海膽仔

营业中

休息中

甚少去新蒲崗食嘢的我，原來當區有間食日本菜超正的餐廳，於是就去了新蒲崗𧗠慶街2至32號新蒲崗大廈地下Q號舖的海膽仔食晚飯。餐廳富有日本的色彩，更有日式的擺設，可以食吓嘢打吓卡。另外最想讃的是侍應很細心，看見我的手袋放在坐椅旁，立即給我一個籃放手袋，然後放在枱底下，超窩心呢。餐廳食物方面有日式拉麵，定食，丼飯，壽司，軍艦，卷物，炸物，串燒，刺身，仲有新鮮生蠔等，超多選擇。海膽丼$168加木村蜜瓜味汁$22餐廳叫海膽仔，當然一定要試吓佢哋嘅海膽啦。於是就叫咗個海膽丼，套餐配有麵豉湯和沙律，海膽非常幼滑及鮮甜，鎮店之寶－海膽仔，真係實至名歸。刺身定食配壽司飯$128加波子汽水$10定食也是配有麵豉湯及沙律，更有多款刺身如帶子，大赤蝦，北寄貝，希靈魚，三文魚，吞拿魚，鯛魚，各款刺身都非常新鮮，肥美，鮮味十足，簡直是美味沒法擋。活赤貝$45十帶子刺身（三隻）$48赤貝又鮮又爽脆，帶子鹹鮮清甜，令人滋味無窮。厚燒鰻魚串$28鰻魚厚身肉滑又肥美，加埋醬汁，極惹味。

今日同友人行完Mikiki就搵下新蒲崗附近有咩食啦～又唔想食返啲連鎖大集團嘅嘢🤭於是就見到呢一間專食海膽嘅海膽仔啦一入到門口就見到佢擺咗好多唔同種類嘅生蠔不過我哋一心都係諗住食海膽，所以今次就冇叫到生蠔試😂 好！首先睇吓個Menu先～唔同季節都會推出唔同嘅菜式～另外都仲有啲串燒，丼飯同熱食！我哋就分別叫咗黎試下倍化帶子吞海膽，必食推廣食落有帶子嘅爽口純淨甘甜，再加試口感creamy嘅海膽，絕配而帶子表面仲帶輕微燒過金菇肥牛串，有黑椒味燒得好juicy 不過粟米就略嫌有小小乾，不過變咗有口感 哈哈到重頭戲，梗係要叫返個海膽丼口廿會包埋味噌湯同埋沙律👍🏻海膽色澤橙黃，味道濃郁，口感嫩滑而三文魚籽，表層有粘稠，望落就已經覺得好新鮮🧡輕輕一咬就會「boo」一趕破裂在口中💥流出充滿海味🌊鹹甜味交織另外叫咗啲壽司作結尾🍣個人最鍾意蟹膏壽司🦀壽司可以參考下面張單～價錢合理

5月2O日是揾食肥華為靚媽，補祝母親節嘅日子，難得大细兩位仔仔都可以，有空出席此餐晚飯，而兩個仔仔都係，視日本為鄉下之人，為迎合兩位仔仔胃口，所以肥華就决定選擇呢間，食日本嘢嘅食店，食晚飯，並點了自己及兩位仔仔和靚媽，喜愛的食物，如肥華所料，席中各人都對今餐此店提供食物感到滿意，大家都食得非常開心，而價錢又合理，難怪此店已成新蒲崗食日本嘢嘅，人氣食店，若想到此店食晚飯，肥華建議大家，預早致電此店，訂位為佳👍👍👍

📍牛油果軟殼蟹卷好鐘意食，牛油果係上面，第一啖就食到🤤📍大根牛舌蘿蔔好入味，牛舌又厚又大件，唔會硬👍🏼📍牛肉薯餅夠厚身，咬落去又真係有牛肉碎，食落唔會油膩🤤📍鰻魚炒飯同出面食開嘅唔同，佢加左一種調味料，但我唔知係咩，只係覺得好食😂📍魷魚鬚串&雞肉棒串雞肉棒串第一眼睇以為叫左扎肉食🙈📍環境唔算好大，但有個大電視可以睇👍🏼轉右應該有張神秘卡位，但我地坐出面，冇機會望到入面🔹🔹🔹🔹🔹🔹🔹🔹🔹🔹#海膽仔 (新蒲崗)新蒲崗衍慶街2-32號新蒲崗大廈地下Q號舖🔸🔸🔸🔸🔸🔸🔸🔸🔸🔸#九龍地好食 #九龍城食好西#新蒲崗好食 #新蒲崗食好西

