海鮮山醉辣火鍋

营业中

休息中

好衝擊人既視覺既海鮮山呀！顧名思義即係海鮮堆到成座山甘高。等我地黎睇下佢有幾誇張啦！$698，有一隻波士頓龍蝦。個龍蝦size都已經夠曬大隻，肉質鮮甜。我地叫左中辣，其實都幾辣下，好啲似避風塘既feel。如果想食到海鮮既鮮味，可以撥走啲炸蒜先，吾係就乜海鮮味都試吾到。除左大大隻既龍蝦，仲有其他不同的海鮮。虎蝦，蜆，扇貝都有齊曬。全部海鮮都好新鮮，因為要訂座預訂，甘就可以確保食料數量，又可以當天食用。整體都係不錯的，但就覺得有少少貴，不過久不久試下都幾好。

青梅竹馬嘅好姊妹生日，今年一於食好啲、食豪啲！見 openrice 介紹海鮮山，即一見鍾情😍，雙眼發光，馬上訂位！由於食材必須新鮮，為保障雙方，訂位後必須落訂（$200）👌🏻。店家確認後會問客人要求嘅辣度同配菜調味料之類，非常細心 。為咗避開人流，同埋方便食飽後去shopping ，我訂咗晚上六點，坐定定後即叫即做，大約等15分鐘左右。其間店員會講解一下套餐有咩食、限期優惠、FB 優惠咁、火鍋醬料…… 保證清楚明白，令客人食得最抵登登登登！龍蝦山🦞上枱喇！真係成座山咁高，二人餐有波士頓龍蝦一隻，鮑魚、扇貝、貴妃蚌各兩隻、白蜆、海蝦大量！為咗品嚐海鮮嘅原始鮮味，今次揀咗BB👶🏻辣。龍蝦味濃，肉質彈牙！扇貝、鮑魚大大隻，非常爽口！其他海鮮全部鮮甜無比，係游水生猛海鮮無誤！食食下海鮮開始見底，呢個時候，店員會過嚟幫你開爐加熱，同時示意可以加錢揀火鍋配料。鍋底全部都係娃娃菜，有 3-4人份量 加埋之前配海鮮嘅辣椒炸蒜，湯底本身已經好惹味 我哋加咗吸味嘅粉絲、黑豚肉、墨魚丸、牛栢葉。如果二個人嘅話，其實加粉絲，黑豚肉就已經足夠，再加就太多太飽喇！甜品係意大利雪糕球，我哋揀咗薑味，榴槤味。朋

見到座山就不得了 12 個人一齊去 預先叫定 唔辣 少辣 中辣海鮮山下面係粟米 墊少少底上面d 海鮮就勁啦好大隻肉蟹無限咁多蝦 花甲 蜆 中辣都幾似避風塘炒菜feel 跟住就食雞煲啦 有淮山 有辣味 養生的要選

早前與朋友們到過荃灣海鮮山食店，吃了一個龍蝦山海鮮鍋， 這個鍋可以一鍋兩食， 鍋裡有幾款不同的海鮮食材，味道十分惹味又特別，還有鍋底的伴菜可以再配以其他的打邊爐食材繼續進食，認真豐富又好味，😋😋😋值得推介比朋友們去試試試！👍👍👍

斧頭扒加避風塘海鮮確是新鮮嘗試唔駛煩今晚食中定西餐好🤔就訂來一試 果然無令我失望👍👍件扒大到差D食唔哂，海鮮夠新鮮服務態度好 會講解下 唔似市面D服務員問乜都唔知😌最尾仲有超好味雪糕🍦無野講...抵食 好食👏👏👏

今日屋企停水，提早慶祝母親節！選左間大家都未試過既海鮮山一試😋😋首先，要食海鮮🦞山一定要book位同用支付寶俾deposit仲要帶埋現金尾數埋單😅 俾deposit大家都明白...但現金結算係一間都開左1-2年同埋價位唔底既餐廳就小d遇到！好啦，講番主角...我地一行五大一細點左一個2人海鮮山唔辣同2人龍蝦山小辣再加小小邊爐菜...唔辣海鮮山，冇咁野味小辣龍蝦山，辣辣地先正主角海鮮龍蝦味道不俗，煲底亦有娃娃菜及粟米等蔬菜做底。唯一要扣分係...佢打邊爐係續碟叫但份量同價錢不成比例。牛丸45蚊得5粒仲要係凍肉店既貨仔...個海鮮山同龍蝦山價錢都唔平，但就唔夠份量...🤔2隻帶子/2隻扇貝/1隻龍蝦or1隻蟹/6隻蝦/8粒蜆仔/2隻鮑魚就收598 & 698🤔要食海鮮既話，我未必會再回頭...呢d gimmick 野，打過咭一次就夠啦！

