深仔記

营业中

休息中

原本打算去甄記食早餐，望到對面有間深仔記未試過，諗住甄記食過好幾次，不如試吓其他。早餐都算多選擇，做緊優惠平日早餐減$3，揀咗個歐陸早餐豬扒火腿炒蛋，走咗茄汁豆，好開心唔使食多士，佢本身冇嘅，佢個歐陸早餐價錢相對較便宜，正合我心意，反正收我40幾蚊俾埋多士薯餅我都會走，依家興食少啲澱粉質嘛。豬扒都幾大塊，炒蛋好滑，仲送咗幾條沙律菜，影相都靚啲。而家好少茶餐廳冇即磨咖啡，佢偏偏就係冇，所以飲咗杯熱檸檬茶，有成四片檸檬，都算係咁，不過杯茶好細杯。折咗$32 咋。好食又抵食！留意返：冇即磨咖啡，冇即磨咖啡，冇即磨咖啡，重要嘅事要講三次。～報告完畢～

地方企理，食物水準不錯，員工積極有禮貌簡單一碗雲吞麵， 不用宣傳， 只要用心做， 一定會贏到口碑自從上次食 「好旺角」中伏， 一直心思思諗試唔試埋「深仔記」， 因為太驚又中多次伏。不過今日5點幾行經尖沙咀， 又未食嘢，咁就過去𥄫𥄫環境，就諗 如果唔多人， 環境又ok 就試下。去到得一兩枱客， 而且環境唔太擠迫， 光光猛猛， 而且職員都慇懃。雲吞有成9 粒， 大細都係一口仔size ， 大小剛剛好而雲吞同餡包得好好， 完全無皮餡分離嘅問題內餡的蝦也都大大粒， 唔係蝦米蝦碎，雖然都唔係新鮮蝦， 但有彈性，無雪味雲吞皮也夠滑夠薄， 而只係有一兩粒包得麻麻，有好厚的接駁皮位， 整體都好好湯是重點， 湯飲得出有鹹香鮮， 唔係得咸味仲有湯面舖滿雲吞一定要有嘅韮黃👍🏽因為係下午茶時段，賣單只係要$33，相當抵食另附上餐牌參考不過，佐敦油麻地個邊分店好似多小食揀啲，所以下次可以去埋佐敦油麻地個邊分店試

深仔記出名瑞士汁正，舖頭嘅皇牌瑞士汁雞髀🍗瑞士汁雞翼撈麵全日供應，當午餐，下午茶，晚餐來食佢都完全無問題😂瑞士汁雞髀份量夠大配埋香滑嘅炒蛋，至於撈麵一定要揀出前一丁，啲出前一丁麵索曬啲瑞士汁好正😋 我平時會叫侍應畀多一細碗瑞士汁我，我鍾意勁多瑞士汁去撈出前一丁食，真正嘅色香味俱全，隻巨型瑞士汁雞髀夠大，啲肉完全唔嚡，啲瑞士汁滲曬入去d雞肉度勁入味，啖啖肉，用刀叉切又得，就咁揸住成隻雞髀咬又得，一人份剛剛夠飽😁

尖沙咀分店是一家较小的店，店外的招牌也不大突出，稍不留神便会看漏眼。店外有价目表，卖的是一般传统面店的东西，价钱比油麻地店贵一点。上次在油麻地店吃过他们的酸薑皮蛋，味道还不错。但这家店就没有卖这款小吃，必无选择，最后吃只能点了一碗云吞面。稍等了一下就上桌了，云吞面卖相不俗，有五粒云吞放在上面。云吞的馅是虾，十分爽口。面条没有枧水味，能吃到煙韧的口感。他们的汤是精华所在，应该没放味精，十分清甜，结果给我喝至滴水不留。

昨日專門去尖沙嘴，就係想整翻碗雲吞麵，疫情咁耐，都無好好出黎食翻碗靚雲吞麵，經過麥文記我都無入去，就係專登黎深仔記。下午茶時段，坐低叫碗細勇，點知叫左後唔夠一分鐘碗麵就到，碗麵仲快過罐可樂，我仲同阿姐講笑話未入黎煮定。真係中雷，碗麵淋到呢，係人食竹升麵都係食爽咖啦，邊會出咁嘅野，人地叫左唔要掛，下次咪搞，呢個市道做埋嘀咁嘅野，唔要碗麵損失幾多錢呢？不過你錯失左過搭飛機翻第一時間黎食面嘅客戶囉，有時食野都要睇誠意嘅!

