海皇漁港

营业中

休息中

星期五夜晚,一家三口去咗新港城海王漁港食火煱放題,價錢$188 另加一。呢度食火煱,先上重慶雞煲,份量唔算多,三個人十零分鐘就KO佢,跟住入正題,佢會生上海鮮併盆,安格斯牛,水餃同味淋鮑魚(小食)跟住就可以任點餐單上的物品。海鮮併盆質數同新鮮度普通,可能我地較早入座有關,而餐單上任食的物品偏少,只是一些大路貨,飲品方面亦偏小,而豉油亦偏鹹,應是廚房未有調較過,而侍應服務亦需要改善,反而送餐的嬸嬸服務最好,又主動收回空碟。埋單連加一總共$620,佢呢度最好係星期一至日都係均一價,星期五,六,日幫襯好似抵啲。

大家小心中伏!在20/8（六）我們一行八人，下午2:30興高采烈去飲下午茶，店員給了我們下午茶點心紙，當中很多優惠優，我們見很少出來聚一聚，加上價錢亦不貴，我們開始點餐，之後大家唔夠再問店員取下午茶點心紙，多次再點，吃完飽飽後付款時，才知星期六原來無下午飲，原約為$400多元可落樓樓，即變$800幾元，最重要‼️是點心紙明白寫下午茶價錢，理應不會有這張紙，朋友出去付款時，發現不止我們一枱中伏，大家日後小心！😂

今日慶祝所以嗌多啲嘢食，不過點知啲嘢食唔正常！重點係比$138嗌嘅燒鵝相片質素非常之差， 燒鵝有一半都係冇肉嘅位置跟住pat pat位叉燒嘅質素都麻麻地， 薄切好受唔靚嘅位金錢肚同百花魚肚我OK！有三粒蝦滑丸好好味好粥了炸蠔小食質素非常差，炸粉超大，肉只係得大概¼千祈千祈唔好嗌！大伏皮蛋酸薑嘅皮蛋留心好好味，酸薑份量亦都多雞翼抵食有好多隻！甜甜地好味😋好似係六隻乳暈底下有少少透明嘅類似陳村粉幾得意，不過整體多油咗啲鮑魚雜菇餃好大粒！原來中間嘅雜果仲有少少蝦肉，非常足料灌湯餃$38一份，除咗匙羹上面有少少花膠碎同埋鮑魚仔，其他都係極差，灌湯餃入面只有一d雜肉同預期差好遠，搵到少少蝦肉粒嘅蝦餃大大粒好味！平日嘅晏晝嚟飲舒服好多，有多位，服務都好啲不過正常嘅今次嘅感覺係有幾樣嘢都非常之偷工減料，懷疑係俾師傅偷食，特別係燒味

今晚想食中餐，近近哋揀咗海王漁港。今晚叫咗：1. 清蒸松葉蟹🦀️ $298/隻，約斤半重。肉質實淨，好鮮甜！我覺得幾抵食😋2. 冬瓜盅 ($148) 都幾多料，味精唔重，飲完唔會口渴👍🏼3. 另外叫咗個「晚飯精選」($388) 有一碟例牌燒鵝，不過肉質有啲「鞋」！鹽燒鮑魚，冇咩味道，普普通通！清蒸虎杉仔，一斤左右，不過蒸得幾好，啱啱熟，幾滑吓，個蒸魚豉油都唔錯😋4. 最後叫咗個燕窩燉奶 ($28)做甜品，唔會太甜，好香奶味😋

平時去屋企飲茶，通常都係馬鞍山入面兩間海港做選擇，睇心情嘅第五個之後第三次飲茶，因為上次食舊嗰間燒鵝海港覺得普通，而且冇咗下午茶大中世一樣價錢呢個優惠就變相冇咁吸引！所以試吓呢間海王漁港最近嘅質素。雖然佢價錢係貴少少，但係其實佢啲質素同埋份量都喺返好！除咗碟金錢肚但係記得呢一間嘅金錢肚不嬲都係整得冇咁出色，顏色同埋份量都差少少！不過嗰個金錢肚係厚嘅， 不過未必係特別新鮮，只係加咗好多個，個口感係比較軟林林，係唔自然唔使太咬嘅呢個質素同份量手大點價錢，冇咁值得喇小籠包以為特價咁平，原來係得三粒，不過質素唔錯，阿哥食到舔舔脷燒賣反而就比較失望，唔差，不過我用了同埋份量都好似唔係咁平均～不過食得出有類似豬頸肉位嘅豬肉鳳爪排骨飯嘅排骨少啲，可能因為特價～呢兩件就好抵食啦！煎釀三寶雖然係大點，不過佢份量真係喺返度，而且係好新鮮整起嘅！ XO蘿白糕就夠晒辣同埋香，蘿蔔糕亦都好整齊唔會散秀秀呢一間始終係服務同埋環境都好好多！侍應態度好得來唔使你周圍搵人先有人服務，洗手間亦都衛生乾淨好多

