添樂園 (已結業)

又黎到一個Happy Friday，夜晚淨反爸B,妹妹同我三個人食，緊係唔煮飯，岀去食餐好架喇天氣凍冰冰，最岩就係食煲仔飯!!!而九龍城既添樂園煲仔飯咁岀名，一於去試吓啦七點幾八點鐘去到，都唔算好多人，等左兩三張枱就得入去啦！全場人基本上都係都係食緊煲仔飯，餐牌選擇好多，有啲花多眼亂添最終揀咗三個煲仔飯share，逐一為大家講下啦⋯1. 陳皮魚腸煲仔飯佢咁特別，就叫黎試吓，開頭仲驚會好腥，唔知又冇喎！個味道幾特別，甘甘苦苦咁，不過果種味就應該唔係個個都鍾意2. 薑蔥魚腩煲仔飯因為爸B鍾意食魚，所以就叫個嚟試吓，本身怕食魚骨嘅我都食到，因為d魚腩都係得啲大骨！不過我覺得呢個煲仔飯就麻麻哋啦，因為啲魚冇乜味，所以個飯都係好淡，好似普通豉油撈飯咁！個飯冇乜特別，可以不試3. 北菇雞煲仔飯講真唔使試都估到係咩味！不過食落竟然係最好味嗰個，啲雞好滑，啲飯吸晒雞同冬菇嘅味，Yummy整體來講，雖然成餐飯都冇乜特別驚喜，不過天寒地凍，食下暖笠笠煲仔飯都係正嘅

今次知多人黎超早到，6點左右已到達但大半已滿了，見差不多係凍完梗係食個煲仔飯先啦，黎多個菜吾該。這裡個個都係叫煲仔飯，當然我地都吾例外啦……冬菇滑雞煲仔飯 黎到焗一焗先食，豉油香又濃，雞都滑但冬菇少，加條臘腸份量不多，飯焦剛剛好夠脆米粒夠乾身，怪不得人人必食煲仔飯啦。羅漢齋 好味道，吾太咸而熱呼呼黎到，份量多都新鮮，豆腐夠多又保持到嫩滑。最後一提 #凍檸茶 …$21比較貴，但飲完覺得值，茶味剛好仲有少少茶味的苦澀和有檸檬香味，杯裝份量正常。

添樂園 開業已經有40年，煲仔飯是店內主打菜式！比較著名的煲仔飯是「臘腸排骨飯」和「陳皮魚腸飯」～😋😋😋⭐「臘腸排骨飯」臘腸是我嘅至愛、加上飯焦的香味，十分惹味呀！⭐「陳皮魚腸飯」這款煲仔飯在市面上，實屬少見，魚腸分量充足，配合黑輛椒和陳皮，完全沒有腥味呀！

每個星期都會去九龍城食幾次早餐，今日剛剛路過此店，寫「手拉腸粉」，即時被吸引入去了。注意：手拉腸粉有沒有"即制" 兩字，忘記了。點了一個皮蛋瘦肉粥$32，另加$9，可配腸粉。腸粉一分鐘都冇就上枱了，即時已心知不妙，一食入口，凍的... 腸粉皮硬了，應該整好咗一段時間。粥裡沒有幾塊皮蛋，瘦肉絲亦又咸又老，結果未吃完就走了...$41 不是很多錢，但for 早餐來講都唔算平，想不到夜晚的煲仔飯咁有名，早餐竟然... 下次寧願行前兩步去海X粥店好過！

