海潮食堂

营业中

休息中

想落單，啲阿姐十問九唔應，叫老闆落單又掛住招呼"熟客"你同老闆熟係ok 既，佢會好好招呼你落單落錯都算叫咗個兩餸麵比小朋友食，無啦啦成堆胡椒粉係面，搞到最後係咁話辣食唔到蔥蛋治係好香好食既但真係無下次喇

冇門面，冇靚裝修，不過有同客人互動既熱誠，會主動推介唔同既食物👍🏻👍🏻1. 牛腩蝦條煎米粉 $58牛腩蘿蔔勁入味，不過個汁有少少油膩，米粉煎得好香好脆，點埋個牛腩汁相當好味😋廚師仲幫個米粉以醬汁整返個樣出嚟，超可愛😆蝦條就係腐皮蝦卷，炸得好脆口！2. 咖喱肉碎蛋豬扒菜飯 $58咖喱都幾香，不過唔夠濃郁，而且咖喱蓋過咗肉碎同蛋嘅香味。豬扒幾好食，肉質唔算老，但好入味，菜飯都煮得好好食🫶🏻3. 魔鬼菜心 $20以肉碎滾湯再加胡椒粉，配合埋菜心，好有家嘅味道❤️而且個湯都可以飲埋👍🏻

觀塘海潮食堂十分低調，門口連招牌都無，但相當有人氣，在觀塘打工仔之間無人不知無人不曉，絕對值得一試!!茶餐廳主打蔥花蛋治及其他懷舊港式食物，坊間買少見少!!🔥- 蔥花蛋治烘底 HK$30 🥪🍳成名作一定要試!!兩片烘底後片開一半的超薄多士非常鬆脆，夾入蔥花炒蛋。炒蛋嫩滑得黎大大份好有口感，青蔥經醃製後十分惹味，將簡單配搭做得出神入化，好食!!- 手撕雞五香肉丁麻辣撈通粉 HK$58 🐷🐣🍝五香麻辣肉感十足!!手撕雞肉撈入蔥油味道經典。五香肉丁肉厚五香撲鼻。麻辣撈通粉微微麻辣風味，配上雞肉和肉丁，濃郁惹味又飽足!!- 柱侯牛腩菜飯 HK$52 🐂🍚

嚟到觀塘做嘢，眨下眼就已經到下午茶時段，唯有望下附近邊度有位可以食下午茶。行行下就去到嚟呢度，其實我係想喺門口望下入面搞咩咁多人，但係餐廳嗰位叔叔可能以為我喺度睇緊仲有冇位，佢就好隨心咁叫我入咗去先，可能我個樣真係比較困惑，叔叔以為我揀唔到食咩，所以就問我想食啲咩類型嘅嘢。然後我就講：「你話事啦，我想食啲特別嘅嘢」跟住叔叔就幫我安排。呢一種嘅體驗非常特別，結果幫我安排咗份蔥花蛋治，同埋凍啡樂。仲推介我下次要食埋個煎米粉添。

食物方面：用簡單既食材創出唔同款式既食物，而且好好味😋😋😋雖然食物好邪惡，但食完真係好開心😆炸燒賣唔係度度有得食，必試，又香又脆！魔鬼多士邪惡得黎但超好味！蔥花蛋治係招牌之一，記得襯熱吃！第一次食煎米粉，好有創意，同超級好食😋😋😋凍啡樂係一大亮點，以為好伏，但幾好飲！服務方面：雖然好忙，但員工唔會燥底，特別係落單嗰個叔叔，笑容好親切環境方面：位置唔多，都幾逼下，生意好多，經常排隊，建議開間大啲既性價比方面：超低食備註：只開星期一至六，5pm就收鋪，平時要返工，好小有機會食到如果覺得我寫既食評幫到你既話，記得follow，like，同埋share俾你身邊鍾意食好味嘢既朋友😋😆

海潮係我幾年前係觀塘返工成日叫外賣既其中一間餐廳，高峰時期試過一星期叫四日😂不過堂食就真係第一次，老闆依然好nice會幫你發板haha，我仲記得佢哋既炸燒賣好食🤤.✨牛腩魚片湯上海麵叫左少辣不過都係有啲辣( ；´Д｀)魚片炸過但係太咸，牛腩就ok幾腍.✨豬扒上海麵配冬蔭功湯朋友本身想叫辣，但老闆提議配冬蔭功湯話會好夾。豬扒好大塊，味道有點淡，整體無以前咁好食.✨葱花蛋治之前食過魔鬼多士，但葱花蛋治一直都無試過，麵包烘到脆卜卜，而且多葱但唔夠蛋香味.

