混亂 STEAK (已結業)

麻麻地， 嚴重唔夠人手/開錯地方/簡錯鋪位，d客等到傻，等成1粒鐘痴左線..趕客......幾好食都冇用啦....根本都食唔到.....失望...........

在Elements 睇完戲，為了搵位泊車便去了油蔴地揾嘢食。8年沒去過Eaton, 現在多咗好多美食選擇，至少不用限住食hotel 內的東西。入到洒店內的地下，原來有個大food court。內有酒吧、日、西、越及港式選擇。見到檀島咖啡便一心想著台灣咖啡。老公心儀那快餐式的鐵板牛扒；呀仔揀咗越南牛湯粉，而我只要咖啡。老公在店外點了400g和我分享，他也加了$18把牛扒配了飯和沙律及湯。我問配油可否揀蒜和蔥，店員一口拒絕了。不明白為何既然我們寧可少要蒜而加多一款配油也不可。店員故意在客人面前磅足牛柳。到拿食物時其實鐵板不太夠熱，店員也沒問我們要多少成熟。我們一邊切開牛柳便覺得太生，想把生的部分用鐵板慶熟一點已不可能。牛柳質地豈可，但由於食到中間太生便有些茹毛飲血的感覺。所以快餐式處理高檔食物實在不襯。不夠飽，去咗檀島咖啡買咗杯港式咖啡加菠蘿包，原來杯咖啡係港式咖啡。

是咁的，友人在社交網站睇到佢個fd子食大大塊牛扒，佢又話要食，醒起之前黎逸東酒店食buffet，有間餐廳係逐gram計牛扒，而餐廳老闆之前開的拉麵店我又覺得唔錯，所以就黎呢度上下先！呢度其實係一間food court，所以除左牛，都可以揀其他食物，咖啡、漢堡呢d都有，裝修就走型格路線，同埋人唔多，有別於商場的food court，係度傾下計都得Confusion Steak晚市6點先開，5點幾已經有人排隊而排隊的同時可以睇睇餐牌，有唔同部位揀，當日肉眼就賣曬，同埋最少要300g!另外可以加錢做set!等左陣我地的medium rare 牛柳有了！鐵板上，一淋個汁落去就好勁，再加上大量蒜香，個味好吸引！但好彩medium rare，唔係就老曬！牛肉味應該俾蒜蓋過曬，唔係好食到，但都幾淋！大大件好抵食！

平安夜   同主人十點幾去睇戲，睇之前點都要食野。呢兩年我地已經好少聖誕食好貴，反而可以坐埋一齊食餐飯就已經夠。黎到戲院附近既呢個FOOD COURT，發現都幾大同幾多野食，我同主人都比呢間 confusion steak 吸引住  叫左兩份400G牛柳，加左蒜油同套餐，有埋飯、可樂同湯。可能因為天氣凍凍地個個都走黎食扒，都好多人排隊買飛下    等左15分鐘先有得落單。去到櫃枱職員會問你想要咩同要唔要套餐個D，同埋即席幫你切埋牛肉，亦都因為咁要番多少少時間，落左單之後就可以返埋位等拎餐啦。等左20分鐘就食得。一上餐就見到熱辣辣既鐵板冒晒煙，其實呢到既牛扒係唔會預先燒到全熟，而係燒到面頭熟入邊係生既，咁就唔駛食落太鞋啦。除左牛柳，鐵板底都有D粟米同洋蔥係底。每個SET都有一小杯肉汁。400g 牛柳有成三大舊，無乜脂肪位  牛柳本身應該有調過味，落過鹽同黑椒，就算就咁食都唔會覺得無味。不過佢既肉有D位真係幾韌，但有D位又算係焾。雖然唔會話韌到切唔開 (佢地有把專用既刀)，但就暴露左佢地肉既質素唔太平均。好在佢地入邊真係煮得唔熟，切開仲係鮮嫩既粉紅色    不過亦因為咁，如果天氣凍D個鐵板

聖誕節同老豆嚟呢間餐廳鋸排 位置係逸東酒店裡面既food court 到嗰時條龍唔算長大概六個人到 但係就足足等咗十五分鐘先落到單 落左單又等左十分鐘先有得食 原因同呢到既運作有關 首先其中一個店員會係你面前切肉再上磅 逐gram計錢 之後就由第個店員負責煎排 如果落單無講明要幾熟 就默認係medium rare 最後就由一個店員上碟裝飯裝配菜 牛排有3款 分別係肉眼 牛柳 西冷今次叫左牛柳 由切肉個時睇到舊牛無乜油花 所以食落無乜脂肪既香口 食落都有牛肉味既 有少少渣但以呢個價錢嚟講可以接受 醬汁有蔥 蒜 洋蔥可以簡 鐵板基本上係唔熱 塊排唔會變得更熟 加左$18叫個set 有飯沙律同汽水 飯同沙律都一般總結嚟講 一分錢一分貨 價錢同質素成正比但輪候時間太長 唔會再突登嚟食

