深仔記

营业中

休息中

上星期，約咗個friend拎啲嘢畀佢，跟住喺佢屋企附近食晏，佢就帶我去咗深仔記。入到舖頭，見到裝修就似係做街坊生意嘅老店，見牆上嘅海報，原來喺國內都有分店。我哋叫咗兩碗雲吞麵，仲有通菜同埋芥蘭。雲吞鮮味爽口，蝦同嘅比例8/2，麵身彈牙，湯底濃淡色中，冇鹼水味，好食。兩碟菜都冇乜油，菜葉多個菜框，份量抵食！

突然間好想食芝士焗飯，嚟呢度嗌咗一個咖喱牛腩焗飯，都唔唔算等咗好耐。上枱熱辣辣，咖喱好夠味牛腩都幾好味，如果要食焗飯都係覺得深仔記嘅焗飯係最好味嘅，整體都唔錯，亦都抵食，性價比比較高，

回頭率高的粥麵店原來惠顧油麻地店已經闊別5年之前個舖係在角位，去到發現點解唔見咗，再check openrice 先知道搬咗往佐敦方向前少少，同職員寒喧兩句，點咗碗田雞粥。一如以往，田雞新鮮實用，仲有好多舊肉，童叟無欺。粥底配田雞再加些青蒽，整體配置和份量都係上乘之選，而且只係46蚊，性價比高。餐廳人流唔密集，有足夠空間畀你慢慢品嚐。間中仲聽到有街坊進店同職員吹幾句水，有街坊餐廳感覺之餘，餐廳又唔算殘殘舊舊。不過職員說不久會裝修，期望到時有一番新氣象。我會食過番尋味

同同事行過想食碗雲吞面，入到去環境恐怖蒼蠅昆蟲橫飛完全食唔落，最後同事叫左碗牛腩撈面，我就叫外賣唔響堂食，落單時候個女職員講撈面要蠔油唔要牛腩汁，居然要加七蚊，算，碗麵黎到之後勁細碟，牛腩又硬又難食輪到我叫外賣碗豬雜麵，就係圖片顯示依碗45蚊，湯死咸，面得兩淡P.S.依間鋪頭啲職員應該係皇親國戚，落單個女職員話加七蚊蠔油錢，開價自由發揮，成個餐牌完全冇寫，另一個女職員見我等緊外賣大大聲聲叫我地兩個出去門口等，當時鋪面客都唔多個，如果唔想做生意做咩打開門口，門口貼咁多宣傳都冇意思啦，既然係咁唔會再幫襯！

//14 08 23 晴天🌞13:44 旺角 砵蘭街深仔記/ 有錢人先會食細蓉 /「香港」五十年代興起露天大牌檔熱潮🪭，一塊大大嘅招牌、一片綠色嘅蓬布頂、積滿塵垢嘅牛角扇、一張又一張標誌性嘅圓枱同摺凳。相信，只要年過四十，都一定幫襯過。但唔知由幾時開始，大牌檔就漸漸成為香港人集體回憶！當中有款價廉物美嘅麵食，到目前為止，仍然深受大批市民嘅愛戴💖。「雲吞麵」—— 出現於清未民初，從湖南傳入廣州，一般按份量分為「細蓉」、「中蓉」同「大蓉」。雖然聽起嚟，你會覺得無太大嘅分別，但喺民初時期，「細蓉」確實只適合「西關大少」—— 富裕人家享用。好少體力勞動嘅「西關大少」，胃口自然比一般人細，當每次食雲吞麵，都會主動要求店家，將麵嘅份量減半。但對於勞碌嘅百姓，份量確實太少啦😔，所以只能將「細蓉」作為點心或者宵夜。/直到今日，香港每個大街小巷，都能見到「雲吞麵」嘅蹤跡💁🏻‍♀️。無論十三歲定八十歲嘅你，至少都一定品嘗過一碗滿滿情懷嘅「雲吞麵」啊！#90後眼中的老香港-淨雲吞 HKD$34—————————————————————————雲吞皮薄 蝦肉夠大隻 食起嚟口感爽嫩每粒都以 7:3 比例嘅蝦 &

🥟 淨雲吞 $34/8粒啲蝦好鮮好彈牙，佢真係粒粒蝦肉原粒夾入去，好爽好有口感，成粒啪落口好爽，不過係咸左啲啲，皮又薄又滑🐦‍⬛ 黑金蒜燉竹絲雞 $38唔知咩係黑金蒜，嗌黎試下，完全唔係蒜頭嘅味道，個湯滋潤，落到喉嚨都好清甜，湯渣都唔會比太多搞到無湯飲，啲瘦肉吸哂啲黑蒜味，睇黎真係煲左好耐