新蒲崗有很多好吃的地方，這次去了一家日式餐廳，品嚐了海膽丼和刺身定食。餐廳的門面裝修非常漂亮，具有日式風格，員工的服務態度也非常友善🫶海膽丼的海膽份量很豐富，其中一部分的海膽用小木板裝住，海膽慢慢溶化在口中，非常鮮甜。兩款海膽都非常新鮮，肉質肥厚，味道鮮甜，質感細膩，幾乎入口即溶✨刺身定食的價格非常實惠，有很多款刺身可以品嚐。大蝦非常大條，而且還有兩條，肉質彈牙，蝦頭的蝦膏非常豐富。希靈魚也非常好吃，魚籽很多，三文魚刺身厚切非常滿足，北寄貝也非常新鮮，每一片都很大😋另外還有炸雞軟骨，炸得非常脆卜卜，口感鬆脆，而且雞軟骨外酥內軟，油膩感也不會太重，搭配沙律醬食非常好吃。整體而言，這家餐廳的質素高，值得一試👍📍海膽仔 (新蒲崗)新蒲崗衍慶街2-32號新蒲崗大廈地下Q號舖

新蒲崗海膽為主的日式餐廳✨❤️🍀這間餐廳已是第三次光顧了！愛吃海膽的朋友會喜歡，因為多款餸菜也是以海膽作主調！有加拿大海膽，亦有日本的海膽！海膽迷必到的餐廳！《倍化帶子吞海膽》$98/2隻超級巨型的帶子包著濃濃的海膽，特色菜式之一！人氣度極高！是必叫的菜式呢！那巨型帶子啖啖肉放入口，中間有著份量的海膽，很有驚喜！《海膽凍豆腐》$58又是以海膽為主題的菜式，凍豆腐上放了長長的海膽！《海膽三色花之戀》$38/一件《黑松露玫瑰花之戀》$38/一件特色花之戀之系列，有多款的選擇！每件也很大件！魚生也很厚切！當然不少頭有海膽做主角的花之戀，也有香味濃郁的黑松露！《醬油漬鮪魚雙色丼》$128喜歡吃吞拿魚的朋友也必叫這個丼，有醬油漬鮪魚，厚切有四件，是大大件啖啖肉，而且有拖羅蓉，多滿足呢！《芝士海膽大蝦炒麵》$98這是定食其中的一款，所以包含了麵豉湯和沙律。那炒麵的份量也很足！芝士海膽的香味也很濃郁，重點是大蝦亦有多隻，且是彈牙！這是非常惹味開胃的炒麵！

倍化帶子吞海膽$98其實係紫菜夾雙層帶子配海膽 賣相超吸引 呢個配搭係好心心眼！但要快啲食 否則 紫菜吸咗醬油就會淋 呢個價錢有兩大件 帶子好大隻 肉質唔錯 一啖擺入口時 海膽溶化係帶子入面😋滿意黑松露鮪魚他他沙律$88Truffle oil好香 冇諗過配tuna tartare salad 可以咁夾仲好開胃👍🏼tuna 都有5大件 沙律菜亦好新鮮海膽三色丼 $138 有一細板海膽 食落似加拿大海膽 無日本咁鮮甜 另外有拖羅蓉同三文魚籽 鍾意佢有幾塊紫菜 可以用嚟夾魚生同飯附送細碗沙律同埋麵豉湯（足料）活赤貝$45 二食： 活赤貝刺身+用紫菜包住 唔算好大隻 但勝在性價比高 三文魚籽花之戀$36 新鮮 一啖擺入口大滿足 厚燒鰻魚串$28鰻魚夠厚 即燒好味 個汁都好好😋雞肉棒串$18 呢個唔係免治雞肉串點蛋汁個隻 還可以雞翼串$28 幾抵食 鹽燒得外皮好香脆 入面又滑同多汁 總括小店食物唔錯 除咗海膽 仲有好多選擇 基本上居酒屋有嘅野食佢都有～值得一提服務好殷勤 特別係男店員 超級有禮貌 今時今日好難得嘅service👍🏼

