海港酒家

营业中

休息中

瑞午節，當然要食糉慶祝，除左糉，咁仲可以食其他野，我地就叫左一隻阿拉斯加大長腳蟹，新鮮既海鮮係唔需要點特別料理，清蒸一流，味道甜美，蟹高緊是一絕，叫一碗白飯，撈埋一齊食，仲正，回味無窮。

與好朋友相聚，去酒樓品嚐一盅兩件點心，一邊茗茶及一邊傾訴心事。🥢黑金流沙包烏卒卒嘅外皮，包上面有金筆一揮，沉實中帶點優雅。包內有流沙嘅咸蛋粒，咬下去有口感，香滑而不膩。🥢鮮蝦莧菜餃餃皮晶瑩煙韌，菜苗好青嫩，蝦肉亦好彈牙，味道好清新！🥢山竹牛肉牛肉味香濃，腐竹軟綿可口!🥢蟹籽蒸燒賣蟹籽爽脆，豬肉鮮嫩多汁！🥢红棗糕紅棗味道香濃，鬆軟微甜!🥢吉列炸蠔脆卜卜，吃時外層酥化、 內裏多汁鮮甜，味道香脆惹味!🥢馬拉糕軟熟、鬆軟、帶有蛋的香味!

海港酒家 (粉嶺帝庭軒店) 海港酒家集團係香港有20多間分店，今次一於試下呢間位於粉嶺既店鋪！ 喺度攞位同平時飲茶一樣，喺外面顯示器上按飲茶人數嘅數目，然後部機就會出張紙畀個號碼你等位，過程等咗大約十分鐘就有位了！裝修環境光猛！望落都算舒服！食物質素平凡中帶點特式， 例如一碟乾蒸燒賣上會配上鮑魚。豬大腸比一般的鬆軟同淋滑，叉燒蒸腸粉見得多，配埋雞蛋好小見，估唔到個口感咁Match！最後當然食個甜品（燉蛋）好似先完美！ 下午茶同午時時間一樣優惠，唔洗等到下午茶先便！，岩晒一家大細隨時黎飲茶！地址：新界粉嶺聯和墟和滿街8號帝庭軒購物商場1樓34號舖 (粉嶺/上水港鐵站轉乘交通工具往聯和墟)電話：23390121營業時間：07:00 - 22:30

Chain Chinese Dim Sum restaurant with terrible serviceEnvironmentOrdered a takeaway from here so I couldn't fully experience in the inside. However from what i could see from outside, it's a typical Chinese Dim Sum restaurant layout. Round tables with bright lighting. Noisy customers with staff rushing around doing their thing. It isn't one of the cleanest of restaurants as I could see some rubbish on the ground and tablecloths had stains.ServiceOne of these worst experiences of service I have e

今日同屋企人食飯，諗住粉嶺無咩大集團飲茶，所以揀左海港。對呢間野，我真係好失望。簡單講兩樣野，一係食物凍，二係態度差。我叫左十幾樣野，其實係得兩碟係凍既，就係雪山叉燒包同叉燒。首先黎雪山叉燒包，諗住費時煩，凍就由佢。之後再黎叉燒，又係凍，我就真係忍唔到啦。就同部長講，個部長竟然夠膽死話，點會凍架，又乜又七。同我嘈左好耐，死都唔肯跟，最後我火起同佢嘈，佢先肯換比我。 點之兩分鐘，佢拎返同一碟比我，擺明係叮左既比返我。最後我無食到碟野。Btw 呢到係無開冷氣，食物質素其實係okay, 個凍呢樣野真係好難接受

海港酒樓真係由細食到大，因為附近總有一間，坐得舒服，又唔限時，傾計唔怕嘈到隔離。今晚媽媽生日，所以又黎喇。前菜先點左個木耳豬手，唔會好肥膩既豬手，配搭木耳食就更加去除油膩感。晚市孖寶好抵食，有半隻脆皮雞同波士頓龍蝦伊麵。份量唔會因為套餐而細份左，龍蝦肉好大舊，爽口鮮味話哂都叫燒鵝酒家，點都要點份燒鵝食既，一般燒味都好咸，但呢隻燒鵝絕對接受到，但就比較肥，好油膩，但媽媽話燒鵝唔肥邊有油香😆其實一坐低我就已經睇中左個椰皇燉燕窩，見枱枱都有叫，我都驚冇得食，點菜既時候特登落定，點知都係冇我份😢 咁就簡左個焦糖燉蛋，都幾滑但如果啲糖可以燒焦少少就更好啦~

