清真牛肉館 (龍崗道) (已結業)

Today I came to this restaurant to explore the popular beef bun. We came at around two, there were a lot of people on the restaurant still. Food came really quick but the best dish you must order is the beef bun. It is very very juicy and tasty. It is a must try item that you cannot miss.

很久沒有到九龍城了，今日要到此一遊，當然要到我最愛的清真牛肉館啦！牛肉餅當然是必食之選，水準keep到啊！ 熱辣辣，小心爆漿呀！另外點了一個牛筋麵，牛筋係冷盤可以浸入熱湯食。

九龍城一向都係臥虎藏龍之地、今晚兩口子係區內行咗一大圈終於諗掂推門入內祭祭五臟廟 ；～ 牛肉餅合格、新鮮熱辣即叫即煎、入口外皮鬆脆得嚟煙煙韌韌又唔油膩、牛肉餡多汁惹味、保持一貫水準～ 糖醋桂花魚一般水準、魚身偏細所以炸過後肉身比較乾、最不恭維嘅係個芡汁、只可以用化學茄汁加生粉水來形容。。。上枱隔咗幾分鐘D芡汁涼咗就漿住晒，收 $148 真心㗕一D都唔貴、不過唔係話收得平就Hea住做、師傅俾多D心思做得好些可以嗎？～ 咖哩羊腩浄食大大碟賣 $78 蚊非常低食、雖然明知係雪藏貨、但羊肉處理得非常好、肥瘦適中有咬口、配合咖哩好惹味。要挑剔的話越食越覺得鹹同口乾。。。（師傅落咗重味精？）、問啊姐有無薄餅之類嘅嘢想嚟中和一下、啊姐介紹咗清真推介嘅葱油餅。。。一試之下其實兩樣嘢一D都唔夾、咖哩嘅濃味完全掩蓋左葱油餅嘅葱香、而且兩㨾同樣係濃味嘅食材越食越鹹。。。最後唯有。。。打包。。。～ XO 醬炒什菌用料非常足、成個碟底都係 XO 醬、相信用咗大半樽 XO 醬去炒。。。整體味道非常重同鹹。。。最後唯有。。。打包。。。～ 牛肉鍋貼合格綜合係一間食完會令你血壓急升嘅小館（因為食物實在太重口味同鹹）、真

坐低首先嗌份牛肉餅先！食既時候要專心，因為牛肉餅真係會爆汁新鮮熱辣肉好多，好滿足兩件38，可以逐個嗌，我哋就要咗三個咖喱羊腩裡面的羊肉，是新鮮而且好好肉地空口可以搭配薯仔一齊食，我哋當日唔係特別肚餓所以冇嗌白飯酸辣湯胡椒味濃，夠酸筍仲好多，鮮到一個地步最後三人行選擇用奶油津白結束呢餐248，三人份，地道正宗的清真(不允許帶其他食物，不允許喝酒，很正宗的清真)

一講牛肉餅，相信好多人都一定諗起佢。以前真係任何時間都好多人，而家好似無咁墟冚?! 個人估計係因為有段時間餐廳為咗谷食客點汽水，所以整到啲馳名咖喱辣到飛起。好彩我算食得辣，但見到人哋又點汽水又買紙巾，汗如雨下 牛肉餅係必點名物，新鮮出爐時真係超正，外皮焦脆，裡面鬆軟爆汁好似係蝦仁炒飯，有驚喜，粒粒分明，推介！呢碗嫩雞煨麵… 賣相有啲核突 (湯面嘔泡)，麵有點漿糊感…紅燒羊腩成功取代咖喱羊腩嘅地位，微辣開胃，炆煮到腍嘅羊腩肉伴住羶味肥膏，食唔停口！

其實九龍城點止泰國菜出名，清真牛肉館同樣出色，一樣值得推介。個人最喜歡佢既牛肉餅，每次食都會爆汁，勁JUICY，但要超級小心食先得，因為有Ｄ熱得制，仲唔小心辣到個咀。另外一定要食係咖哩羊腩，咖哩好香，唔會太辣，配埋陣陣羊羶，最岩送飯或點薄餅。咖哩羊腩可以散叫可以配飯叫，個人推介配飯叫。朋友最愛食呢到既賽旁蟹，先係佢賣相好完整，而且入面蟹肉超多，真材實粉。海哲雞絲就比較大條，好粗身，呢個唔算超特別，唔一定要食。

今日去咗九龍城食晚飯，第一次去咗好出名嘅清真牛肉館度。當然唔少得要點個清真牛肉包啦，店員一開始已經提醒我哋小心爆汁。於是我小心翼翼咁樣咬落去，估唔到裏面真係好多汁，一下子全部流晒落隻碗度。牛肉餡好淋，不過唔係特別有牛味。至於個包，皮唔會太厚，煎得乾身唔油，不過唔算特別香脆。食完成個包唔覺得會特別滯。非常好。然後我哋重點左個清真炒飯。我哋最初以為剩係得牛肉粒，原來上到嚟食落先知係有牛嘅內臟嘅，亦都切成粒。炒飯有啲辣，幾開胃。不過飯就唔係特別炒得乾身，可以話濕炒。總括而言，呢間餐廳味道唔錯，不過又唔算特別出眾，想食清真美食嘅朋友可以一試。