係我個覓食list到好耐 但因為佢收5點鐘 好小機會有得食！今次星期六就的起心肝岀去食啦 total去左2次食唔同既野 但兩次都有食到既就係牛腩蝦條煎米粉🤤🌟牛腩蝦條煎米粉米粉煎到好香脆 仲用醬汁畫左個笑哈哈係面 好搞笑阿😹 通常都係見到炒米粉 好小會有煎米粉🤤牛腩份量好多 有小小辣辣地 將牛腩辣汁倒落個煎米粉到食 好正阿🤤🌟手撕雞五香肉丁撈通粉手撕雞好好食 唔會鞋 仲有葱油係面通粉本新已經落左汁撈一撈 再鋪左五香肉丁係上面 好食阿不過會越食越咸 老闆係我地食食下行過黎問好唔好食 同佢講太咸 佢都即刻拎左碗湯俾我 等我一邊飲住食 呢d就係小店既人情味🥹🌟蔥花蛋治烘底好多蔥加埋炒蛋炒到好滑 麵包有烘底 掂阿👍🏻👍🏻👍🏻👍🏻👍🏻🌟魔鬼奶油多真係好邪惡🤤每一舊中間都有牛油 外面一邊係阿華田粉 一邊係煉奶 好好食 肥幾磅都抵阿🤩

日本Omakase你就食得多，茶餐廳Omakase你又食過未？呢間位於觀塘嘅海潮食堂老闆好鍾意向食客推薦有咩好嘢食，如果你諗唔到食乜，呢度就岩哂你啦🥪 $30呢個蛋治做法好特別，外層烘底麵包係一厚一薄組成，食落好有層次感，中間嘅餡係用雞蛋加醃過嘅葱花炒成滑蛋，蔥嘅香味同滑蛋完美結合，加埋外層多士烘到金黃好香口👍🏻🥪［魔鬼多士+牛油］$36薄多士夾住烘過嘅奶油包，外層香脆，內𥚃奶油包好似蛋糕咁鬆軟，口感一軟一脆😋面層啲阿華田粉食落仲有啲微甘，再點煉奶一齊食，好有罪惡感呀～🍜［炸雞翼辛辣麵] $42雞翼炸得好香外脆內軟，味道醃得岩岩好，但得兩個雞翼真係唔夠食😂 辛辣麵軟硬適中正正常常無太大驚喜🥤［凍啡樂]$24凍啡樂顧名思義就係咖啡加可樂，飲落幾特別，咖啡嘅苦加上可樂嘅甜有少少似鴛鴦環境⭐️⭐️ ⭐️ 性價比⭐️⭐️ ⭐️推薦度⭐️⭐️⭐️ ⭐️人均消費:$66整體分數:86.2分

基本上每次來到這裏, 餐單上的菜式也不用點, 就是和老闆說要吃什麼類型的主食, 然後就等待着他的推介. 今次他推介的是蔥油手撕雞配五香肉丁撈公仔麵, 也不是第一次接觸的, 但這裏的味道就是和其他茶餐廳不一樣.先說其蔥油, 比起茶餐廳及茶樓處理的更香更濃, 而且並非切碎蔥粒, 而是偏向蔥段, 更厚更香, 配以口感爽滑的手撕雞, 再加上本身掠乾水份的即食麵, 配搭起來不會太膩, 有十足撈麵的感覺. 五香肉丁的辣香和鹹香同樣比一般的重, 結合起來就是非常的濃味, 男孩子當然OK, 女孩子可能有點吃不少了.老闆除了喜歡幫客人安排食物外, 外表粗豪的他, 事實上相當有禮貌, 對客人相當尊重, 粗中有細, 其實只要保持良好的服務態度, 我相信還是不少人願意在香港品嚐美食的.Every time I come here, I don‘t need to order from the menu. I just tell the boss what type of main dish I want and wait for his recommendation. This time, he recomm

間店非常之窄，冷氣亦都唔大，有啲侷促，食完之後成身都係會一浸食物味，如果嗰日心情唔係太好，就唔好嚟呢間啦，但係如果你嗰日有啲為食，又好想食啲特別嘅食物，又唔介意坐得衰啲，侷促啲嘅話，其實都好推介嘅！個人幾鍾意食佢啲小食，佢係炒米粉，啲配料切得啱啱好，長度係一口可以食幾條，蛋又炒得好滑，杯茶又幾好味，但係嗰日唔知老闆咩事，定係員工咩事，真係遲咗好多好多先俾我，搞到我爭啲之後要做嘢都遲到，希望下次唔好咁樣！拜託拜託！

走進這家茶餐廳，一陣陣醬油與蔥的迷人香味撲鼻而來，抵擋唔到嘅餓意即刻湧上心頭，我點了齋滑驚世咖喱魚蛋條，飯後甜品就係芝心窩夫。首先，盤中滑溜溜嘅咖哩魚蛋條上桌啦，你話呢個香辣味道嘅咖喱裹住暖笠笠嘅魚蛋，食落去真係夠哂喉！咖喱濃郁中帶點微辣，魚蛋又唔會過度煙韌，嘴巴裏頭點滴都係香滑開心嘅滋味。再講吓芝心窩夫，外面焦香裡面軟綿，仲撲滿咗芝士粉，起勁香濃得嚟唔覺膩，食落去冧爆🥰。茶餐廳嘅份量你話大唔大，但絕對夠曬滿足，而家個肚都仲暖笠笠，滿足到爆煲。仲有，服务員面帶笑容服務，真係一流，感覺賓至如歸。下次過嚟，一定要再試吓佢哋嘅經典豬扒包同霸王牛丸粥，至於多謝晒，我預感食完之後肯定會掂搵正！👍🍲😋