食開油麻地老店（剛出黎做野就幫襯）明明家住長洲，好多人特登入黎食魚蛋麵但「深仔記」係我時時掛住嘅麵～朋友話唔係特別好食但我就特別鐘意食開有感情皂水味唔濃、湯底無味精、麵量足，而且雲吞大大舊；食完非常滿足早幾年係尖沙咀做野無意中發現佢可惜做到2017年公司就縮皮到2018年已成為中環OL今日去開尖沙咀做美容，攪到過左2點先過去原來呢間野有下午茶餐$48（有菜、有麵、有汽水）好抵食#希望小店繼續做落去

- 男人的浪漫‘滑蛋叉燒飯’😃無意中喺尖沙咀遊下游下中左入嚟食🧐一路比侍應帶入去坐既時候順便望下啲人叫咩食，發現9成都係叫呢個滑蛋叉燒飯😂（呢個望下人哋叫咩食呢個習慣有知音嗎？）🍳蔥花叉燒蛋飯 （$54）呢個似乎係店舖嘅招牌菜🧐賣相好吸引👄見到都流晒口水🤤個蛋非常出色！好靚同好滑！👀叉燒肥瘦適中！份量亦都夠！👍🏻蛋上面淋上甜豉油🥰好開胃！掂！🍗招牌炒蛋瑞士雞髀撈丁 （$54）佢呢間啲蛋確實係幾出色！冇得輸！可惜個雞髀比分唔高！肉質有啲鞋！食落有浸雪藏味🤒但個瑞士汁OK嘅！夠濃都夠入味！瑞士汁冇炒車既👌🏻

難得同大少一樣咁上下時間返工，於是就早少少出門口一齊去嘆返個早餐先，早前成日見到啲人出post話呢間嘅炒蛋好好食，大少一向喜愛蛋類食物，咁就帶佢嚟試一試😁.招牌沙嗲鮮牛肉湯公仔麵 $50配火腿炒滑蛋&蒜蓉牛油多士嘩，好少地方係蒜蓉多士，仲熱辣辣又好鬼香🤩加埋滑蛋一齊食一塊真係唔多夠😆沙嗲牛都好濃味，我鐘意😚.公司出前一丁 $52呢個真係乜都有😆餐肉、火腿、煎蛋、腸仔、豬扒份量一啲都唔少😎😎

今日嚟到呢間深仔記 本來以前聽過個名嘅 咁啱係見到樓面無乜人 但行到太攰唔想等位就入去食啦但同行夾埋兩個人 分別叫咗一個叉燒蛋飯同埋個牛排配薯菜 兩個飯上菜時間係啱啱好無重疊 但明明就無乜客都好慢 變咗自己食自己咁 雖然個蛋就幾滑嘅但係啲叉燒燒得唔夠好食 同埋都唔夠肥 食到最尾個感覺就會變到有啲乾 然後個牛排餐就正常發揮 但蒜蓉汁略嫌蒜茸太大粒 同埋個汁感覺上太中式 配上個牛就會有少少格格不入咁樣今日食過一次之後 我諗未必會再嚟食啦

今日放工去咗做運動，完咗當然要食返餐好，填補體力㗎啦！係尖沙咀揀咗好耐，最後嚟咗深仔記食港式茶餐廳美食🍴😙這裏的食物選擇繁多，但是我第一眼就看中了招牌芝士汁撈公仔麵，比圖片吸引了！🤣 四種配料入面我揀咗雞翼。上菜第一眼覺得同圖片那種很香濃、會拉絲的芝士有點兒不同，不過緊係唔理，食咗先講㗎啦！🧀 雞翼的皮幾香脆，而肉質夠味，但不會太咸。佢有三隻咁多，出面好多揀雞翼都只會比兩隻而已，所以價格都 okay。🐔 至於炒蛋有啲稀，少少水水的感覺，吃上去幾滑嘅，我覺得未算好出色。重點當然是芝士汁撈麵啦！雖然第一口對於芝士控嚟講唔夠濃，但係我食咗一大半就開始有啲膩。所以都有佢嘅好處，唔會食了幾啖就覺得濟。🙃 麵質就普通公仔麵，煮得剛好，不太硬或太淋。男人係咪都好鍾意叫呢一類嘅飯㗎呢？😂 我男友揀咗滑叉燒飯，賣相好吸引，個飯一嚟到已經聞到好香！🤤 話得係滑蛋，食落去梗係好滑好正啦。叉燒都係好 juicy 個種，肥瘦夾雜。面頭淋咗啲鼓油醬汁，食落更美味👍🏻 大家有冇流口水呢哈哈！🤣