添樂園, 龍城友必定識的一間老店, 我就眼大睇過龍近來才知這兒早上有腸粉賣, 真笑死街坊了...幾星期前食過一次; 今早只有15度, 天寒地凍未至於, 但既然有時間用10分鐘和Honey食個早餐才上班暖暖身吧!  一場來到, 識食必叫牛肉腸, 可是Honey趕開會時間比較緊, 齋食不喝鴦了, 粥當然更沒時間吃呢!  兩人叫了兩碟, 一如上次, 阿姐們都仍沒有傳說中的'口面', 更貼心地自動奉上滾熱茶兩杯, 謝謝!  所以特此寫番個食評推介一下!   腸粉皮不會太薄啱啱好, 豉油有鮮味亦不太油, 最.最.最重要的是八點幾食完十點都沒口渴, 即係過關!   叉燒腸叉燒切粒食時有數粒走了出來但都是好吃抵食之選, 蝦米腸就不是我杯茶所以沒點, 叫了我的例牌牛肉腸, 一如上次有陳皮適量, 食得出但又恰到好處, 非常好!   我認為都唔太多地方做得到,  好吃過很多酒樓及所謂點心專門店, 而且只是$14蚊碟無加一交足貨了吧!  '好'腸粉之食家有時間不妨來試試!  莫講話腸粉, 連某些酒樓的所謂'陳皮牛肉球'好多情形都是做得好流, (出番山竹牛肉球把啦)...

食左好多年， 第一次寫食評。 雖然佢地出名係煲仔飯， 但生滾粥先係我至愛。 粥底靚， 料足， 又鮮， 真係好食。 如果唔係九龍城泊車難， 提心調膽， 可以成日去食。 粉腸牛肉粥， 好食。

每個人心𥚃都有comfort food,對於我來說,煲仔飯絕對是其中一樣;上趟去北京,就是為一試傳聞中香港人開的煲仔飯店,果然名不虛傳;那個咸魚肉餅飯我至今仍念念不忘..當然那個味精豉油也使我印象深刻..位於九龍城的添樂園,風格地道,食物好價錢平;對我來說,是合理選擇,至少不用飛到去首都;若然期待有新頴配搭,也許大家會失望.三個人,叫了三様東西:鯇魚腩熟度剛好,魚肉滑溜不腥;我愛吃薑蔥,餸面的下欄已夠我送一碗飯了.有鴛鴦腸各一和臘肉,廣東臘味由小吃大,沒有那個香港人不愛;臘味質量不差,沒太多肥肉,頗香口.兩個飯都烹調得宜,米夠亁身,若是要挑剔,就只有飯焦不夠吧.最後簡直是滿到瀉,材料很充足,我們沒能力吃完呢..鯪魚肉𥚃有果皮和類似髪菜的東西.髪菜不是已禁採多年?而且人工種植尚未完全成功..有調查顯示市面的發菜七成多是人造偽品,我不會懷疑,中國人什麼也可以做出來..不過就算是無害,假的東西,也是少吃為妙.真材實料好過假材多料,less is more,是有道理的.

喺九龍灣睇完戲唔想留喺大商場食DINNER，就拎車去九龍城搵食LU及弟粥~~~個粥底煲得好綿，味道剛好，入面配料有豬潤、豬肚、豬粉腸同肉丸，個肉丸好香好好味臘腸排骨煲仔飯~~~個飯好香好香，飯同飯焦的比例剛好，個豉油好香好好味灼腰潤~~~D豬潤好爽口，D豬腰又好好味喎NICE兩個人真係食唔哂架！但又好想叫喎HAHA

—個星期連去咗食兩晚，可能夜關係唔係好多人，好易有位。有食北菇滑鷄飯，潤腸滑鷄飯，薑葱漁腩飯，D飯煲得岩岩好，唔會好似有D餐廳甘太淋或者硬，D鷄好入味，好滑，漁腩就唔腥(先頭我都有D担心腥，但出奇地ok)，同時两次都有另叫咗蠔鼓粥，唔似有D甘將蠔鼓粒，係成隻落去煲，超正！