此店的名物牛肉餅，多年來都是熱店食品。而此餅亦名不虛傳，大大個但餅皮薄且煎得鬆脆，一咬爆肉汁超多。多汁到照出來都反光呢。牛肉餡顏色偏深，調得亦相當惹味，似吃著juice的漢堡牛肉咁。雞絲麻醬冷麵，有粗雞絲，少不免是雪雞肉，麻醬濃稠，味道主要靠麻醬支撐。另有青瓜絲，一起吃可減膩感。冷粗麵似上海粗麵，有咬口。很大碗的，最好兩人分來吃。咖哩牛腩飯，沒有以往咁辣，只是微辣，牛腩軟淋，很多咖喱汁，撈飯一流。

食完飯未食飽，路過去食個牛肉餅。雖然係叫外賣，但係一拎出黎就企係門口解決咗佢🤤🤤🤤拎上手超級熱辣辣，好驚爆汁，專登烏低身去就住食，但最後都逃不過被湯汁滴到滿手嘅命運。一啖咬落去，大大啖牛肉，仲有大量湯汁咇出黎，好燙口好熱，但湯汁又濃又甜令到我忍唔住繼續食。牛肉嫩口入味，唔會有筋，唔會難咬，餅皮非常薄，牛肉汁幾甜但係調味都幾多下，個人覺得皮可以煎得更香，整得更加煙韌，但係整體已經好好食👍🏻

黎到九龍城，又點可以唔幫襯一下佢ga牛肉餅兩邊煎到金黃色，所有牛肉汁通通包住係個餅入面（食個陣真係要小心D，D牛肉汁係多到會噴出黎ga😅)完全做到皮薄餡靚，可以話比你聽，食一件係唔夠ga,叫定兩件喇🙈🤤除咗招牌ga牛肉餅外，其他ga小食味道都唔錯，好似雞絲海蜇同家常豆腐（辣辣地）。雖然每次黎到都要等位等一段時間先有得食，但食完之後你就會明白點解佢成日都有甘多人等位，同埋佢係絕對值得你花時間去等🙈牛肉餅真係五🌟推介❗️❗️❗️

跑完街馬，同朋友行去九龍城食好野。清真牛肉館，記得要睇清楚邊間先係你想去嗰間。雖然我無食過另一間。食物方面，正呀喂，牛肉餅係好味既，小心爆汁，咖哩牛脷好淋，真係唔差。唯一美中不足係一定要搭枱，坐得唔係太舒服。

九龍城除左泰國野之外，仲有好多好野食嫁，其中一間就係清真牛肉館喇！我放工要山長水遠跑過嚟食！☺️搞咁多野都係為左食佢個牛肉餅飯！🥳每個牛肉餅都係熱辣辣嫁，成個牛肉餅充滿湯汁，食果陣要好小心，如果唔係好容易比d湯汁辣親嫁，不過真係超好味嫁！食完真係想即刻再再食！仲左牛肉餅之外，我覺得呢度啲咖哩都啊錯嫁，口味偏向印度式多啲，而且夠晒辣好惹味！另外呢度啲酸辣湯夠酸夠辣夠曬惹味，下次冬天嚟食一定會暖笠笠！😇

一整餐飯 ,我只不停聽到內裡員工的嘈吵聲! 想靜靜食一餐也不能,全程員工大媽的對話又大聲又嘈,嘈過不停。又落漏單,服務態度又差 , 食物只屬普通!不算是十分好吃,清真牛肉餅算是不錯! 但整餐飯要忍受員工大媽不停大叫大吵 我不會再來!

以前曾經慕名而來，但因為太多人所以買外賣，只買了牛肉餅，非常好味，皮脆，肉嫩，多汁，今次weekday, 冇咁多人，當然堂食啦，order牛肉餅同牛肉鍋貼，不用2分鐘就上菜，用匙羹切開牛肉餅，心知不妙，因為塊皮好軟身，肉汁依舊，奈何牛肉餅皮完全唔脆，要鍋貼非常一般，皮也很厚，若然想食好味的牛肉餅，可能要weekend，多人幫襯是最新鮮

這間食肆已有多年歷史，煎牛肉餅頗為出名，無人不曉。現在很少往九龍城，所以很久没有光顧。今日重臨此店，當然必叫煎牛肉餅。轉眼大大塊煎牛肉餅送上，牛肉鮮味，餅內依舊充滿大量肉汁，熱辣香口，美味依然，更增添懷舊感覺。