海膽仔海膽丼定食 $168定食包括沙律和麵豉湯, 另外加$10配波子汽水. 海膽份量都多, 分別有兩款海膽. 碗中嘅海膽口感細膩, 都幾甜. 不過另外係板上嘅個人覺得麻麻. 佢仲伴有紫菜和三文魚子秘制牛舌拉麵 $68好大碗, 有2塊牛舌超厚切炆得入味帶有咬口, 唔錯. 蘿蔔都入味. 同埋溫度蛋. 拉麵不過不失帶子/三文魚腩 $28/$88前者都幾甜, 拉麵定食可以加錢追加幾抵. 後者肥美燒左口魚邊壽司/鰻魚壽司 $32/52左口魚邊燒完更肥美, 鰻魚有點小骨燒菠蘿 $18菠蘿帶微酸好開胃解膩

呢日喺新蒲崗，要醫肚，唔熟悉呢區，不過都有嚟過吓，記得有呢間餐廳，印象中幾好味，於是就決定過去開餐😆$128 嘅「珍味丼定食」，「定食」包 味噌湯 同沙律🥗「珍味丼」材料包括 三文魚、帶子、魚籽、牡丹蝦、吞拿魚蓉、最特別係有隻鮑魚🤩，全部都新鮮幾好味，其中鮑魚肉質結實、味鮮、好正，全部 sashimi / 海鮮 要嚟撈飯食，眨吓眼就食晒😆$98「倍化帶子吞海膽 Double Scallop & Sea Urchin」：帶子好厚肉，用切雙飛嘅方法片開，中間放入海膽，所以個名就叫做「帶子”吞”海膽」🤩；帶子 同 海膽 都新鮮，幾好味😋

今日同朋友係鑽石山附近上完workshop 去附近搵下野食先 點知搵到呢間日本餐廳 餐廳門面設計特別顯眼 餐廳內劃分外賣同刺身區兩邊 入面同樓上都有堂食座位 未到7點已經有一半滿座 即刻入去坐先-餐牌食物種類豐富 基本上有齊壽司、刺身、丼飯、仲有串燒、拉麵、火鍋⋯⋯ 我地就每樣叫少少 食下先 味道都唔錯 價錢好合理 街坊價🤩🤩-☀️海膽丼 $168 見呢度以海膽仔命名 就一於叫返個海膽丼海膽份量多 有成6-8塊 塊塊都好大舊好肥美😚😚 -三文魚大蝦帶子丼 $88魚生塊塊都厚切肥美 😍 好喜歡呢度嘅壽司飯 粒粒飽滿 調味鮮甜😋-🐟三文魚腩刺身 $88厚切嘅魚腩 油脂分布平均 肉質肥美鮮甜 -🥑牛油果軟殼蟹卷 $38價錢抵食 有4件❤️ 配料豐富 青瓜係點綴左整個壽司 豐富了整個口感😋😋-🍢串燒 叫左幾款串燒 ：🐷七味五花腩串 調味好夠香口 惹味😍😍 五花腩燒到岩岩好 唔會太鞋口 仲好juicy 🐥雞肉棒串: 賣相可以再燒得金黃色啲 但肉質唔錯 仍鮮嫩😊🍍燒菠蘿：好香甜😋😋 好多汁👍🏻 -🍽🍴總結 🍽🍴餐廳上菜速度算快 好快就上晒啲食物 不過餐桌太細 唔夠放 🥺店員一見我地食完一樣就好快收拾

還在養生，沒法吃刺身。看到別人推薦這店的黑豚肉眼定食，照片中的豬排很肥美，所以去拜會一下。一吃真的愛上了。本來我不喜歡吃豬因為總覺得有點味道，但這黑豚肉沒有一般豬的臭味，炸得皮脆內嫩，肥瘦適中，入口滿滿的肉汁。這店特別在有3種汁讓客人配豬排--芝麻醬，燒汁，沙律醬各有風味，酸酸的配上椰菜絲很開胃，吃完都沒有肥膩感。即使鄰桌吃著高級的刺身，肥美的生蠔，也吸引不到我了，完全沉溺在美味的黑豚肉中。這是第一塊戰勝刺身和生蠔的豬排，怎麼可能不上來推爆！！！！！下次我要再回來吃黑豚肉眼定食