看到網頁雜誌講,聞名已久，終於試九龍城煲仔飯，由樂富港鐵站，行十多二十分鐘，柯打了陳皮魚腸飯，潮式粉腸什 。魚腸煎雞蛋，魚腸份量不少，並不全是“潤“，我們喜愛食腸多些，而飯亦見粒粒分明，沒有爛飯，但煲底沒有什麼飯焦，我們倆人喜愛的飯焦，這也是喜歡吃煲仔飯其中的原因，潮式粉腸什，豬內臟，腸，肝，肚，加上黑胡椒, 幾好味道.地方茶餐廳格局, 普普通通

周五同朋友泥到九龍城搵下有咩食..7:30PM 朋友見有煲仔飯食就入左去試..ORDER 左個鍋蛋牛肉煲仔飯, 魚香茄子豆腐煲, 忌廉..魚香茄子豆腐煲先到, 因為大家都餓了, 好快俾我地清晒...夠晒熱上檯零舍好食, 賣相同味道都OKAY..如果茄子入味D 就VERY GOOD..等了又等之後, 終於到鍋蛋牛肉煲仔飯上場!賣相好靚~~ 蛋黃同部分蛋白仲係生GEI..撈埋D飯同牛好正..牛就好軟身 (我估應該落左好多SODA粉), 有飯焦, 不過係全黑的, 所以唔敢"格硬不"...整體不過不失~~

到九龍城咬野，有很多東西可以咬！其中一樣就是煲仔飯！「添樂園」細細個已經開始咬了！咬了不小年頭！今天一條友咬野。就到「添樂園」啦！煲出來已很干身了！一般人都會放些秘制豉油在煲仔飯中！但我不愛，因不喜歡飯濕。我會張些秘制豉油放在碗中，再加上戈棘椒醬！要幾多下幾多！肉類可以點下，這樣可以使飯更容易干身，到最後可以吃飯蕉。一個飯蕉可以吃得很開心。香香飯蕉燶味！脆脆的可口得很！好彩今天女人不在，如果吾係一定同我剛爭飯蕉吃！到時都吾知點算囉！😀😀😀

我地只係好簡單食個雲吞 + 窩蛋牛煲仔飯, 點解可以噤難食雲吞皮會硬, 超勁味精窩蛋牛煲仔飯, 淋bap bap, sofa 粉牛肉入到去, 仲有陣味, 成日覺得老字號會好食可能係, 廿年前掛, 唔通9龍城只係得泰國野同越南野好味??想點??

因為住喺附近，所以都經常幫襯呢間鋪。今日諗住同friend一齊落來食lunch，點之個之前未見過嘅夥計見我哋講緊普通話態度非常之差，喂你同你老闆講嘢敢唔敢用咁嘅態度呀。本來呢間出名就得煲仔飯，lunch又冇，就揀咗套餐，上咗來又細細一份，我哋想要加一份炒西生菜，佢又諗咗好耐先話我哋知42蚊一份，都唔同佢計較，因為係放暑假前在香港最後一餐同朋友一齊食嘅lunch，之前晚市挨份芥藍仲十幾蚊一份，而家話我四廿幾一份，如果唔係我當時講緊國語你又敢唔敢先！ 真係越做越差，臘味飯因為冇臘肉又停咗。總之今次之後都唔會再去，我覺得你哋做生意誠信誠意都冇埋！真係我喺香港咁多年食過最差嘅一餐飯！

本來買個飯盒食個飯係一件平常事，而且這家餐廳一直都幫襯開，但近年不思進取下，加上廚房的食物越來越差，價錢就係咁加！一向脾氣好的我，昨晚夜了回家還沒有吃飯，過來買一個夜餐，門外貼著晚上十時後粉麵飯 $30，於是點了肉絲炒麵，怎料收銀說是 $38，跟她說門外貼著是 $30，她只大聲說我看錯，之後我請她到外面看看，她說 $38 的牌被撕了，一句不好意思或歉意的說話也沒有，只再大聲跟我說付 $38。既然這樣，我唯有要求她寫收據，以及拍下所有公開這一切！