啲海鮮非常新鮮生猛，又大件，絕無欺場！上面嗰層避風塘風味，食完之後，下面嗰層又可以打邊爐，正！邊爐料亦唔貴，遇著佢做優惠昇抵食！新出嘅斧頭扒，用慢煮方法，肉質好嫩、好鲜味！一个字：正！甜品係我鍾意嘅意大利雪糕，有我最like嘅益力多味添！真心覺得啲嘢好好味！

本人喜歡吃重口味和微辣的東西，本人已經去過海鮮山4次，朋友介紹的，用餐後感想，味道非常惹味，蒜味加辣椒夾上新鮮海鮮，香味四溢，味道可口，店員服務態度不錯，店內有酒喝，座位也不差，5人或2人去吃，坐下感覺也不差，香港地，食物好吃的同時，坐下去雙手可以起鋼放係枱面的食店很少，依間可以做到。店內有紙巾，濕紙巾供應，也有膠手套，感覺不錯。首三次去也是吃海鮮，吃火鍋和牛，食材很新鮮。驚喜的地方，就是我去了數次，食物都會作出改快善，不是一般餐廳可以做到的，我每到一間火鍋店，也會點和牛吃，看看和牛的質素好不好，海鮮山也不例外，我去海鮮山，看到牆上的和牛，就點了來吃，第一次點和牛，是肥美的和牛，有牛味，感覺不錯，第二次去轉上了可以生吃的粉紅薄切和牛，感覺不一樣了，大概3秒左右，我就夾上來吃，非常好吃的和牛。(ps本人喜歡吃牛)我的感覺是，每次去也會轉上好吃的，另一款的和牛，大概是店長聽了客人意見而作出再善，或者是店長會換上不同食材，令食客每次去也有新鮮感，我感覺到店長心思不錯。(ps本人非常喜歡吃牛。)最近一次吃，除了吃海鮮和和牛外，發現朋友點了新菜色，慢煮斧頭牛扒，非常有驚喜，以為這店只得海鮮和和牛

上openrice睇到呢間嘢好似幾好，於是同女友嚟試下。除咗想試佢地主打嘅龍蝦山，仲想試埋雞煲，可惜係餐單有，實際係無呢樣嘢嘅。食咗以下東西:1) 龍蝦山: 中辣。 肯定材料新鲜嘅，但係煮得普通。如纯計干煱，有太多地方做得比佢好，例如、滿江红，麻麻辣辣，人地真係色香味，呢度係唔多得。底下係菜，豆卜呢類，食完上面干煱，店員會加湯比你打邊爐，不過無得選湯底，因為呢度只得佢地秘制湯底，味道唔清楚係乜，無特點。2) 原價300幾和牛: 果日話半價194， 有牛味，但半價都覺唔值 3) 安格斯 : 188, 似好少少嘅肥牛，同一般外面食嘅安格斯有距離4) 牛丸: 普通嘢5)雪糕: 超好食！ 芝麻同薑汁味都正斗總结: 店員落力，食品中下。 又一間有姿勢無實際

早兩天係Ig見到有人食這間飯店！見圖真係想試！即刻係O.R. 揾到，点知要落訂，原來餐廳提供的海鮮每日都要到街市搜羅確保新鮮！本來我最怕麻煩還要落訂即想縮，但知到這原因又好似合理喎！於是payme入了兩舊水！星期四去到食館一貫作風二坡坊格局！係有些逼！我一早点了個龍蝦炒鍋！一見個鍋嚇一跳，成個山咁高係用橋底辣蟹多蔥炒蒜那種 烹調，視覺效果極好，香味亦好香。有龍蝦， 扇貝, 蟶子，大蛤， 象拔蚌，蝦，鮑魚！你話兩人份量我真係驚一驚因為都幾多！我即試龍蝦先，味道香濃蒜味好香有小辣，中辣，大辣，微辣選擇！我揀小辣配海鮮會好些，一入口龍蝦嘅新鮮真係好正好鮮甜真係新鮮喎！蝦爽口美味，樣樣海鮮都新鮮美味，要彈就係鮑魚囉，吾夠味可能始終係大連鮑不過成個餐690大元又新鮮又美味仲想点！值得留意係包兩罐飲品，like完讚完多一罐，食完還有比利時雪糕多種味道選擇，我要了朱古力大人揀了榴蓮味道都超正！成個飯，還有火鍋可以繼續仲半價潻！不過我無福消受了，因為飽到行吾 旭!埋單加一7舊幾食齊海鮮同火鍋無野投訴了！讚！