凍凍地打算搵個盆菜食下 ，網上見到呢間有2人盆菜岩哂我地，兩口子。23號就去訂盆菜27號取，當時就覺得怪怪地，點解店內明明有收電子支付，唯獨是訂盆菜要收現金。聽到d呀姨話要交錢比工場（心諗外判得唔得架。。。）到27號取盆，我早半小時就打去問係咪準備好我一陣到，聽電話個呀叔好似發緊夢咁問左我幾次先明，（哦 盆菜有呀有呀）到現場之後，我話拎盆菜 都冇人理我 （沒乜客的）等左一分鐘 應該係聽電話嗰個阿叔過嚟話好我拎俾你，之後佢拎咗舊冰凍哂嘅盆菜出嚟就咁拎個膠袋入起叫我拎，我話點拎啊，最少有個盒或者保溫袋吧。跟住先走去搵咗成分鐘先至搵到個鋪晒塵嘅環保袋出嚟，求其咁放入去就話ok。因為係成個冰凍用保鮮紙包住成個到白色面，我不以為意以為係湯都結晒冰一齊。點知拎到返屋企，加熱後先發現無湯。。真係買左咁多年盆菜都未試過無湯跟。 。垃圾服務 垃圾盆菜 。之後我打電話去問佢地，呀姨回我：應該係唔記得左，你返黎拎吧，我比返d你（細細聲）（唔好意思都無句，個感覺就係工場無比湯佢地，到時是但溝番個湯俾我算。）住得遠算鬼數，我地唯有自己整個湯底。出去買盆菜就係想唔搞咁多野 ，點知仲要自己搞湯底。什麼麻辣盆菜，盆菜

宵夜時間，可以食到好食嘅粉面唔容易。深仔記有粥有粉麵，特別有黑帕葉，唔似平時食嗰啲白色嘅牛柏葉，嗰種黑柏葉嘅味道好爽甜，仲有好好食嘅雲吞同水餃，雲吞嘅味道唔覺有太多味精，蝦肉新鮮而且不只一隻，夠大粒，咬落去好滿足，再加埋撈麵，撈麵唔太油，麵質爽，夠哂咬口，值得推介。油菜好食，雖然係普通嘅芥蘭，但配合麵食特別好食。價錢合理，平均消費$50至$60，算很不錯。薑蔥撈麵，個湯好好味。之前試過蠔油撈粗麵，都非常好食。

今日做完嘢好肚餓，行經油麻地發現一間10點後仍然開嘅茶餐廳，諗住求其醫下肚就算。我點咗一個酥炸雲吞同薑蔥撈麵，點知一咬落去，個酥炸雲吞一食尤如上咗太空，外脆內軟再加埋啲酸酸甜甜嘅醬，啲蝦都算新鮮，蝦蝦咪有彈性，簡直係宵夜首選。❤️❤️❤️反而，薑蔥撈麵都ok, 姜有薑味， 蔥有蔥味，麵就冇乜鹼水味，正正常常。見到隔籬位啲人食菜，啲菜都新鮮嫩綠，好似值得一試咁。我會要有下次，我會想試吓雲吞麵同埋啲正菜❤️❤️❤️

➖ 招牌鮮蝦雲吞麵湯底夠清夠味而且唔鹹我好小食雲吞麵飲湯飲到差唔多見底。雲吞有五粒大小適中皮唔大塊而且夠薄唔會食到成口雲吞皮，皮入邊蝦同豬肉既比例好好每粒大概有兩至三隻蝦，每隻蝦既肉質亦都新鮮爽口。麵底一啲鹼水味都無麵身夠彈牙，成碗麵我都好滿意➖ 酥炸鯪魚球鯪魚球即叫即炸上枱，大大粒啖啖魚肉好彈牙味道十足，如果落埋蜆介醬食會太鹹就咁食原味會較好➖ 韭菜花今日先知原來韭菜花同韭菜有分別發現韭菜花好岩我，食完唔會成陣韭菜味係個口到而且一啲都唔滯(平時食完韭菜餃會滯足成日)，而且食落口感好嫩我幾鍾意🪧 呢間老店最出名既雲吞麵又真係同平時食開既唔同感覺，碗麵好對得住招牌呢兩個

