海豐粉麵

营业中

休息中

叫咗坑腩河加菜，俾錢時才知72元，和麵餐同價但少了飲品，向老板反映，話少咗飲品菜会多的，但映出來又唔見多咗。坑腩有七件，中等大小，餔唔滿咪加條菜上面好睇的，坑腩唔夠腍，要有的牙力才食到，牛味亦不足。最大失敗是河粉没有分開，全部放晒一碗，回到家中成为半糊狀。

尖沙咀逛飽街肚子餓, 要找個吃簡單一點的地方, 通常要走入寶勒巷等橫街才能找到, 沒想到今次在大街見到這家小店。正值下午茶時間, 每張桌子都坐有食客, 店家禮貌地請一位客人移座給我們。牛肚(加猪腸)米粉點了餐才知道這家招牌菜是牛三寶(牛筋,牛腩,牛肚), 那麼我只小試牛肚, 看看是否值得推介。一大湯碗米粉來到, 可聞到牛腩汁的味道, 可見到牛肚及猪腸鋪了大半個碗口, 葱花用湯匙分隔, 以方便走葱客人, 夠體貼。試味經驗: 牛肚夠爽腍, 但欠缺五香的重口味, 湯底則食得出是用時間烹煮,  真材實料。雲吞河粉可能確實沒有廚師全能, 牛肚煮得不錯, 但雲吞卻略為遜色。四粒雲吞勝在雲吞皮夠薄, 吃起來滑溜溜的, 但餡料的蝦及猪肉估計是雪得過久, 沒有甚麼味道, 吃的時候有點刺刺的口感, 不知道是下了甚麼配菜所致。用餐時間見到有店員正在鋪面包雲吞, 相信是即日包即日煮, 但食材新鮮度也需要注意哦!

牛三寶間間粉麵都有唔通真係間間都好食？留意到海豐新開張一排但好多時買外賣又醒唔起。今日終於喺適當時候去適當地方試適當嘅嘢。雖然係小店但裝修企理。雖然我係外帶但見堂會啲人都坐得幾舒服。三寶米份量不大中年人啱啱好，後生就可能要加底。三寶中牛根彈，牛腩腍，牛肚爽，湯底牛味濃，比起附近名牌老字號有過之而無不及。會再食！

本來今日諗住食車仔麵行到去先見到車仔麵已轉左手做牛腩麵,尖沙咀餐廳流轉速度真係快,可能因為位置正常行唔會路過只會專登行過去食入面新裝修都算舒服 上菜夠快手幾分鐘就出到黎叫左個麵冇叫套餐都夠飽招牌牛三寶麵(牛筋,牛肚,牛腩)湯底係最正牛腩味好鮮味 面身爽口硬度啱啱好，唔會過淋過硬牛筋一碗入面大部份煮得好淋好入味,有其中一條爽口彈牙 好一個反差牛肚煙韌彈牙有口感牛腩就燘到入哂味牛腩味丰盛份量就好足夠諗都諗唔到50蚊可以有錦多牛三寶食哂個麵重有幾舊肉 真心好抵食 辣椒油應該自製 辣到飛起 如果唔夠飽可以+$20轉套餐 有菜有野飲海豐粉麵尖沙咀金德大廈地下B鋪