今次同幾個老友記來到咗啲海潮食堂，一家馳名嘅撈通天堂！入到去，感覺就好親民，環境溫馨，唔使拘泥咁食飯。最正嘅當然係手撕雞拼五香肉丁麻辣撈通粉！將啲麻辣汁融入通粉裡面，咬落去夠晒滋味，仲有肉丁嗰陣香味噴出嚟，真係咸香得嚟唔會太辣，岩曬冬天呢陣涼食住。椒鹽炸燒賣簡直係脆皮界嘅達人，入口即溶，這淡淡嘅椒鹽味，完全攪拌得剛好，搞到我想再點！鹽水通菜清新得來超解膩，另一盤簡單嘅蔥花蛋烘底三文治外表普通，但蛋香味同蔥味嗆鼻，幾可口，就係同撈通比起上真係略遜一籌，我一定要留肚再啜一碗！煎餃子就算盞頭鮮味啲，湯汁啲，相比嗰撈通，就少咗分魄力，幾百搭。總結，嗱，呢度嘅食物素質好高，服務又唔錯，而且用嘅材料係上上之選，適合想齊齊分享嘅三五知己。海潮食堂，如果你想擺脫咁多選擇分不清，真心推介你嚟試吓佢嘅撈通粉，實會令你回味無窮！🤤🔥🍜

嚟依度食lunch一嘢倒到隔離枱個檸檬茶喺我成身倒到我成身濕晒成身都係甜野但照收我全價之後送啲椒鹽燒賣嚟但我完全唔覺得好食質感奇怪同好辣佢炸完之後有個好軟嘅奇怪口感辣到食唔出有咩味 單純地辣 你喺咁送啲我唔想食嘅嘢比我真心唔明你想點唔係話要五星級服務但我諗冇人入餐廳係會覺得比人淋到成身糖水係唔應該嬲呀… 如果我放假都話 我仲要番工蛋治不過不失 但搞到我成身都係甜水仲收我full price 然後送一碟我唔想要嘅燒賣係想點…

朋友拉我去咗一間茶餐廳，話俾我聽話隱藏版美食多到數唔晒，一坐低，桌上嘅白底藍邊碟就已經俾人一種家嘅feel。我哋點咗碟牛腩煲仔飯，蓋頭仲冒住煙，牛腩嘅肥瘦剛好，腍滑得嚟又入味，啖啖肉配上啲爽口青菜，簡直係滿足到我嘅胃。再點咗塊蛋撻，蛋撻底香脆到喺嘴裡啪啪響，蛋漿滑到犀利哂，真係超曬筍！我喺度又見到其他檯有人嗌咗個翠綠翠綠嘅沙律，下次試試！🤤🥗整體嚟講，呢度嘅茶餐廳真係有好多驚喜，老闆嘅招呼更加加分，一句又一句嘅「慢用」真係令人覺得好貼心。食物質素同價錢真係好match，無論係想食個飽或者搵個地方嚟個下午茶，呢度真係一個好選擇。🍰點解咁多人愛黎？食過之後，就知道啲食物真係香得過癮，味道好夠晒層次，食物新鮮之餘，份量都好足，最緊要係環境舒服，對得住個心靈同胃囊，食得開心，食得滿足，下次一定仲要再黎！👍🏻

已翻兜舊式茶記，獨特茶餐味道很讚，推爆蔥花蛋治😚！・・・・・・・・・・・・・・・・・・・・🍳 蔥花蛋治 HK$30・味道：重蔥，愛蔥人士入！蔥同蛋幾乎1：1，極濃蔥香，好正！蛋味重啲更好～・口感：多士烘底加爽脆蔥花，蛋唔鞋唔嫩啱啱好，食落不錯～💛 炸燒賣 HK$18・味道：正常炸魚肉燒賣，個辣汁幾惹味，除咗辣外仲有陣鹹香，不錯欸食食下就食晒。・口感：都幾脆口同時幾滿足，魚肉燒賣塞爆口嘅感覺XD🐮 牛腩蝦條煎米粉 HK$58・味道：牛腩用腩汁同辣汁醃得好入味，入味到食耐咗有啲鹹。煎米粉幾香口而且唔會好油，點腩汁食幾正。蝦條就係南記嗰款XD・口感：牛腩好多但都幾重口味，未到食到肉絲但醃咁耐就一定鞋口㗎喇。煎米粉乾爽脆口唔油，食緊米餅咁，蝦條幾彈口～🐔 手撕雞五香肉丁撈通粉 HK$58・味道：呢個就真係有啲太油😖味道好食嘅，不過唔係手撕雞係蔥油雞😅。加埋五香肉丁，兩款都好油就搞到食咗陣就食唔落，同波妹share都食唔到半碟⋯⋯成個底都係油，油量控制下就perfect池了～・口感：蔥油雞幾嫩滑，蔥油都仲keep到蔥嘅爽脆。係真心太油了～～～🍋 鹹檸檬+西柚汁 HK$24・味道：老細推介的，me