終於等到晚市堂食歸來，即刻來個飯聚先！久唔久都會黎海王一轉，水準算是比較穩定。不知道停咗晚市咁耐會變成點呢？6點半來到已經坐咗4成枱。望到枱上個牌做龍蝦餐，另外點兩set 孖寶(A+D)，唔使煩！想落單之際聽到隔離枱嘈話D龍蝦凍，唔夠熱，嚇咗我地一跳！部長好快過嚟了解，話再做過俾佢地。我地都hold 住唔落單，等一陣先。冇耐見隔離枱再上龍蝦，今次冇投訴喎，我地先落單。原本個餐係上湯龍蝦，但我地都驚中伏，寧願加$50轉芝士龍蝦。好快已經上菜。菠蘿咕嚕肉：香口，夠大碟，好味！百合炒上素：麻麻地，碎濕濕，又細碟。蟶子皇：新鮮嘅，但係啲粉絲偏乾。乳豬件：脆口但偏肥，份量少得幾件。芝士龍蝦：大路貨色，伊麵底比較乾。多啲芝士會好食啲。總括嚟講，味道不過不失啦！見個場未到7點已經坐滿。望下隔離左右上菜都係熱到標晒煙咁。應該真係聽到食客意見，立即有改善，算係咁！計番二百幾蚊一位。政府請！(消費券)

屋企人買盆菜食，呢個鮑魚花膠尚品鍋真係不得了！！$1880(12位用)👉🏻原隻南非鮑魚12隻隻隻都好入味又彈牙！👉🏻蠔皇扣花膠超級無敵咁大件！！感覺似食牛筋，哈哈！👉🏻紅燒元蹄兩大隻豬手，真係大過拳頭！👉🏻順德炸鯪魚球呢個真係超級好食，有果皮，蝦米同臘味！其他仲有蝦、燒鵝、香妃雞、香芋蓮藕、客家炆豬肉、蠔豉、蘿蔔炆豬皮、花菇枝竹同埋生菜！有三包湯料，非常入味！供應期只係去到2月20日，想再encore！

今日大家都未食晏等好耐先來食，所以嗌多啲嘢食！平時冇機會食豬腳薑，見到呢度咁$21.8 1分， 所以嗌嚟試吓！大大煲好抵食！不過好明顯今次火候唔夠，雞蛋薑同埋肉都唔算太入味蝦餃同埋粉果嘅質素正常今日個XO醬蘿蔔糕怪怪地，一粒超級大，而且冇乜食水冇乜XO味我覺得呢一間海港嘅金錢肚不嬲都係少啲同埋冇咁靚，今次都係紅棗糕反而好抵食，唔會太甜！而且非常之煙銀！唔記得幾錢但係係平啲嘅抵食！因為我冇食到炸嘢，所以評價唔到，但係佢哋好似都話夠脆口同埋唔會話皮好厚咁樣

海王漁港之前朋友介紹食過次 已經知燒鵝非常出名同好好食 個次見周邊每台都叫隻蟹食一直都心思思 今次忍唔住黎食返次 每台既海鮮 可以親自到門口魚缸揀職員會即時秤重量 拎出黎確認無問題先拎入廚房煮 我地揀左隻四斤重阿拉斯加長腳蟹 係爆多膏 而且肉質好肥美 咬落淡淡肉 又好鮮甜 超級推薦然後我地再揀左兩斤既龍蝦 加錢整左芝士焗龍蝦伊麵 龍蝦又係好甜 配上邪惡既芝士 勁好食 比蟹更更好食當然再order左出名既燒鵝啦 好惹味 其實前兩道菜都食到飽晒😂😂😂

今日提早一星期前與家人做冬至飯因為馬鞍山屋企附近真的沒有太多粵式酒樓選擇，所以今年就決定係「海王漁港」吃飯。疫情下，其實枱與枱之間距離都不是太闊，可能臨近冬至所以客人比較多卦至於食物方面都係普普通通不過不失啦沒有太大希望就唔會有失望總之大家覺得可以吃飽肚仔價錢唔太貴食物睇落乾淨呢間洒樓都係唔錯嘅選擇嚟嘅

