海鮮山醉辣火鍋

营业中

休息中

💬 我哋book位要海鮮山二人餐，大概有一隻海蟹、兩隻蟶子、兩隻扇貝、海蝦、大蜆、細蜆、粟米、娃娃菜、豆卜、枝竹等等，有機會有更改，有興趣自己問清楚～.食主菜之前已經有醉蝦同花生做前菜，意料之外地個醉蝦好好食😳 重酒味又入味，又唔會好硬好實，雪過都仲算彈牙，真心驚艷到我！😍.跟住就嚟個海鮮煲🥰 佢其實係啲配菜墊底，上面就係類似避風塘炒嗰啲海鮮，我哋好似嗌bb🌶，覺得啱啱好，因為唔想遮咗啲海鮮味～ 海鮮全部都食得出係新鮮嘅，鮮甜得嚟又juicy，唔會煮得老得濟！ 🤤.食完啲海鮮就會原煲加湯轉打邊爐，我覺得成個煲轉同有得揀湯底會好啲，因為佢而家咁樣加湯落去個湯底其實麻麻地😅 我哋另外加咗炸魚皮、牛柏葉同熊本一口牛，個牛其實有牛味，但又乾又鞋，真心唔好食🥲 其餘嘢食都普普通通.跟餐仲有汽水同埋gelato，薑味好出色！濃郁薑味又唔太甜，朱古力味就普通啦～.間鋪好多各式優惠，多到唔記得😂 總之埋單6百幾蚊。整體嚟講海鮮好食，但打邊爐就麻麻地～呢個價錢，如果打邊爐嘅質素冇改善嘅話，試一次就夠

疫情未太嚴重嘅時候已經堂食海鮮山。。。惹味海鮮加邊爐，真係好回味，到依家無得堂食，依然好掛住。。。唯有外賣啦！海鮮山梁生定時會whatapp你有咩新菜式，到你落單之後佢一樣好窩咁問齊所有嘢包括要海鮮要咩辣度，汽水。。。今次見佢新推富貴金龍。。即係龍蝦，梗係試吓啦！外賣雖然無堂食咁熱辣辣，但唔會令人失望如果送外賣時有埋保溫袋仲好！

位於荃灣二坡坊既一間專做火鍋小店。干鍋火鍋一鍋兩食既食法，食完表面既海鮮，再打邊爐。 .至於點解講到咁特別推介既係，呢度既服務態度好好，由訂位，老闆會預先問你辣度，有冇咩調味料要加，洗味走青，走茜等等（我每次都要求重蒜、重茜🤟🏻🤪）有幾款海鮮鍋揀：海鮮山、海魚山、龍蝦山。個人推介龍蝦山，無他，新鮮，大隻，啖啖肉。而每檯都會大方地供應成包濕紙巾（即使係搶購潮個陣都係成大包上）而熟客預訂不時亦有優惠（包括有時會送碟豬俾你打邊爐）一間餐廳決定佢既好壞野食固然重要，但服務態度亦相當緊要，唔介意你未放低個鍋已經要瘋狂打卡，仲會主動幫你同友人拍照，感覺賓至如歸。最後送上甜品雪葩ball,多款味，首推豆腐同榴蓮🤟🏻

疫情下， 限聚令只可四人， 唯有人少少跟朋友慶祝， 之前一直好想去食，但係因為限人數二人，怕食唔曬，所以等到而家先有機會去食。今日叫咗個四人嘅海鮮山火鍋， 窩來有兩隻大肉蟹， 爆曬肉的， 其餘海鮮就係海蝦、大蜆、細蜆、 蟶子皇 及扇貝等等。 鍋底層是大量的蔬菜， 混入蓮藕片、 支竹、 豆腐卜， 其實食完個海鮮山已經飽咗一半， 仲要送咗一碟 日本和牛片 及兩碟 好好食嘅豚肉片，及每人一款飲品，抵！我哋後加咗 牛柏葉、唐生菜 、蓮藕片 及炸魚皮，反而散叫份量比較少，但如果改為2人食，份量就剛好。火鍋後有甜品送， 特別推介榴槤雪糕，正！另外店內職員服務 非常貼心，讚！

由於疫情限制，今年的生日飯唯有買外賣回家食。但估唔到火鍋都可以外賣自取，仲要今次訂咗二人份量嘅避風塘風味龍蝦山再加埋二人份量比嘅冬瓜蓉龍蝦海鮮鍋，份量啱啱好適合四人家庭在家中打邊爐。海鮮食物質素幾好味，家人讃不絕口。海鮮山的火鍋外賣實在令人驚喜，仲送埋汽水同雪糕，值得再次幫襯。