滑蛋叉燒飯無得頂！工作經過尖沙咀，想食旺記冰室，但lunchtime實在太多人，原來隔離都有！54蚊 一個滑蛋叉燒飯，配一杯熱奶茶，悠哉悠哉休息歇腳後，繼續上路！不過叉燒略嫌乾左D同鞋左D...係燒臘飯既感覺哈哈。滑蛋味道加上蔥花同甜豉油，令到成個飯甜甜的幾開胃！辛苦搵來志在食這個說法並無不妥，因為飽餐一頓先可以努力工作！

今日喺公司突然想食雲吞麵，上網揾到呢間嘢。有報紙介紹，話佢係良心企業。老板曾承諾，任何人入去討飯吃，他都會免費送上一碗雲吞麵。源於多年前，老板偷渡來港時，得素未謀面者贈食物，再加車錢，得以渡過難關。立志日後，自己若有能力，定必幫助有需要者。講完故事，講返食物。在這openrice, 有食評提過，此舖地上有小強橫行。雖然我係對衛生要求係好嚴格，但雲吞對我吸引重大。最後都係憺粗粗進去試下。雲吞麵雲吞:認真不錯，我食過沾仔記，麥文，麥奀，黃枝記。我覺得，呢間最合我口味。我之後重買咗一打生雲吞返屋企。值得再吃。油菜:我叫了走油，雖然蠔油未係我食過最好味嘅蠔油。但都唔錯。菜心甜👍豬手:的確不錯，好食過麥文！

平時反工已經好攰，所以食lunch既時候都想搵一間坐得舒服既餐廳我地經過呢間餐廳，見到門口都幾乾淨就入左去，望落去地方都幾大，感覺到係一間舒適餐廳入到去發現有好多梳化位，而且員工都好多。我地食飯既時候岩岩好係下午茶時段，我叫左一碟乾炒牛河。呢到既上菜速度又快，員工服務態度都幾好。上菜時問我要唔要辣醬。雖然下午茶，但係份量絕對唔少，而且用既河粉比較幼身，貌相似金邊粉。但食落去係好煙韌，牛肉比例都好足料。整體都唔錯 又坐得舒服 下次經過再黎食下午茶都幾好😆

深仔記聽就聽得多，食就未食過。最近行開尖沙咀，見到開左兩間深仔記，於是就提議搵日lunch偷雞早d出門口去食。呢度既裝潢感覺幾似宜家新開既冰室，即係新潮得黎又似茶餐廳。見滑蛋有吾少人叫，於是我都揀左個滑蛋蝦仁飯黎做午餐。豉油幾香，但蛋味同蝦味都不足。d蝦係好爽口，但完全無蝦味，有d似食緊蒟蒻。同事食既滑蛋叉燒飯就好d，因為d叉燒幾好味，而且同豉油好夾。聽講冰室脆炸大雞脾係呢度既明物，所以有同事叫左隻黎試。即叫即生炸，熱辣辣，有肉汁，外皮脆卜卜，併得輸。凍檸茶有成4塊檸檬，茶底正常，算幾足料。

機乎每一次去理髮前，都會先去深仔記醫肚先，一來順路，二來舖內古雅的裝修令人覺得地方很舒適，最重要係出品，相比某一些馳名雲吞麵舖，價錢貴，份量少，我倒不如光顧"深仔記" 價錢合理，質素也佳，難怪成為十大受歡迎雲吞麵店之一。 ( 見舖內牆上新聞紙 )慣常我都會叫一碗水餃或雲吞麵，因為可真真正正可品嚐到湯底鮮味。不過好耐沒有食過豬手，但又想食雲吞，故此今次來個雙併。不消幾分鐘，熱騰騰的雲吞豬手麵便送上，由於怕麵身放久了會發脹， 所以我習慣先食完大部份的麵才進攻其他食材。深你記的麵身爽，有咬口，無硯水味；湯面有韮黃、葱花，而由於有豬手所以湯底會帶點南乳味，若果一心想來試原味鮮蝦湯底的話就唔好揀豬手喇。雲吞皮薄，一口一顆，內有彈牙鮮蝦肉，豬肉，好味；豬手煮得相當之腍，肉、豬皮機乎煮至同骨分開，十分容易食，兩大件，可謂點到即止，再多一件我一定食唔晒。小小的一碗雲吞麵，由打麵及包雲吞技巧，餚湯的心機都不可少。所以這種香港地道民間美食的確應該向外多多推廣。