啖肉。.好可惜而家又有限聚令，唔知香港幾時回復正常，大家又可以一家人出去食飯呢？ .🏠 海港酒家🛤️ 上環新街市街8號康威花園地下📍 港鐵上環B出口，步行約6分鐘-----#hkfoodie #hkfood #hkfoodblogger #hkfoodlover #hkfoodieblogger #hkfoodstagram #hkfoodblog #hkfoodies #hkfoodpic #hkig #hkigfoodie #hkigfood #hkeats #hkfinedining

比較過其他酒樓的阿拉斯加蟹，都係選擇了海港酒家， 因為佢信譽比較好。員工一撈就俾咗隻約5.1 斤左右的蟹比我地，本身見佢喺魚缸反左肚，叫佢換另一隻比我地，佢就話因為本身蟹太重，所以先會反轉咗.......我見佢都仲郁下、㩒下佢啲蟹腳有回彈力，即係代表肌肉飽滿程度高，最後我哋就冇換到。等咗半個鐘之後，佢終於上菜啦！個下我地都好愕然，唔係因為佢大，係因為點解唔係成隻上，係斬開左ge!?係我地腦海中，成隻完整碟上，會保留佢d 鮮味。員工就解釋咁樣個蟹膏唔會瀉出嚟，甘我地第一次食，咩都唔知，可能每間酒樓嘅做法都唔同。用鉸剪剪左兩下， d 蟹肉好快攞左出黎。食第一啖，嘩～好鮮甜、好飽滿. 啖啖肉, 好食到要舔手指PS: 員工可以係我哋選擇煮法時，順道同我地講會暫件，等我地有心理準備。

疫情下既海港晚餐外賣自取真係幾抵食！👍🏻收工後Whatsapp落完單之後，20分鐘左右就有得攞。今次叫左半隻燒鵝皇，燒汁野菌牛柳粒，瑤柱扒瓜脯同埋上湯焗蝦球伊面。🦐🍜半隻燒鵝皇🦆👑✨💲154賣相都OK，色澤均勻。一隻靚既燒鵝，賣點係佢嘅皮脆同埋肉質鮮嫩、肥美！海港既燒鵝不過不失，皮脆之餘肉質都幾滑唔嚡。略嫌無提供酸梅醬食落較為肥膩。肥瘦均稱，啖啖油香。美中不足係無酸梅醬，真係遜色不少。上湯焗蝦球伊麵🦐🥢✨💲83伊麵既質感微彈，唔會過腍👍🏻蝦球方面，口感爽脆，尚算新鮮。有芝士配搭的話，味道會更加濃郁，層次昇華！🤍💛🧡💙💜❤️🤎💗💖🧡💛💙💜💚🤍燒汁野菌牛柳粒🐮‼️✨💲76野菌炒得好香口，而且鮮味十足👍🏻牛柳粒肉汁豐富，好juicy同惹味鹹味調得啱啱好，幾好食！🟡🔵🔴🟣🟠🟡🟢🔴🔵🟣🟡🟠🔵🟣🟡瑤柱扒瓜脯🥬✨💲48其實素菜都可以整得好好食。節瓜可以利水清熱、生津驅暑、健脾，好適合夏日炎炎既天氣食。 瓜脯爽脆，而且加左芡汁調味，清淡又健康！👍🏻

話說因為武漢肺炎關係，無搵外婆食新年飯，被不孝，搞到過左成個月先食飯。龍蝦伊麵，蝦肉幾爽彈，有鮮味，好甜好味。個汁同伊麵底就正常，伊麵都幾多。整體好好食。炒班球，啲魚肉都幾爽彈，好新鮮，味道唔太鹹，啖啖肉好好食。啲班腩位就古法蒸，即係普通蒸...咁啲肉都幾滑滑，好鮮甜。豉油都幾好味，唔太鹹甜甜地。豆苗，就普通豆苗，搖柱汁唔太鹹，普普通通。炸雞，皮脆卜卜，個胸肉都無乜渣，都易咬到。未算滑滑，但有肉汁，好好食。魚湯泡飯，呢個真係好好食。魚湯唔太鹹，有魚味但唔腥，有啲炸米脆卜卜好好食。至於海鮮粒都多，而且算彈口，好好食。至於個燒肉同多春魚真係好難食，成餐飯污點。其實街坊酒樓都算係咁，係叫多左兩碟難食野，整體都幾好。