友人生日，佢本人想去食海鮮山！我問佢咩海鮮山，佢話可以食海鮮之餘又可以打邊爐...我就同佢去試下😋😋話說我地無提前book位...臨時book好彩佢都有位...海鮮上我地係同人有的唔同..因為佢係根據當日既唔定...$598 2位 有蝦 有蜆肉 帶子（但因為臨時book所以元貝轉左帶子）有蟹 蝦因為賣晒所以佢俾左2隻鮑魚俾我地好野味好好食海鮮鮮味十足下面有5款配料有娃娃菜 粟米 蓮藕 豆卜 腐竹最尾可以打邊爐😆可以用半價既價錢...我地追加左USA 牛肉辣雞肉響鈴全部都好正🙂佢既避風塘辣炒海鮮用黎打邊爐真係好正...同埋越食越辣，好正...如果平時唔食辣嘅人盡量叫佢少少辣，我哋食開辣嘅都叫小辣都好好食😋Ps老闆幾有禮貌，好細心詳盡既講解下

經OpenRice Apps 訂購外賣自取，約咗7:15pm準時到達，食物剛剛準備好晒點算清楚就走得，服務同上次一樣都好好，訂購時心急選咗唔辣，用WhatsApp與店家聯絡，要求改為一級香辣，爽快答應，冇托手踭海鮮醬汁雞煲(半隻）$228醬汁味道恰好，既香又辣，海鮮份量足夠，略嫌雞隻比較細隻。重量級淨美國安格斯CAB斧頭扒(50-60安士）$580 （唔計骨頭有8吋× 5吋 x 2.5吋）咁大個女第一次食咁大件嘅斧頭扒，之前去街市買斧頭扒，尺寸及重量比呢件細一半都要$350-$400，仲要自己煮啦，所以海鮮山的斧頭扒真係好抵食，取外賣時，店長立即提我斧頭扒的享用方法，佢怕我唔記得轉頭立即WhatsApp俾我內容如下：*😋斧頭扒海鮮餐享用方法😋*斧頭扒和海鮮都可以直接食用(不用再加熱)享用斧頭扒的方法是盡量薄切最美味(附上英式芥末醬, 辣海鮮醬 及 喜馬拉雅山岩鹽)*如海鮮加熱後才食用，口感可能會有所改變😆祝您們用餐愉快😊芥末醬及辣海鮮醬都好好味

之前已睇中荃灣這間「海鮮山醉辣火鍋」的龍蝦山，因2019新型冠狀病毒關係，今次經OpenRice訂購外賣自取，回家慢慢嘆龍蝦山二人餐$6986款海鮮：波士頓龍蝦(1隻)、海鮑魚(2人份量)、海蝦(2人份量)、3款時令貝殼類海鮮(2人份量) 配菜：娃娃菜、粟米、支竹、豆卜、蓮藕片 *海鮮和配菜種類會因應當天採購情況可能會有更改* 送汽水及Gelato意式雪糕額外加配 : 海蟹一隻$160龍蝦山可以一鍋兩食，先食海鮮，後加湯打邊爐食配菜，湯底味道我選擇了2級麻辣（即係少辣+麻），仲有豉油及芫荽蔥共六款配料二人份量的海鮮有6款：波士頓龍蝦1隻、海鮑魚2隻、海蝦10隻、3款時令貝殼類有扇貝2隻、帶子2隻、仲有一堆唔知係蜆定花甲額外加配 : 海蟹1隻海鮮煮法比較重口味是走油，再用炸蒜炒，加麻，加辣，避風塘式煮法，本身喜歡吃海鮮、辣及蒜，所以今餐非常合我心意及口味。訂購7:15pm到取，廚師準時出菜，海鮮剛炒起，就熱辣辣交到我手，香氣撲鼻，好想即刻食外賣自取回到家，怕熱辣辣海鮮變涼，不好吃，我用咗45分鐘回到家，打開時溫度還熱，口感及味道也不錯，當然不會夠堂食好啦。跟餐送汽水2罐及Gelato意式

昨晚終於有機會嘗試到新出臺菜式冬瓜用蓉海鮮鍋。首先是湯底很鮮甜，海鮮堅新鮮。回家後完全沒有口乾感覺。果然是沒有落到師傅。老板及員工顧客服務依舊搬好細心睇住每一臺進食情況及進度。現在已經很難得有這樣用心的店鋪了。誠意推介！！