今天入粉嶺探朋友，唔知食咩好渠帶我去海港食飯，渠話今日阿拉斯加蟹做推廣，就叫左一隻試下酒樓侍應話有大約兩斤半都重，488百蚊仲有一個蟹蓋炒飯，只阿拉斯加蟹，有清蒸同花雕蛋白蒸，我就花雕蛋白蒸完啲蟹汁撈咗落蛋百度十分鮮味，炒飯勁多蟹膏。

以前間中都會同隔離公司員工係茶水間吹水，自從佢地搬左去隔離街後，大家都各有各忙，真係無乜點見！大家講左咁耐，終於都夾到時間一齊食lunch，我地一行6人去左海港酒家飲茶！我們開左壺錢觀音，內裏有一個茶包，但泡左好耐都無色無味，叫職員加多個茶包俾我地先變返正常，大家都懷疑究竟係茶葉質素太差，或是茶包被重用先導致味道咁淡！大家都好肚餓，總共叫左16樣食物，食物一上枱，大家就狂風掃落葉咁，相都黎唔切影😂😂食物味道都不過不失，無乜特別出衆既食品🤷🏻‍♀️不知不覺就食左1.5小時，即刻嗱嗱臨埋單各自趕返公司！

很久沒有吃過海港的燒味，耐到已經唔記得海港燒味是怎樣的味道，十幾年前吃過後印象中好像是不差的，於是特定買了一個雙併叉鵝飯，37元，不算貴以而在的物價來說，畢竟再興都已經由2x加到3x 。師傅斬叉燒很多時候都會拍一拍先再斬，既會令肉更淋，也會令師傅自己好斬一點，但其實很多時候會被師傅拍到散左d肉，由於本身已經落了食粉，如果份量控制得唔好，再拍好易拍散d肉，好似我今次咁。叉燒味道可以用沒有什麼味道來形容，幸好他給了我半肥瘦，但就是一舊淋既肉，勉強吃得出是叉燒。燒鵝我看盤上只剩返上脾，看色澤我深信已放了一段時間，我寧願冇脾食都想佢開過一隻新既，燒味其中一個最大問題就係所有燒味通常都係一早整定，生意好流轉快問題還好，流轉慢好似我今次咁件燒味放左一段時間，無論肉質同外皮都已大打折扣，做到好似天鴻咁經常出爐，流轉又快基本上都唔會太差。另外燒鵝另外一個問題就係10間有10間既鵝肉永遠都唔會有醃料味，因為傳統方法問題基本上唔會點入到味，所以近年棋哥用煙燻分法，的確能殺出一條路出來，連太興也不甘落後模仿佢推出煙燻燒鵝，基於香港法例問題永遠唔會有新鮮鵝，所以基本上鵝肉唔會有太大鵝味，傳統方法又醃唔到入味，

近幾年好興晚市喺酒家食長腳蟹，而我同屋企人都好鍾意去海港食清蒸長腳蟹，因為食過翻尋味，實在太鮮甜啦！😋🔹 阿拉斯加長腳蟹🦀每次同屋企人食多數會叫4至5斤嘅長腳蟹，每次見到成隻巨蟹放上枱都會哇一聲！不過今次蟹頭嘅膏有少少苦，但係蟹肉身都依然係咁正！蟹殼用較剪好易剪開，入面嘅肉係好厚身，好鮮甜！喜歡食蟹嘅朋友一定要試下～當然如果唔食蟹嘅朋友都有其他小菜食😜🔹 鹽燒八頭燒鮑魚鮑魚燒得好香口，外層帶點香脆，但唔會燒得過火導致乾身，仲keep到鮑魚香味，有嚼勁唔會太韌。🔹 蒜蓉粉絲蒸元貝元貝肉豐腴肥美，入口好彈牙有質感，蒜蓉都炒得好香口，粉絲偏硬，淋身啲會更完美。🔹 黃金奶油海鮮豆腐呢道菜好特別！係鹹蛋黃豆腐再加海鮮配料！海鮮份量唔吝嗇，有大蝦、帶子、鮮魷片。而且鹹蛋好足料，醬汁好夠，仲有好多鹹蛋粒，好邪惡😋📍海港酒家粉嶺聯和墟和滿街8號帝庭軒購物商場1樓34號舖．．環境分數：8/10食物分數：8/10Encore分數：8/10