煮法新鮮，都有驚喜。3個人食咗個"龍蝦山"加一set 火鍋套餐。先講龍蝦山，龍蝦都算大隻厚肉，先拖油再用辣椒乾，乾蒜炒仲有大花甲，象拔蚌同蝦。驚喜在每件海鮮都有辣椒蒜頭味，海鮮亦食得出係新鮮的。龍蝦山底下有啲蔬菜同配料，有娃娃菜，豆卜，蓮藕。我地食中辣，食哂上層既海鮮，到食下層既食物，每件都已經入味，👍🏻。另外，加錢叫咗一個火鍋套餐：一份牛小排，一份黑豚肉，一份貢丸，一份蘿蔔（好似咁上下），呢set 無太特別，只係唔夠飽再加野食😝。

同朋友新年前終於約到嚟荃灣呢間海鮮山食龍蝦海鮮山順便團年兼聚舊。完全冇令我失望係啲海鮮新鮮又入味，用避風塘式炒法零舍惹味。食完面頭嗰堆海鮮已經好飽，鍋底仲有一堆蔬菜蓮藕腐竹可以火鍋，湯汁索哂啲海鮮味打邊爐零舍好味，要推介鮮准山，雪花肥牛、黑豚豬肉、墨魚丸，好好食。。。最後要推介嗰個雪糕球，薑汁味、豆腐味、榴槤味、芝麻味、益力多味、抺茶味、芒果味和朱古力味任你㨂。個人推介係薑汁同豆腐味，超正

同準老婆慶生，食物質素，味道，服務，價錢都好滿意，重要係有創新嘅食法，甜品亦相當好味。要分享比其他人，下次多啲人一齊再試其他餐。地點二坡坊，都算方便。訂位後有專人WhatsApp介紹菜單，一目了然，非常方便，同高透明度，食得開心又放心。

小子今日臨時上網搵到依間小店， 同泡泡媽等人黎試一試佢，用Apps book位， 無幾耐有人Whatsapp我confirm ,仲介左一d套餐比小子， 小子揀左依個海鮮山二人餐由於我地4人關係， 要左2set, 內有6款海鮮，因為佢係即叫即整，職員都會叫我地耐心等候。 蟹： 應該有走油或炸過， 連蟹腳都脆卜卜, 蟹肉都係結硬， 唔係水蟹👍蝦：每人有2-3隻， 小子欣賞蝦好味厚肉大元貝： 淨係聽個名都覺得好味😂事實上都真係好味， 鮮味貴妃蚌： 正常都係有鮮味花甲： 好味， 正常蜆仔： 細細粒， 食唔到咩感覺食完海鮮， 鍋中有娃娃菜、蓮藕、豆卜、支竹等等配料叫依個餐， 1set會送半隻雞煲， 2set會送一隻雞煲 或 一碟牛+4碟火鍋配料個餐仲送汽水、意式雪糕， 雪糕有好多味揀（榴槤、芝麻、朱古力、豆腐） 小子食榴槤， 正

一場海鮮盛宴，有成七至八款是日海鮮，食物夠新鮮，蝦會跳、蟹會走、蜆會噴水，最離譜係條魚仲識呼吸未死（但都差不多了）！湯底是整盤海鮮山拿出來，影完相呃LIKE先加落去煮，有辣有唔辣，但建議唔辣先食到鮮味！基本食佢就飽，都唔駛另加食物，因為食物份量是按人頭計算，平均分配唔駛爭。第二次跟老婆試下2人龍蝦海鮮山，仲要送半隻雞煲，抵食，份量不馬虎（雞煲後上，顧住食唔記得影相，業餘就即係業餘）。最值得一讚係店員熱情又細心，人情味滿分！扣分位係整間店面積極細，座位略為迫夾，跟鄰座有搭枱感覺，正因為店小，所以不預早訂位都幾難walk in 嚟用餐，廁所在店外，落雨天就真係唔方便！整體評價都好高，值得一而再咁幫襯，好評！