二人龍蝦餐$698連加一服務費醬汁等雜費埋單$800以上，扇貝變帶子已經蝕左，象拔蚌仔有沙，蜆肉唔知去左邊得返個殼。食完海鮮下面嗰層所謂火鍋料根本無嘢好食，幾件豆卜枝竹之類成功擊退食慾，如果兩個人想食飽應該要過千蚊，呢個價錢唔會考慮再食，味道麻麻，食蒜味同辣味而已，海鮮新唔新鮮好難講至少唔係雪藏。整體上唔係嫌佢貴，只係覺得性價比低。深知出街食飯係食人工，但係呢個價錢感覺賺得太盡，海鮮成本假設全部都係新鮮只係三百以下，建議薄利多銷好過無回頭客。

每年好友生日都會揀一間特別嘅餐廳同佢慶祝，雖然今年有疫情，但都唔1例外，佢話想食火鍋，而我又想食海鮮。。。搵吓搵吓見到呢間，淨睇張相已經流哂口水，再問朋友佢話好，所以book位啦！店員好warm會wtapp你叫咩餐預備定，又會問埋食唔食我辣。。。知道朋友生日，特意安排安響有Happy Birthday氣球嘅位置，之後講解點食。。。會不停幫人客倒殼。其實食哂海鮮，或3層仲有菜，粟米，豆卜，支竹。。。都未食哂呢d已經飽哂，無再叫其他配料喇，到食蛋糕，餐廳仲會抽7生日歌同店員送上親切嘅祝福這小店不單味道出色，服務一流。。今日嘅境況，可以留住人客有生意。。。咪係要所有都用心之嫲！臨走，仲會提醒我地每月一號都會有優惠更新。。可以多加留意呀！

情人節同男朋友食返餐好，但呢啲節日好多地方都會加價，之前上網見到有介紹呢間餐廳，就決定食呢間。店員事前whatsapp有詳細同我地介紹每一個套餐，同可以預先決左預留我地揀左既套裝。去到門口見工餐廳都好爆場，好彩等左一陣就有位，店員有再詳細同我地介紹個套餐同之後火鍋可以點既配料。我地叫左個龍蝦山，個鍋一黎到既時候同睇相一樣咁震撼，海鮮既份量真係嚇死人。每人半隻龍蝦，隻龍蝦超多膏，配埋個乾鍋既炸蒜一齊食，真係超正！😋個乾鍋入面仲有鮑魚、扇貝、帶子同好多蜆，全部海鮮好新鮮好juicy😍食完全部海鮮都飽左大半😂 之後個鍋底仲有好多菜、豆卜同其他配料，店員都好留意每一枱，見差唔多食完啲海鮮就會主動黎幫我地加湯，個湯底辣辣地都好正🤪 佢個套餐本身包既火鍋配料份量都唔少，我同男朋友食埋啲火鍋配料都已經好飽。最難得係咁多海鮮既乾鍋再加打邊爐，個套餐都只係大概HKD700，都真係好抵食，最後仲可以每人揀一個口味既雪糕🤩但因為我同男朋友都已經好飽，又唔想浪費，所以決定叫一個榴連味雪糕share就算。好少見一間餐廳入面每個店員都好有heart同好貼心👍🏻👍🏻👍🏻

烹調方法非常惹味，但海鮮不失鮮味！食不停口！海鮮每日新鮮運到，所以一定要事前訂位呀！可能係因為小店關係，員工服務態度非常友善同親切！不錯！不錯！值得推介！會再黎！

已經來回去過好多次，喜歡海鮮山內新鮮多種海鮮配料、龍蝦餐、雞煲、麻辣味道適中，有五級辣到任揀！覺得服務衛生令你有種舒服感覺！價格合理！鍾意食海鮮嘅朋友值得推介👍🏻👍🏻

昨晚舊朋友聚會，有人提議去食海鮮，經介紹下去咗荃灣二陂坊呢間「海鮮山」食，一行入去食店，裝修都幾ok, 可能外面其他多數都係大排檔關係，對比下呢裝修算唔錯，不過就細間啲，我哋一行8個人，坐嘅位置都要坐得比較親密😌😌我哋叫咗兩個海鮮餐，一個係3人份嘅海鮮山及一個2人份嘅龍蝦山。兩座「山」嘅海鮮料嘅分別一個係蟹做主角另一個叫得龍蝦山主角當然係龍蝦啦，兩座「山」都可以選擇不同嘅辣及辣度，蟹山我哋揀咗麻辣2小辣，龍蝦山就揀唔辣。一上菜，兩個「山」相當吸晴🤩賣相好得👍🏻，除非賣相，味道先係最重要，兩座「山」嘅海鮮都好新鮮同埋煮得好香好野味，尤其辣嗰個，雖然我唔食得辣，但都比嗰麻辣香吸引咗🤤🤤🤤，食完海鮮之後係可以即刻開爐改為打邊邊，別有一番風味👍🏻👍🏻