禮拜五晚上同屋企人食飯，叫左上湯波士頓龍蝦伊麵底、鮮果咕嚕肉、四川辣雞鍋！上菜好快，食物熱到出曬煙，加分！龍蝦伊麵好大碟，伊麵口感適中，滲左龍蝦汁好好食，唔會太濃味。波士頓龍蝦足一隻，賣相一流，肉質好彈牙，除左個鉗，其他都食得好方便個四川辣雞鍋叫左微辣，好惹味夠獲氣，有d什菌做配菜，雞肉好嫩，唔錯鮮果咕嚕肉其實都好食，但比另外二個餸搶左風頭，D鮮果就一般，無咩味整體食物幾滿意，服務正常無問題，下次會再去！

細個嘅時候唔鍾意飲茶，因為覺得好悶，成日都想快啲食完快啲走。但大個咗，反而愛上飲茶。好享受品茗嘅過程，同朋友相聚，傾下近況，食下嘢，飲啖熱茶，絕唔會覺得浪費時間。所以每逢星期六或日，有時間都會去下飲茶。粉嶺海港已經試過幾次下午茶時段，點心多款揀，而且仲有特價添。··🔹黑金流沙包酒樓普遍賣嘅都係普通白皮奶皇流沙包，曾經見過坊間都有類似呢款黑金流沙包，喺未食嗰間之前，就食吓海港呢款先！一搣開個包，奶皇好足料，做到「流」出黎嘅效果！內有少少咸蛋粒，幾有口感，而且醬汁香滑又甜，唔會話太油膩。包質烏卒卒，再畫上幾筆金色筆觸，成件事變得好高級，係酒樓打卡菜之一。包身軟熟不膩，所以兩者配合起上黎唔會話過份甜，不錯！溫馨提示：流沙包要趁熱食，如果唔係凍左成個口感味覺都會變咗。🔹蠔汁叉燒包醬汁香甜，充滿叉燒粒，多到漏出黎，絕不馬虎！包質軟熟，熱辣辣，不錯！🔹鮮蝦翠玉餃呢個值得一讚！一籠三件，皮薄餡靚！每件啖啖蝦肉，爽口彈牙，水晶粉皮煙韌不油膩，有肉有菜嘅餃，其實喺飲茶黎講算係健康之選！🔹濃湯菜心唔知係咪因為有啲鹹嘅關係，呢個湯底食食下覺得有啲似薯塊味，哈哈！如果佢可以多個清湯或上湯選擇會更好！🔹排骨鳳爪

同長輩兩個人去食lunch，通常都離不開飲茶。兩個人去飲茶，其實可以食既野好少。😅我地叫左碟菜，一碟飯同咸薄撐。—油水好足。—呢間既咸薄撐好食！煎得好香脆，又大塊。一個人食左大半，好飽。🙃—瑤柱蛋白炒飯炒得算乾身，不過料就少左啲。但係2個人食真係太多，結果打包左大半碟返屋企。😑

我地諗左好耐，母親節餐飯邊度食好，最後決定去粉嶺聯和墟的海港。母親節比較旺，分左6:30和8:30兩輪。我地訂左3,888既餐，重點係因為有原隻乳豬，原隻鮑魚(有點韌，掛住食無影相)，原隻燒鵝，同埋每人有半邊龍蝦。食物大致ok好食，大家都食得好開心。個餐$3,888，早d落訂可以平$200，另外我地叫左野飲，所以埋單都要$3,766。題外話，母親節年年都有送花比媽咪，今年都唔例外。食完餐飯仲買左3個榴槤返去食，好幸運地，3個榴槤都好好味

以屋邨酒樓黎講，海港真係好唔錯 。 點心即叫即蒸 ， 每樣點心都係有水準既。 其實都好難得連鎖店都保持到水準， 雖然同內地無得比，但係香港黎講真係唔錯。黑松露野菌餃真係好好食。 西餐野變中菜 感覺好特別