雖然知道飲食業，特別係酒樓一直唔夠人手，但唔代表服務就可以差劣，我同婆婆去飲午市茶，門口reception 態度十分差，當電腦叫我哋no.時，reception 望我哋一吓，跟住冇任何表情、冇講野亦冇再望我哋，就咁手執既點菜紙用紙嚟比一比（意思你個位喺入面）但當時係未到繁忙時間，客人好少的。我同婆婆自己揾到個位，有員工遞咗茶同幫我哋開咗位後，我寫好點心紙寫好枱號比 侍應，點知個侍應反問我枱號，話我係搭枱所以要加個a上去，痴鬼線既～都冇人同我講過依家你話我？跟住又有員工一腳踢個筒車撞向我哋張枱到，雖然我知佢唔係有心想撞到我哋張枱但做野都好求其啫！耐唔耐去幫襯都知人手問題，我會自己去沖水、拎柸、碗等，都唔使你嚟招呼，因香港人對服務既要求真係十分低，不過當你遇到依D野時真係有D激氣！

今日和老婆, 外父和外母晚上往海王漁港食晚餐。我們點了阿拉斯加長腳蟹, 高山菌燒豆腐、咕嚕黑豚肉、燒鵝皇和薑汁炒芥蘭。阿拉斯加長腳蟹我們點及4斤重, 清蒸阿拉斯加長腳蟹肉鮮甜彈牙, 食落啖啖肉, 口感豐富；高山菌燒豆腐菌食落爽, 豆腐軟綿, 獻汁香濃, 口感十足；咕嚕黑豚肉黑豚肉食落啖啖肉, 配上醒胃咕嚕汁, 食落開胃；燒鵝皇皮脆肉嫩, 食落啖啖肉有油花, 佐酒一流；最後薑汁炒芥蘭食落新鮮爽脆, 配上薑汁, 食落口感豐富。酒樓座位舒適, 食材新鮮, 美味高質, 我和家人食了一頓美味晚餐

兩老平日都黎開哩間飲早茶今次就一家人去食長腳蟹五個人嗌左個六人餐諗住食唔哂就打包—————————-海皇燒鵝皇（例牌）一上枱睇賣相已經覺得麻麻地食落只係微暖皮唔脆肉唔嫩同街市買啲燒鴨無分別濃湯花膠燉螺頭湯幾濃味但湯渣同個湯完全係分開既感覺啫係湯有湯煲 滾滾起扔少少料落去煲多陣咁雞腳瘀瘀黑黑唔靚 而且食落黎係滾得個一陣既口感正常雞腳煲得耐係會離骨嫁嘛 佢個隻啲硬度吮起上黎都唔容易嫁另外橙色個舊我都研究左一陣先估到佢係花膠食落硬硬爽爽地完全唔係平時既質地清蒸沙巴龍躉斑魚就大大條蒸得唔差食落尚算嫩滑長腳蟹（三斤半）其實六點都已經點菜不過都係得三斤同四斤半既蟹揀焗你加錢揀隻重啲既都唔知係咪生意手法黎橫掂都係食 咪食好啲囉肉質算係飽滿結實陳皮蒸鮑魚鮑魚比較細隻豉油汁略嫌鹹左少少西蘭花帶子炒珊瑚蚌帶子係橫切一分為二 望落份量多左但口感就減弱左珊瑚蚌無食評價唔到反而西蘭花幾好食 食左半碟燕窩燉奶面頭有一篤燕窩燉奶甜度幾好但食落唔滑溜應該火喉過左或者個比例唔岩———————————————整體食物質素中下服務都係叫做過得去如果唔係想食蟹但又唔想煮唔想洗真係唔會試哩間野

而家澳洲龍蝦🦞真係好平！梗係要去幫襯下啦！一上檯見到超大隻！超多肉！一食落口真係啖啖肉！好鮮甜！😍😍😍我地叫咗米粉底，因為我媽媽鐘意，個米粉底係煎再先，所以係外面脆，我麻麻地，因為我覺得硬咗少少，下次我要叫返伊麵底😂另外再叫咗鮑魚，d肉好淋，一d都唔會韌！再加埋d炸蒜好惹味，好好味😋

自從有限聚令，5人飲茶幾麻煩，好多茶樓要分開2張枱，難得呢間海王漁港劃出C區，有不少6人枱，星期六12點幾等咗15分鐘就有一張6人枱俾我一家人食，不用再跨河遞點心俾隔離枱，兩個老人家最開心！點心燒味和斑頭腩炒河的水準都不錯，蜜椒雞中翼幾脆口，金紗銀蘿腸入面是白蘿蔔，幾好味，敗筆是檸蜜炸蛋散，腍啤啤。埋單唔駛$500，可用八達通消費券數！