新蒲崗不嬲都好多好嘢食😳今次去咗呢間日式餐廳海膽仔食晚餐💕餐廳門面裝修好靚 好有日式嘅風格🥰職員嘅服務態度都好nice😳壽司方面🍣，我哋叫咗三文魚腩壽司、赤蝦壽司、火炙牛油帶子壽司、三文魚香芒加州卷🧡全部都好新鮮😍特別想讚三文魚香芒加州卷 芒果好甜同三文魚好夾😍😍😍我哋仲叫咗倍化帶子海膽😊用紫菜包住帶子再夾海膽一啖食落肚 非常滿足🥰🥰🥰重有甲羅燒配法包超香💕💕好重蟹味😋😋串燒方面 我哋叫咗雞肉大蔥串、魷魚鬚串、五花腩串🥳串燒都燒得好香 調味好夠🔥🔥 仲有個茄子燒🍆好多蒜😋😋😋超級惹味❤️至於飲品，我哋分別叫咗波子汽水同埋沖繩啤酒❤️ 配埋啲串燒壽司食，真係一流👏🏻👏🏻最後兩個人埋單，總共係$479 😙😙😙食到好滿足呀😋

🍛#哈比四圍食 #新蒲崗 #新蒲崗美食有冇 #海膽控 啊？呢間 #海膽仔 我mark咗好耐㗎啦，終於有時間去試啦🥰我自己都唔知由幾時開始鍾意咗食海膽，嚟到呢度真係好多海膽嘅選擇，有前菜去到主食都有海膽，真係滿足到我吖😋另外，仲有即叫即燒嘅串燒，脆卜卜嘅雞翼、好juicy嘅燒冬菇、又厚又嫩嘅牛舌🤤時日限定嘅三文魚帆立貝鵝肝丼，有沙律又有湯，剌生同鵝肝都好厚切，真係好滿足😌.➡️ 海膽仔 (新蒲崗)新蒲崗衍慶街2-32號新蒲崗大廈地下Q號舖

新蒲崗想食日本野🇯🇵，好味抵食正宗，小柔推介新蒲崗大廈地下的———海膽仔🤤🤤🤤海膽仔前鋪可以見到有好多日本🇯🇵魚生食物可以買，仲有新鮮生蠔🦪，主打新鮮製造。裡面就係食肆有埋樓上，座位都算舒適。服務態度好好，幾個staffs都會細心留意客人需求，也會熱心介紹食物。點了好多好野食，通通都好好味🤤🤭1. 泡菜餃子🥟鍋🍲2. 珍味丼（包沙拉🥗，面豉湯）3. 火焰鵝肝壽司🍣4. 活赤貝（限定）5. 軍艦（松葉蟹膏軍艦，明太子沙拉軍艦，芥辣八爪魚軍艦）6. 壽司🍣（三文魚腩壽司，油甘魚壽司）7. 飲品點了西瓜味波子汽水🥤以上所點的都係我既摯愛，都超級好味😋，而且性價比高，兩個人埋單都係$500內。當然還有很多其他高質食材等著發掘，回頭率100%，值得翻吃🤭🥰😋

新蒲崗係好多傳統老店，食物就粥店茶記，早排經過見到呢間門面好靚既日本餐廳，就決定同女朋友過黎試下😆門面同店舖裏面都好靚，坐得好舒服，食物款式好多，價錢唔貴👍🏻食物質素都好高，好推介✅海膽三色丼 ($138)呢個丼飯好豐富，有新鮮嘅海膽、三文魚籽、吞拿魚蓉，珍珠飯同魚肉食落去好滑好鮮美，海膽充滿鮮甜甜味，三文魚籽爆炸嘅口感好好，食完係超滿足！🤤✅蒲燒鰻魚丼 ($108)呢個鰻魚就特別用蒲燒醬燒過，令味道更加香甜，鰻魚好大條，又肥又嫩，仲要無骨，口感一流！😋配埋飯同汁，正爆，超級推介呢個！另外我地都叫左幾款壽司，全部都好好食，好鮮美，口感又好，唔會有硬身既感覺😋同埋每一件都好有份量，唔會好薄又唔會太細件，係好好既體驗！😆✅油甘魚壽司 ($28)✅北寄貝壽司 ($18)✅三文魚腩壽司 ($16)✅魷魚壽司 ($12)✅香芒花之戀壽司 ($26)✅鰻魚芝士卷壽司 ($36)✅串燒雞腎 ($28)雞腎燒得啱啱好，肉質嫩滑，香味四溢，而且爽口彈牙，調味又唔會太鹹，好舒服既感覺。👍🏻✅串燒牛舌 ($28)牛舌肉質軟滑，香味十足，牛味都充足，口感又爽，推介！🥰