深仔記🍜📍 油麻地砵蘭街65號地舖❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚尋晚8號風，唔知食咩好😂，見外面冇落雨，梗係要出去搵食啦🙈。去到油麻地，諗返起呢度有好出名既新鮮魚皮，同埋鯪魚球🤤，一於就食佢啦🥳。（新鮮魚皮最好致電查詢🔍，唔係成日有， 又或者行過路過問下啦。）🌟 爽滑魚皮 $75新鮮既魚皮，經過薑蔥處理過，所以一d 都唔覺得有腥味🐟。另外配有豉油同埋辣椒仔去調味，口感唔錯，而且係香港已經買少見少，推介👍🏻。🌟 秘制蝦子撈拼雲吞 $58成個蝦子麵好好食， 唔同出面食開既， 可惜個雲吞得兩粒🥺。🌟 秘制蝦子麵拼魚蛋 $50個魚蛋好彈牙，加埋個蝦子麵，簡直一流😋。🌟 酥炸鯪魚球 $45重點登場，就係呢個鯪魚球，整得好好食🤩，又大粒，$45 有6粒， 唔貴呀。整體推介指數：❤️❤️❤️❤️🤍❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚

真係好隨意地經過油麻地見到有間睇落都有啲傳統嘅舖頭，又想食下雲吞麵所以入咗去。入到去先發現整體環境都幾黑好理所當然咁嗌咗雲吞麵雲吞非常足料粒粒都有幾隻蝦🦐，麵亦都冇鹼水味🍜比較可惜嘅係湯底偏鹹，冇乜鮮甜味～食完見到肚腩仲有啲空間🤣決定嗌咗隻鹹肉糭～相比起雲吞麵坐低幾分鐘已經上咗，鹹肉糭等咗好耐🥲 不過食落又有驚喜！口感非常之綿，花生同豬肉嘅比例都唔算少。不過落得太多豉油就令到最後食到好鹹，如果大家都有興趣啊可以叫佢哋落少啲豉油🤔不過令人有啲不爽嘅係侍應態度比較差，買單都唔理人不特止，買完單仲要大力咁掉低個牌🙈

今日係2022年4月4號，咁啱行過油麻地深仔記，諗住去食番個下午茶，原來呢度冇茶餐！跟住照入去坐低嗌咗個水餃撈麵$40元，麵冇鹼水味，仲有一陣陣傳統雲吞麵豬油味，好味！水餃認真差，煮過龍，爛爛地一啲都唔專業！筍有渣！蝦冇味！調味不足！碗蝦上湯平平無奇，一啲都唔似老店老師傅煮出嚟嘅上湯！店內環境亦十分污糟，好彩食完冇肚痛，枱上有兩支醬料樽，一支係放辣醬，另一支係放醋，全部都有烏蠅仔僕響上面，我坐嗰張枱對上幅牆都有幾隻烏蠅仔，其他就冇再望啦，總之環境唔乾淨！🪰🪰🪰🪰🪰🪰🪰下次唔會食！🤢🤢🤢🤢🤢🤢

我因為鋪面裝修吸引所以選擇呢間。咁當然都因為疫情好多鋪頭冇開小咗好多選擇😹鋪頭門面係傳統車仔檔裝潢，睇到佈置相信都真係有一定歷史，感覺會吾錯🤤雲吞麵🍜 $33超抵食🤙🏽🤙🏽33蚊雲吞麵 應該都冇咩地方搵到麵底相對小 我一個女仔食晒吾會話好飽雲吞有6粒 大大粒食到每一粒2隻蝦🤤鹼水吾重易入口🤙🏽

深仔記而家好似遍地開花，周圍都有。但我始終鍾情呢間老店，食物質素有保証。佢地地方比其他分店坐得舒服，加上有老師傅坐陣，食物質素絕對比其他分店出色。每次黎有幾樣野都會必叫：炸醬麵 - 雖然已經唔再係以前嘅竹昇麵，但麵質仍舊彈牙兼無梘水味淨雲吞 - 比起出面大大粒全蝦雲吞，佢嘅蝦肉同豬肉嘅比例絕對係黃金比例，蝦無雪味又彈牙腐乳通菜 - 腐乳汁溝得濃杰適中，菜生熟程度剛剛口，爽口得黎又青綠蜆介鯪魚球 - 蜆介係出面已買少見少，加上佢嘅鯪魚球係用真正鯪魚肉打成，爽口彈牙，唔會食到成口粉，同蜆介絕對係黃金組合可惜的是樽裝汽水已絕跡