前幾個月開幕時，掀起一時佳話，每晚八點前，牛扒巳經沽清，小弟亦摸了幾次門釘。待熱潮散去後，終於可以一嘗這間”混亂牛扒”晚上七時到達，有一條7個人的小人龍。落單速度都幾慢，店員會係您面前，切割您想要既份量，然後問您要咩配菜。如果您唔講明，店員會預設牛扒三成熟。🐂西冷牛扒 （1/5 分) 等左約30分鐘，終於有得食。上枱時係幾香，配有甜甜地既醬汁，份量正常，亦合乎三成熟的要求。但肉質完全無牛肉味，食完第一口已經唔想食。總結貪新鮮既朋友可以試下，但質素真係好差。小弟寧願，用相同價錢，到快餐店食扒。

呢到Canteen非常出色，環境非常好，又多選擇，多位，可以慢慢食，身邊都係名校生，外國人今日就同朋友試左佢個牛排，叫左蒜汁，佢另外有蔥花，好特別，1xx一塊板，我覺得幾好食，拍得住花園餐廳果個味道，D飯又係珍珠米大大舊牛排拎黎送飯非常正我都幾鐘意食粟米，佢又唔孤寒，粟米俾得都多，朋友食既係蔥花，佢個汁比我香D，忍唔住食左佢兩舊，呢間野未行去都聞到陣陣香味。份量十足，睇住佢磅牛肉果下真係好特別，未試過既朋友仔可以一試。

就算平都十分唔徝。排咗成個鐘頭,剩返西冷,見到好多肥膏,已經叫咗400g,諗住減番啲肥膏都有300g啦。 之後又要等成個鐘先有得食。仲要只係得150g係咬得開同食得,非常"鞋" 又多筋。從未食過咁差嘅牛扒，茶餐廳仲好食過佢！

一早聽過呢間牛扒，已經想試幾個月，一直冇時間試，直到早幾日有朋友同我講話有好多負評叫我唔好試！但佢本人冇試過，我就唔多信於是今日終於嚟試試佢！我大約中午1點度到，人唔太多只係排左5-6個人，5分鐘度就買完。我選擇左455克西冷3倍蒜油+set，一共241蚊，見度西冷有成寸半厚已經覺得勁抵食大約等左20分鐘就煮好🥩有得食啦！3成熟對我剛剛好，好淋好多肉汁好有肉味呀！好彩有嚟試下，唔係就走寶啦！下星期再嚟食過

之前被廣告吸引過，反正路過就來試試，食物外貌看起來好像不錯，購餐及等餐都需時。取餐時，是用鐵板上但鐵板沒有很熱，所以點了五成熟就很生了🤦‍♀️，跟我在日本食的差超遠，肉質及肉味都好差😨.

剛剛開幕就幫襯，好好玩可以自己揀牛扒，鐵板好難整得唔好食，等呀等呀，滿心歡喜終於等到。一切一咬，我知錯了，你有冇食過鐵板牛扒可以係冇香味？然後就感覺自己係度食緊一塊好大既牛肉咯。。。混亂牛扒。。。晒氣！

呢度個價幾十蚊就有扒餐咁抵，當然想平平哋餐飽肚就算啦，不過點知叫7成熟係熟到咬唔到咗滯.......肉眼好嚡仲差啲叉唔入......咬唔到自然肉汁都唔多，所以味一般般，唔會再食囉

呢間野，想試好耐。因為行過成日見排晒隊，而且嗅到陣陣燒牛味，百零蚊就可以試到。點知一試就知伏左！遊戲規定：揀肉，揀要幾多克，師傅手起刀落切件肉比你。最少要300克。留意到排前一位既客人要300克，但切多左，店家建議不如要埋。到我時一樣，要300克，但又多左啲，切了二件肉又不足300克，問我可否要埋件細肉，前後三件牛柳扒，唔跟餐，盛惠$120。Ok, 我照要。不過，一個好既師傅，切左咁多年肉，其實理應快肯準。今日師傅明顯confuse 左，所以刀工失水準！等左大約半個鐘，有得取餐了。問題就黎啦，清楚記得最後要左三塊肉，為何變左二塊肉？查詢之下，師傅們對望一下，什麼也沒說，由隔離份餐取回一塊肉給我。感覺真係好兒戲。你是當住客人面前給肉切肉，但到頭來可以是從別人處拿給他人。大費周章，只是做場show而以。我當然沒有再與師傅們爭辯，拿餐便走，心中諳說冇下次。講返食物，牛燒至3成熟，見到紅肉，口感唔差，都juice... 可惜有根。咬幾口就有，是肉質唔靚！唔關燒得過火事。啲配菜都幾好食，我就真係吃晒啲粟米粒和洋蔥粒。都係個句＜冇下次＞

hella bad, steak was way to hard even at just medium rare. flavour was crap too, only good thing was the $10 rice lmao. Def not worth it. also minimum characters is 200 so im being really passionate about how bad this meal was, also the miso soup was ew.

無諗過按重量買牛扒食牛扒餐。 呢個份量係最低點300g 開始點。發現 原來平時外面食一塊扒係咁少。。。。呢份有320g 配埋沙律麵鼓湯及飯或飲品都係$ 100元有找。 平價之選。 環境好休閒。位置係逸東酒店地下。 望下一層係自助餐。